Rama në emisionin DPT te Fidani në T7 se ka thënë se ka 7 ditë që ka thirrur Vitinë në takim dhe se oferta e tij është e sinqertë.

Ish-kandidati për kryetar të Prishtinës nga radhët e Lëvizjes Vetëvendosje, Arben Vitia, nuk i është përgjigjur ende ftesës së kryetarit të ri të kryeqytetit Përparim Rama, për të marrë postin e drejtorit të Shëndetësisë.

“100% e sinqertë. E kam thënë edhe gjatë kampanjës. E thashë edhe dje. Ideja është që të krijojmë nj ekip profesioniste me njerëz profesional që mund të dërgojnë çështjet përpara. Kjo është ekip profesionale jo politike. Punët që na presin duhet të jenë të shtyra nga njerëz profesionistë”, ka thënë Rama.

Ndërsa sot Rama ka thënë se ende nuk ka marrë përgjigje nga Vitia për këtë ofertë. “Jo”, është përgjigjur shkurt Rama në Klan Kosova./albeu.com/

The post I propozoi kundërshtarit post, a i është përgjigjur Vitia ofertës së Ramës? appeared first on Albeu.com.

Rama para se t’i hynte garës për kryetar të Prishtinës, ishte i njohur për veprimtarinë e tij arkitekturale në disa vende të botës si Angli, Shtetet e Bashkuara, Zvicër, Çeki, Shqipëri dhe vende të tjera.

Përparim Rama u lind në Prishtinë më 20 janar 1976.

Në vitin 1992, në moshën 16-vjeçare u shpërngul në Britani të Madhe ku përfundoi edhe studimet për arkitekturë.

Ai ka përvojë mbi 20 vjet në projekte të ndryshme në banesa e hotele.

Në vitin 2012, në Bienalen e Arkitekturës në Venecia, Rama përfaqësoi Kosovën për herë të parë në histori me veprën e quajtur “Punuesi i filigranit”

Në maj të vitit 2021, kryetari i Lidhjes Demokratike të Kosovës, Lumir Abdixhiku prezantoi Ramën si kandidatin e kësaj partie për të parin e Prishtinës.

Përparim Rama është i martuar dhe ka tre fëmijë.

Cili është plani i Ramës për kryeqytetin?

Rama një ndër projektet kryesore të programit e ka vendosur të ashtuquajturin “Ridefinimi i qendrës së qytetit”.

Rama ka paraparë që qendrën e Prishtinës ta bëjë gjithë hapësirën brenda unazës së brendshme të qytetit.

“Kjo qendër e re do ta ndryshojë hierarkinë e lëvizjes në trafik: këmbësori do të jetë i pari, transporti publik dhe ai alternativ i dyti, kurse veturat të tretat”, thuhet në programin e Ramës.

Ai ka premtuar se asfalti do të shndërrohet në gjelbërim, në kalldrëme, e në materiale që njihen si të këmbësorëve.

Problemin e parkingut të veturave Rama ka premtuar se do ta zgjidhë njëherë e përgjithmonë.

Vend-parkingje të mëdha ka premtuar se do t’i ndërtojë në gjashtë pikat kryesore rreth unazës së brendshme të Prishtinës, ku distanca do të jetë rreth 500 metra nga secila pikë e qendrës.

Vetëm në lagjen Ulpiana ai ka premtuar ndërtimin e 430 vend-parkimeve.

Në sektorin e shëndetësisë ka premtuar kompletimin e rrjetit të Qendrave të Mjekësisë Familjare në tërë territorin e Komunës së Prishtinës, sipas standardit një Qendër e Mjekësisë Familjare për 10,000 banorë.

Siguria në trafik, e që lidhet ngushtë edhe me sigurinë e fëmijëve në rrugë, është gjithashtu një ndër prioritetet kryesore, të programit të qeverisjes katërvjeçare të Ramës.

Brenda mandatit katërvjeçar, Rama ka thënë se do të rrisin nivelin e hapësirave të gjelbra, duke e lansuar një program masiv që do të ketë për synim krijimin e 250 hektarëve të hapësira të gjelbra dhe mbjelljen e 800 mijë drunjve fidanor.

Sipas programit të Ramës, në Prishtinë mungojnë shtatë objekte shkollore të nivelit të arsimit fillor dhe të mesëm të ulët. Këto objekte, Rama ka premtuar se do të ndërtohen në lagjet Sofali, Kodrina, Qëndresa, Përroi i Njelmët, Kalabria, Kodra e Trimave dhe në lagjen Prishtina e Re – Qendër.

Po ashtu, Rama ka premtuar se do të ndërtojnë shkollën profesionale të ulët dhe të mesme të muzikës dhe baletit “Prenk Jakova”, si dhe Gjimnazin “Ahmet Gashi”.

Për problemin e qenve endacakë, Rama ka paraparë ndërtimin e një strehimoreje.

Mësim cilësor, zhvillim ekonomik, mirëqenie sociale, lirim i hapësirave publike, menaxhim dhe riciklim i mbeturinave janë po ashtu çështje të cilat Rama ka premtuar se do t’i trajtojë dhe do të punojë për përmirësimin e tyre.

“Do të jem kryetar i cili do të mbahet në mend për projekte infrastrukturore të mëdha e të guximshme, të cilat do ta zhvillojnë Prishtinën për dekadat e ardhshme”, ka thënë Rama./REL

The post Kush është Përparim Rama, arkitekti që i rrëmbeu Prishtinën Arben Vitisë appeared first on Albeu.com.

Në një dalje për mediat, Vitia ka thënë se tashmë Prishtina e ka kryetarin e ri, Pëprarim Ramën.

“Prishtina tashmë e ka një kryetar të ri, dhe ai është Përparim Rama. E falënderoj aktivistët e VV-së dhe qytetarët e Prishtinës, gjithashtu edhe zotin Ramën”, tha Vitia.

Rama ka marrë 50.89%  të votave, ndërsa Vitia 49.11%/albeu.com

The post Vitia pranon humbjen në Prishtinë: Përparim Rama është kryetari i ri appeared first on Albeu.com.

Përparim Rama i Lidhjes Demokratike të Kosovës është duke kryesuar me 51.24% të votave apo 26 mijë e 976 vota.

Nga ana tjetër, Arben Vitia i Lëvizjes Vetëvendosje ka marrë 25 mijë e 671 vota apo 48.76% të votave.

The post Numërohen gati 70% e votave në Prishtinë, kryeson LDK-ja appeared first on Albeu.com.

Ai tha se po prijnë sipas disa sondazheve, për 2 pikë para kandidatit të LDK-së, por nuk dukej shumë entuziast për fitoren.

“Sot siç jeni dëshmitarë kanë qenë një palë zgjedhje të jashtëzakonshme për shembullin e organizimit të zgjedhjeve.

“Ne jemi duke pritur rezultatin dhe sapo të kemi rezultatet përfundimtaret e KQZ-së do dalim në konferencë. Tani janë duke u numëruar votat nga komisionerët tonë”.

“Në momentin që i kemi rezultatet do të dalim me qëndrimin tonë”, tha ai.

The post Arben Vitia: Sondazhet na nxjerrin fitues, por presim rezultatin përfundimtar appeared first on Albeu.com.

Ripas rezultatit të Exit Poll-it të realizuar nga Albanian Post, të publikuar në Pressing të T7, në Prishtinë prin LDK-ja me 50,98%.

Ndërsa sipas Exit Poll-it të UBO-s, Arben Vitia prin me 50,9% ndaj Përparim Ramës me 49,1% në kryeqytet.

Edhe sipas sondazhit të Klan Kosovës, në Prishtinë ka fituar Përparim Rama me një përqindje të ngushtë duke marrë 50,95%, derisa kundërkandidati i tij nga Lëvizja Vetëvendosje, Arben Vitia ka marrë 49,05%./Express

The post Dy prej tri sondazheve të publikuara e nxjerrin fitues Përparim Ramën në Prishtinë appeared first on Albeu.com.

Bashkë me gruan e tij, Arben Vitia ka votuar në njërën prej qendrave të votimit në Prishtinë, saktësisht në shkollën “Ali Sokoli”

“Sapo shfrytëzova të drejtën e votës në shkollën Ali Sokoli.Dita e zgjedhjeve është një ditë thelbësore për demokracinë dhe për shtetin tonë, sot vendoset fati i kryeqytetit tonë, andaj është shumë e rëndësishme që secila dhe secili të marrin pjesë në këtë proces të votimit”, tha Vitia.

Tutje ai tha se bënë ftesë që masivisht të gjithë qytetarët të dalin në këto zgjedhje dhe të forcojnë demokracinë dhe të japim shembull të demokracisë ashtu sic kemi dhënë më parë.

Pak më parë të drejtën e votës e ka shfrytëzuar edhe kundërkandidati i Vitisë, kandidati i LDK-së në zgjedhjet lokale në Prishtinë, Përparim Rama.
Rama dhe Vitia kandidojnë për të parin e kryeqytetit në një mandat 4 vjeçar.

The post Vitia: Qytetarët të dalin në këto zgjedhje dhe të forcojnë demokracinë appeared first on Albeu.com.

‘’Pas fitores, koalicion jo, por hapje totale me gjitha subjektet politike për çdo projekt që është i realizueshëm dhe brenda mundësive të realizimit. Absolutisht jo, nuk është i vërtetë. Në asnjë mënyrë.’’, ishte përgjigja e Vitisë në Rubikon nëse ka plane për koalicione.

‘’Unë mendoj që me çdo subjekt që i ka projektet e mira dhe të menaxhueshme për t’i shtyer përpara interesat e qytetarëve. Për bashkëpunim s’do ketë kurrë vija të kuqe. Këtu s’ka asnjë dyshim se njësoj do të veproj edhe në të ardhmen. Me secilin subjekt politik natyrshëm do të afrohemi dhe do t’i shtyjmë përpara projektet’’, shtoi ai.

The post Arben Vitia nuk e mohon bashkëpunimin me AAK-në appeared first on Albeu.com.

Sipas të dhënave tëKomisionit Qendror të Zgjedhjeve, banorët e fshatit Marec të Prishtinës e kanë votuar më së shumti Gëzim Mehmetin e AKR-së. Ai në fshatin e lindjes së liderit të tij të partisë, Behgjet Pacolli, arriti të marrë 34 vota.

Arben Vitia në fshatin e tij të lindjes e mori një votë më pak se kundërkandidati i tij nga AKR-ja. Vitia ishte i përzgjedhuri i 33 banorëve të këtij fshati.

Në shkollën “Fan Noli”, në Marec, Përparim Rama i Lidhjes Demokratike të Kosovës i mori 28 vota, i pasuar nga Uran Ismajli i Partisë Demokratike të Kosovës me 21 vota.

Ndërsa, Daut Haradinaj i Aleancës për Ardhmërinë e Kosovës në këtë fshat mori vetëm 16 vota./Express

The post Fshati i Arben Vitisë i jep më shumë vota kandidatit të AKR-së appeared first on Albeu.com.

Arben Vitia – 239 vota

Përparim Rama – 176 vota

Uran Ismaili – 79 vota

Daut Haradinaj – 65 vota

Gëzim Mehmeti – 10 vota

Avni Çakmaku – 1 votë./albeu.com

The post E FUNDIT/ Hapen kutitë e para në Prishtinë, kush kryeson appeared first on Albeu.com.