anwar hadid Archives - Albeu.com

3 vite bashkë, lidhjes së Dua Lipës me Anwar Hadid i ka ardhur fundi (FOTO LAJM)

A M — Mon, 06 Dec 2021 10:27:57 +0000

Këngëtarja shqiptare me famë botërore, Dua Lipa dhe i dashuri i saj amerikan, Anwar Hadid, thuhet se i kanë dhënë fund lidhjes së tyre 3-vjeçare.

Ata nuk janë parë bashkë në publik për gjashtë javë. Burimet pranë çiftit pohojnë se dyshja po e rimendojnë të ardhmen e tyre së bashku dhe kështu e kanë vendosur romancën e tyre në akull për momentin.

Një burim i tha The Sun të dielën: “Çifti hodhi idenë për të frenuar romancën e tyre muajin e kaluar, pasi të udhëtosh kaq shumë dhe të jesh larg partnerit është e vështirë. Marrëdhënia e tyre po kalon një krizë”.

Ndërkaq, Anwar ka lënë të kuptohet se gjithçka nuk është mirë për të, pasi ai postoi në rrjetet sociale për të deklaruar se të gjithë duhet të jetojnë në këtë moment dhe të jenë mirënjohës për atë që kanë.

The post 3 vite bashkë, lidhjes së Dua Lipës me Anwar Hadid i ka ardhur fundi (FOTO LAJM) appeared first on Albeu.com.

“Djali i shqiponjave”, Anwar Hadid ju tregon gjithë të huajve për Skënderbeun (FOTO LAJM)

A M — Sun, 25 Jul 2021 06:59:47 +0000

Dua Lipa prej dy ditësh ndodhet në Shqipëri. Artistja me famë ndërkombëtare zhvilloi takime ditën e djeshme me kryebashkiakun e Tiranës, Erion Veliaj dhe me kryeministrin Edi Ramën. Dua mbërriti në Shqipëri për të parë nga afër punimet që po zhvillohen për mobilimin e kopshtit me fondet që janë mbledhur nga shitja e bluzave “Lutu për Shqipërinë”, një iniciativë nga vetë këngëtarja në bashkëpunim me miqtë e saj.

Gjithashtu ajo zhvilloi një konferencë për mediat, ku zbuloi detaje nga karriera e saj dhe çfarë do të ndodhë me “Sunny Hill Festival”. Për këtë të fundit, Dua nuk dha shumë detaje, teksa theksoi se pjesëmarrës do të jenë artistë të vendeve të ndryshme, shqiptarë po ashtu, po pa treguar emra konkretë.

Në këtë vizitë ajo shoqërohej edhe nga partneri i saj, Anwar Hadid. Ky i fundit duket se e ka pëlqyer Shqipërinë dhe sot ka ndarë në rrjete sociale foto nga vizita në Tiranë e Krujë. Së bashku me duan dhe familjen e saj, ai ka vizituar Kalanë e Krujës.

Anwar ka ndarë në Instagram një foto nga skulptura e Skënderbeut dhe shkruan se ai është djali i shqiponjave dhe më i madhi i vendit në Shqipëri. Gjithashtu modeli ka publikuar një foto të flamurit të Skënderbeut me shqiponjat dykrenore.

The post “Djali i shqiponjave”, Anwar Hadid ju tregon gjithë të huajve për Skënderbeun (FOTO LAJM) appeared first on Albeu.com.

Dhëndër në Kosovë, i dashuri i Dua Lipës mbështet publikisht presidenten Vjosa Osmani

A M — Wed, 07 Apr 2021 13:38:46 +0000

Këngëtarja shqiptare me famë botërore, Dua Lipa, uroi me fjalët më të bukura Vjosa Osmanin në rrjete sociale, për ta parë e gjithë bota.

“Urime Madamë Presidente. Sa e mrekullueshme të shikosh një femër në majë”, ka shkruar Dua duke i uruar Vjosa Osmanit postin e rëndësishëm.

Partneri i Duas, Anwar Hadid, ka treguar edhe njëherë se është partneri perfekt që e mbështet Duan kudo dhe e dashuron Kosovën po aq sa këngëtarja.

Në llogarinë e tij në Instagram, ai ndarë një postim të Osmanit në detyrën e re, ku shkruhet: “Kosova ka zgjedhur avokaten 38-vjeçare si Presidenten e re”, që ta shohin të gjithë ndjekësit e tij.

The post Dhëndër në Kosovë, i dashuri i Dua Lipës mbështet publikisht presidenten Vjosa Osmani appeared first on Albeu.com.