arber sula Archives - Albeu.com

U vetëdorëzua për vrasjen e Jurgen Dukës, gjykata merr vendim për ish-policin

E B — Thu, 03 Mar 2022 11:39:33 +0000

Ish-efektivi i policisë në Dibër, Arbër Sula është njohur me masën e sigurisë “Arrest me burg” për vrasjen e Jurgen Dukës më 14 dhjetor të vitit të kaluar.

Gjykata e Tiranës ka lënë në burg efektivin duke dhënë ndaj tij, “arrest me burg”. Ai ka rrëfyer se nuk e njihte viktimën dhe se e ka qëlluar për shkak të panikut.

Sula u vetëdorëzua në Komisariatin Nr. 2 të Tiranës, dhe pretendon se një veprim të tillë e ndërmori pas komunikimeve të vazhdueshme me familjen ndërsa këtë të fundit, forcat e rendit e kishin kontaktuar shpesh për ta bindur Sulën të vetëdorëzohej.

Sula qëlloi mbi Dukën me armën e shërbimit, teksa ishte jashtë orarit zyrtar të punës dhe i veshur civil. Ngjarja ndodhi në një market në rrugën “Irfan Tomini” dhjetorin e kaluar, pas futjes në orarin policor të ndaluar pë qarkullim.

Gjykata e Rrethit Gjyqësor Tiranë, kishte caktuar ndaj tij masën e sigurisë “Arrest në burg” në mungesë. Ish-punonjësi i Policisë ka dorëzuar armën e shërbimit me të cilën kreu krimin, së bashku me municionin luftarak, të cilat u sekuestruan në cilësinë e provës materiale.

The post U vetëdorëzua për vrasjen e Jurgen Dukës, gjykata merr vendim për ish-policin appeared first on Albeu.com.

250 efektivë policie në hetim për vepra të ndryshme

admin — Tue, 28 Dec 2021 14:50:18 +0000

Një efektiv policie, Inspektor në komisariatin numër 1 në kryeqytet është arrestuar për dhunë në familje. 54 vjeçari u denoncua nga bashkëshortja dhe dy fëmijët, se në periudha të ndryshme, për disa vite me radhë janë dhunuar fizikisht e psikologjikisht nga kryefamiljari. Madje, në disa raste i ka kërcënuar edhe me armën e shërbimit.

E ndërsa duhet të jenë garantuesit e ligjit, shumë efektiv policie dyshohet se janë të përfshirë në veprimtari të ndryshme kriminale.

ABC mëson se se rreth 250 oficerë në të gjithë vendin janë nën hetim për vepra të ndryshme penale nga Prokuroria dhe Shërbimi për Çështjet e Brendshme dhe Ankesat.

Rreth 60 prej tyre janë nivel drejtues. Shumica akuzohen se kanë favorizuar kultivimin e kanabisit.

Dy javë më parë, agjentit i krimeve në Policinë e Dibrës, Arbër Sula, me armën e shërbimit vrau 29 vjeçarin Jurgen Duka, pas sherrit se kush do të paguante i pari në market. Efektivi vijon të jetë ende në kërkim.

Dy ditë më parë, dy efektivë në Tiranë u pezulluan nga detyra pasi u vunë nën hetim për korrupsion dhe shpërdorim detyre. Efektivi i rrugores ndryshonte përgjegjësitë e palëve në rast hetimi aksidentesh. Ndërsa kolegia e tij, informonte vjehrrën e oficerit të rrugores për aksionet policore, pasi në lokalin e 53 vjeçares në Memaliaj, ushtrohej prostitucion./abcnews.al/

The post 250 efektivë policie në hetim për vepra të ndryshme appeared first on Albeu.com.

Ky është polici i krimeve në Dibër që vrau 29-vjeçarin në Tiranë (FOTO & VIDEO)

admin — Tue, 14 Dec 2021 11:52:46 +0000

Policia ka identifikuar autorin e ngjares së rëndë ku mbeti i vdekur 29 vjeçari Jurgen Duka në një market të Tiranës.

29 vjeçari u qëllua me plumb në zemër dhe mbeti i vdekur në vend si pasojë e një konflikti që nisi për rradhën në pagesë.

Autori i ngjarjes është efektivi 27 vjeçar, Arbër Sula i cili shërben në drejtorinë e policisë Dibër.

Njoftimi i Policisë:

Tiranë/Informacion shtesë në lidhje me ngjarjen e ndodhur në një market, në rrugën “Irfan Tomini”.

Identifikohet autori i dyshuar i vrasjes së shtetasit J. D. (M).

Në vijim të veprimeve të kryera nga grupi hetimor, pas këqyrjes së pamjeve filmike dhe verifikimeve të kryera, është bërë i mundur identifikimi i autorit të dyshuar të vrasjes së shtetasit J. D. (M.), i cili është shtetasi A. S., banues në Sauk, punonjës policie në DVP Dibër.

Po nga veprimet hetimore të kryera dhe deklarimet e marra nga personat që ishin prezent në vendngjarje ka rezultuar se ngjarja ka ndodhur pas një konflikti të çastit dhe autori i dyshuar nuk ka qenë në shërbim gjatë ngjarjes.

Gjithashtu, grupi hetimor gjatë kontrollit të rrobave të shtetasit J. D. (M.), ka gjetur dhe sekuestruar një sasi prej 2.8 gramë lëndë narkotike e dyshuar kokainë, ndërsa në vendin e ngjarjes janë sekuestruar një gëzhojë pistolete dhe një DVR me pamjet filmike të ngjarjes.

Vijon puna intensive për kapjen e autorit.

Nën drejtimin e Prokurorisë, grupi hetimor në bashkëpunim me SHÇBA-në vijon punën intensive për dokumentimin e plotë të ngjarjes./albeu.com/

The post Ky është polici i krimeve në Dibër që vrau 29-vjeçarin në Tiranë (FOTO & VIDEO) appeared first on Albeu.com.