Pas një aventure të rëndësishme me Egnatian, Arbenit Xhemajli ka vendosur të nisë një kapitull të ri, duke u transferuar te Selangor në kampionatin malazez.

Qendërmbrojtësi u prezantua sot te klubi i kuq. Pak orë më vonë, ai publikoi një mesazh në Instagram, përmes të cilit falënderoi ish-ekipin, presidentin Agim Demrozi, drejtorin Klejdi Zenelaj, stafin dhe të gjithë personat që kontribuuan në rrugëtimin historik të skuadrës së Rrogozhinës.

Xhemajli shprehet mirënjohës për përvojën e përjetuar te Egnatia dhe veçon edhe mbështetjen e tifozëve, ndërsa thekson se largohet me kujtime të shumta dhe me krenarinë se ka dhënë gjithçka për fanellën.

“Faleminderit Egnatia, faleminderit Rrogozhinë, faleminderit Shqipëri! Jam krenar që kam qenë pjesë e historisë së këtij klubi dhe mirënjohës për çdo moment që kemi përjetuar së bashku.

Dua të falënderoj presidentin Agim Demrozi dhe drejtorin Klejdi Zenelaj për besimin dhe mbështetjen. Falënderoj gjithashtu të gjithë stafin, trajnerët, bashkëlojtarët e mi dhe çdo person që ka kontribuar në këtë rrugëtim të mrekullueshëm. Një falënderim i veçantë shkon edhe për tifozët.

Largohem me shumë kujtime dhe me krenarinë që kam dhënë gjithçka për këtë fanellë. Ky klub do të ketë gjithmonë një vend të veçantë në zemrën time.”

The post Xhemajli i jep lamtumirën Egnatias: Ndihem krenar që isha pjesë e historisë së klubit appeared first on Albeu.com.

Arbenit Xhemajli nuk do të jetë më pjesë e Egnatias, pasi qendërmbrojtësi 28-vjeçar ka firmosur me Selangor FC në Malajzi, duke mbyllur kështu një kapitull të rëndësishëm në karrierën e tij.

Gjatë tre viteve të kaluara te skuadra rrogozhinase, Xhemajli u shndërrua në një nga figurat kryesore të ekipit dhe kontribuoi në fitimin e 3 kampionateve, 1 Kupe dhe 1 Superkupe të Shqipërisë.

Kampionët e Superiores kanë reaguar për largimin e mbrojtësit, duke i kushtuar atij një mesazh mirënjohjeje për kontributin e dhënë gjatë këtij rrugëtimi.

Klubi e ka falënderuar Xhemajlin për sakrificat, përballjet, emocionet dhe çdo paraqitje me fanellën e Egnatias, duke theksuar se ndikimi i tij nuk është kufizuar vetëm te ajo që ka bërë në fushë.

Sipas Egnatias, përkushtimi, profesionalizmi dhe karakteri i qendërmbrojtësit kanë shërbyer si shembull për të gjithë. Me të, skuadra ka ndarë sfida, fitore, trofe dhe momente që do të mbeten pjesë e historisë së klubit.

Edhe pse rrugët e tyre tashmë ndahen, Egnatia nënvizon se kontributi i Arbenit Xhemajlit do të kujtohet gjithmonë. Klubi i ka uruar shëndet, suksese dhe arritje edhe më të mëdha në etapën e re të karrierës, duke i kujtuar se Egnatia do të mbetet gjithmonë shtëpia e tij.

The post Egnatia i jep lamtumirën liderit të mbrojtjes, Arbenit Xhemajli nis aventurën në Malajzi appeared first on Albeu.com.

Egnatia sinjalizoi të hënën largimin e Arbenit Xhemajlit, pasi emri i tij nuk figuronte në listën e publikuar një ditë përpara përballjes me Shamrock Rovers në Europa League.

Mbrojtësi 28-vjeçar, i cili ishte titullar i skuadrës, u shit për 100 mijë euro drejt kampionatit malajzez, ndërsa tashmë është mësuar edhe destinacioni i tij i ardhshëm.

Sipas burimeve mediatike, Xhemajli do ta vazhdojë karrierën te Selangor, një prej klubeve historike të elitës së futbollit në Malajzi dhe skuadra me më shumë trofe, plot 61.

Gjatë periudhës me Egnatian, Xhemajli pati rol kyç në formacion dhe fitoi tri herë radhazi titullin e Superiores, dy prej tyre nën drejtimin e Edlir Tetovës dhe një me Nevil Deden.

The post Arbenit Xhemajli i zbulohet skuadra e re, Egnatia e transferon për 100 mijë euro appeared first on Albeu.com.

Egnatia është nisur drejt Dublinit, ku do të zhvillojë përballjen e parë të raundit të tretë kualifikues të UEFA Europa League kundër Shamrock Rovers. Takimi në “Tallaght Stadium” është programuar të fillojë në orën 21:00.

Në listën e bërë publike mëngjesin e kësaj të hëne mungon Arbenit Xhemajli. Mbrojtësi nuk është përfshirë me kampionët e Shqipërisë për shkak të transferimit të tij në kampionatin malazez.

Klubi i ri i 28-vjeçarit nuk është zbuluar ende, megjithëse palët e kanë mbyllur marrëveshjen. Nga ky operacion, Egnatia do të arkëtojë 100 mijë euro.

Largimi i Xhemajlit krijon një boshllëk në prapavijë, ndaj drejtuesit rrogozhinas do të rikthehen në merkato për të gjetur zëvendësuesin e tij. Ai iu bashkua Egnatias me parametra zero, pas aventurës në Zvicër me FC Vaduz, ndërsa më herët kishte luajtur edhe për Sunderland në Premier League.

Gjatë periudhës me Egnatian, mbrojtësi shtatlartë fitoi tre tituj kampion radhazi dhe u shndërrua në pikën kryesore të repartit defensiv, si nën drejtimin e ish-trajnerit Edlir Tetova, ashtu edhe me Nevil Deden.

The post Egnatia konfirmon largimin e titullarit para duelit në Europa League, kampionët e Shqipërisë arkëtojnë 100 mijë euro appeared first on Albeu.com.

Në prag të ndeshjes së sotme në mbrëmje mes Egnatias dhe NK Celjes, trajneri Nevil Dede dhe mbrojtësi Arbenit Xhemajli kanë ndarë mendimet e tyre me gazetarët.

Tekniku i kampionëve shqiptarë theksoi se skuadra ndodhet në një gjendje të mirë mendore për këtë takim. “Jam i lumtur që të gjithë lojtarët janë të gatshëm dhe kemi qetësinë e duhur psikologjike,” u shpreh Dede. Ai shtoi se përveç besimit te aftësitë individuale, arma kryesore e ekipit mbetet uniteti dhe harmonia e brendshme. Sipas tij, atmosfera familjare dhe mbështetja reciproke në momente gabimi përbëjnë një bazë të fortë për suksesin.

Nga ana tjetër, Xhemajli vuri në dukje rëndësinë e përvojës që zotëron reparti i pasmë. Ai rikujtoi thënien se mbrojtja është çelësi i titujve, ndërsa sulmi të fiton ndeshje të veçanta. Megjithatë, qendërmbrojtësi nënvizoi se edhe nga goditjet standarde, linja e prapme e Egnatias ka treguar rrezikshmëri në sfidat e fundit, duke ruajtur të paprekur eksperiencën e grupit.

The post Egnatia gati për sfidën e Champions-it, Dede: Kemi besim te grupi, Xhemajli: Mbrojtja na jep siguri appeared first on Albeu.com.