BDI ka shpallur fitore edhe në Komunën e Çashkës dhe Pllasnicës.

“Edhe në tre komunat e tjera, në Gostivar pa balotazh që në raundin e parë. Që sonte kryetar i Gostivarit është zoti Valbon Limani. Në Kërçovë dhe në Strugë kandidatët tanë shkojnë në balotazh kundrejt dy kandidatëve të VMRO-së”, deklaroi Arbër Ademi, AKI.

The post BDI shpall fitore në Gostivar, Likovë, Pllasnicë dhe Çashkë, në Strugë dhe Kërçovë në balotazh appeared first on Albeu.com.

Megjithëse Ligji për Kuvendin thotë se masat kundër prishjes së rendit nga ana e deputetëve i ndërmerr kreu i Kuvendit.

“Për përgjegjësinë për prishjen e rendit në Kuvend nga ana e deputetëve dhe personave të jashtëm të cilët marrin pjesë në punën e Kuvendit, vendos dhe miraton masa kryetari i Kuvendit në konsultim paraprak me nënkryetarët dhe koordinatorët e grupeve të deputetëve”, thuhet në Ligjin për Kuvendin, Neni 43.

Qëndrimin e Xhaferit opozita e cilëson si skandaloze. VMRO-DPMNE-ja vlerëson se përgjigja e qytetarëve do të jetë më e zëshme në ditën e zgjedhjeve.

“Qytetarët do të gjykojnë në ditën e zgjedhjeve e cila duhet të vij sa më shpejtë që këto incidente të mos përsëriten nga këta të cilët janë në pushtet dhe friken nga ajo që pason në të ardhmen, përgjegjësi para qytetarëve dhe organeve. Përgjegjësi e zgjidhjes së problemeve brenda Kuvendit janë të deleguarit e qytetarëve dhe ato janë deputetët”, tha Nikolla Micevski, Koordinator i VMRO-DPMNE-së.

Ish nënkryetari i Kuvendit dhe deputeti i Lëvizjes Besa, Fadil Zendeli vlerëson se zgjidhja e situatës është përgjegjësi e Xhaferit, i cili sipas tij nuk guxon të fshihet dhe të heq barrën përmes një komunikate.

“Besoj se kryetari i Kuvendit nuk duhet të fshihet pas kamerave dhe pas asaj që duket në video incizime, por duhet t’i marr përgjegjësitë ashtu siç dëshiron të deklarohet se ai është i pari i Kuvendit. I pari i Kuvendit nuk ka vetëm privilegje por ka edhe përgjegjësi”, u shpreh Fadil Zendeli, Deputet i Lëvizjes Besa.

Aleanca për Shqiptarët vlerëson se qëndrimi i Xhaferit dëshmon se i gjithë rasti ishte inskenim. Sipas opozitës shqiptare, Xhaferi po e mbron Arbër Ademin njëjtë siç e mbrojti Trajko Veljanovskin në mandatin paraprak.

“Është e pritshme që Talat Xhaferi do ta mbrojë Arbër Ademin, ashtu siç Ademi e mbrojti Xhaferin kur dhunoi administratën e Kuvendit, ashtu siç ata dy bashkë mbrëmë i mbrojtën gjykatësit dhe prokurorët e emëruar nga pazaret e Blerim Bexhetit, Jankullovskës dhe Mijallkovit, apo siç e mbrojtën Trajko Veljanovskin dhe kriminelët e tjerë nga regjimi i kaluar dhe regjimi aktual. Kur kështu sillen para kamerave e me deputetë, lehtë mund të konstatohet se si sillen me qytetarët jashtë kamerave”, thonë nga Aleanca për Shqiptarët.

Në koordinimin urgjent tek kreu i Kuvendit nuk morën pjesë deputetë të VMRO-DPMNE-së dhe Aleancës për Shqiptarët. /Alsat.mk

The post Tensionet në Kuvend, ASH: Xhaferi e mbron Ademin njëjtë siç e mbrojti dhe Veljanovskin appeared first on Albeu.com.

Sipas tij Kovaçeski nuk ka legjitimitet sepse ai nuk ka dalë vet në zgjedhe që të kërkojë votë dhe se nuk ndjen se ka obligim ndaj qytetarëve. Por Sela theksin e kritikave e vendosi te BDI, për premtimin e kryeministrit shqiptar.

“Erdhën te qytetarët dhe kërkuan votë vetëm me një premtim dhe ky premtim ishte kryeministri i parë shqiptarë dhe ky është premtimi i cili nuk mund të pritet mandat katër vjeçar që të realizohet. Ose bëhet në momentin që mbahet seanca për krijimin e Qeverisë, ose nuk bëhet aspak. Vazhdojnë akoma çuditërisht të bëjnë debat këtu në parlament që 100 ditëshin e fundit, jo po ditën e fundit, që do të bëhet, ose do të bëhet kryeministri i parë shqiptar”, u shpreh Sela.

Replika menjëherë erdhi nga deputeti i BDI-së Arbër Ademi, i cili Selën e quajti si humbësi më i madh i zgjedhjeve.

“Zoti Sela foli për legjitimitetin, humbësi i të gjitha zgjedhjeve në seri, foli për legjitimitetin. Zoti Sela, nuk mund të mundni Ali Ahmetin. Qoftë duke qenë në PDSH, qoftë në LR PDSH, qoftë duke përdorur parti të tjera si RDK, Uniteti, Besa, Alternativa, tash serish ktheheni te BESA, nuk mund ta mundni Ali Ahmetin. Duke e pasur disponimin e qytetarëve parasysh, që në raundin e parë bëtë koalicion me VMRO-DPMNE dhe çka përjetuat, përjetuat fiasko. Nokaut klasik nga qytetarët, tkurrje spektkolare. Nga 80 mijë vota ratë në 49 mijë vota. Dhe me këto vota z. Zela nuk kërkohet Qeveri, kërkohet përgjegjësi”, tha Ademi.

Ky debat u zhvillua mbrëmë në Kuvend pak para se të votohej Qeveria e re. Ndryshe legjitimitetin e Qeverisë së re e ka kontestuar edhe VMRO-DPMNE, parti e cila kërkon zgjedhje të parakohshme parlamentare./TV 21

The post Sela i përmend BDI-së kryeministrin shqiptar, reagon Ademi: Ti je humbësi më i madh i të gjitha zgjedhjeve appeared first on Albeu.com.