Ankimimi i tij në Apel erdhi një ditë pasi GJKKO, rrëzoi kërkesën e Ilir Metës për shuarjen e masës së sigurisë arrest me burg.

Avokati i tij, Kujtim Cakrani, tha se gjykata krijoi precedent të rrezikshëm me zotin Meta, pasi sipas tij janë ezauruar afatet për qëndrim në paraburgim.

Carkani tha se nuk ekziston asnjë rrezik që Ilir Meta, të ndikojë apo të prishë provat në këtë fazë të procesit, duke argumentuar se çdo masë sigurie tashmë është e pajustifikuar.

Ai akuzoi sistemin gjyqësor për mungesë të verdikteve të pafajësisë dhe për kthimin e sallave të gjyqeve në “toga pushkatimi”.

The post Kërkoi ndryshimin e masës dhe lirimin nga burgu, Apeli i Posaçëm lë në qeli Ilir Metën appeared first on Albeu.com.

Burime për gazetarin Edison Vatnikaj, bëjnë me dije se qytetari A.H i ka paraqitur SPAK kallëzimin ndaj Sefës për dy vepra penale: E para për falsifikim të dokumenteve dhe veprime që pengojnë zbulimin e së vërtetës.

Pasi Prokuroria e Posaçme e ka regjistruar kallëzimin dhe e ka dërguar në gjykatë për mosfillim të hetimeve.

Shkalla e Parë e GJKKO-së, vendosi në favor të prokurorisë duke pushuar çështjen.

Por shtetasi A.H nuk e la me kaq, ku ka depozituar ankim edhe në Apel dhe duke paraqitur fakte të reja mbi veprimet e Ermelinda Sefës.

Sipas kallëzimit, ai e akuzon Sefën për procedurën e ndjekur për dhënien me qira të pasurisë publike, ku pretendon se janë kryer veprime në kundërshtim me ligjin nga Këshilli Bashkiak Lushnje dhe Kryetarja e Bashkisë Lushnje, Eriselda Sefa.

Kallëzuesi pretendon se ka pasur falsifikime në shkresë si dëgjesa publike, ashtu edhe në projektin për miratimin e dhënies me qira të një ambienti në rrugën “Kongresi i Lushnjes”.

Rasti 2 i konsumimit të veprës penale “Veprime që pengojnë zbulimin e së vërtetës” konsiston: SPAK i ka kërkuar bashkisë Lushnje të gjithe praktikën e dhënies me qira të ambientit, por Kryetarja e Bashkisë Lushnje Eriselda Sefa nuk ia ka dërguar të plotë.

Sipas kallëzuesit, kryetarja e Bashkisë Lushnje Eriselda Sefa nuk ia ka dërguar SPAK-ut qëllimisht këto dy shkresa, pasi janë tepër të rëndësishme dhe hedhin dritë mbi faktin penal për procedurën e falsifikuar.

“Kryetarja e Bashkisë Lushnje duke mos ia dërguar SPAK-ut të gjithë praktikën e plotë, del qartë se e ka bërë me qëllimin e vetëm atë të fshehjes së veprimtarisë kriminale në vitin 2022”, thuhet nga kallëzuesi A.H.

The post Apeli i Posaçëm urdhër SPAK-ut: Hetoni kryebashkiaken e Lushnjes, Eriselda Sefën appeared first on Albeu.com.

Trupi gjykues monokratik, i kryesuar nga gjyqtari Engert Pëllumbi, vendosi të mos pranojë ankimimin e paraqitur nga Arbër Veliaj dhe shoqëria “G.” sh.p.k., kundër vendimit nr. 730, datë 20.12.2024 të Shkallës së Parë të GJKKO-së.

Ky vendim vjen pas prishjes së vendimit të mëparshëm të Apelit të Posaçëm (nr. 51, datë 28.02.2025), nga Gjykata e Lartë, e cila kishte urdhëruar rikthimin e çështjes për rishqyrtim.

Sipas Apelit, vendimi i sotëm u mor në përputhje me legjislacionin dhe palët kanë të drejtën të paraqesin rekurs në Gjykatën e Lartë.

The post Kontrollet në banesa e biznese, Apeli i Posaçëm rrëzon ankimimin e Arbër Veliajt appeared first on Albeu.com.

Gjyqtari Florjan Kalaja, vendosi të lërë në fuqi vijimin e masave të sigurisë arrest në burg për Redi Mollën, Mariglen Qaton e Taulant Tushën.

Mësohet se Mollës e Qatos, akuza u është komunikuar për “korrupsion pasiv dhe mosdeklarim pasurie”, ndërsa Tusha akuzohet për shkelje të barazisë në tenderë.

Burime nga SPAK, bëjnë të ditur se vijojnë hetimet pasi me komunikimin e akuzave nuk ka përfunduar ende faza hetimore nga SPAK.

Më 28 mars 2024, GJKKO caktoi arrest në burg për, Redi Mollën, ish-Drejtor i Ujësjellës Kanalizime në Bashkinë Tiranë, Taulant Tusha, ish- Drejtor i Punëve Publike në Bashkinë e Tiranës, Mariglen Qato, ish-Drejtor Inspektoriatit së Mbrojtjes së Territorit, në Bashkinë Tiranë.

6 masa të tjera sigurie që miratuan gjithashtu nga gjykata ishin detyrim paraqitje, ku bëjnë pjesë ish-anëtarë komisioni të vlerësimit të ofertave. Ata akuzohen nga SPAK se i jepnin tenderë të paracaktuar kompanisë 5D, pronarë të së cilës ishin vetë drejtoret e Bashkisë.

The post Dosja ”5D”/ Apeli i Posaçëm lë në burg ish-drejtorët e Bashkisë së Tiranës, Redi Mollën, Mariglen Qaton dhe Taulant Tushen appeared first on Albeu.com.

Kështu,  ish-zv.ministri i Shëndetësisë Klodian Rjepaj dhe biznesmeni Ilir Rrapaj bashkë me të akuzuarit e tjerë mbeten në burg, pasi kanë kërkuar masë më të butë sigurie.

Konkretisht Klodian Rjepaj, Ilir Rrapaj, Marsela Serjani, Saimir Kadiu, Arben Gjata, Genc Burazeri kanë bërë ankim në Apelin e Posaçëm, por Gjykata e Posaçme e Apelit ka vendosur të lërë në burg ish-zv.ministrin Rjepaj dhe biznesmenin Rrapaj, si dhe masat e dhëna më herët për 4 të akuzuarit e tjerë.

Ndërsa Naile Ajazi dhe Petro Mersini që ndodhen nën masën detyrim paraqitje nuk kanë bërë ankim.

Koncesioni i sterilizimit

Koncensioni 10 vjeçar me vlerë afro 100 milionë dollarë iu dha kompanisë SaniService, një bashkkim kompanish ku Ilir Rrapaj me kompaninë e tij Investital LLC është zotëruesi kryesor i aksioneve, krahas kompanive italiane “Servizi Italia”, “Tecnosanimed” dhe “U.Jet S.r.l”.

Kontrata e Partneritetit Publik-Privat parashikonte sterilizim të personalizuar të pajisjeve kirurgjikale.

Koncensioni i sterilizmit u përfshi qysh në fillim nga dyshime, polemika dhe dritëhije të shumta, pasi Rrapaj e kishte themeluar kompaninë e tij “Investal LLC” në Prishtinë, ndërsa prej vitesh jetonte në Umbria të Italisë, ku drejtonte një kompani të vogël ndërtimi.

Dyshime të tjera lindën lidhur me vlerën e kontratës, që bazohej në një numër të caktuar operacionesh kirurgjikale, duke rritur kostot për buxhetin e shtetit.

Kompanisë fituese iu dorëzua një qendër moderne sterilizimi, ndërtuar në Qendrën Spitalore Nënë Tereza me kredi nga qeveria, por ajo nuk u vua asnjëherë në funksionim.

Prokuroria e Tiranës deklaroi në vitin 2016 se kontrata e sterilizimit nuk ka elementë të veprës penale dhe e mbylli dosjen hetimore, që hapi me nismën e saj, por hetimi rinisi pas pas 3 vitesh kur u denoncua në SPAK-un e sapokrijuar.

The post Koncesioni i Sterilizimit, Apeli i Posaçëm lë në burg ish-zv.ministrin Rjepaj, biznesmenin Rrapaj dhe 4 të akuzuarit e tjerë appeared first on Albeu.com.

Kujtojmë se, procesi i Tahirit në Apel është rikthyer me vendim të Gjykatë së Lartë.

Njoftimi:

KOMUNIKIM PËR MEDIAN

Komunikohet në mënyrë të përmbledhur se, për çështjen në ngarkim të të pandehurve S.T. dhe J.Ç., e regjistruar pranë Gjykatës së Posaçme të Apelit për Korrupsionin dhe Krimin e Organizuar më datë 24.11.2021, me nr. 47 regjistri themeltar, është planifikuar seanca gjyqësore në datë 20.12.2021, ora 09:00.
Fillimisht nga shorti ka rezultuar se çështjen do ta kryesonte gjyqtarja Miliana Muça dhe anëtare gjyqtaret Daniela Shirka dhe Ilirjana Olldashi.

Duke qenë se gjyqtarja Miliana Muça paraqiti aktin e heqjes dorë nga çështja, heqje dorë e cila u miratua nga zëvendëskryetari i gjykatës, çështja u rishortua, duke përcaktuar trupin gjykues të përbërë nga kryesuese Daniela Shirka, anëtare Ilirjana Olldashi.

Me vendimin nr. 565, datë 02.12.2021 të Këshillit të Lartë Gjyqësor, në përbërje të trupit gjykues u caktua anëtari tjetër, gjyqtari Engert Pëllumbi.

Gjithashtu, gjyqtarja Ilirjana Olldashi paraqiti aktin e heqjes dorë nga çështja, heqje dorë e cila u miratua nga zëvendëskryetari i gjykatës.
Në këto kushte, anëtari i tretë pritet të delegohet nga Këshilli i Lartë Gjyqësor./albeu.com

The post Rinis procesi ndaj Tahirit, Apeli cakton datën e seancës appeared first on Albeu.com.