Në një njoftim zyrtar, Policia e Kosovës ka bërë të ditur se vetëm Drejtoria për Hetimin e Krimeve të Luftës është e autorizuar të merret me pranimin, verifikimin, hetimin dhe procedimin e informacioneve apo rasteve penale që kanë të bëjnë me krimet e kryera gjatë konfliktit të viteve 1998–1999 në Kosovë. Ky proces zhvillohet në bashkëpunim të ngushtë me Prokurorinë Speciale të Republikës.

Përmes një komunikate, autoritetet theksuan se kjo strukturë trajton çdo informacion të rëndësishëm, pa dallim burimi. Bëhet fjalë për të dhëna që vijnë nga individë, organizata, institucione vendase e ndërkombëtare, si dhe informacione të gjetura nga burime të hapura, gjithnjë në përputhje me legjislacionin aktual.

Duke iu referuar raportimeve të fundit në shtyp rreth mënyrës së trajtimit të këtyre çështjeve, Policia rikonfirmon se kanali zyrtar për dorëzimin e çdo prove, informacioni apo të dhëne mbetet Drejtoria për Hetimin e Krimeve të Luftës në kuadër të saj, si dhe Departamenti për Krime të Luftës pranë Prokurorisë Speciale.

Në fund të njoftimit, Policia dhe Prokuroria Speciale u drejtohen banorëve, personave që kanë dëshmuar ngjarje, të mbijetuarve, familjeve të tyre dhe kujtdo që mban në dijeni fakte të dobishme për hetimet, që t’i paraqesin ato në këto institucione. Ato garantojnë një përpunim profesional, ruajtje të fshehtësisë dhe zbatim të plotë të normave ligjore.

The post Policia e Kosovës sqaron: Vetëm një drejtori trajton krimet e luftës, ja ku duhet t’i raportoni qytetarët appeared first on Albeu.com.

Osman Selmani, shtetas i Kosovës, është arrestuar nga autoritetet serbe në pikëkalimin kufitar të Mutivodës, teksa po kthehej nga Medvegja për në Prishtinë.

Gjykata e Lartë në Serbi ka vendosur ndaj tij masën e paraburgimit prej 30 ditësh. Selmani u ndalua më 1 korrik në pikën kufitare të Mutivodës, nën dyshimin për kryerjen e krimeve të luftës.

Familjarët dhe miqtë e Osman Selmanit kanë kërkuar ndihmë, duke theksuar se pretendimet ndaj tij për krime lufte nuk kanë bazë.

Në apelin e tyre thuhet se, sipas informacioneve që disponojnë, në periudhën prill–qershor 1999, kur pretendohet se kanë ndodhur ngjarjet për të cilat ai akuzohet, Selmani ndodhej si refugjat në Kampin e Refugjatëve në Çegran Gostivar.

The post Apel për ndihmë për Osman Selmanin, i cili po mbahet në paraburgim në Serbi appeared first on Albeu.com.

Sipas tij, në këtë proces të gjitha apelet e Prokurorisë kanë marrë miratim, ndërkohë që asnjë prej apeleve të mbrojtjes nuk është pranuar nga Paneli i Apelit.

“Paneli i Apelit i Dhomave të Specializuara në gjykimin ndaj Hashim Thaçit për mosrespektim të gjykatës sapo miratoi edhe një apel tjetër të Prokurorisë. Bilanci aktual në dy çështjet e tij që janë ende në shqyrtim: • Apele të Prokurorisë: 3 nga 3 të miratuara (100% sukses) • Apele të Mbrojtjes: 44 nga 44 të refuzuara (100% dështim)”, shkroi ai.

Misetic u shpreh gjithashtu se, pas përmbylljes së mandatit të saj, Gjykata Speciale duhet të kalojë nëpër një proces vlerësimi, teksa ngriti pikëpyetje lidhur me drejtësinë e kësaj gjykate.

“Kur Dhomat e Specializuara të Kosovës t’i nënshtrohen një vlerësimi të pashmangshëm pas përfundimit të mandatit të tyre, drejtësia gjyqësore do të jetë një nga temat kryesore të debatit”, shkroi ai.

The post Avokati i Hashim Thaçit thotë se Apeli i Speciales pranoi edhe një kërkesë të Prokurorisë, ndërsa mbrojtjes iu hodhën poshtë të gjitha apelet appeared first on Albeu.com.

Sipas tij, edhe motoçikletat e fuqishme që krijojnë zhurmë të madhe në rrugët e kryeqytetit po i shqetësojnë qytetarët, ndërsa shpejtësia e lartë dhe lëvizja e pakontrolluar në hapësirat publike po e cenojnë komunikacionin dhe po shkaktojnë pasiguri. Ai theksoi se trotinetet, motoçikletat dhe biçikletat nuk duhet të lejohen të qarkullojnë në sheshin e qytetit mes këmbësorëve, sepse çdo ditë rrezikohen fëmijët, të moshuarit dhe të gjithë qytetarët.

Bajqinovci shtoi se sheshet janë të destinuara për këmbësorët dhe jo për gara me trotinete, motoçikleta apo biçikleta.

Ai kërkoi që kontrollet të forcohen, shkelësit të ndëshkohen dhe, kur kjo është e domosdoshme, mjetet t’u konfiskohen atyre që shkelin ligjin dhe e rrezikojnë jetën e të tjerëve. Sipas tij, siguria e qytetarëve duhet të mbetet prioritet.

The post Bajqinovci i kërkon Policisë të veprojë ndaj shkelësve me trotinetë, biçikleta e motoçikleta appeared first on Albeu.com.

Gjon Shkambi, xhaxhai i Elvis Shkambit, autor i vrasjes së gjyqtarit Astrit Kalaja brenda sallës së gjyqit në Gjykatën e Apelit ka kërkuar sërish ndryshimin e masës së sigurisë “arrest me burg”.

Ai ndodhet në qeli që prej tetorit 2025, kur u arrestua pas ngjarjes së rëndë, ndërsa seanca është caktuar më 8 prill dhe do të shqyrtohet nga gjyqtari Taulant Banushi.

Gjon Shkambi, akuzohet për përfshirje në krimin brenda godinës së drejtësisë, por Ai pretendon se nuk ka pasur asnjë dijeni dhe asnjë lidhje me veprimin e nipit që qëlloi ndaj gjykatësit.

Më 6 tetor 2025, Elvis Shkambi, qëlloi me armë në sallën e gjyqit pas shpalljes së vendimit për një konflikt të gjatë pronësie, duke lënë të vrarë gjyqtarin Astrit Kalaja

Ragip dhe Ervis Kurti babë e bir që ishin palë kundërshtarë në proces mbeten të plagosur.

Çështja lidhet me një konflikt pronësie që zgjat prej më shumë se 30 vitesh, ku familja Shkambi pretendon pronësinë e një objekti të përfituar që në vitet ’90, ndërsa në të njëjtën godinë janë strehuar 31 familje, duke sjellë një seri të gjatë përplasjesh gjyqësore.

30-vjeçari që u vu menjëherë në pranga nuk ka kërkuar asnjë herë ndryshimin e masës së sigurisë, ndërsa ëhstë në pritje të përfundimit të hetimit dhe përballjes me drejtësinë për krimin që tronditi jo vetëm drejtësinë.

The post Vrasja e gjyqtarit Astrit Kalaja në Apel/ Xhaxhai i autorit të krimit kërkon të dalë nga qelia appeared first on Albeu.com.

Nëpërmjet tyre, gjatë pasdites së sotme ai u ka përcjellë një mesazh të gjithë drejtuesve të automjeteve që qarkullojnë në zona malore ku ka prezencë të reshjeve të dëborës:

“Të gjithë drejtuesit e automjeteve të përdorin mjetet antirrëshqitëse (zinxhirë) dhe goma dimërore, pasi Policia Rrugore ka marrë detyrë dhe urdhër të prerë që të ndëshkojë çdo drejtues automjeti që nuk zbaton me rigorozitet rregullat e qarkullimit në raste të tilla.

Drejtori i Policisë Rrugore, Perlat Vatoci ka apeluar për zbatimin me rigorozitet të rregullave të qarkullimit dhe që, për çdo rast nevoje, të telefonojnë në 112 dhe të kontaktojnë me shërbimet e Policisë në terren.

Ndërkohë, po bashkëpunohet me firmat kontraktore për mirëmbajtjen e akseve rrugore, me qëllim pastrimin në kohë dhe hedhjen e kripës.

Si pasojë e motit të keq, shërbimet e Policisë Rrugore janë 100% në detyrë, krahas shërbimeve të tjera të Patrullave të Përgjithshme, Forcës së Posaçme “Shqiponja” dhe Forcës Kombëtare të Sigurisë.

Ato vijojnë punën për t’iu shkuar në ndihmë qytetarëve në zona që kanë problematika për shkak të motit të keq me reshje shiu dhe dëbore, si dhe për të menaxhuar trafikun rrugor, me qëllim parandalimin e aksidenteve rrugore.

The post Policia Rrugore apel për drejtuesit e automjeteve: Përdorni goma dimërore dhe pajisje antirrëshqitëse appeared first on Albeu.com.

Sipas policisë, këto mesazhe paraqiten si kërkesë për votim për çmimin e parë të një burse falas, në favor të një personi të afërt me dërguesin, i cili dyshohet se mund të ketë rënë më parë pre e këtij mashtrimi, duke sjellë më pas përhapjen e mesazhit te kontaktet e tij.

NJOFTIMI:

Policia e Shtetit/ Paralajmërim për fushatë phishing në platformën “WhatsApp”. Drejtoria për Hetimin e Krimit Kibernetik paralajmëron qytetarët për qarkullimin e një fushate mashtruese (phishing) në platformën “WhatsApp”.

Këto mesazhe paraqiten si kërkesë për votim për çmimin e parë të një burse falas, në favor të një personi të afërt me dërguesin, i cili dyshohet se mund të ketë rënë më parë pre e këtij mashtrimi, duke sjellë më pas përhapjen e mesazhit te kontaktet e tij.

Mesazhet synojnë marrjen e kontrollit të llogarisë në aplikacionin “WhatsApp”, duke i drejtuar përdoruesit drejt faqeve të rreme dhe duke i nxitur të vendosin kode verifikimi, të cilat përdoren nga autorët për të përvetësuar llogarinë.

Policia e Shtetit iu bën thirrje qytetarëve:

Të mos klikojnë në lidhje të dyshimta, edhe kur mesazhi iu shkon nga kontakte të njohura;

Të mos japin kode verifikimi, fjalëkalime apo të dhëna personale;

Të aktivizojnë verifikimin me dy hapa (Two step verification) në aplikacionin “WhatsApp”;

Të raportojnë çdo rast të dyshimtë pranë strukturave të Policisë së Shtetit.

Policia e Shtetit po monitoron situatën dhe fton qytetarët të tregojnë kujdes maksimal ndaj mesazheve që ofrojnë votime, çmime apo përfitime të menjëhershme.

The post Policia apel qytetarëve: Mos bini pre e mashtrimeve, kujdes linqet në “WhatsApp” appeared first on Albeu.com.

Ai ka ndarë rastet e dy fëmijëve në pedriatrinë e QSUT, prej ditësh në gjendje të vështirë, njëri prej të cilëve ka rezultuar me fruth.

Ajo që është shqetësuese, thotë deputeti, fëmijës që ka rezultuar me fruth, edhe pse është 3-vjeç, i është ndërprerë vaksinimi. që në muajin e gjashtë.

Sipas tij, ky nuk është një rast i izoluar por më i gjerë dhe vjen nga hipotezat që shpesh artikulohen nëpër ekrane nga personazhe të caktuar që nuk janë të fushës.

Deputeti argumenton se prindërit duhet të dëgjojnë mjekët dhe të vaksinojnë fëmijët, sepse duke mos e bërë këtë gjë, në fakt po dëmtojnë fëmijët e tyre.

“Po ndodh diçka me fëmijët që më duket shumë e rëndë. Po ndjek dy raste në pediatri. Të vështira prej 10 ditësh temperaturë e lartë dhe shqetësime shëndetësore të tjera. E dini çfarë mësova që njëri prej fëmijve ishte me fruth. Për këtë ka vaksinë. Ashtu edhe tjetri. Ndërkohë që mjeket që po i ndjekin thonë se edhe se janë vetëm 3 vjeç, një prej fëmijëve e ka mbyllur kalendarin e vaksinimit në 6 muajt e parë të jetës. Prindërit s’i kanë çuar më të ndjekur kalendarin e vaksinimit që 6 muajsh, fruthi luftohet përmes vaksinës.

Mungesa e saj ka shkaktua këtë gjendje dhe pasoja. Kafshët që dalin nëpër media online e TV dhe flasin pa pikën e përgjegjësisë dhe dijes e njohurisë për vaksinat e vaksinimin po ju vrasin fëmijët, po ju dëmtojnë fëmijët. Po ua lënë me pasoja të rënda. Kalendari i vaksinimit ka shpëtuar jetë pafund e ka mbrojtur fëmijë e breza të tërë. Mos dëgjoni idiotët, por mjekët. Idiotët po iu bëjnë dëm fëmijët tuaj. Zbatoni kalendarin e vaksinimit. Në fund fare a e kuptoni sesa po shpenzoni tani. Një vaksinë falas për fëmijët tuaj”, tha deputeti.

The post Apeli i Erion Braçes për prindërit: Mos e ndërprisni kalendarin e vaksinimit, mos dëgjoni idiotët që dalin nëpër ekrane, por mjekët… (VIDEO) appeared first on Albeu.com.

Me vendim të GJKKO, Belinda Balluku, është pezulluar nga ushtrimi i detyrës si zv/kryeministre dhe ministre për Infrastrukturën dhe Energjinë.

Ajo akuzohet për aferën 210 mln euro të tenderit të tunelit të Llogarasë dhe atij të Unazës së Madhe të Tiranës.

Në bisedat telefonike me vartësin e saj Evis Berberi, ish-zv/kryeministrja dilte zbuluar teksa ndiqte procedurat e tenderave dhe paracaktonte fituesit.

The post Belinda Balluku ankimon në Apel vendimin e Gjykatës së Posaçme, kërkon shfuqizimin e masave të GJKKO appeared first on Albeu.com.

Trupi gjykues i përbërë nga Ilir Panda, Albana Boksi dhe Medi Bici, prishën vendimin e Apelit të GJKKO të datës 27 nëntor 2020 dhe vendosën rikthimin e çështjes në të njëjtën gjykatë por me tjetër trupë gjykuese, duke kërkuar hetimin e tre gjyqtarëve.

Dritan Dajti, u dënua me burgim të përjetshëm nga Gjykata e Krimeve të Rënda për vrasjen e 4 punonjësve të policisë dhe ndodhet në qeli prej vitit 2008.

Por, në shkurt te vitit 2019 një trupë gjykuese pranë Apelit vendosi të shuante burgimin e përjetshëm për Dajtin duke e dënuar atë me 25 vite burg.

Tre gjyqtarët Skënder Damini, Aleks Nikolli dhe Petrit Aliaj në shumicë, vendosën të pranojnë kërkesën e Dajtit për gjykim të shkurtuar, ç`ka uli dënimin e tij me 1/3.

Ndërsa dy gjyqtarët e tjerë në pakicë ishin Fuat Vjerdha dhe Lindita Hoxha. Vendimi ishte i debatueshëm dhe madje në atë kohë shtyu prokurorin Klodian Braho të urdhëronte kontrolle në banesat e gjyqtarëve, nën dyshimin se ata mund të ishin përfshirë në korrupsion lidhur me vendimin lehtësues në favor të Dajtit.

Në operacionin e gushtit të 2009 për arrestimin e Dritan Dajtit, mbetën të vrarë efektivët Fatos Xhani, Altin Dizdari, Kastriot Feskaj, dhe Sajmir Duçkollari.

Në atë kohë, Dajti kërkohej për vrasjen e biznesmenit Agim Beqo, ngjarje e ndodhur në vitin 1999 në Tiranë.

The post Lehtësuan dënimin e Dritan Dajtit, Gjykata e Lartë kthen në Apel për rigjykim 3 gjyqtarët (EMRAT) appeared first on Albeu.com.