Festimet, që zgjatën për tri ditë, u organizuan në ambientet elegante të Villa Valguarnera-s, pranë Palermos, ku morën pjesë familjarë, miq dhe emra të njohur të botës së artit.

Mes shumë momenteve të veçanta të dasmës, vëmendje të veçantë mori edhe gjesti i komunitetit arbëresh të Sicilisë.

Sipas raportimeve, përfaqësues nga Piana degli Albanesi udhëtuan drejt vendit ku po zhvillohej ceremonia për t’i rezervuar artistes shqiptare një surprizë të veçantë.

Një grup prej dhjetë vajzash, të veshura me kostumet tradicionale karakteristike të zonës, interpretuan këngë të vjetra arbëreshe, duke sjellë në festë tinguj dhe elemente të trashëgimisë shqiptare që ruhen prej shekujsh në Sicili.

Përveç performancës muzikore, mjeshtrit artizanë të komunitetit i dhuruan çiftit një kujtim simbolik dhe me vlerë kulturore.

Bëhet fjalë për vathët tradicionalë të njohur si “Panieri”, të punuar tërësisht me dorë, të cilët përfaqësojnë një nga elementet më të njohura të artizanatit arbëresh.

Ky gjest është vlerësuar si një shprehje e lidhjes së fortë që komuniteti arbëresh vazhdon të ruajë me rrënjët shqiptare, duke nderuar figura që promovojnë emrin shqiptar në arenën ndërkombëtare.

The post FOTO/ Dua Lipa merr një dhuratë unike nga komuniteti arbëresh në dasmën e saj! appeared first on Albeu.com.

Akti është firmosur nga kryebashkiaku, Angelo Catapano.

Kështu ka bërë të ditur drejtori i Bibliotekës Ndërkombëtare lokale “A. Bellusci” , Tommaso Bellusci.

Akti administrativ është nxjerrë me rastin e prezantimit të librit Maria Markut, që u zhvillua më 30 mars të kaluar.

“Për administratën bashkiake, kjo është një ngjarje historike që përvijon një rrugë që duhet ndjekur tashmë në të gjitha komunitetet arbëreshe të Italisë.

Vazhdon aksioni ynë për mbrojtjen juridike të llojit “kolektiv” që nis nga Komunat në njohjen dhe kualifikimin e një pakice gjuhësore si të tillë.

Që nga momenti i marrjes së detyrës, veprimtarinë tonë administrative e kemi drejtuar në drejtim të mbrojtjes së traditave etno-kulturore dhe në veçanti të gjuhës, për t’ua përcjellë brezave të rinj.

Po aq vepra letrare të botuara janë botuar edhe në gjuhën arbëreshe” deklaroi kryebashkiaku Catapano.

The post Bashkia me shumicë arbëreshe në Itali lëshon certifikatën e parë të lindjes në gjuhën shqipe appeared first on Albeu.com.