Malaj hedh idenë e krijimit të një lëvizje të re politike përballë asaj që ai e quan ‘pushteti absolut dhe i babëzitur i rilindasve, që vetëm rilindje nuk janë’.

Në qëndrimin e tij, Malaj thekson se Spiropali duhet të sfidojë për të fituar mbështetjen e publikut, veçanërisht të elektoratit gri dhe qytetarëve të zhgënjyer, të cilët shpesh shprehin pakënaqësinë përmes mospjesëmarrjes në votime.

Sipas tij, një sfidë e tillë duhet të synojë edhe rikthimin e besimit të “socialistëve të vërtetë”.

Komenti i plotë i Arben Malajt:

Mirmëngjesi! Elisa duhet të sfidojë dhe të meritojë mbështetjen publike, të elektoratit gri dhe të të zhgënjyerve, të cilët protestojnë me mospjesëmarrje edhe në votime.

Por sidomos, Elisa duhet të fitojë shpresën dhe mbështetjen e socialistëve të vërtetë.

Kur analizojmë qëndrimin deri tani sfidues të Spiropalit, mund dhe duhet të mbajmë parasysh disa momente:

Pas vitit 2005, PS-ja nuk është më partia për të cilën shumë socialistë, përfshirë edhe mua, u inspiruan dhe u bashkuan.
Nuk është më një parti e personaliteteve inspiruese si Dritëroi, Prof. Serveti, Nano dhe shumë personalitete të tjera.

PS-ja u krijua dhe arriti të jetë partia me demokraci të brendshme, ku nxitej dhe nuk dënohej mendimi ndryshe.

PS-ja kishte një proces përzgjedhës dhe promovues për mandatet e larta në politikë, në institucionet kushtetuese dhe në forumet partiake.

Pra, në këtë rast, Rilindja është një SHPK me pronar të vetëm dhe 100% të aksioneve,

ku ndalohet dhe dënohet mendimi ndryshe dhe

ku po vërtetohet se lakmia për pasurim kriminal ka infektuar rrënjët e saj.

Atëherë edhe Elisa, Erioni dhe kushdo tjetër politikan atdhedashës,

ka të drejtë të inspirohet dhe të veprojë pa frikë, i udhëhequr edhebnga integriteti i Churchill-it kur deklaronte: “Për parimet i ndryshoj partitë, por për partitë nuk i ndryshoj parimet.”

E dyta, ka një fushatë të mirëdirigjuar për ta goditur Elisën që në hapat e para që të tërhiqet.

Unë besoj dhe inspiroj që të kemi sa më shumë zëra alternative deri edhe kundërshtues edhe brenda Rilindjes.

Aq më tepër që PS-ja është duke u tkurrur nga keqqeverisja e vendit, për shkak të korrupsionit dhe sidomos nga kapja e shtetit.

Përballë këtyre sulmeve të divizioneve digjitale shpifëse të patronazhistëve nepotikë, të sponsorizuar edhe nga krimi, për Elisën, Erionin për mua në konkurrimin si i pavarur për kryetar bashkie në Vlorë, vlen shumë shprehja e Gëtes:

“Ke humbur pasurinë?

Ke humbur pak.

Ke humbur nderin?

Ke humbur shumë.

Ke humbur guximin? Atëherë më mirë të mos kesh lindur fare!”

Elisa duhet të vlerësojë rëndësinë e momentit.

Nëse inspirohet nga modeli hungarez, duhet kujtuar se Orbán u mund duke i dalë përballë, jo nga brenda, sepse sipas Senekës: “Nuk ka skllavëri më të turpshme se ajo e vullnetshmja.”

Rilindasit nuk duan të nxitojnë ta përjashtojnë Elisën vetëm për një qëllim:

T’i lënë sa më pak kohë të organizohet për një alternativë të re politike përballë Ramës.

Momenti, qartësia, vendosmëria, aftësia inspiruese dhe sfiduese

janë kolonat ku Elisa, por jo vetëm Elisa, mund të nisë një lëvizje të re politike përballë pushtetit absolut dhe të babëzitur të rilindasve, që vetëm rilindje nuk janë.

Sepse rilindasit e vërtetë vunë veten e tyre në shërbim të Shqipërisë, ndërsa këta po e shfrytëzojnë papërgjegjshmërisht vendin përmes një pushteti absolut që korrupton në mënyrë absolute.

Një apel për socialistët rilindas që u verbuan nga pasurimi i shpejtë deri dhe kriminal, vjen nga pastori gjerman Martin Niemöller kur apelonte:

“Kur erdhën për komunistët, unë nuk fola, sepse nuk isha komunist.

Kur erdhën për socialistët, unë nuk fola, sepse nuk isha socialist.

Kur erdhën për sindikalistët, unë nuk fola, sepse nuk isha sindikalist.

Kur erdhën për hebrenjtë, unë nuk fola, sepse nuk isha hebre.

Kur erdhën për mua, nuk kishte mbetur më askush të fliste.”

Ky do te jete fati I deputeteve qe vetë shërbejnë,

jo si deputet te votuesve

por si skllevër vullnetarë te kryetarit të partisë.

Ditë të mbarë!

The post Përplasjet brenda Partisë Socialiste/ Arben Malaj: Koha për të filluar lëvizje të re politike përballë pushtetit absolut, Elisa dhe Erioni politikanë atdhedashës appeared first on Albeu.com.

Në këtë intervistë për gazetën “Panorama”, me tone të forta, Malaj ngre alarmin për një parti që, sipas tij, ka humbur identitetin demokratik, është zhytur në korrupsion dhe është kthyer në një strukturë të centralizuar, ku mendimi ndryshe nuk ekziston më.

Gjithashtu, ai vuri në shënjestër drejtimin e Edi Ramës, Malaj flet për “kapje të shtetit”, manipulim të votës dhe një klimë frike që, sipas tij, po mban në këmbë pushtetin.

Nga çështja “Balluku”, tek apatia qytetare dhe mungesa e protestave, ai flet për një panoramë të errët të realitetit politik, ndaj sipas tij, një qeveri tranzitore, por jo e partive politike mund të kthejë besimin e shqiptarëve te vota e lirë.

Paralelisht, ish-ministri paraqet kandidimin e tij si një akt mirënjohjeje dhe përgjegjësie ndaj Vlorës, duke premtuar një stil drejtimi më të hapur, më njerëzor dhe më të orientuar drejt zhvillimit të qëndrueshëm.

PS ka sfida shumë të mëdha, së pari për të kaluar nga një parti e kryetarit, në një parti të anëtarëve të saj. Pa e fituar këtë sfidë të brendshme, PS-ja do të venitet në misionin e saj si një forcë politike demokratike dhe qeveritë e saj do të jenë përherë e më të prekura nga korrupsioni dhe kapja e shtetit, siç po ndodh aktualisht.

A ka sot PS-ja hapësirë për mendim ndryshe apo dominon një model i centralizuar vendimmarrjeje?

Fatkeqësisht jo. Mendimi ndryshe dhe liria e mendimit të lirë janë shkelur rëndë që ditën e parë që Edi Rama mori drejtimin e një prej partive më demokratike në vend, duke hequr kështu edhe një model referues pozitiv dhe inspirues, për të cilin ka nevojë ambienti shoqëror dhe politik shqiptar. Vdekja klinike e mendimit të lirë dhe mendimit ndryshe u bë me ndryshimet kushtetuese në 2008, ku u vërtetua edhe vëllazëria siameze e Ramës me Berishën.

PS shkon në zgjedhjet e ardhshme lokale me një faturë të madhe mbi supe, atë të korrupsionit qeveritar. Sipas jush, sa do ta dëmtojë atë në zgjedhje?

Po, shembulli konkret është Vlora, ku pjesëmarrja në votime si për zgjedhjet parlamentare, edhe për bashkinë është e paimagjinueshme dhe e papranueshme, përveç faktit se sa shumë është rritur zhgënjimi dhe mosbesimi tek ‘Rilindja’.

Si e shpjegoni mbështetjen e vazhdueshme që PS-ja i jep Belinda Ballukut, pavarësisht se është marrë e pandehur nga SPAK dhe ka akuza të forta për afera korruptive?

Vlerësoj se edhe vetë znj.Balluku nuk duhet të pranojë të keqtrajtohet nga Rama në emër të besnikërisë. Patjetër, gëzon prezumimin e pafajësisë, por ka raste në politikë që politikanët i bëjnë një shërbim vendit duke bërë një ose dy hapa pas. Pa pranuar fajësinë pa vendim gjyqi, por duke investuar për kredibilitetin publik edhe pa mandat publik si ministre apo deputete, edhe përgjegjësi për të mos vonuar apo bllokuar perspektivën evropiane të vendit të saj.

A rrezikon kjo situatë besueshmërinë e PS-së në sytë e qytetarëve?

Patjetër. Rama fiton jo nga sukseset ekonomike, por nga sukseset e jashtëzakonshme të ndikimit abuziv dhe patronazhistëve në kërcënimin dhe vjedhjen e votave. Populli shqiptar ka një shprehje shumë domethënëse për mbretërit lakuriq: “Nuk mbulohet dot dielli me shoshë”. Diellin verbues të korrupsionit, kapjes së shtetit dhe babëzisë nuk e mbulon dot asnjë shoshë oborrtare.

Cila është zgjidhja sipas jush, sa imediat është rotacioni politik në Shqipëri?

Fillimisht duhet një qeveri tranzitore, por jo e partive politike. Kjo rikthen besimin se vota nuk do të vidhet, krijohet shpresë dhe angazhimi i kërkuar politik i shumicës së shqiptarëve dhe vlonjatëve.

Pse shqiptarët nuk ngrihen kundër qeverisë, pavarësisht abuzimit të qeveritarëve me taksat e tyre?

Këtë e qartëson një profesor i Yale University, i cili thekson se: “Kur votuesit humbasin besimin se vota e tyre sjell ndryshim, autokratët vijnë në pushtet pa tanke”. Ndaj thelbi i fushatës sime në Vlorë është të rritim pjesëmarrjen. Nuk ka qeveri, sado hajdute dhe e kriminalizuar të jetë që mund të mbytë vullnetin e qartë të disa qindra mijëra votuesve. Fitoren time e synoj në rritjen e ndërgjegjësimit të votuesve vlonjatë. Masivizimi i tyre në votime mbyt në mënyrë demokratike çdo skemë hajdute të votave.

Në këtë mjedis politik, ju keni shpallur kandidaturën për garën e kryebashkiakut të ri të Vlorës. Sa reale është ambicia juaj në këtë rast dhe çfarë ju motivon konkretisht?

E plotë, e qartë, e panegociueshme për të bërë hap pas. Mirënjohje e thellë e përditshme dhe e përhershme si edhe deri sot për Vlorën dhe vlonjatët, që më kanë inspiruar, mbështetur dhe promovuar në rrugëtimin e vështirë njerëzor, publik, akademik dhe politik.

Pse ky vendim si kandidat i pavarur, ndërkohë që angazhimi juaj politik ka qenë prej vitesh në PS?

Kur një derë u mbyll më 2013-ën, patjetër portat/horizonti i pakufizueshëm i Vlorës e lehtësojnë këtë angazhim të përkushtuar. U jam mirënjohës gjithë socialistëve, por në asnjë rast nuk do të konkurroja, për asnjë post publik, me logon e lyrosur të rilindasve të babëzitur. Kjo është një vijë e kuqe që nuk do ta shkel kurrë. Po e ripërsëris: kurrë nuk do të jem kandidat i ‘Rilindjes’ së babëzitur, të korruptuar dhe të kapur nga interesa të pista jo vetëm personale.

A keni pasur bisedime me PS që të merrnit mbështetjen e saj për ambicien tuaj?

Jo, sepse nuk është më PS-ja.

Çfarë doni të thoni se nuk është më PS-ja?

‘Rilindja’ në thelbin e saj aktual nuk ruan më asnjë vlerë të PS-së si parti demokratike e fjalës e mendimit të lirë dhe mendimit ndryshe.

Cilat kanë qenë reagimet pas deklaratës suaj për garën e Vlorës?

Shumë pozitive. Po ju them vetëm një fakt: në momentin që e bëra prezent këtë ambicie pozitive, detyruese dhe mirënjohëse ndaj Vlorës, e kanë parë këtë postim rreth 178 mijë veta. Kam mesazhe shumë inkurajuese dhe të sinqerta nga personalitete dhe të rinj të diasporës. Ndjej respekt kur kaloj rrugëve të Vlorës. Unë jam bashkërritur me Vlorën dhe vlonjatët e kjo më krijon premisë pozitive për këtë konkurrim.

Çfarë keni konkretizuar deri tani lidhur me garën për Vlorën?

Nuk dua kurrë t’i lodh vlonjatët me një vit fushatë para nisjes së saj zyrtare, siç bën Rama. Fushata ime do të jetë derë më derë, mirënjohëse, pozitive, paqësuese dhe bashkëpunuese. Larg sulmeve dhe akuzave shpifëse. Fushata zyrtare do të jetë vetëm brenda afatit njëmujor që përcakton Kodi Zgjedhor, por puna ime për të njohur problematikën, zgjidhjet për problemet e pazgjidhura prej dekadash ka filluar. Një grup ekspertësh, pa asnjë preferencë specifike politike, kanë filluar të angazhohen për prioritetet dhe sfidat konkrete të Vlorës.

Cilat janë avantazhet tuaja në këtë garë?

E para, është dhënia fund modelit të arrogancës së qeverisjes. E dyta, një model zhvillimi jo duke betonizuar Vlorën, por me vizionin afatgjatë të ‘Vlora2’, duke e mbajtur edhe të gjelbëruar Vlorën aktuale dhe jo kulla në çdo cep të saj. Duhet të orientohemi drejtë te modeli ‘Milano1’ dhe ‘Milano2’. E treta, dhe më thelbësore, do t’i shërbej Vlorës me integritet të lartë dhe të patregtueshëm. Këtë të fundit e vërteton me një fakt. Edhe se unë kisha një familje të madhe me nëntë fëmijë, edhe pse kam mbajtur pozicione të larta politike dhe qeverisëse, asnjë prej vëllezërve dhe motrave të mia, ndryshe nga kolegët e babëzitur, nuk ka përfituar asnjë qindarkë fonde nga buxheti i shtetit. Me të njëjtin integritet do të konkurroj dhe do t’i shërbej Vlorës. Do të konkurroj dhe do të përfundoj çdo mandat publik dhe politik duke jetuar në të njëjtën shtëpi modeste në Vlorë.

Çfarë mungon sot në drejtimin e Bashkisë së Vlorës?

Rama i ka keqtrajtuar të zgjedhurit e popullit të Vlorës duke i nënvleftësuar dhe deri duke i poshtëruar edhe publikisht. Rama e ka reduktuar funksionin e kryetarëve të bashkive deri në nivelin e drejtorëve të ndërmarrjeve komunale të paraviteve ‘90. Administrata publike e bashkisë keqtrajtohet, sikur detyrimi i saj të jetë vetëm të bëhen patronazhistë sybesnikë të palodhur për vjedhje të votave. Shumë prej tyre përzgjidhen nga sistemi i “patronazhistëve” pa minimumin e ndjesisë dhe përgjegjësisë ndaj Vlorës. Mos harroni shkarkimin me urdhër të Ramës të 24 administratorëve të bashkisë.

Cili do të jenë vizioni juaj për Vlorën?

Premtoj dhe garantoj se do të zhduk modelin makiavelist të drejtimit të Vlorës në bashki, institucione, agjenci dhe ndërmarrje publike. Rama qeveris me filozofinë makiveliste: “Më mirë të më kenë frikë sesa të më duan”. Në çdo angazhim timin publik, akademik dhe politik, mbi 40 vite udhëhiqem gjithnjë nga filozofia: “Më mirë të më duan sesa të më kenë frikë”.

Do ta reduktoj ndjeshëm arrogancën e frikës në çdo aspekt që shfaqet. (i) Tatimet, taksat dhe çdo institucion tjetër në varësi të bashkisë nuk do të paraqitet më për asnjë kontroll fizik në asnjë biznes. Analiza kundër informalitetit dhe mospagimit të taksave do të bëhet me analizë risku nga zyra. Edhe ballafaqimi do të bëhet në zyrat e taksave dhe bashkisë. (ii) Policia Bashkiake nuk do të ketë më makina dhe qëndrime fodulle nga xhamat e makinave, por do të operojë me këmbë ose biçikleta, duke i dhënë respekt maksimal çdo vlonjati dhe çdo turisti. (iii) Asnjë kontroll i zhurmshëm nëpër restorante dhe hotele gjatë sezonit ku tremben klientët, ky do të jetë një kujtim i hidhur nga e kaluara. (iv) Ndërmarrjet e bashkisë me humbje do të ristrukturohen rrënjësisht, duke vlerësuar çdo specialist dhe punëtor, por duke bërë ndërhyrjet e nevojshme që këto ndërmarrje të mos grabisin asnjë qindarkë të tatimpaguesve. (v) Praktika e turpshme e heqjes së aksesit në ujë apo bllokimi i ashensorëve në fillim të sezonit do të ndalohet menjëherë. Çdo vlonjat vendas dhe i ardhur, çdo turist vendas apo i huaj nuk do të përballet më me këtë arrogancë imponuese, prerjen e ujit dhe bllokimin e ashensorëve.

Administratorët, nëse tolerojnë këto dy shkelje të dinjitetit njerëzor, rrezikojnë të humbasin vendin e punës. (v) Patronazhistët e ndërmarrjeve publike, duke filluar nga ujësjellësi, të rritur ndjeshëm në numër vetëm për të imponuar apo vjedhur votat, do të përballen me ligjin dhe shkeljen e Kodit të Etikës së çdo punonjësi të bashkisë dhe ndërmarrjeve publike e institucioneve të saj. Çdo projekt, përfshi këtu edhe Sazanin, i cili në qoftë se ka marrë të gjitha lejet sipas legjislacionit shqiptar për të investuar në Vlorë, nuk mund të pengohet. Kjo, sepse kostot janë shumë të rënda për tatimpaguesit shqiptarë. Çdo projekt i miratuar do të ndihmohet edhe nga Bashkia Vlorë, që të bëhen sa më parë funksionalë, të krijojnë vende pune dhe të ardhura. Mos harroni, rasti i pallatit “Basha”: i hedhur në erë me dinamit po u kushton shqiptareve 15 milionë euro, ndërsa rasti “Bechetti” rreth 150 milionë euro.

Njëherësh me ju, edhe Erion Braçe ka shprehur ambicien për Bashkinë e Tiranës. Si e shihni mundësinë e tij…?

Personalisht e kam mbështetur historikisht lirinë e mendimit të lirë, lirinë e mendimit ndryshe dhe sidomos angazhimin e tyre në sfidat e PS-së, të cenuara rëndë nga modeli i babëzisë së ‘Rilindjes’. Erionin e kam mbështetur publikisht kur kandidoi dhe fitoi ndjeshëm në zgjedhjet parlamentare. Erioni i ka lënë të hapura mundësitë të jetë kandidat në emër të PS-së, por ka theksuar se nëse PS nuk e kandidon, ai do të konkurrojë edhe i pavarur. Mundësitë apo pamundësitë për këtë ambicie mund t’i qartësojë vetëm Erioni, sikurse po bëj unë sot, duke rikonfirmuar se do të kandidoj si kandidati i pavarur në Vlorë.

A është ai një kandidat që bashkon apo përçan brenda PS?

Çdo garë që ka qëllime pozitive, asnjëherë nuk përçan, përveç tremb një pjesë të lidershipit të PS-së, që mund të bëjnë gjithçka për ta penguar.

Kush mendoni se ka më shumë gjasa të jetë kandidati zyrtar i PS-së për Tiranën?

Ndjesë, nuk mund të bëj analiza të brendshme kur kam shumë vite që jam më shumë se shumë larg nga prapaskenat dhe poshtërsitë e brendshme të një pjese të lidershipit të ‘Rilindjes’.

The post Ish-ministri Arben Malaj sulmon Ramën: PS po shkon drejt fundit, po e gërryen korrupsioni, qeveri tranzitore appeared first on Albeu.com.

Partisë Socialiste.

Malaj shkruan se; “Rama tenton të imponojë rregulla autoritare dhe disiplinë të ngja

shme me një repart ushtarak, duke përjashtuar dhe kërcënuar ata që nuk i nënshtrohen”.

Ish-ministri kujtoi përplasjen e tij personale me kryeministrin, ku u shpreh publikisht: “PS-ja nuk mund të jetë repart ushtarak”, duke u përballur me kërcënimet e Ramës për ta larguar nga mbledhja.

Gjithashtu, ai theksoi se, që nga ajo përplasje, Rama nuk ka kërkuar më të nxjerrë nga mbledhjet, por sipas Malajt, stil autoritar dhe hakmarrës përdoret shpesh ndaj kundërshtarëve të tij politikë brenda partisë.

Malaj paralajmëron se ata që nuk i nënshtrohen Ramës trajtohen si armiq dhe shprehu shqetësimin e tij për nivelin e ulët të demokracisë së brendshme në PS.

Ai përfundoi mesazhin e tij me thirrjen: “Zgjohuni përpara se të jetë vonë”.

The post Ish-ministri socialist shpërthen keq ndaj Ramës pas debateve në mbledhjen e grupit parlamentar të PS: Zgjohuni sa nuk është vonë… appeared first on Albeu.com.

Malaj theksoi se SPAK-u, e ka vënë Ramën në një pozicion të vështirë, duke u shprehur se fitimi i zgjedhjeve nuk është problemi kryesor, por pasojat që do të vijnë prej tyre.

Ai gjithashtu, theksoi se rotacionet politike shpesh ndodhin kur ndodhin përçarje brenda partisë në pushtet dhe se, pavarësisht sfidave, PS ka mundësi të mbajë një pozicion të fortë falë administratës dhe bashkive që kontrollon.

Arben Malaj: SPAK-u e ka vënë në pozicion jo të lehtë Ramën. Nuk është problemi se a do fitojë apo jo, por çfarë do të prodhojë. Mua më dhemb në shpirt kur shikoj që harxhon para të mëdha për kopshtin e tij Eden. Rama e ndjen perceptimin publik. Rama ka kënaqësinë e tepërt sikur gjithçka vjen nga ai.

Unë s’jam për ide fikse, që mënjanoheshkan të vjetrit. Nuk do jenë zgjedhje të lehta. PS ka potencialin se ka administratën, ka bashkitë. Përgjithësisht, rotacionet ndodhin kur përçahet partia në pushtet. Sido të shkojë, PS besoj se ka aleatë. Sa i përket rrugëtimit tonë si vend, BE është destinacioni ynë i vetëm.

The post Malaj: SPAK e ka vënë në pozicion të vështirë Ramën, më mirë një xhaketë e vjetër, se një shishe verë 30 mijë euro (VIDEO) appeared first on Albeu.com.

“Efektet toksike të Kurumit “kanë bërë pis” politiken shqiptare shumë më heret se kjo ngjarje dhe rrezikon te vazhdojne gjate” shkruan Malaj, duke kujtuar se qeveria e Sali Berishës i shiti Kurum dy nga hidrocentralet efektive ne vendin tone, ‘Bistrica 1 dhe Bistrica 2 në në vlerën e 52 milionë eurove.

Shitja e këtyre dy hidrocentraleve tepër produktive u bë pikërisht në janar 2013.

Malaj ngre dhe disa pyetje ndër të cilat përse skema të kam borxh/tvsh të papaguar dhe po të shes pasuri kombëtare për të shlyer borxhin – u aplikua vetem për KURUM, duke i shitur dy HC/ kompani publike – fitim prurese?

“Kujtoni kur qeveria e PD-se i shiti Kurum dy nga hidocentralet fitim prures ne vendin tone. Dy HC ishin ne kondicionet teknike me productive. Kjo shitje e pasurive publike fitim prurese nuk mund te behej pa korrupsion politik apo deri kapje shteti”

Novacioni financiar se i kemi borxhe nga mos rimbursimi i TVSH prandaj ju shesim dy HC, eshte nje praktike korruptive e pa degjuar ne historine ekonomike te ndonje vendi. Keto dy HC mund te ishin nje garanci e madhe energjitike per Saranden dhe jugun e vendit. Dy Hec rezultonin me fitim dhe s’kishte asnje argument perse duheshin shitur.  Kjo shitje e pasurive publike fitim prurese nuk mund te behej pa korrupsion politik apo deri kapje shteti”
Lista e pagesave te pa paguara nga buxheti perfshinte shume kompani shqiptare dhe te huaja.
Perse nuk u aplikua si nje skeme e zbutjes se borxheve edhe per kompani te tjera shqiptare dhe te huaja??
Perse skema “novatore” se te kam borxh/tvsh te papaguar dhe po te shes pasuri kombetare per te te shlyer borxhin – u aplikua vetem per KURIM, duke I shitur dy HC/ kompani publike – fitim prurese??
Efektet toksike te Kurimit nuk mund te ndalen te “”helmojne politiken shqiptare pa i pastruar rrenjet qe jane me te vjetra e ato tek mbetjet tokike minerale’ shkruan Malaj

Si iu shitën dy Hidrocentralet KURUM-it

Më 9 janar 2013 qeveria në atë kohë e drejtuar nga Sali Berisha mori vendim për shitjen e katër hidrocentraleve kompanisë Kurum International edhe pse ekspertët në atë kohë e kritikuan ashpër shitjen e katër hidrocentraleve rentabël me çmime të ulëta.

Procesi i shitjes se“HEC Bistrica 1 dhe 2” nisi mbështetur në vendimet nr. 152 dhe 153, te Keshillit te Ministrave të datës 29.02.2012. Kontrata e blerjes u permbyll me 21 maj 2013 dhe marrëveshja për blerjen e 100% të aksioneve të këtyre shoqërive u lidh midis Ministrise se Ekonomise, Tregtise dhe Energjetikes, ne cilesine e pronarit dhe shoqërise “Kurum International”, ne cilesine  e fituesit te tenderit.

Hidrocentralet Bistrica 1 dhe Bistrica 2 u shitën për 52 milion euro. Ndërsa Ulza e Shkopeti u shitën për 57.5 milion euro.

Te dy hidocentralet Bistrica 1 dhe Bistrica 2 ishin rehabilituar plotësisht në kuadër te projektit “Furnizimi me energji i Shqiperise se Jugut BiSaBu” qe nisi 24 qershor 1999 dhe që kishte përfunduar me 31 dhjetor 2011

Vlera totale e projektit “Furnizimi me energji i Shqiperise se Jugut BiSaBu”” financuar nga banka gjermane KfË- Bankengruppe ishte rreth 33,2 milione Euro. Nga ky financim 21 milione Euro ishin përdorur per rehabilitimin e plote të HEC Bistrica 1 dhe 2, ndërsa diferenca për investime të tjera ne sektorin energjetik. Periudha e shlyerjes së huasë 33 milione Euro sipas skedulit të pageses ka nisur 31 Korrik 2007 dhe përfundon me 30 Dhjetor 2044.

Më 4 mars 2013 Kuvendi miratoi shitjen e 4 Hidrocentraleve me 73 vota pro të mazhorancës, (atëherë qeveria e PD dhe LSI e Ilir Metës),  61 kundër të opozitës (atëherë Partia Socialiste). Ndërkohë në prill 2023, avokati  Idajet Beqiri paditi në SPAK  Sali Berishën, Ilir Metën dhe grupi i tyre, pasi kanë shitur pasurinë publike, kanë ndarë më pas interesat, pasi kompania private ka fituar rreth 10 milionë euro çdo vit, pa kryer asnjë investim.

Përmes shitjes së këtyre 4 hidrocentraleve, u pakësoi shqiptarëve dhe buxhetit të shtetit  10 milion dollarë të ardhura për çdo vit. Nga viti 2013 dhe deri më sot buxhetit të shtetit dhe taksapagueseve shqiptarë u janë vjedhur 100 milion dollarë…. Ish Kryeministri Sali Berisha, ish ministri Ilir Meta, ish ministri Edmond Haxhinasto, ish ministri Ridvan Bode, ish zëvendësministri Sokol Dervishaj, si dhe ish Drejtorit të KESH Engjëll Zeqo, në bashkëpunim me disa ekspertë të tyre, përgatitën aferën korruptive duke ndryshuar fillimisht vendimet e Këshillit të Ministrave, si dhe duke nëpërkëmbur dhe anashkaluar Ligjin nr. 8306, datë 14.3.1998 “Për strategjinë e privatizimit të sektorëve me rëndësi të veçantë”. Këta të kallëzuar i shitën katër HEC-et, me 132. 2 milion euro më pak”, thuhet në kallëzim që Shqiptarja.com siguroi dhe bëri publike në prill 2023.

The post Skandali me mbetjet toksike, ish-ministri: KURUM bëri edhe më herët pis politikën, Qeveria Berisha i shiti 2 HEC-e! Ish kryeministri e Meta të paditur në SPAK appeared first on Albeu.com.

Malaj ka shpërthyer sot përmes një postimi në rrjetet sociale ndaj Ahmetajt, detyrë e cila iu dorëzua dje nga Damian Gjiknuri.

Emërimin e Ahmetajt në Vlorë, Malaj e shikon si një lajm të keq ku sqaron edhe arsyet, tw cilat sipas tij janw mjaft bindwse pwr tw mos e pranuar kwtw figurw si drejtues politik i PS-sw nw Vlorw.

Lajm i keq jo vetëm për vlonjatët – I babezituri deklaron në Vlorë se nuk ka dalë në pension sepse ka shumë gjëra që nuk i ka plotësuar akom. Kjo deklaratë “burrërore” duhet të merret shumë seriozisht, jo si ajo që Becchetti nuk do të marrë asnjë qindarkë. Becchetti në fakt po merr kokër më kokër 130 milionë euro nga shqiptarët për shkak të qeverisjes arrogante, të babezitur dhe të kapur të Ahmetaj & CO.

Përse ballafaqimi publik jo me individët por me përfaqësuesit me tipik të keq qeverisje të vendit është një detyrim ndaj Vlorës dhe shqiptarëve dhe perse mos nxjerrja në pension I disa te babeziturve që fshihen pas PS-së si Ahmetaj & CO, është varfëronjëse dhe e rrezikshme jo vetëm për Vlorën:

Te babëziturit nuk dalin vet në pension sepse punojnë çdo sekondë për të vjedhur sa më shumë.

Babëzia nuk ka kufi se sa duhet të fitojnë dhe këta e kanë vetë-deklaruar se do ti i nxjerrin paratë edhe nga dheu;

Të babëziturit konsiderojnë punën vetëm punë/post qeveritarë që ju krijon mundesi të vjedhin si të pa-ngopur;

Të babëziturit sidomos kur marrin pushtet politike bëjnë biznes oligarkik sic janë edhe projektet e pritshme ne Vlore ndërsa oligarkët bëjnë politikë duke mbêshtetur të babëziturit e korruptuar dhe te kapur sic theksohet e zeza mbi te bardhe ne te gjitha raportet ndërkombëtare per qeverite R1&R2;

Hajdutët kanë një fund të sigurt – thjesht tani që ata janë gjithnjë e më shumë të frikësuar nga reforma ligjore që synohet të fillojë me mbarimin e kulturës së mos ndëshkimit stërmundohen si ta fshehin panikun duke  mos shfaqur të panikuar ne publik;

Të babëziturit janë edhe individë pa individualitet sepse i shpërfytëron servikuxmi dhe pa-ngopësia. Ata recitojnë gërmë për gërmë cdo mesazh të udheqesve suprem, sic po ndodh me refrenin e “mandatit të katërt”;

I babezituri u detyrua dhe pranoi të shkonte në Vlorë me përkushtim vetë-mohuese për t’i shërbyer oligarkisë, jo Vlorës apo Shqipërisë.

Ballafaqimi me të keqen, ndalimi i përhapjes së babëzisë bga kapha e shtetit dhe nxjerrja në pension edhe me vendim gjykate  i të babëziturve dhe  sa më shpejt të jetë e mundur – duhet të jetë misioni dhe detyra ligjore për SPAK dhe thelbi i motivimit  të rizgjimit popullor dhe paqësor kundër tyre.

Ditë të mbarë!

Arbeni/albeu.com

The post Arben Malaj shpërthen ndaj krahut të djathtë të Ramës: Babëzia s’ka kufi, SPAK të veprojë shpejt ndaj hajdutit appeared first on Albeu.com.

Sipas Malajt,  Rama zhgënjimin ndaj vlonjatëve për 25 prillin, po e nxjerr me Dritan Lelin dhe në mandatin e tretë inatin do e nxjerrë me njerëzit.

“Kjo gjuhë denigruese ndaj vlonjatëve tregon edhe hipokrizinë e ‘gjuhës përulëse’ dhe ftesave ‘pa asnjë vijë të kuqe’ ndaj opozitës, ndoshta thjeshtë për të përfituar kohë dhe jo për të ndarë pushtet për të bërë shtet ligjorë dhe për të mos vet-penguar çeljen e negociatave me BE-në. Prandaj analistë vendas dhe të huaj i ‘tremben’ shumë keq përdorimit të mandatit të tretë thjeshtë për të nxjerrë inatet e vogla personale” – shkruan Malaj.

Postimi në facbook:

Ky reagim është një detyrim mirënjohës ndaj vlonjatëve, por edhe ndaj prindërve dhe vëllait të ndjerë të Lelit! Gjuha denigruese e Ramës ndoshta vjen së pari nga mos nënshtrimi i Lelit për të dhënë dorëheqjen si kryetar i bashkisë, por vjen sidomos nga pjesëmarrja e vogël e vlonjatëve në votime, në krahasim me çdo qark tjetër.

Në këto projekte bashkitë anashkalohen dhe nuk kanë asnjë fuqi reale për të: (1) bërë studime fisibiliteti; (2) përzgjedhur kompanitë fituese; (3) ndjekur punimet dhe (4) për ti marr ato në dorëzim.

Bashkitë kudo në Shqipëri kanë shumë pak apo aspak fuqi reale për ta përshpejtuar apo vonuar një projekt.

Çdo gjë vendoset nga lartë, sipas sistemit të përzgjedhur me kujdes për të anashkaluar bashkitë, jo vetëm aty ku opozita ka bashkitë, por kudo ku ka tendera dhe para publike.

Shikoni kompanitë zbatuese të këtyre projekteve në Vlorë dhe kuptohet lehtë pushteti absolut nga lartë në çdo fazë të investimeve publike dhe në çdo bashki të vendit.

Për gjuhën denigruese dhe përçmuese të tij ndaj Bashkisë së Vlorës, edhe populli i Lumit të Vlorës thotë se: ‘Po i bie dritares që të dëgjoj dera’.

Zhgënjimin ndaj vlonjatëve për 25 Prillin ja nxjerr Lelit, i cili ka kohë që pengohet të jetë edhe kryetari ‘de facto’ i bashkisë Vlorë, të cilat modeli rilindas i ka bërë ‘dalje’ nga çdo projekt zhvillimi.

Kjo gjuhë denigruese ndaj vlonjatëve tregon edhe hipokrizinë e ‘gjuhës përulëse’ dhe ftesave ‘pa asnjë vijë të kuqe’ ndaj opozitës, ndoshta thjeshtë për të përfituar kohë dhe jo për të ndarë pushtet për të bërë shtet ligjorë dhe për të mos vet-penguar çeljen e negociatave me BE-në .

Prandaj analistë vendas dhe të huaj i ‘tremben’ shumë keq përdorimit të mandatit të tretë thjeshtë për të nxjerrë inatet e vogla personale.

Është hera e dytë që sillet hakmarrës ndaj kryetarëve të Bashkisë së Vlorës.

Ai duhet të kuptoi se populli shqiptarë e ka të qartë se zhvillimi me rritje punësimi dhe rritje e të ardhurave, nuk vjen thjeshtë nga Investimet në infrastrukturë dhe aq me pak kur kufizohen dhe dëmtohen të drejtat njerëzore dhe liritë ekonomike e politike.
Njerëzit varfërohen apo pasurohen nga modeli qeverisës dhe impakti konkret i modelit të lidërve në jetën dhe hallet e tyre të përditshme.
Të njëjtin mesazh i dhanë Berishës në 2013 për projektet e mëdha të rrugëve, populli i Kukësit dhe Elbasanit.
Të njëjtin mesazh të drejtpërdrejtë i dha Ramës populli i Vlorës, Kukësit Dibrës, Malësisë së Madhe dhe Tropojës.
Vlora ka 12 deputetë që pavarësisht partive politike me shumë se besnikëria ndaj PS apo PD, duhet ti bashkoj detyrimi moral, përgjegjësia përfaqësuese dhe besnikëria ndaj vlonjatëve, duke reaguar kundër këtij mentaliteti dhe gjuhe denigruese dhe përçmuese ndaj bashkisë së Vlorës.
Aq i madh qenka ky zhgënjim ndaj vlonjatëve sa edhe gjatë ditës së pashkëve kryedeputeti i tyre përdor gjuhë denigruese dhe përçmuese.
Mirënjohje popullit krenar dhe fisnik të qarkut të Vlorës!

The post “Zhgënjimin ndaj vlonjatëve po ia nxjerr Lelit”, Arben Malaj: Në mandatin e 3-të Rama do e nxjerrë inatin me popullin appeared first on Albeu.com.

Në lidhje me koston që i faturohet qeverisë pas këtij vendimi në favor të biznesmenit Beghetti ish-ministri i Financave Arben Malaj tha në një lidhje Skype se duhet të dalë urgjentisht përgjegjësia individuale dhe të arresohet.

Siç u shpreh Malaj kostoja është edhe më e madhe pasi Shqipëria do të paguaj edhe shpenzimet e gjyqit duke qenë se ka kërkuar asistencë juridike.

Duke risjellë në vëmendje penalizimet dhe madje edhe dënimet e disa qytetarëve me burg për shkak se nuk kishin paguar faturat e dritave apo ujit, Malaj theksoi se lidhur me rastin “Beghetti” duhet të ketë përgjegjësi personale ligjore.

Malaj, janë 110 milionë euro që bashkë me kostot e tjera do t’i kushtojnë taksapaguesve shqiptarë 14,5 milardë lekë. Por ndërkohë kemi dhe reagimin e ministrit Ahmetaj që ka thënë se Beghetti nuk do të marrë kokërr leku. Si mendoni se do të vijojë kjo ‘betejë’?

Malaj: Tashmë vendimi është marrë. Nuk preferoj të komentoj kolegët, por kjo është papërgjegjshmëri. Kostoja është e madhe. Shqipëria ka kërkuar asistencë juridike dhe do të paguaj edhe shpenzimet e gjyqit. Në këto 8 vite ka shumë momente kur ka dominuar arroganca. Ky është përfaqësim i keqqeverisjes. Ka vend deri edhe për përgjegjësi personale ligjore.

Shqiptarët që nuk kishin paguar drita apo ujë u penalizuan dhe shkuan deri në arrestime dhe pati persona që u vetëvranë për këtë arsye. Nëse ka një kulturë dënimi të qytetarëve të thjeshtë, pse jo ndaj ligjvënësve. Çështjet individuale ti ndjekë gjykata. E vetmja gjë që duhet theksuar është se gjoba të tilla gërryejnë rritjen e varfërisë. Duhet urgjentisht që përgjegjësia individuale të dalë dhe të arrestohet, nuk mund të fshihet.

Po ti shohim këto kosto, janë mbi 1.5 herë se buxheti që është dhënë për disa sektorë, p.sh për bujqësinë i cili ka marrë shumë pak mbështetje.

Malaj: Bujqësia vazhdon të mbështetet vetëm me 57 qindarka. Bujqësia në zinxhirin e saj prodhim grumbullin, ka agroturizëm, agrobiznes dhe jo vetëm që nuk ka mbështetje e rritje, por është përballur edhe me fatkeqësi natyrore. Sektori i bujqësisë në atë lloj krize nuk mund të zhvillohet pa rritur mbështetjen financiare.

Malaj janë shumë çështje që shumë kompani, si Beghetti, Firma greke e Rrugës Tiranë -Elbasan, por edhe kompania turke për ndërtimin e HEC-it të Kalivacit e Poçemit e kanë çuar çështjen në ARBITRAZH. Por, kjo do të thotë një kosto e madhe për qeverinë shqiptare në kushtet kur borxhi publik ka arritur nivelin më të lartë.

Malaj: Unë jam munduar që njohuritë e mia të mos i mbaj për vete por t’i ndaj me publikun. Fakti që u tolerua rritja e borxhit, nuk u tolerua për partnerët publikë, por për të asistuar shtresat në nevojë dhe për t’i dhënë mbështetje biznesit.

Rritja e investimeve qoftë nëpërmjet koncesioneve sipas studimeve të FMN është verifikuar dhe tregojnë që kemi përkeqësim të menaxhimit të financave publike. Është arritur në përfundim që humbjet janë 33%. 660 milionë euro janë para që janë keqpërdorur. Në kushtet e fatkeqësive njerëzit shpenzojnë për të shpëtuar jetë, por ata që vjedhin nuk e harrojnë zakonin. /MCN

The post 110 milion euro Becchettit, Malaj: Shqipëria paguan edhe gjyqin, Rama të arrestohet! appeared first on Albeu.com.

Gjatë një interviste për “Frontline” në News 24, Malaj rrëfeu pendesat e Finos, çdo i mungojë Partisë Socialiste pas vdekjes së tij, por edhe për dëshirën e të ndjerit për të qenë President i Republikës së Shqipërisë.

A kishte ndonjë pendesë zoti Fino?

Arben Malaj: Ne kemi vazhduar gjatë në karrierën tonë politike. Fino nuk ishte një njeri që bëhej pishman për ndonjë vendim a veprim që bënte. Ai që bëri me shpirt bashkë me ekipin, mbeti si diçka pozitive në sytë e shqiptarëve. Pra në sytë e shqiptarëve, Bashkimi ishte një njeri i qeshur, i ri, që me komunikimin në fytyrë prodhonte shpresë për shqiptarët.

Edhe zhvillimet më pas, në 2001-in Fino ka qenë i ashpër edhe me ish-kryesocialistin Fatos Nano. Ishte peng i tij që nuk u zgjodh asnjëherë president?

Arben Malaj: Ka qenë një dëshirë, sepse ka pasur më vonë konkurrime brenda PS. Ajo ka qenë një ditë më e pakënaqshme edhe për mua. Unë vetë në debatet që janë bërë brenda PS, jam udhëhequr nga parimi që një shok që të ka ndihmuar në momente të vështira duhet ta ruash, sepse Partia Socialiste ka qenë dinamike, me debat të brendshëm. Fino është bërë më vonë pjesë e lëvizjeve politike të Nanos.

Mosha, Kushtetuta, për të qenë 40 vite për të kandiduar, a ka pasur dëshirë nga Fino që të ishte president?

Arben Malaj: Unë mund të them me çiltërsi që ne kemi diskutuar herë pas here, që nuk duhet të bëjmë një president të ri. Pra, ka qenë mendjehapur Fino, bashkëpunues. Më shumë se iku Fino me një dëshirë të pa zhvilluar, unë mendoj se duhet të kenë brenda partisë ndjenjën e lidershipit. Fino do të ishte një kandidat shumë i mirë si President i Shqipërisë, ne duhet të mësojmë, të kemi një lidership që vjen përmes betejave dhe të kemi një individ që e qeveris mirë këtë vend.

Si e keni parë rolin e Nanos në raport me Finon, por edhe të Ramës në raport me të?

Arben Malaj: Me Nanon ishte në mënyrën e tij e të bërit politikë. Është e vërtetë që Nano dhe Fino kishin probleme me njëri-tjetrin, por qeverisën 8 vite. Në vitin 2005 kishte mundësi shumë të mëdha të merrej një mandat i tretë. Unë sot kam ardhur t’i shpreh mirënjohjen e plotë vëllait tim.

Nderimet majtas dhe djathtas, a ishte vërtetë Fino bashkimi i të gjithëve?

Arben Malaj: Po të shohim qeverisjen e zezë të asaj kohe të shqiptarëve, mënyra se si Fino e menaxhoi dhe raportet me presidentin Berisha. Ky i fundit i kërkoi Finos shkarkimin tim nga Ministri i Financave. Ai ishte parimor dhe nuk e tronditi besimin që kishim bashkë.

Miq, të afërm e familjarë të Finos kanë bërë homazhe për të. Të gjithë thonin që marrim këshilla prej tij, çfarë e bënte atë një person të tillë?

Arben Malaj: Fino u rrit ndërmjet vështirësive dhe mandateve që kishte. E gjithë jeta e tij patjetër që krijonte avantazhin që edhe të mësosh nga gabimet e tua. Fino kishte diskutime apasionante, nuk ishte një deputet i thjeshtë që thoshte kjo bëhej këtu. Ai me përvojën që kishte, kishte avantazhin që të kuptonte kur një gjë nuk shkonte mirë, nuk e thoshte nën zë, por e thoshte në zë profesional.

Zoti Fino kurrë nuk është shfaqur si person që thjesht ngre kartonin, ka kundërshtuar zotin Rama?

Arben Malaj: Është një model që i mungon shqiptarëve, do i mungoj edhe në 2021. Ka ende deputetë që s’kanë fol asnjëherë dhe ende mbijetojnë në lista.
Çdo i mungojë PS nga ndarja nga jeta e parakohshme e Finos?

Arben Malaj: Mençurinë dhe dinamizmin e tij. Një person si Fino që i diskuton debatet që ka vendi, flet edhe për mediat. Ai ishte Bashkimi, një person që e thotë gjënë e duhur në momentin e duhur.

Qeverisë aktuale çfarë emri do ti vinit?

Arben Malaj: Më lejoni të jem i paanshëm. Unë nuk arri dot të bëj vlerësimin që do të bëjnë shqiptarët me votë. Të eliminohet kalim ekstremi i fushatës elektorale. Votimi është një votë, jo ndeshje boksi. Jemi bllokuar gjatë nga integrimi në BE, por Shqipëria ka pasur sfida si tërmeti dhe pandemia. Ne këto nuk duhet

Amaneti i Finos?

Arben Malaj: Amaneti i Finos është modeli që krijoi. /news24

The post COVID-19 i mori jetën, Arben Malaj zbulon pengun e madh të Bashkim Finos appeared first on Albeu.com.