Mes lotësh, ajo kërkoi që të ribashkohej me 35-vjeçarin, pasi sipas saj vetëm aty ndihet e lumtur dhe e sigurt.

Gjithashtu, ajo thotë se në familjen e saj ka qenë e dhunuar nga babai dhe nga xhaxhai herë pas herë.

Mes familjeve ka patur konflikte dhe sipas saj, prindërit i kanë thënë “Nuk je më vajza jonë” .

“U njoha me burrin në treg. Araniti nuk e dinte moshën time, i thashë jam 17 -vjeç. Familja ime nuk ishin dakord me këtë marrëdhënie dhe vendosa të largohem. Nuk mendoj asgjë, dua të iki vetëm të shtëpia e Aranitit. Un prindërit e tij i shoh si prindërit e mi. Vetëm dasma ka qenë momenti më i bukur, kemi shumë momente të bukura por ky është më i bukuri.  Arsyeja është se nëse shkoj te ta do jem më e qetë dhe nuk do jem me këtë stres që kam. Unë dua ai ai të dalë nga burgu se nuk e [kuptoj se për çfarë arsye… u bë dhe mediatike se kjo më shqetëson dhe më shumë. Se kuptoj pse u bë në këtë lloj akti. Nuk e quaj fajtor”,-shprehet 14-vjeçarja.

E do Aranitin?

“E kam dashur dhe do vazhdoj ta dua. Jam shumë e bindur. Dua të jem me të, kjo është dëshira ime”,-tha 14 vjeçarja.

 “Duhet të kesh besim që drejtësia do të funksionojë dhe e dyta ki më shumë ëndrra dhe dëshira për vete të kesh një profesion dhe një punë”,-këshilloi psikologja.

Aranit Arapi nga fshati Kryekuq i Divjakës, është vënë në pranga nga policia mbrëmjen e 10 janarit të këtij viti.

Prangosja e tij u bë në banesë pasi prej 10 muajsh, ishte në një lidhje me një vajzë 14-vjeçare. E mitura që prej muajit mars të vitit të shkuar, jetonte me familjen e djalit ndërsa këta të fundit kishin bërë edhe dasmë.

Lidhja është kundërshtuar vazhdimisht nga prindërit e vajzës, të cilët e kanë denoncuar rastin në polici.

34-vjecari është shoqëruar disa herë nga uniformat blu, por më pas është lënë i lirë gjatë kësaj periudhe. Prindërit e djalit thonë se vajza ka qëndruar në shtëpinë e tyre me dëshirë, ndërsa diçka të tillë e ka shprehur edhe para policisë.

Gjithashtu, thonë se as ata dhe as djali nuk kanë qenë në dijeni të moshës së saktë të vajzës. Pas arrestimit të 34-vjeçarit, e mitura është larguar nga banesa e tij dhe është nën asistencën e psikologëve dhe sociologëve.

The post Aranit Arapi në burg pasi u martua me të miturën, 14-vjeçarja shpërthen në lot: Dua që ai të dalë… appeared first on Albeu.com.

Nëna e djalit, thotë se vajza e kishte lënë shkollën në mes dhe nuk donte ta vazhdonte për shkak se kishte frikë se mos e merrnin familjarët e saj.

“Nuk donte të shkonte në shkollë. Djali i tha ta vazhdonte shkollën ajo nuk shkonte se kishte frikë se e merrnin”, tha nëna.

Ndërsa babai i djalit theksoi se ata kanë bërë edhe dasmë, pa praninë e familjarëve të nuses, teksa shtoi se kjo e fundit dëshironte vetë të rrinte me familjen e Aranitit.

Babai shtoi se ata kanë kërkuar nga prindërit e vajzës edhe dokumentet e shkollës për të bërë transferim, por vetë 14-vjeçarja ka mohuar në mënyrë kategorike të përfundojë studimet.

“Dasmën e bëra unë, siç bëjnë gjithë prindërit. Pyeta prindërit e saj e më thanë që nuk ke punë me vajzën time ta bësh nuse. I bënë presion vajzës, 4 ditë në spital e sëmurë ajo. Djali ishte thirrur 3 herë në polici, edhe ne në prokurori. Vajza ka qëndruar me dëshirë. Vajza na tha se do vij me ju. Ajo ishte në klasën e 7 dhe e la shkollën. I thash të shpisë së saj më jep dokument ti ndjek shkollën këtu, mirë më thanë, por nuk donte vajza”, tha ai.

Babai i djalit shtoi më tej se Araniti e dinte nusen e tij 17 vjeç për shkak edhe të fizikut që kishte, ndërsa në gusht ai thotë se ka marrë vesh moshën reale.

“Ajo i tha që jam 17 vjeç, se kishte trupin ajo. Nga trupi dukej për 20. Unë në gusht e mora vesh moshën e vërtetë”, përfundoi babai i djalit./albeu.com

The post “Djali e dinte nusen 17-vjeç, jo 14”, nëna: Vajza e la shkollën, kishte frikë nga familjarët e saj appeared first on Albeu.com.