Rreth 5 mijë qytetarë kanë paraqitur kërkesa për fitimin, rifitimin ose humbjen e shtetësisë me lirim, nga janari deri në qershor të këtij viti, sipas ministrit të Brendshëm, Xhelal Sveçla.

Sveçla njoftoi se, duke filluar nga e hëna, 17 gusht 2026, vendimet për këto procedura do t’u dorëzohen qytetarëve në zyrën e zhvendosur në objektin e Agjencisë për Regjistrim Civil.

Ministri sqaroi se kalimi në lokacionin e ri synon të sigurojë kushte më të përshtatshme për qytetarët dhe një ofrim më efikas të shërbimeve.

“Qytetarët do të kenë në dispozicion një ambient më të përshtatshëm dhe shërbim më efikas”, ka shkruar Sveçla.

Me qëllim që të shkurtohet koha e pritjes dhe të pakësohen radhët, ai bëri të ditur se është rritur edhe numri i stafit mbështetës.

Për fitimin, rifitimin dhe humbjen e shtetësisë me lirim, qytetarët mund të aplikojnë edhe nëpërmjet platformës e-Kosova. Sipas Sveçlës, mundësia e aplikimit online e bën procedurën më të thjeshtë dhe më të qasshme.

“Do të vazhdojmë angazhimin tonë për t’u garantuar qytetarëve shërbime sa më të shpejta, efikase dhe të qasshme”, ka deklaruar ai.

The post Sveçla: Afro 5 mijë kërkesa për shtetësi gjatë periudhës janar-qershor appeared first on Albeu.com.

Edhe pak orë i ndajnë prindërit dhe kujdestarët ligjorë nga përfundimi i afatit shtesë për të përfituar subvencionin e teksteve mësimore. Ministria e Arsimit ka ripërsëritur thirrjen që të shfrytëzohet kjo dritare e fundit, e cila mbyllet në mesnatën e sotme, për të siguruar mjetet financiare para nisjes së vitit të ri shkollor.

Fillimisht, procesi i aplikimit ishte parashikuar të mbyllej më 9 gusht, por pas insistimit të shumë familjeve që hasnin vështirësi, autoritetet vendosën ta zgjasin atë. Sipas shifrave më të fundit zyrtare, në platformë janë regjistruar më shumë se 181 mijë e 500 kërkesa për nxënësit nga klasa e parë deri në të nëntën. Nga këto, 95 mijë e 388 aplikime tashmë kanë marrë dritën jeshile, ndërsa 96 mijë e 98 janë duke u shqyrtuar dhe 710 të tjera janë refuzuar.

Anita Kadriu, drejtore e Departamentit për Arsimin Parauniversitar, shpjegoi mekanizmin e kontrollit që po zbatohet për çdo kërkesë. Sipas saj, një koordinator në çdo shkollë verifikon nëse nxënësi është realisht i regjistruar në atë institucion dhe në klasën përkatëse. Vetëm pas këtij konfirmimi aplikimi aprovohet; në rast të kundërt, ai hidhet poshtë. Kjo masë, e cila po aplikohet për të dytin vit radhazi në shkallë vendi, synon të eliminojë çdo tentativë për keqpërdorim. Kadriu theksoi se Ministria e Arsimit po e rafinon vazhdimisht këtë proces për ta bërë sa më të sigurt dhe transparent.

Sa u takon përfitimeve konkrete, buxheti i shtetit ka vënë në dispozicion 14 milionë euro për këtë skemë mbështetëse. Megjithatë, shuma e saktë që do t’i kalojë çdo familjeje mbetet ende e paqartë, pasi ajo do të përllogaritet vetëm pas mbylljes së aplikimeve dhe përfundimit të verifikimit të plotë të të dhënave. Ministria paralajmëron se ky proces verifikimi pritet të mbyllet gjatë javës së ardhshme dhe menjëherë më pas do të nisin transfertat bankare. Qëllimi përfundimtar, nënvizojnë autoritetet, është që çdo nxënës të ketë në dorë librat shkollorë përpara datës 1 shtator, kur nis zyrtarisht viti mësimor.

The post Afati i fundit për aplikimet e teksteve shkollore mbyllet sonte, mbi 181 mijë prindër kanë kërkuar subvencionin appeared first on Albeu.com.

Kërkohet Drejtor, në Drejtorinë Vendore të Policisë Durrës, për shkak të transferimit dhe emërimit Drejtor në një tjetër DVP të punonjësit të Policisë dhe Drejtor, në Drejtorinë Vendore të Policisë Lezhë, për shkak të shkarkimit nga detyra të punonjësit të Policisë. Faza e aplikimeve është deri më datë 22 janar.

Njoftimi i Policisë së Shtetit:

Me qëllim zhvillimin e një procesi vlerësimi objektiv, transparent dhe gjithëpërfshirës, nxitjen e konkurrencës profesionale dhe drejtuese në përzgjedhjen e kandidatëve që shfaqin aftësi, rezultate të larta, integritet moral dhe profesional, si dhe promovimin në detyrë të punonjësve të Policisë, në zbatim të urdhrave të Drejtorit të Përgjithshëm të Policisë së Shtetit, shpallen thirrjet për konkurrim për pozicionin “Drejtor Vendor i Policisë në Policinë e Shtetit” dhe për pozicionin “Shef Komisariati”, për plotësimin e funksioneve organike, si më poshtë vijon:

Drejtor, në Drejtorinë Vendore të Policisë Durrës, për shkak të transferimit dhe emërimit Drejtor në një tjetër DVP të punonjësit të Policisë, të përzgjedhur për këtë funksion me proces konkurrimi; Drejtor, në Drejtorinë Vendore të Policisë Lezhë, për shkak të shkarkimit nga detyra të punonjësit të Policisë, të përzgjedhur për këtë funksion me proces konkurrimi.

Faza e aplikimeve: deri më datë 22.01.2026.

Shef, në Komisariatin e Policisë Fier, në Drejtorinë Vendore të Policisë Fier, për shkak se shefi i komisariatit i përzgjedhur me konkurrim, me kërkesë të tij është transferuar në një detyrë tjetër;

Shef, në Komisariatin e Policisë Lushnjë, në Drejtorinë Vendore të Policisë Fier, për shkak se shefi i komisariatit i përzgjedhur me konkurrim, me kërkesë të tij është transferuar në një detyrë tjetër;

Shef, në Komisariatin e Policisë Kavajë, në Drejtorinë Vendore të Policisë Durrës, për shkak se shefi i komisariatit i përzgjedhur me konkurrim, me kërkesë të tij është transferuar në një detyrë tjetër;

Shef, në Komisariatin e Policisë Kolonjë, në Drejtorinë Vendore të Policisë Korçë, për shkak të ndërprerjes së marrëdhënieve të punës në Policinë e Shtetit dhe transferimit në struktura të tjera shtetërore;

Shef, në Komisariatin e Policisë Mat, në Drejtorinë Vendore të Policisë Dibër, për shkak se shefi i komisariatit i përzgjedhur me konkurrim, me kërkesë të tij është transferuar në një detyrë tjetër;

Shef, në Komisariatin e Policisë Bulqizë, në Drejtorinë Vendore të Policisë Dibër, për shkak se shefi i komisariatit i përzgjedhur me konkurrim, me kërkesë të tij është transferuar në një detyrë tjetër;

Faza e aplikimeve: deri më datë 23.01.2026.

Procesi i konkurrimit do të zhvillohet në përputhje të plotë me legjislacionin në fuqi, mbi parimet e transparencës, barazisë së mundësive dhe meritokracisë, duke garantuar një vlerësim objektiv dhe të paanshëm të të gjithë kandidatëve pjesëmarrës.

The post Policia e Shtetit hap aplikimet për shefa komisariatesh dhe drejtues vendorë në disa qytete, afati i fundit deri më 23 janar appeared first on Albeu.com.

Aplikimet janë të hapura nga 1 deri në 21 shtator 2025 pranë drejtorive vendore të Policisë. Çdo shtetas që plotëson kriteret ka të drejtë të aplikojë pranë drejtorive vendore të policisë ku ai ka vendbanimin e përhershëm.

Aplikanti duhet të jetë shtetas shqiptar; të jetë jo më shumë se 30 vjeç; të jetë me gjatësi jo më pak se 170 cm për meshkujt dhe jo më pak se 160 cm për femrat; të ketë përfunduar arsimin e mesëm (nuk përjashtohen shtetasit që kanë përfunduar arsimin e lartë); të mos jetë i përjashtuar nga Policia e Shtetit, strukturat e tjera të sigurisë kombëtare apo të jetë larguar nga shërbimi civil; të ketë zotësi të plotë për të vepruar; të jetë në gjendje të mirë shëndetësore dhe i aftë fizikisht për të kryer detyrën; të mos jetë i dënuar me vendim gjykate, të formës së prerë, për kryerjen e një krimi apo për kryerjen e një kundërvajtjeje penale me dashje; të ketë dëshmi të aftësisë së drejtimit të automjetit të tipit B; të plotësojë kriteret e besueshmërisë dhe të integritetit.

Shtetasit që shprehin dëshirën për t’u pranuar në Policinë e Shtetit, duhet të dorëzojnë pranë strukturave të Burimeve Njerëzore në drejtoritë vendore të policisë, jo më vonë se data 21.09.2025, formularin e aplikimit të plotësuar, së bashku me formularin e vetëdeklarimit për punësim në strukturat e policisë; formularin e dekriminalizimit; fotokopje të kartës së identitetit; diplomë të shoqëruar me listë notash, që vërteton përfundimin e arsimit të mesëm (të noterizuara); fotokopje të dëshmisë së aftësisë së drejtimit të automjetit të tipit “B”; certifikatë të gjendjes gjyqësore; certifikatë familjare; skedën mjekësore (formular tip); vërtetim nga gjykata që nuk është në gjykim për vepër penale; vërtetim nga prokuroria që nuk është në ndjekje penale; vërtetim nga SPAK, që nuk është objekt hetimi; mandatpagesën e tarifës së aplikimit, i cili merret në drejtorinë vendore të policisë.

Për pranimin në polici, aplikantët duhet të kalojnë me sukses aplikimin; verifikimin dhe shqyrtimin e dokumentacionit; kontrollin shëndetësor; testimin me shkrim; testimin fizik, intervistën me gojë; verifikimin e besueshmërisë dhe integritetit, dhe marrjen e gjurmëve të gishtave.

Aplikanti skualifikohet dhe ndërpret procesin e konkurrimit në çdo fazë të tij nëse: nuk aplikon brenda afatit të përcaktuar; nuk dorëzon në kohën e aplikimit dokumentacionin e kërkuar; nuk plotëson kriteret e përcaktuara për t’u pranuar si aplikant; ka deklaruar të dhëna të rreme apo ka paraqitur dokumente të falsifikuara; rezulton përdorues droge; rezulton të ketë varësi nga alkooli; nuk kalon kontrollin shëndetësor; nuk paraqitet në kohën e caktuar në njërën nga fazat e konkurrimit; nuk vlerësohet me të paktën 50% të pikëve në secilën prej fazave të konkurrimit.

Çdo aplikant ka të drejtën e ankimit për çdo fazë të procesit. Ankimimi behet nëpërmjet e-mailit, në adresën burimet.njerezore@asp.gov.al, brenda 2 ditëve nga data e njoftimit për secilën faze të procesit. Komisioni i Ankimimit njofton aplikantin brenda 5 ditësh punë, në lidhje me vendimin e marrë.

Formulari i aplikimit, formulari i vetëdeklarimit, formulari i dekriminalizimit dhe skeda mjekësore shkarkohen nga faqja zyrtare e Policisë së Shtetit ose merren fizikisht pranë drejtorive vendore të Policisë. Dokumentacioni i plotësuar dorëzohet pranë drejtorive vendore të Policisë, ku aplikanti ka vendbanimin e përhershëm, brenda datës 21.09.2025.

The post Policia e Shtetit hap aplikimet për 402 funksione në Patrullën e Përgjithshme appeared first on Albeu.com.

Gazetari Rigels Malile, bëri të ditur se shumica e tyre janë nga Egjipti, Bangladeshi, India, Algjeria e vende të tjera.

Sipas tij, qëllimi i tyre mbetet pajisja me lejeqëndrimi për të kaluar më pas në Europë.

“Fenomeni që vihet re, sipas rektorit Jaho Canaj është aplikimi në mënyrë masive i të rinjve nga vendet e treta Egjipti, Bangladeshi, India, Algjeria e vende të tjera. Kjo nuk është thjesht një dëshirë për të studiuar, por mbetet në kuadër të përfitimit të dokumentacionit për të ardhur në Shqipëri dhe për të kaluar më pas në Europë”.

Bazuar në deklaratat e rektorit të këtij Universiteti, gazetari raportoi se ende nuk ka një kuadër ligjor për pranimin e tyre dhe një pjesë janë në listë pritje, deri sa të merret një vendim nga Ministria e Arsimit.

“Shqipëria nuk ka një kuadër ligjor për të pranuar studentë nga vende të huaja, përpos bashkëpunimeve me universitete dhe në këtë prizëm universiteti “Eqerem Çabej” nuk ka pranuar studentë që aplikojnë në faqen zyrtare, por po bashkëpunon me Ministrinë e Arsimit për të vendosur një kuadër ligjor dhe të vendosen disa kritere se cilët studentë mund të pranohen dhe cilët jo, sepse kërkesat masive mbeten për t’ u pajisur me lejeqëndrimi këtu. Deri tani nuk ka studentë të pranuar, ka studentë që janë lënë në pritje, por është në varësi të vendimit që do të merret nga ministria e Arsimit”, raportoi gazetari.

Studentët e huaj në Gjirokastër, janë të pranishëm prej disa vitesh falë bashkëpunimeve Erasmus mes universitetit “Eqerem Çabej dhe Universiteteve të tjera, kryesisht spanjolle dhe italiane.

Në Gjirokastër, ka edhe studentë nga Lugina e Preshevës.

Gjithashtu, gazetari thekson se studentët nga vendet e huaja, kërkojnë më shumë turizmin dhe degë që kanë të bëjnë me historinë.

Aktualisht, nuk ka asnjë degë të mbyllur në Gjirokastër, regjistrimet vazhdojnë. Por problematika mbetet e njëjtë se degët e mësuesisë janë të gjitha të rrezikuara.

Ka degë me një ose dy studentë dhe presin plotësimin në faza të tjera.

Ndërkohë, ka 800 studentë të huaj që studiojnë në një universitet në Tiranë, 50% e të cilëve janë për mjekësi. Pedagogu Klodian Muço, flet për rritje të kërkesave të të huajve për të studiuar në Shqipëri.

“Numër shumë i lartë kërkesash të studentëve të huaj. Këtë vit ka qenë një konkurrencë e ashpër për të zgjedhur ata 150 vetë që marrim çdo vit nga Italia në vit të parë. Janë mbi 800 italianë. Ka edhe studentë të tjerë nga Maqedonia e Veriut, Kosova, Mal i zi e të tjerë. Te Mjekësia zënë 50% në rang universitar zënë mbi 1/3”./ A2 TV

The post Studentët nga Afrika dhe Azia në Gjirokastër mbushin auditorët e mbetura bosh, pritet vendim nga Ministria appeared first on Albeu.com.

Vendi po kthehet në një destinacion turistik, me hyrjet e të huajve që po rriten me ritme dyshifrore, të tërhequr nga çmimet e ulëta, bukuritë e shumta natyrore e trashëgiminë historike.

Megjithatë, vetë shqiptarët po vijojnë të ikin me ritme që janë ndër më të lartat në botë, në raport me popullsinë, duke u drejtuar në shtetet e Bashkimit Europian për të kërkuar azil.

Ndonëse ritmet e ikjes u ngadalësuan disi në vitin 2023, sërish mbeten tepër të larta, në një vend që sot zyrtarisht ka rreth 2.7 milionë banorë, por të saktë këtë shifër do të tregojë vetëm censi, që pritet të publikohet në qershor.

Sipas Eurostat, në 2023 kanë qenë 9,145 shtetas shqiptarë që kanë aplikuar për azil në një nga shtetet e Bashkimit Europian, ose 331 aplikime për 100 mijë banorë, nga 17 aplikime për 100 mijë banorë, që është mesatarja e të gjithë aplikimeve në BE.

Të dhënat e Eurostat për aplikimet për azil nga të gjitha shtetet, të përpunuara nga Monitor në raport me popullsinë përkatëse tregojnë se Shqipëria, ishte e treta në botë për aplikimet e larta për azil në raport me popullsinë (shiko grafikun Aplikimet për azil për 100 mijë banorë në BE, viti 2023).

Në vend të parë është Siria, një shtet që prej vitesh po vuan pasojat e luftës civile. Ky shtet kishte 874 aplikime, për 100 mijë banorë në vendet e BE-së në 2023.

Sirianët i ikin luftës. Deri në dhjetor 2022, sipas vlerësimeve nga UNCHR kanë humbur jetën mbi 580,000 persona; 13 milionë sirianë janë zhvendosur dhe 6.7 milionë refugjatë të detyruar të largohen nga Siria.

Shteti i dytë është Gjeorgjia, që kishte 668 aplikime për azil në BE për 100 mijë banorë. Gati gjysma e aplikimeve janë në Gjermani, të ndjekura nga Franca dhe Italia.

Sipas mediave të huaja, aplikimet janë kryesisht për arsye ekonomike, ndërsa në vitin 2023 ato ranë me 12%, kryesisht pasi Gjermania e futi Gjeorgjinë në listën e vendeve të sigurta dhe përshpejtoi procedurat e depërtimit.

Maqedonia e Veriut, ka parë vitet e fundit një rritje të emigrimit në raport me popullsinë, duke e renditur atë të katërtën në botë, pas Shqipërisë.

Në 2023, sipas Eurostat aplikimet arritën rekordin e viteve të fundit, në 6760 të tilla.

Kosova u rendit e 12-a në botë, me 162 aplikime për 100 mijë banorë. Aplikimet për azil pritet të shtohen ndjeshëm këtë vit, pas heqjes së vizave me vendet e BE-së.

Serbia renditen në vendin e 21, me 68 aplikime për 100 mijë banorë, Mali i Zi me 58.1 (vendi i 25) dhe Bosnja e 48-a, me rreth 49 aplikime.

Në Shqipëri, të dhënat e Eurostat tregojnë se Franca vijon të jetë vendi më i preferuar për shqiptarët për të kërkuar azil, me 3530 aplikime, apo 38% të totalit në vitin 2023.

Gjermania renditet e dyta, me 2225 aplikime apo 24% e totalit.

Një raport i fundit i Kombeve të bashkuara, që mat cilësinë e jetesës përmes indeksit të lumturisë gjeti se Shqipëria mbetet ndër shtetet më të palumtura në Europë, duke lënë pas vetëm Turqinë.

Pikët e indeksit, që mat lumturinë u përkeqësuan në 2023. Vlerësimin më të ulët Shqipëria e merr në treguesin e perceptimit të korrupsionit, me vetëm 0.049 pikë, ku pyetja kryesore që u bëhet të anketuarve lidhet me përhapjen e korrupsionit në qeveri.

Vlerësim të dobët ka dhe bujaria me 0.138 pikë, që tregon që shqiptarët nuk e mbështesin dhe aq shumë njëri tjetrin.

Renditja është më e lartë tek të ardhurat për frymë, me 1.4 pikë, mbështetja sociale 0.9 pikë, pritshmëria për një jetë të shëndetshme, 0.6 pikë.

Shqiptarët mendojnë se nuk kanë shumë mundësi zgjedhjeje në jetë, me treguesin që merr 0.69 pikë. Niveli i ulët i perceptuar i cilësisë së jetesës, duket se është arsyeja kryesore se pse shqiptarët, sidomos të rinjtë, po vijojnë të ikin nga vendi me ritme që krahasohen me shtetet që janë në luftë apo konflikte civile.

Gjallërimi i emigracionit vitet e fundit po shkakton deformime të mëdha në ekonominë e vendit, që nga disponueshmëria e fuqisë punëtore, që po pengo planet e bizneseve për zgjerime e investime, tkurrja e konsumit dhe në afatin e gjatë zhbalancimin e mëtejshëm të skemës së pensioneve.

The post Ikje masive/ Shqipëria, e treta në botë për aplikimet për azil në 2023 appeared first on Albeu.com.

“MIRËMËNGJES dhe me njoftimin se nga sot janë hapur aplikimet për menaxhimin e stacioneve të plazheve për vitin 2024, proces që i gjithi kryhet online përmes e-Albania, për të përgatitur që tani një tjetër sezon fantastik veror, ju uroj javë të mbarë”, shkruan Rama.

Aplikimet për stacionin e plazheve për sezonin e ardhshëm turistik janë hapur më herët se vitet e tjera, nisur kjo edhe nga bumi i turistëve që pati vendi ynë. Qeveria thotë se hapja më herët e aplikimeve ka si synim që të jenë më të përgatitur për sezonin e vitit që vjen. Aplikimet do të jenë të hapura deri në fund të këtij viti, pra për rreth dy muaj./albeu.com 

The post Hapen aplikimet për stacionet e plazheve për vitin 2024, procesi përmes e-Albania (VIDEO) appeared first on Albeu.com.

Gjithsej janë 300 vende vakante, ndërsa aplikimet mbyllen në datën 30 nëntor 2023.

Dokumentacioni duhet të dorëzohet pranë drejtorisë vendore të Policisë, ku aplikanti ka vendbanimin e përhershëm.

KRITERET PËR APLIKIM

– Të jetë shtetas shqiptar;

– Të jetë jo më shumë se 30 vjeç;

– Të jetë me gjatësi jo më pak se 165 cm për meshkujt dhe jo më pak se 160 cm për femrat;

– Të mos jetë i përjashtuar nga Policia e Shtetit, strukturat e tjera të sigurisë kombëtare apo të jetë larguar nga shërbimi civil;

– Të ketë zotësi të plotë për të vepruar;

– Të jetë në gjendje të mirë shëndetësore dhe i aftë fizikisht për të kryer detyrën;

– Të ketë mbaruar arsimin e mesëm;

– Të mos jetë i dënuar me vendim gjykate të formës së prerë, për kryerjen e një krimi ose të një kundërvajtjeje penale me dashje;

– Të ketë dëshmi të aftësisë së drejtimit të automjetit, të tipit “B”;

– Të jetë i pajisur me vërtetim besueshmërie.

The post Hapen aplikimet për 300 vende në shkollën bazë të policisë për “Patrullë të Përgjithshme”, kriteret që duhet të plotësojnë aplikantët appeared first on Albeu.com.

“Ecuria është e mirë ka mbi 10 mijë maturantë që e kanë bërë zgjedhjen e tyre. Janë rreth 20 mijë maturantë që kanë shprehur dëshirën për të kryer studimet. Fakulteti i Mjekësisë kaq rreth 4600 aplikimet në të gjitha programet”- tha Arjan Xhelaj, kreu i rrjetit akademik shqiptar.

Në dispozicion të maturantëve janë mbi 32 mijë kuota. Dega e Mjekësisë e përgjithshme ka 465 kuota, prej të cilave 400 janë për maturantët brenda vendit dhe 65 për maturantët nga trojet, Medvegja, Preshevë dhe Bujanovc.

“Këtë vit kemi vetëm dy raunde, do të ketë një fazë tjetër, një raund më i shkurtër vetëm 3 ditë”- tha Arjan Xhelaj, kreu i rrjetit akademik shqiptar.

The post 10 mijë aplikime në Universitete në 48 orë, kush është dega më e kërkuar appeared first on Albeu.com.

Aplikimet do të jenë të hapura pranë çdo çerdheje në datat 5-9 qershor, nga ora 09:00-14:00. Prindërit duhet të paraqesin dokumentacionin e nevojshëm të përcaktuara sipas kategorive.

Dokumentacioni mund të shkarkohet nga portali zyrtar e-albania me kodin personal të kartës së identitetit ose të dorëzojnë fotokopjen e kartës pranë komisionit dhe të plotësojnë deklaratën për mbrojtjen e të dhënave personale.

-Dokumentacioni i duhur për secilën nga kategoritë:

Kriteret dhe dokumentacioni i duhur, për aplikuesit që vijnë nga shtresat social-ekonomike në nevojë, të cilat i janë referuar kategorive vulnerabël sipas VKB-së Nr.158, datë 26.12.2019″Për miratimin sistemin e taksave dhe tarifave vendore në qytetin e Tiranës”

Dokumentacioni i duhur për secilën nga kategoritë:

2. Fëmijë me statusin e jetimit
– Libreza e statusit të jetimit të fëmijës – Certifikata personale e fëmijës dhe familjare

3. Fëmijë të familjeve ku kujdestari ligjor ka statusin e jetimit
– Libreza e statusit të kujdestarit ligjor të fëmijës – Certifikata personale e fëmijës dhe familjare

4. Fëmijë me aftësi të kufizuara mendore dhe fizike dhe me sëmundje të rënda, sipas raportit të komisionit mjeko-ligjor
– Raporti mjeko-ligjor i fëmijës – Certifikata personale dhe familjare e fëmijës

5. Fëmijë ku kujdestari ligjor është me aftësi të kufizuar mendore dhe fizike dhe me sëmundje të rënda, sipas raportit të komisionit mjeko-ligjor
– Raporti mjeko-ligjor i kujdestarit ligjor të fëmijës – Certifikata personale dhe familjare e fëmijës

6. Fëmijë të familjeve që trajtohen me ndihmë ekonomike
– Certifikata personale dhe familjare e fëmijës – Vërtetim nga Njësia Administrative për trajtimin me ndihmë ekonomike të kujdestarit ligjor

7. Fëmijët e familjeve mono prindërore, ku kujdestari ligjor e ka pagën në/nën nivelin e pagës minimale të miratuar me aktin nënligjor përkatës

– Certifikata personale dhe familjare e fëmijës – Vërtetim page i kujdestarit ligjor i cili duhet të jetë në/nën minimale të pagës në Republikën e Shqipërisë (30 000 lek) – Vërtetim për Kontributet e Sigurimeve Shoqërore e Shëndetësorë për Individin nga portali zyrtar e-albania

8. Fëmijët e familjeve, ku kujdestari ligjor i rëmijës, është i divorcuar ose i ve, (sipas certifikatës së gjendjes familjare), por që është në/nën pagën minimale në shkallë, vërtetuar me dokumentacionin përkatës

– Certifikata personale dhe familjare e fëmijës – Vërtetim page i kujdestarit ligjor i cili duhet të jetë në/nën minimale të pagës në Republikën e Shqipërisë (30 000 lek) – Vërtetim për Kontributet e Sigurimeve Shoqërore e Shëndetësorë për Individin nga portali zyrtar e-albania

9. Fëmijë të familjeve të pakicës rome dhe egjiptiane, sipas vërtetimit përkatës të lëshuar nga organizatat që mbrojnë të drejtat e tyre ose vetdeklarimi ku përcaktohet se familja është pjesë e këtyre pakicave
– Certifikata personale dhe familjare e fëmijës – Vërtetim të lëshuar nga organizatat që mbrojnë të drejtat e tyre ose vetdeklarimi

10. Fëmijët e vendosur në kujdestari nga familjet kujdestare, sipas legjislacionit në fuqi, vërtetuar me dokumentacionin përkatës
– Certifikata personale dhe familjare e fëmijës – Vendimi i gjykatës për dhënien e kujdestarisë

11. KRITERET DHE DOKUMENTACIONI I DUHUR PËR KATEGORITË E TJERA:
– Certifikatë personale dhe familjare e fëmijës – Vërtetim pune me pagë mujore të pasqyruar, të kujdestarit ligjor (të prindërve) – Vërtetim për Kontributet e Sigurimeve Shoqërore e Shëndetësorë për Individin nga portali zyrtar e-albania.

The post Hapen aplikimet për regjistrimin e fëmijëve në çerdhet e Bashkisë së Tiranës, afati dhe dokumentacioni që duhet dorëzuar appeared first on Albeu.com.