Arbër Hoxha mund të ndryshojë skuadër pak para përfundimit të merkatos verore në Europë. Sulmuesi i Shqipërisë, 27 vjeç, është nën kontratë me Dinamo Zagreb deri në verën e vitit 2029, por dita e sotme, kur mbyllet tregu i transferimeve, mund t’i sjellë një ekip të ri.

Lajmi raportohet nga “The Croate”, sipas të cilit largimi i tij do të ishte një situatë me dy anë për futbollistin shqiptar. Nuk bëhet fjalë për një vendim të kërkuar prej tij, por për një mundësi që lidhet me zgjedhjen e klubit, pas afrimeve të reja që kanë shtuar alternativat në repartin ofensiv.

Megjithatë, ende nuk ka konfirmim nëse Hoxha do të ndahet me Dinamo Zagreb. Gjithçka varet nga interesimi i klubeve të tjera dhe nga kushtet financiare që mund të ofrohen.

The post Arbër Hoxha mund të largohet nga Dinamo Zagreb në orët e fundit të merkatos appeared first on Albeu.com.