apel shofereve Archives - Albeu.com

Reshje shiu dhe dëbore, ARRSH apel shoferëve: Udhëtoni me kujdes

E S — Wed, 14 Dec 2022 08:39:17 +0000

Autoriteti Rrugor Shqiptar, ka paralajmëruar drejtuesit e automjeteve që të tregohen të kujdesshëm gjatë lëvizjes për shkak të reshje të shiut si edhe dëborës që ka përfshirë rajonin verior.

Njoftimi:

Gjatë natës dhe në orët e para të mëngjesit ka pasur reshje shiu dhe dëbore në Rajonin Verior.

Në aksin Tamarë-Vermosh, në Valbonë, në Bajram Curri-Kam, Bajram Curri-Fierzë dhe në Qafë Thore-Theth ka pasur reshje dëbore qarkullimi kryhet pa probleme.

Kontraktorët me mjete e punëtorë janë në terren për të mbajtur qarkullimin në normalitet.

Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugorem.

The post Reshje shiu dhe dëbore, ARRSH apel shoferëve: Udhëtoni me kujdes appeared first on Albeu.com.

Rënie gurësh në rrugë, ARRSH apel shoferëve: Akset ku duhet të keni kujdes

E B — Sat, 27 Nov 2021 10:38:39 +0000

Si pasojë e reshjeve të dendura të shiu, në rrugë kanë rënë inerte dhe gurë duke bllokuar rrugët, por edhe duke u bërë rrezik për shoferët.

Përmes një postimi në Facebook, ARRSH u kërkon shoferëve të tregojnë kujdes në akset e rrethit Tropojë, në segmentin Elbasan-Rrogozhinë, Elbasan-Librazhd.

“Vazhdojnë reshjet e shiut në vend duke sjellë edhe rënie gurësh ose inertesh në disa zona, si në akset e rrethit Tropojë, në segmentin Elbasan-Rrogozhinë, Elbasan-Librazhd.

Grupet e patrullimi kanë bërë pastrimin e akseve në kohë dhe janë në terren, gati për çdo situatë

Përdoruesit e rrugës të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë për shkak të lagështisë në rrugë”, shkruan ARRSH./albeu.com

The post Rënie gurësh në rrugë, ARRSH apel shoferëve: Akset ku duhet të keni kujdes appeared first on Albeu.com.