Arabisë Saudite Archives - Albeu.com

Në koma prej 20 vitesh, ndërron jetë në moshën 36-vjeçare “Princi i fjetur” i Arabisë Saudite

V K — Sun, 20 Jul 2025 08:08:48 +0000

Princi saudit Al-Waleed bin Khalid Al-Saud, është ndarë nga jeta në moshën 36-vjeçare, pasi kaloi më shumë se dy dekada në koma pas një aksidenti të rëndë automobilistik në Londër në vitin 2005, kur ishte vetëm 15-vjeç.

I njohur gjerësisht si “Princi i fjetur”, Al-Waleed pësoi një hemorragji cerebrale dhe gjakderdhje të brendshme në tru si pasojë e aksidentit tragjik.

Prej asaj kohe, ai u mbajt në jetë me aparatura, por nuk arriti kurrë të rikuperohej plotësisht apo të rifitonte ndërgjegjen.

Vdekja e tij u bë e ditur nga babai i tij, Princi Khaled bin Talal Al Saud, përmes një postimi prekës në rrjetin social X (ish-Twitter), ku citoi një varg nga Kurani dhe tha:

“Me zemra që besojnë në vullnetin dhe caktimin e Allahut, dhe me trishtim të thellë, e njoftojmë ndarjen nga jeta të djalit tonë të dashur: Princit Al-Waleed bin Khaled bin Talal bin Abdulaziz Al Saud. Allahu e mëshiroftë”,

The post Në koma prej 20 vitesh, ndërron jetë në moshën 36-vjeçare “Princi i fjetur” i Arabisë Saudite appeared first on Albeu.com.

Lewandowski shënon golin e parë në një Botëror, Polonia merr 3 pikë ndaj Arabisë Saudite

admin — Sat, 26 Nov 2022 15:10:05 +0000

Polonia ka mposhtur 2:0 Arabinë Saudite.

Piotr Zielinski kaloi polakët në epërsi në minutën e 39-të pas asistimit të Robert Lewandowskit, ndërsa në pjesën e dytë, Robert Lewandowski realizoi në minutën e 82-të, që ishte goli i tij i parë në një Kampionat Botëror

Me këtë fitore, Polonia shkon në vendin e parë me katër pikë, një më pak se Arabia Saudite.

Në anën tjetër, Argjentina dhe Meksika luajnë sonte nga ora 20:00. SHIKO GOLAT

The post Lewandowski shënon golin e parë në një Botëror, Polonia merr 3 pikë ndaj Arabisë Saudite appeared first on Albeu.com.

Shqipëria barazon ndaj Arabisë Saudite

admin — Wed, 26 Oct 2022 16:48:02 +0000

Kombëtarja shqiptare e futbollit ka barazuar 1-1 ndeshjen e luajtur në Abu Dabi në terr të plotë informativ pasi ajo nuk është transmetuar dhe nuk ka pasur media në stadium që të raportojnë për të.

Në një formacion ku kishte shumë emra të kampionatit shqiptar dhe vetëm me Kastratin, Muçollin e Cikalleshin të cilët aktivizohen jashtë, kuqezinjtë janë përballur me skuadrën e Arabisë Saudite e cila në fakt ishte me forca të plota, pasi po përgatitet për pjesëmarrjen në Botëror.

Pjesa e parë është mbyllur me avantazhin e përfaqësueses arabe, falë një penalltie në minutën e 42-të. Në pjesën e dytë, Reja nisi menjëherë me zëvendësimet duke aktivizuar Roshin, Balajn, Skukën, Kallakun, Rrapajn dhe Mitajn, Dhe ishin pikërisht dy veteranët kuqezinj, Roshi dhe Bakaj ata që “gatuan” menjëherë golin e barazimit, me sulmuesin i cili gjeti rrjetën në minutën e 47 të duelit.

Më pas, skuadrat kryen zëvendësime të tjera e kjo bëri që ritmi i lojës të binte. Edhe pse Shqipëria kishte disa raste, nuk ia doli të shënonte, duke bërë që dueli të mbyllej me shifrat 1-1.

The post Shqipëria barazon ndaj Arabisë Saudite appeared first on Albeu.com.