Policia bën me dije se 18-vjeçari Aranit Alushi, pas një konflikti ka plagosur me thikë të riun Besnik Kurti.

Ky i fundit është goditur 5 herë me thikë dhe ndodhet në gjendje të rëndë në Spitalin e Traumës në Tiranë.

Ngjarja ka ndodhur teksa të rinjtë kanë qenë në dasmë.

Gjithashtu i plagosur lehtë ka mbetur edhe një person tjetër, i cili ka ndërhyrë për të shuar konfliktin.

Sakaq, policia njofton se ka arrestuar autorin e dyshuar të ngjarjes Aranit Alushin.

Njoftimi i policisë:

Bulqizë/Plagosi me mjet prerës ( thikë) një shtetas, pas një konfliki të çastit, falë reagimit në kohë të shërbimeve të Policisë, identifikohet, kapet dhe arrestohet autori i dyshuar.

Në orët e vona të mbrëmjes së djeshme në njësinë administrative Ostren , pas një konflikti të çastit, shtetasi A.A., 18 vjeç, banues në Ostren, ka plagosur me thikë shtetasin B.K.,25 vjeç, banues po në Ostren, i cili po merr ndihmë mjekësore në spital. Gjatë këtij konflikti ka ndërhyrë për ti ndarë dhe shtetasi K.K., i cili ka pësuar lëndime të lehta trupore.

Falë veprimeve të shpejta hetimore operacionale, nga shërbimet e Policisë Bulqizë dhe strukturat Hetimore të Drejtorisë Vendore të Policisë Dibër, u bë e mundur kapja dhe arrestimi 18-vjeçarit, si autor i dyshuar i ngjarjes.

Vijojnë veprimet hetimore nga grupi hetimor nën drejtimin e Prokurorisë, për zbardhjen e plotë të rrethanave të ngjarjes.

/Albeu.com/ 

The post Përgjaket dasma në Bulqizë, 25-vjeçari goditet 5 herë me thikë, në gjendje të rëndë appeared first on Albeu.com.