Dinamo Zagrebi po përballet me një konkurrencë të shtuar pas afrimeve të fundit, ndaj drejtuesit e klubit pritet të reduktojnë numrin e lojtarëve në dispozicion përpara mbylljes së afateve kalimtare në disa kampionate. Në listën e futbollistëve që mund të largohen ndodhet edhe reprezentuesi shqiptar, Arbër Hoxha.

Raportimet e mediave kroate bëjnë të ditur se numri i madh i lojtarëve në skuadër ka bërë që klubi të shqyrtojë disa largime nga Maksimiri në ditët e ardhshme.

Hoxha shihet si një prej kandidatëve për t’u larguar, kryesisht për shkak të rivalitetit të fortë për vendet në krahët e fushës.

Konkurrenca është bërë edhe më e madhe me praninë e Mislav Orsic, ndërsa Dinamo ka afruar gjithashtu Iker Almenas dhe Juan Nsoki. Në krahun e majtë mund të luajë edhe Luka Ivanusec, megjithëse ai iu bashkua klubit fillimisht për të mbuluar rolin e mesfushorit.

Përballë kësaj situate, reprezentuesi shqiptar mund ta ketë të vështirë të gjejë hapësira dhe të grumbullojë minuta të rëndësishme gjatë sezonit.

Sipas mediumit kroat, Dinamo mund të kërkojë një vlerë më të lartë për transferimin e Hoxhës, në krahasim me disa futbollistë të tjerë që janë pranë largimit.

Një faktor që mund të komplikojë transferimin e tij është mungesa e shtetësisë së një vendi të Bashkimit Evropian. Mediat kroate vlerësojnë se kjo mund të kufizojë numrin e klubeve që do të shfaqnin interes për të.

The post Arbër Hoxha përmendet si kandidat për largim nga Dinamo Zagrebi appeared first on Albeu.com.

Arbër Hoxha shënoi një gol të bukur me kokë për Dinamo Zagrebin në duelin e kthimit ndaj Vikingut, të vlefshëm për fazën play-off të Ligës së Kampionëve.

Ndonëse sulmuesi kosovar njihet për realizimet nga distanca dhe depërtimet me driblime, këtë herë ai e gjeti rrjetën në një mënyrë tjetër.

Pas një harkimi në zonë, Hoxha kërceu mbi të gjithë dhe goditi fuqishëm me kokë, duke i dhënë Dinamos epërsinë 1-0 në minutën e 10-të.

Më vonë, Vikingu barazoi nga pika e bardhë dhe e ndryshoi rezultatin në 1-1.

Takimi i parë ndërmjet dy skuadrave ishte mbyllur 2-2, prandaj gara për kualifikim vazhdon të mbetet e hapur.

The post Arbër Hoxha realizon me kokë në Ligën e Kampionëve, një gol larg stilit të tij të zakonshëm appeared first on Albeu.com.

Arbër Hoxha realizoi golin e tij të parë në edicionin e ri të elitës së futbollit kroat, duke kontribuar në fitoren bindëse të Dinamo Zagrebit kundër Rudesit.

Skuadra nga Zagrebi dominoi përballjen e javës së tretë të kampionatit dhe mposhti pa vështirësi mysafirët me rezultatin 4-0.

Goli i katërt i Dinamos u shënua nga Hoxha në minutën e 63-të, duke përcaktuar përfundimisht fatin e takimit.

Sulmuesi i Kombëtares së Shqipërisë luajti gjatë gjithë ndeshjes, ndërsa paraqitja e tij e vendosi mes futbollistëve që spikatën më shumë në fushë.

Ky ishte realizimi i parë i Hoxhës në kampionat për sezonin 2026/27, teksa Dinamo Zagrebi po vijon nisjen pozitive në elitën kroate.

The post Arbër Hoxha shënon golin e parë sezonal në suksesin 4-0 të Dinamo Zagrebit appeared first on Albeu.com.