Në një intervistë për The Wall Street Journal (WSJ), Tim Cook, drejtori ekzekutiv në largim i Apple, deklaroi se rritja e çmimeve është “e pashmangshme”, duke e përshkruar gjendjen në tregun e çipave të memories si “të paqëndrueshme”.

Cook nuk dha hollësi se kur do të hyjnë në fuqi çmimet e reja dhe as cilat pajisje do të preken. Po ashtu, mbetet e paqartë nëse kjo do të ndikojë te iPhone 18, që pritet të prezantohet në shtator.

Çipat e memories janë pjesë kyçe për pajisjet inteligjente, përfshirë telefonat celularë, ndërsa rritja e vrullshme e inteligjencës artificiale (IA) ka ushtruar presion mbi çmimet e tyre gjatë muajve të fundit.

“Po bëjmë çmos për të zbutur rritjet e mëdha që po na kalohen dhe jemi përpjekur t’i mbrojmë klientët tanë nga këto rritje, por situata është bërë e paqëndrueshme”, u shpreh Cook për WSJ.

Ai shtoi se tregu po përballet me furnizim më të ulët pikërisht në një periudhë kur kërkesa e konsumatorëve për pajisje mbetet e lartë dhe prodhuesit e memories po transferojnë rritjet e mëdha të kostove. Cook pritet të zëvendësohet nga John Ternus si CEO i Apple në shtator, pas 15 vitesh në këtë detyrë.

“Patjetër që çmimet dhe furnizimi i memories duhet të kthehen në nivele të arsyeshme për produktet e konsumit. Ky është qëllimi.”

Deklaratat e Cook vijnë në një kohë kur edhe kompani të tjera të mëdha të teknologjisë kanë sinjalizuar vështirësi të ngjashme në industrinë e çipave.

Gjatë një interviste për BBC këtë muaj, Taiwan Semiconductor Manufacturing Company (TSMC) la të hapur mundësinë e rritjes së çmimeve, pasi inflacioni i ka shtuar kostot.

TSMC është prodhuesi i çipave më të avancuar të dizajnuar nga kompani si Apple, Nvidia dhe AMD.

Edhe Samsung kishte paralajmëruar më herët gjatë këtij viti se mungesa e furnizimit me çipa memorieje pritet të sjellë shtrenjtim të pajisjeve elektronike.

Çmimi i RAM-it, që zakonisht konsiderohet një nga pjesët më të lira të një kompjuteri, është rritur në më shumë se dyfishin që prej tetorit të vitit 2025.

Përveç shtimit të kërkesës nga inteligjenca artificiale, edhe lufta në Iran ka goditur zinxhirin global të furnizimit me helium, një gaz jetik për prodhimin e gjysmëpërçuesve, duke rritur më tej kostot e çipave kompjuterikë.

iPhone 17 ka pasur popullaritet të lartë që nga dalja në treg e linjës në shtatorin e kaluar. Në tre muajt e parë të vitit 2026, shitjet e pajisjeve Apple u rritën me 17% krahasuar me të njëjtën periudhë të një viti më parë, të ndihmuara nga kërkesa e fortë në Kinë.

Në fillim të këtij viti, kompania rriti me rreth 200 dollarë (150 paund) çmimin e kompjuterëve të saj kompaktë Mac Mini.

The post Apple paralajmëron rritje çmimesh mes kostove në rritje të çipave të memories appeared first on Albeu.com.

Përditësimi do të përfshijë emoji të reja si gjurmë gishtash, pemë pa gjethe dhe disa simbole të tjera interesante.

Ky është një vazhdim i versionit të mëparshëm, iOS 17.4, i cili prezantoi ikonat e veta unike.

Për më tepër, kjo përditësim i hap rrugën Unicode 17, që pritet të sjellë emoji të rinj vitin e ardhshëm.

The post Apple prezanton emoji të rinj me iOS 18.4 appeared first on Albeu.com.

Edhe pse kanë plane për këtë lloj pajisjeje, prezantimi i tyre nuk duhet pritur për disa vite, madje edhe kur të shfaqen, pyetja është se cila pajisje do të jetë.

Më herët u përmend se Apple po planifikon një iPad apo edhe një Mac me ekran fleksibël, por do të zbulohet se cilat janë planet e tyre në të vërtetë, sepse sigurisht që nuk ka asnjë informacion zyrtar.

Megjithatë, këtë javë u shfaqën informacione për një patentë të paraqitur nga Apple, e cila i referohet ekraneve fleksibël dhe sipas kësaj, Apple mund të prezantojë një pajisje me “ekran fleksibël vetë-shërues”.

Në ekrane të tilla, gërvishtjet e vogla duhet të “riparohen” vetë, pa qenë nevoja ta merrni pajisjen për riparim.

Vetë patenta nuk i referohet ndonjë pajisjeje specifike, por thekson se si ekrane të tillë mund të përdoren në telefona, tableta, kompjuterë, monitorë dhe pajisje të tjera. Ky material mund të mbulojë vetëm pjesën ku përkulet ekrani ose të gjithë ekranin.

Është interesante se ekrani mund të “shërohet” pa pasur nevojë për ndonjë veprim të përdoruesit apo ndërhyrje të jashtme.

Gjithashtu, përdoruesit mund të paracaktojnë rendin në të cilin do të riparohet ekrani, d.m.th., vetë-shërimi mund të aktivizohet gjatë karikimit të pajisjes, nëse bëhet fjalë për karikim me valë ose kur përdorni një kabllo.

Sigurisht, vetë aplikimi për patentë nuk do të thotë që kompania do të prezantojë në të vërtetë një material të tillë, domethënë pajisje në të cilat ekranet do të mund të rinovohen.

Nga ana tjetër, është mirë të dimë se në cilin drejtim po mendojnë dizajnerët e Apple, e megjithatë ekziston mundësia që një ditë në të ardhmen të kemi në dispozicion pajisje për të cilat nuk do të shqetësohemi nëse i hedhim dhe ekrani dëmtohet.

The post Apple përgatit ekrane që do të riparohen vetë? appeared first on Albeu.com.

Sipas raportimeve nga mediat e huaja, Apple po përdor inteligjencën artificiale për t’i lejuar njerëzit me aftësi të kufizuara fizike të lundrojnë më lehtë përmes iOS dhe iPadOS. Një nga risitë lidhet drejtpërdrejt me sytë. Ju do të arrini të lundroni në iPhone dhe iPad vetëm me lëvizjet e syve.

Funksioni përdor kamerën e përparme të pajisjes për të gjurmuar lëvizjet e syve tuaj dhe për t’ju lejuar të lëvizni nëpër aplikacione. Për ata që janë të shurdhër ose me vështirësi në dëgjim, Apple planifikon të ofrojë një veçori që quhet “Taptic Engine” në Apple Music.

Kur aktivizohet, funksioni do të përdorë një sërë prekjesh, dridhjesh dhe përgjigje të tjera për t’u sinkronizuar me audion e një kënge. Një veçori tjetër është edhe ajo e “Vehicle Motion Cues” që do të shfaqë pika të animuara në ekranin e një iPhone ose iPad kur një automjet është në lëvizje

Për ata të cilët duan të ruajnë komanda të personalizuara është projektuar veçoria e “Voice Shortcuts”. Kur Siri dëgjon komandën tuaj, do të kryejë çfarëdo veprimi që i është caktuar, duke përfshirë nisjen e aplikacioneve ose përfshirjen në detyra më komplekse në pajisje.

The post Një lëvizje e syve kontrollon iPhone, risitë e Apple, një çmenduri appeared first on Albeu.com.

“Apple po finalizon një marrëveshje me OpenAI për iOS-in e ri këtë vit. Bisedimet me Google për të integruar Geminin janë në vazhdim, por asnjë marrëveshje nuk është arritur”, tha Gurman.

Siç thekson Gurman, marrëveshja do të lejojë përdorimin e disa veçorive ChatGPT në sistemin operativ të iPhone, shkruajnë mediat e huaja, përcjell Telegrafi.

Megjithatë, ende nuk dihet saktësisht se cilat janë ato veçori. Por, thuhet se nga chatbot-i mund të përfitojnë disa aplikacione si Safari dhe Messages.

Gjithashtu, thuhet se Apple po kërkon t’i jap një ndryshim me Al edhe Siri-t. Dhe nëse kjo nuk mjafton, Apple thuhet se është në bisedime edhe me Google për sjelljen e veçorive gjeneruese të Gemini-t në pajisjet Apple.

The post Apple në bisedim me OpenAl që të integrojë ChatGPT-në në iPhone appeared first on Albeu.com.

Sipas “Bloomberg”, kompania po përballet me probleme në të dy anët e Atlantikut, pasi Departamenti Amerikan i Drejtësisë ngriti një padi kundër saj të enjten për një monopol në tregun e smartfonëve, ndërkohë që kompania pritet të hetohet nga BE për shkelje të mundshme të Aktit për Tregjet Dixhitale (DMA).

Padia vjen pas vitesh pretendimesh nga kritikët se Apple po dëmton konkurrencën për shkak të kushteve kufizuese të dyqanit të saj të aplikacioneve, tarifave të larta dhe aksesit të kontrolluar në harduerin dhe softuerin e saj. “Apple po minon aplikacionet, produktet dhe shërbimet që përndryshe do t’i bënin përdoruesit më pak të varur nga iPhone-ët e tyre”,-tha në një deklaratë Departamenti Amerikan i Drejtësisë.

Sipas paditësit, Apple përdor monopolin e saj “për të nxjerrë më shumë para nga konsumatorët, zhvilluesit, krijuesit e përmbajtjes, artistët, botuesit, bizneset e vogla dhe shitësit me pakicë”. Ndërkaq, sipas një raporti nga Mark Gurman i Bloomberg, Apple ka nisur diskutimet me Google për të integruar aftësitë e Geminit në iPhone. Nëse kjo marrëveshje realizohet, iOS 18 mund të vije me veçori të Al të mbështetura nga Gemini. Gjithashtu, gjiganti teknologjik po zhvillon bisedime edhe me ChatGPT të OpenAl, për po të njëjtën arsye.

iOS 18 me Inteligjencë Artificiale mund të jetë përditësimi më i madh nga Apple. Gjatë vitit 2024 pritet që Apple të prezantojë linjën më të re të telefonave, iPhone 16, e cila thuhet të jetë e fuqizuar nga Inteligjenca Artificiale (Al). Sipas Mark Gurman të rrjetit televiziv Bloomberg, ky përditësim i sistemit operativ mund të jetë më i madhi në historinë e gjigantit teknologjik./Tar

The post Pas padisë së rregullatorit amerikan, aksionet e kompanisë Apple ranë me 4.1$ appeared first on Albeu.com.

Padia e tipit ‘anti-trust’ është një sfidë direkte ndaj praktikave dhe produkteve kryesore të kompanisë, duke përfshirë sistemin e saj të mesazheve iMessage dhe mënyrën sesi lidhen me njëra-tjetrën produktet e saj iPhone dhe ora shoqëruese Apple Watch.

Padia e ngritur në gjykatën e New Jersey, akuzon se Apple ka vendosur monopol në tregun e celularëve dhe e përdor kontrollin e gjerë që zotëron më mënyrë ilegale”, shkruan rrjeti vendas Associated Press.

Padia e autoriteteve vjen pas një serie veprimesh anti-trust ndaj grupeve të mëdha të teknologjisë si Amazon, Apple, Meta e Google që janë përballur me hetime nga rregullatorët vitet e fundit, si në SHBA dhe Evropë për eliminim të paligjshëm të konkurrentëve.

Në qendër të ankesave është strategjia e Apple për bllokimin e aksesit të rivalëve në teknologjinë e produkteve të saj, si programi i mesazheve iMessage dhe asistenti virtual Siri.

Padia ngre shqetësimin se Apple i bën produktet e saj të integrohen lehtësisht me njëra-tjetrën, por jo me produkte që nuk janë të kompanisë, që krijon kufizime të padrejta dhe bllokim të konkurrentëve.

Apple raportohet se ka kaluar Samsung vitin e shkuar duke u bërë prodhuesi më i madh i celularëve në botë.

Disa kompani mes të cilave dhe Google, akuzojnë Apple për krijimin e një “kopshti të rrethuar me mur” në dëm të klientëve, edhe pse kompania kishte pranuar në nëntor të përmirësonte lidhjet mes aparateve iPhone dhe atyre Android.

Ajo që tërhoqi vëmendjen e rregullatorëve ishte integrimi i Apple me kompaninë e mesazheve Beeper, e cila nuk i lejonte përdoruesve jo-iPhone të këmbenin mesazhe në iMessages.

Më vonë Beeper kishte tentuar të zgjeronte aksesin në shërbimet e saj, por pas disa tratativave  Apple bllokoi nderlidhjen jashtë kapaciteteve të rrjetit të saj iMessage.

“Megjithse besojmë se është një produkt fantastik, ne nuk mud të luajmë këtë ‘macja me miun’ me kompaninë më të madhe në botë,” tha mes të tjerash kreu i Beeper, Eric Migicovsky, pas ankesave.

Rregullatorët evropianë gjithashtu po vënë nën presion Apple për çështje të ngjashme, teksa rrjeti Financial Times raportonte për një gjobë të pritur €500 milionë për shkelje të ligjeve të konkurrencës.

Kjo pas ankesave të rrjetit të shkarkimit të muzikës Spotify, se Apple po i kufizonte aksesin në produktet e saj, duke i rekomanduar përdoruesve programe të veta si Apple Music. /TheGuardian/ 

The post SHBA padit Apple për ‘monopolizim të tregut të programeve e celularëve’ (FOTO) appeared first on Albeu.com.

Një ekip në Spitalin privat Cromwell në Londër thuhet se përdori një palë syze Apple Vision Pro për të ndihmuar në monitorimin e gjërave gjatë operacionit kur riparonte shtyllën kurrizore të një burri.

Syzet, të cilat pritet të dalin në shitje në Mbretërinë e Bashkuar brenda disa muajsh, nuk ishin të vendosura nga vetë kirurgu, por nga një infermiere që punonte përkrah tij.

Është raportuar se syzet janë përdorur për t’i lejuar ata të gjurmojnë procedurën ndërsa shpaloset dhe të dinë se cilat mjete të zgjedhin në kohën e duhur.

Lajmi, i raportuar nga Daily Mail i Mbretërisë së Bashkuar, lë të kuptohet për një të ardhme ku përdorimi i syzeve si Apple Vision Pro gjatë operacionit do të bëhet normë për shkak të mënyrës se si i lejon ekipet kirurgjikale të punojnë.

The post E paimagjinueshme, ç’janë të afta të bëjnë syzet Apple Vision Pro appeared first on Albeu.com.

AirPods Pro tashmë ofron një veçori që quhet Conversation Boost, e cila rrit volumin dhe qartësinë e njerëzve drejtpërdrejt përballë përdoruesit, por Apple nuk i ka reklamuar kufjet si pajisje dëgjimi, sepse kjo do të kërkonte miratimin rregullator të FDA.

Sipas FDA, aparat dëgjimi përkufizohet “çdo pajisje e krijuar, e ofruar për qëllime ose e përfaqësuar si ndihmë për personat me dëgjimin e dëmtuar”.

Kjo nuk është hera e parë që Gurman shkruan për përdorimin e Apple AirPods si aparat dëgjimi. Gati një vit më parë ai tha se nuk do të habitej nëse gjiganti teknologjik do t’i kthente kufjet në një aparat dëgjimi të miratuar nga FDA.

Këto kufje do të jenë një ndihmë e madhe për ata pacientë që nuk kanë qasje në aparatet profesionale të dëgjimit.

The post Apple vjen me risi, transformon kufjet në aparat dëgjimi appeared first on Albeu.com.

Është hera e parë që Apple gjobitet nga Komisioni Evropian dhe është dënimi i tretë më i madh ‘antitrust’ deri më sot, i dyti pas gjobave të mëdha për kërkimin e blerjeve të Google dhe softuerin e telefonave celularë Android.

Apple në mënyrë të padrejtë pengoi zhvilluesit e aplikacioneve të transmetimit të muzikës, si Spotify, që t’u tregonin përdoruesve të iPhone për alternativa më të lira të pagesës jashtë Apple App Store, tha komisioni.

Të tilla dispozita janë kushte të padrejta tregtare që shkelin rregullat ‘antitrust’. Kushtet nuk janë “as të nevojshme dhe as proporcionale” për mbrojtjen e interesave komerciale të Apple.

Sjellja ndikoi gjithashtu negativisht tek klientët “të cilët nuk mund të marrin vendime të informuara dhe efektive” se ku të blejnë abonime muzikore.

Apple tani do të duhet të heqë termat që pengojnë zhvilluesit t’u tregojnë përdoruesve për metodat e tjera të abonimit.

The post BE gjobit Apple me 1.8 miliardë euro për shkak të këtij aplikacioni appeared first on Albeu.com.