Në një intervistë për emisionin “Kjo Javë”, ai tha se në këtë projekt nuk ka garë, teksa ata që e mbrojnë ndërtimin e portit i quan si “koalicion grabitqar”.

“Vlerësimet tërësore janë të vështira, nuk mendoj se po shkojnë punët mirë, por flas si qytetar jo si politikan,. Është një pushtet i pakontrolluar, një grabitje totale, s’ka lidhje me korrupsionin se ka pasur dhe do ketë gjithmonë, por PD po i bën këto punë, denoncimet për grabitjet e Portit.

Një nga portet e mëdhaja ku janë investuar gjithë këto vite qindra mln euro, merret dhe falet… Duke lënë mënjanë kush po e bën… Është grabitje dhe nuk ka garë, bravo atyre që e mbajnë, është koalicion grabitqarë dhe ata që i kundërvihen kanë guxim.

Kryeministri jonë nuk përgjigjet për asgjë, por vetëm shanë. Ka zgjedhur mënyrën e sulmit dhe denigrimit dhe ne duhet ta themi që Shqipëria është duke u zbrazur. Ka rënë numri i nxënësve nëpër shkolla”, u shpreh Imami.

The post “Merret dhe falet”, ish-ministri për Portin e Durrësit: Grabitje e madhe appeared first on Albeu.com.

Me organizimin e këtij Kuvendi Imami tha se demokracia dhe vendimmarrja në parti mund të funksionojnë. Gjithashtu u shpreh se Rithemelimi nuk është rishpikje dhe se partia duhet të jetë e hapur për njerëz me merita.

“Demokracia në parti dhe vendimmarrja në parti mund të funksionojnë.  Si problem dua të veçoj parimin e përfaqësimit. Një grusht njerëz kanë pushtuar institucionet qendrore. Duhet të synojmë përfaqësimin e qytetarëve sa më denjësisht.  Anëtarësia e partisë iu rikthye vendimmarrjes. Në referendumin e  dhjetorit kishte pjesëmarrje masive.  Partia duhet të jetë e hapur për njerëzit me merita. Sa më të rinjtë të jenë njerëzit aq më mirë.

Por të mos mbetemi me formulimet e vjetra të rinj dhe të vjetra. Ishin parulla post komuniste. Kur thoshin se Nano dhe Berisha duhet të ikin se kanë kaluar moshën, këto u plakën e mbetën Piter Pan si kryeministra dhe kryetarë partie, këta të tjerët Rama e Basha. Qëllimi ishte të eliminonin drejtuesit politikë. Është e rëndësishme mbajtja e palcës së partisë, historisë së saj. Rithemelimi nuk është rishpikje. Nuk jemi për konservatorizëm që nuk pranon asnjë ndryshim, jemi për atë modern. Ndryshim por jo aventurë! Kush e ndryshoi më shumë Shqipërinë se sa qeveria e PD-së? Vlerat demokratike nuk janë pazar.”, tha Imami./albeu.com

The post Arben Imami: Rithemelimi nuk është rishpikje, partia duhet të jetë e hapur për njerëz me merita appeared first on Albeu.com.

Në Kuvend ka mbërritur Jozefina Topalli, e cila shfaqet e buzëqeshur. Kohët e fundit, Topalli nuk ishte e pranishme në Kuvendin e 11 dhjetorit, megjithatë ajo gjatë gjithë kësaj kohe ka mbështetur Berishën dhe ka sulmuar kryetarin e dorëhequr, Lulzim Basha.

Një tjetër emër i rëndësishëm është Arben Imami, i cili po ashtu ka mbërritur te Pallati i Kongreseve. Imami është propozuar për anëtar në Këshillin Kombëtar dhe si duket ai i është përgjigjur ftesës së Berishës për t’iu bashkuar PD-së.

Në Kuvend ka mbërritur dhe mjeku Ilir Alimehmeti.

Gjithashtu dhe emra të tjerë janë parë t’i bashkohen Kuvendit, duke filluar nga ish-drejtuesi i Kabinetit të Bashës, Dorian Teliti, te ish-deputeti i opozitës Myslim Murrizi, ish-kryebashkiakja e Shkodrës, Voltana Ademi./albeu.com

The post Topalli dhe Imami në Kuvendin e Berishës, shfaqen të buzëqeshur te “Kongreset”, i pranishëm dhe mjeku Alimehmeti (FOTO LAJM) appeared first on Albeu.com.

Ai është nga të rrallët politikanë shqiptar që fillimet e tij i ka patur në Teatër dhe kinematografi.

Aktori, qe u be i njohur për publikun para viteve ’90 me rolin e ushtarit stoik ne filmin “Balle për balle”, por në vitin 2009 mbërriti  ne krye te Ministrisë se Mbrojtjes.

Imami ka lindur me 21 janar 1958 ne Tiranë dhe ka studjuar ne Institutin e Lartë të Arteve në Tiranë per aktor, ne vitet 1977 – 1981 Institucion ne te  cilin ai ka qene edhe padagog ne vitin 1990. Mbasi mbaron studimet fillon pune menjehere ne Teatrin Kombetar.

Karriera e tij politike, nisi ne radhët e PD ne vitet 1990, si nënkryetar, opozitar i pushtetit te ish-presidentit Berisha.

Karriera si aktor:

Ilegalët (1976), Leka
Njeriu me top (1977), Abaz Fizi
Monumenti (1977)
Vajzat me kordele të kuqe (1978), Sandri
Ballë për ballë (1979), Arben Struga
Ne cdo stine (1980), Bardhyl
Të shoh në sy (1986), Gjergji.

The post Aktor i shquar i viteve ’90, sot është politikani i njohur, e gjeni dot për cilin bëhet fjalë (FOTO LAJM) appeared first on Albeu.com.

Imami shtoi se Bardh Spahia do të arrijë të marrë 90 % të votave të demokratëve të Shkodrës.

Të njëjtën gjë e pohoi më parë edhe kandidati i “Shtëpisë së Lirisë”, Bardh Spahia.

“Mjaftojnë vetëm votat e PD-së për të mbuluar PS dhe PSD. Ne marrim përgjegjësinë dhe llogarisim që ne të dalim fitimtarë. Mediat kanë bërë sondazhe dhe e kanë nxjerrë te 10% Lulzim Bashën.

Unë po përpiqem që t’u shpjegojë shkodranëve që vota për Xhemal Bushatin është një votë e djegur, sepse mundësitë janë zerë që ai të fitojë. Sikur ta kuotosh, askush nuk do të vinte paratë e tij për kandidatin e Bashës”, u shpreh Imami./albeu.com/

The post Arben Imami dhe Bardh Spahia “bien dakord”: Askush nuk do i vinte paratë në bast për kandidatin e Lul Bravës appeared first on Albeu.com.

Imami deklaroi se letrat për Non-grata i ka bërë lideri i selisë blu. Lulzim Basha dhe kryeministri Edi Rama.

BISEDA:

Arben Imami: Po të kishte një problem serioz për qeverisjen e Berishës, kjo procedurë do të kishte filluar në 2015-ën. Kjo procedurë ka filluar në 2018-ën dhe ka filluar për shkak të këtij. I është thënë qartë ‘vendime të korruptuara që minojnë demokracinë’.

Cilat janë vendimet e korruptuara? Megjithëse, me të drejtë Berrisha ka thënë se nuk është përgjegjës, por ama, publikisht, Berisha e ka mbështetur Bashën. Dhe për mua, ky ka qenë gabimi i fundit fatal i Berishës, që nuk do t’ja kisha dëshiruar as atij, as PD-së, as vendit.

Sot, Berisha mund të jetë 200-400%, sepse e di më mirë se unë që ky është një ndër njerëzit që i ka bërë letrat, leje seç thotë Edi Rama ai, por i kanë bërë të dy bashkë.

Alban Dudushi: Ky dhe Edi Rama?

Arben Imami: Po, mbase më shumë ky se ai. Dhe e di mirë këtë unë. Dhe koha do ta tregojë këtë gjë.

Alban Dudushi: Po thoni se Lulzim Basha ka shitur Sali Berishën.

Arben Imami: Absolutisht po, sepse duke e ngarkuar Berishën me këto ngarkesa politike, mospjesmarrja në zgjedhje, largimi nga Parlamenti, duke thënë gjithandej, ambasadë më ambasadë që ‘nuk më lë Sali Berisha të bëj politikë’.

Kjo është arsyeja e vërtetë, e rëndësishme dhe e madhe.

The post E shpallën “non grata”, Arben Imami trondit PD: Basha ka shitur Sali Berishën tek SHBA! appeared first on Albeu.com.

Në fund të fjalës së tij për mediat, Imami u shpreh se lufta nuk mbaron në 13 qershor, ndërsa Basha sipas Imamit do i bëjë zgjedhjet më keq se Basha.

“Këto janë si zgjedhjet e Edi Ramës në 2003. Që e kishe shtëpinë në bllok edhe votoje në Dajt. E kishe të Unaza dhe votoje në Berat. E kishe në Kombinat edhe votoje në Laç.  Listat e anëtarëve të partisë janë një detyrim nuk janë një favor që do ti bëhet znj. Harxhi apo kujtdo qoftë. Janë detyrim që anëtari i partisë të shkojë te dega e partisë, të shikojë emrin në listë. Këto janë shkelje jashtëzakonisht të rënda. Nga kjo pikëpamje gara është e pabarabartë, e minuar në mënyrë turkoshake të paparë. Në 2003-2004 janë bërë zgjedhjet në PS.

Vërtet Edi Rama rrinte edhe dëgjonte sulmet që i bënte Fatosi, por u bë një fushatë. E pranoi fushatën. Ai kishte qëllimet e tij ia mori partinë pas dy vjetësh, por u bë fushatë. Nuk bën fushatë, e mban partinë për vete. E mira është të vijnë të gjithë. Unë do të doja që znj. Harxhi ta dëgjojnë edhe ata që votojnë për Lulzim Bashën. Janë defekte të rënda të zgjedhjeve, por nuk do të thotë që nuk do të marrim pjesë deri në fund. Kemi një kandidate shumë të mirë. Kjo nuk do të thotë që lufta mbaron në datë 13”, tha Imami.

The post Arben Imami i vendosur kundër Bashës: Do i bëjë zgjedhjet më keq se Rama appeared first on Albeu.com.

Duma kujtoi disa akuza që kryeministri Edi Rama kishte bërë ndaj Arben Imamit pas ardhjes në pushtet në vitin 2013, ku kërkoi që ai të dënohej për korrupsion dhe madje u bë edhe një padi në lidhje me tenderat në Ministrinë e Mbrojtjes.

“Unë e mbaj veten në 2013 se shkoj në një emision për të mbrojtur Ben Imamin sepse kryeministri i sapozgjedhur, Edi Rama, bërtiste në Facebook ‘të ndëshkohet. Nuk kisha asnjë njohje, dmth nuk kisha asnjë kafe, pavarësisht se nuk dija arsyen pse bërtitej kaq shumë ndaj tij nga Rama, e mbrojta me një parim të madh; që një kryeministër nuk mund të ulërasë, organet e drejtësisë vendosin për dënimin. E them këtë se ajo që dëgjoj sot, është një përsëritje. A mund të përdorej nga një spekulant që do donte t’i bënte keq Ben Imamit? Po të donte një spekulant të thoshte pse ky Beni s’u dënua, u bashkua me Ramën që shpëtoi? Ajo që dua të them është kjo; nuk ka argument sepse kërkohet ikja dhe nuk është e argumentuar pse zëvendësimi do ishte më i mirë”, tha Grida Duma.

The post Grida Duma sulmon Arben Imamin: E mbrojta në 2013 kur Rama donte ta fuste në burg appeared first on Albeu.com.

Sipas Imamit ai e ka çuar PD drejt humbjes në zgjedhjet parlamentare të 25 prillit. Për Imamin një lider si Basha nuk mund të lejohet të udhëheq PD.

“Problemi është që ky nuk është më. Berishën e sulmonin, nuk  kanë lënë fjalë pa i thënë, e urrenin shumë, por e donin shumë. Problemi është që këtë nuk e urren njeri, me këtë tallen. Nuk fiton dot. Unë e kam ditur para 2 vjetësh. Momentin që është bërë qesharak… është qesharak, është bërë qesharak. Nuk fiton dot. Nëse duam të mbajmë një lider që nuk bën, është djalë i mirë për të tjera, ka bërë punë shumë të mira në vende të tjera, nuk kam gjë personale me të. Por për atë figurë, për këtë histori që krijoi në këto vite, nuk na zhgënjen asnjëherë, as dje nuk na zgjenjeu”.

Përse dje?

“Dje shkoi në dy vende, shkoi në Komunitetin Mysliman, shkoi edhe tek bektashinjtë për Bajram edhe nxori këtë të bektashinjve, kur dihet që Bajrami është i synive myslimanë shqiptarë. Shkurt, Basha nuk të zhgënjen”.

The post Arben Imami i bindur: Basha është qesharak, duhet të largohet appeared first on Albeu.com.

Imami theksoi se grupi për PD-në po thërret arsyes, ndërsa solli në vëmendje dorëheqjet e Fatos Nanos dhe Sali Berishës pas humbjeve të zgjedhjeve.

“Po i them këtu Lulzim Bashës do të jetë vrima e miut 500 grosh në qoftë se mendon që me koalicion me PS-në, me zgjatje jo u vodhën votat, jo dy hyjmë në Parlament jo nuk do hyjmë në Parlament, do ti futet një fushate. E vetmja rrugë e drejtë, e ndershme, e moralshme është dorëheqja që i shërben partisë, përndryshe do të ketë ndeshje dhe do të ketë ndeshje serioze deri në fund. Politike. Nuk është ndeshje demash.

Ne jemi në momentin që po i kërkojmë thirrje arsyes. Po thërrasim arsyen. Arsyeja thotë ke humbur dy palë zgjedhje dhe të tjerat po ashtu lokalet, është e arsyeshme, është e mirë për partinë, për vendin. Janë qëndrime morale që mbahen nga çdo njeri që ka lindur në Europë 200 vitet e fundit. E vetmja rrugë pas dy palë zgjedhjesh të humbura është largimi dhe respekti për atë që bën një akt të fundit të tillë. E mbani mend sa u rrit respekti për Fatos Nanon në momentin që dha në mënyrë civile dorëheqjen. E mbani mend që bëri të njëjtën gjë me shumë përgjegjshmëri politike e bëri Sali Berisha. Pas ezaurimit të kësaj faze do të bëhet deri në fund lufta”, tha Imami.

Demokratët janë bërë pjesë e nismës “Për PD-në” dhe vazhdimisht kërkojnë dorëheqjen e Bashës.

The post Arben Imami i prerë ndaj Bashës: Dorëhiqu ose do të ketë ndeshje! appeared first on Albeu.com.