Nga foltorja e Kuvendit, Tabaku thotë se Rakipi ka në parlament djalin dhe dhëndrin e tij, çka sipas saj dëshmon se në kryeqytet ka pasur një përcaktim të rezultatit zgjedhor nga ana e Aqif Rakipit.

Tabaku u shpreh se PS ka përfituar 6.9 përqind të votave të qytetit të Tiranës nga ish-deputeti në zgjedhjet e 25 prillit.

“Ngjarja e parë lidhet me shpalljen non-grata dhe me ngrirjen e llogarive të një personi pranë PS-së. Unë besoj që nuk kam nevojë ta përshkruaj se kush është ish-deputeti i cili sot ka djalin dhe dhëndrin e tij në Parlamentin e Shqipërisë por e rëndësishme është që PS ka marrë ky individ 6.9 përqind të votave në qytetin e Tiranës.

Që do të thotë se ka pasur një përcaktim të rezultatit zgjedhor në Tiranë dhe Elbasan, pikërisht nga ky person. Ministri përmendi raportin e OSBE-ODIHR. Unë këtë kam shqetësim. Përdorimin e grupeve kriminale për zgjedhjet, siç është bërë në raportin e DASH.

Si nuk flet mazhoranca për një çështje kaq të rëndësishëm. Këta që flasin në emër të Amerikës. Unë besoj që ashtu siç thotë emërimi i Departamentit të Thesarit.

Përdoren paratë për të blerë votat. Është publikuar raporti i DASH. Lexova dje kryeministrin i cili tha se ky raport është Copy Paste.

Është copy-paste i vitit të kaluar, dhe korrupsioni është Copy Paste pasi është akoma Edi Rama. Sot nuk do kishim këtë Copy paste po mos të kishim inceneratorët.

Mund të kishim një situatë tjetër. Copy paste është pasi dhe qeveria copy paste është. Unë besoj që këto dy shqetësime janë reale për qytetarët. Kush i ndikon zgjedhjet dhe kush i vjedh qytetarët shqiptarë. Është jetike për shpopullimin e rinis” – tha Tabaku.

Duke folur për rritjen e çmimeve në vend, Tabaku tha me ironi se ky nuk është faji i shtetit por vetëm i opozitës dhe qytetarëve.

“Çfarë po ndodh me rritjen e çmimit të ujit. Bashkia e Tiranës ka kërkuar rritjen e çmimit të ujit. Çmimet janë rritur që vitin e kaluar, nuk kanë lidhje vetëm me agresionin në Ukrainë.

Po ka rritje dhe nga lufta në Ukrainë. Ngrita disa shqetësime në komisionin e ekonomisë. Çfarë ka bërë qeveria gjithë këto vite për bankën petroleum. Çfarë ka bërë qeveria për të normalizuar tregun e energjisë.

Rritja e çmimeve çdo gjë nuk lidhet me qeverinë, e ka fajin opozita, qytetarët, por jo qeveria. Ka nevojë për vendime që i shohin ata në sy, dhe reflektojnë nevojat e qytetarëve”, tha Tabaku.

The post Aqif Rakipi non-grata, Tabaku: Ka djalin dhe dhëndrin në Parlament appeared first on Albeu.com.

Basha shkruan se Koha i dha prapë të drejtë dhe ka cituar një paragraf ku tregon, sipas tij, se se si i “fitoi” zgjedhjet Edi Rama në 2017 dhe në 2021.

“Koha na dha prapë të drejtë! Aqif Rakipi, Tom Doshi, Vangjush Dako janë bedelët me të cilët Edi Rama kreu masakrën zgjedhore dhe tjetërsoi vullnetin e shqiptarëve që kërkonin ndryshim.

Në argumentimin nga Departamenti i Thesarit të Shteteve të Bashkuara për sanksionet ndaj Aqif Rakipit theksohet:

“Grupe të shumta të krimit të organizuar (GKO) në Shqipëri kanë ofruar para, dhurata ose premtime për vende pune apo lëshime në këmbim të votave për partinë e tyre të preferuar politike”. Ky paragraf tregon se si i “fitoi” zgjedhjet Edi Rama në 2017 dhe në 2021.

Kriza në të cilën ndodhet sot Shqipëria, është pasojë e shkatërrimit të institucioneve demokratike dhe të procesit zgjedhor, që dje u konfirmua edhe nëpërmjet sanksioneve të Departamentit të Thesarit të Shteteve të Bashkuara të Amerikës. Edhe pse këtë duhet ta kishin bërë organet ligjzbatuese shqiptare, ai është një lajm i mirë që partneri ynë strategjik SHBA është fokusuar në luftën kundër korrupsionit që po minon demokracinë dhe po shkatërron mirëqenien e shqiptarëve”, shkruan Basha./albeu.com

The post Aqif Rakipi non grata, Basha: Ja si SHBA tregoi se Rama vodhi dy herë zgjedhjet parlamentare appeared first on Albeu.com.

Kreu i qeverisë u pyet edhe për shpalljen non grata të ish-deputetit të tij, Aqif Rakipi, por nuk dha përgjigje duke iu shmangur.

“Të vijmë deri në Berlin për të folur për kandidatin e PS-së në Tiranë më duket pak e sforcuar kështu që kalojmë tek pyetja tjetër”, tha Rama.

 Pjesë nga biseda e Ramës me gazetarët:

Rama: Kjo ishte vizita e parë në kancelari pas ndryshimit të kancelarit të Gjermanisë. Ky ishte takimi i dytë me Schols pas takimit kur ai ishte kryetar i bashkisë së Hamburugut. Takimi ishte jashtëzakonisht pozitiv. Sa i takon konsideratave për Shqipërinë për rolin e Shqipërisë në arenën ndërkombëtare. Ecurinë e Shqipërisë në kuadër të procesit të anëtarësimit në Be dhe në marrëdhëniet bilaterale. Kemi pasur një bisedë të gjatë pastaj kemi zhvilluar një dërkë pune ku kemi kaluar të gjitha temat e interesit.

A e mbështet ai ndarjen e Shqipërisë nga RMV?

Rama: Se kam kërkuar këtë thjesht i kam bërë me dije se ne kemi një qasje që deri në këshillin Europian të qershorit do jetë e opandryshuar, por në rast se përsëri do bllokohemi për shkak të Bullgarisë bazuar dhe në mbështetjen e gjerë që ka marrë nga opinioni publik pasi i tregova për këshillimin kombëtar, ne do ndryshojmë qasje dhe do flasim me një gjuhë tjetër.

Kancelari e tha dhe në konferencë dhe në të dyja raundet e bisedimeve se është optimist për ndryshimin e kushtit të Bullgarisë. Unë nuk jam aq optimist por shpresoj  të jem gabim dhe kancelari të ketë të drejtë.

Pyetje: Në zgjedhje latë jashtë zonës së sigurt 3 socialistë me kontribut, ndërkohë përfshitë një kandidat që s’ka kontribut në parti (Orlando Rakipi) babai i  të cilit është non grata. A mendoni se keni marrë vendimin e duhur?

Rama: Të vijmë deri në Berlin për të folur kandidatët e PS më duket e sforcuar kështu që kalojmë te pyetja tjetër./albeu.com

The post Aqif Rakipi “non grata”, Rama refuzon të përgjigjet: Kalojmë te pyetja tjetër appeared first on Albeu.com.