Partia Demokratike e Kosovës ka njoftuar anulimin e konferencës për media, e cila ishte planifikuar të zhvillohej në orën 14:00.

Vendimi u mor vetëm pak minuta pasi Lëvizja Vetëvendosje dhe Lidhja Demokratike e Kosovës arritën dakordimin për kandidatin për president, Bekim Sejdiu.

Ende nuk është bërë e ditur nëse PDK-ja do të organizojë një konferencë tjetër për media pas marrëveshjes së VV-së dhe LDK-së për presidentin.

The post PDK tërheq konferencën pas marrëveshjes VV-LDK për presidentin appeared first on Albeu.com.

Konferenca për shtyp e Dinamos, e parashikuar të zhvillohej sot në orën 11:00, është anuluar.

Gjatë daljes para mediave pritej të bëhej prezantimi i dy lojtarëve të rinj, mesfushorit Alhassan dhe sulmuesit Almir Ajzeraj. Gjithashtu, presidenti Bardhi do të fliste për sezonin e ardhshëm në Superiore.

Klubi dinamovit e mori këtë vendim për shkak të “gjendjes gripale”. Duke pasur parasysh edhe numrin e madh të ndeshjeve që do të zhvillohen, konferenca nuk u mbajt për të shmangur rrezikimin e lojtarëve.

The post Gjendja gripale anulon konferencën e Dinamos, shtyhet prezantimi i dy afrimeve të reja appeared first on Albeu.com.

Gjykata Speciale ka nxjerrë Urdhrin e Tretë për Caktimin e Datave në procesin gjyqësor ndaj Hashim Thaçit dhe të tjerëve, të akuzuar për vepra penale kundër administrimit të drejtësisë. Përmes këtij urdhri janë anuluar seancat e parashikuara për muajin gusht.

Shkak për këtë vendim është bërë njoftimi i dorëzuar më 30 korrik 2026 nga Mbrojtja e Smakajt, në përputhje me Rregullën 131, ku bëhej e ditur se nuk do të paraqiteshin prova në këtë fazë të procedurës.

Gjykatësi i vetëm që po shqyrton çështjen vendosi të heqë nga kalendari seancat e planifikuara për 17, 18 dhe 19 gusht 2026. Po ashtu, u anuluan edhe afatet e përcaktuara më parë në Urdhrin e Dytë për Caktimin e Datave.

Ndërkaq, Zyrës së Prokurorit të Specializuar (ZPS) iu caktua afati deri më 4 gusht 2026, në orën 12:00, për të paraqitur një mocion nëse synon të sjellë kundërprova.

Nëse ZPS nuk dorëzon një mocion të tillë, procesi i administrimit të provave do të mbyllet dhe çështja do të kalojë në fazën përfundimtare.

Urdhri përcakton edhe afatet e mëposhtme procedurale:

24 gusht 2026, deri në orën 16:00 – paraqitja e dosjeve gjyqësore përfundimtare, nëse palët zgjedhin t’i dorëzojnë;

4 shtator 2026 – paraqitja e kundërpërgjigjeve, nëse do të ketë të tilla;

10, 11 dhe 14 shtator 2026 – zhvillimi i seancave për paraqitjen e argumenteve përmbyllëse.

The post Gjykata Speciale anulon seancat e gushtit në çështjen ndaj Thaçit dhe të tjerëve për veprat kundër administrimit të drejtësisë appeared first on Albeu.com.

Ministria e Mbrojtjes ka vendosur të anulojë procedurën e prokurimit për mirëmbajtjen e autobusëve të Forcës së Sigurisë së Kosovës (FSK), një kontratë me vlerë të parashikuar 66 mijë euro, pas shqetësimeve të ngritura për transportin e trupave.

Njoftimi zyrtar për anulimin sqaron se arsyeja kryesore ishte mungesa e përgjegjshmërisë së ofertuesit të vetëm që konkurroi.

Vetëm një kompani pati dorëzuar ofertë, duke propozuar një çmim rreth 40 mijë euro, por ajo u vlerësua si e papërgjegjshme.

Sipas argumentimit të Ministrisë, operatori ekonomik dështoi të përmbushte kriteret e përcaktuara në dokumentet e tenderit. Konkretisht, stafi i propozuar nuk zotëronte kualifikimet dhe aftësitë teknike të nevojshme.

Tani, pas anulimit, mbetet për t’u parë nëse Ministria e Mbrojtjes do të ndërmarrë një procedurë të re prokurimi për këtë shërbim në një periudhë të ardhshme.

The post Tenderi për mirëmbajtjen e autobusëve të FSK-së anulohet nga Ministria e Mbrojtjes appeared first on Albeu.com.

Gjykata Themelore në Prishtinë ka vendosur në dobi të gjyqtares Mejreme Memaj në kontestin administrativ ndaj Këshillit Gjyqësor të Kosovës (KGjK), duke vlerësuar se raundi i dytë i votimit për përzgjedhjen e dy anëtarëve të rinj të KGjK-së nga Gjykata Supreme ishte në kundërshtim me ligjin dhe duke urdhëruar që të certifikohet rezultati i raundit të parë.

Në aktgjykim, gjykata ka konstatuar se padia e Mejreme Memajt është e bazuar. Sipas vendimit, interpretimi i KGjK-së për mënyrën se si duhej të llogaritej shumica ka qenë i pasaktë dhe nuk ka ekzistuar bazë e mjaftueshme ligjore për të kaluar në një raund të dytë votimi.

Gjykata ka vlerësuar se rezultati i vlefshëm ishte krijuar që në raundin e parë, ku Mejreme Memaj dhe Rrustem Thaqi kishin marrë nga 17 vota secili, duke përmbushur kushtet për t’u konsideruar të zgjedhur.

Për këtë arsye, janë anuluar edhe vendimet e KGjK-së nr. 38/2026 dhe nr. 39/2026 të datës 29 janar 2026, përfshirë këtu edhe certifikimin e rezultatit të dalë nga raundi i dytë.

Sipas aktgjykimit, KGjK-ja detyrohet që brenda 15 ditësh të nxjerrë një vendim të ri administrativ dhe të certifikojë rezultatin e raundit të parë, sipas të cilit Mejreme Memaj dhe Rrustem Thaqi shpallen anëtarë të KGJK-së nga radhët e Gjykatës Supreme.

Po ashtu, gjykata ka urdhëruar që Mejreme Memajt t’i paguhen shpenzimet e procedurës në shumën 2,750.34 euro.

Ky vendim ende nuk është përfundimtar dhe ndaj tij mund të ushtrohet ankesë në Gjykatën e Apelit brenda afatit ligjor prej 15 ditësh.

Çështja lidhet me procesin zgjedhor të zhvilluar më 23 janar 2026 për përzgjedhjen e dy anëtarëve të Këshillit nga radhët e Gjykatës Supreme. Në atë votim morën pjesë 34 nga 35 gjyqtarë me të drejtë vote.

Nga 34 fletëvotimet e hedhura, 33 rezultuan të vlefshme dhe një e pavlefshme. Pas numërimit, Mejreme Memaj dhe Rrustem Thaqi kishin fituar nga 17 vota secili, ndërsa Bashkim Hyseni dhe Franciska Zhitia-Ymeri nga 16 vota.

Komisioni zgjedhor kishte arsyetuar se asnjë kandidat nuk kishte siguruar shumicën e kërkuar, ndaj kishte vendosur të vazhdohej me raundin e dytë. Në këtë raund, Rrustem Thaqi dhe Franciska Zhitia-Ymeri morën nga 19 vota secili, ndërsa Mejreme Memaj dhe Bashkim Hyseni nga 15 vota. Më pas, KGJK kishte certifikuar Thaqin dhe Zhitia-Ymerin si anëtarë të rinj.

Më 18 shkurt 2026, Mejreme Memaj, përfaqësuar nga avokati Besnik Berisha, kishte ngritur padi duke kërkuar shfuqizimin e vendimit të KGJK-së të 29 janarit 2026, me të cilin ishte certifikuar rezultati përfundimtar i raundit të dytë.

Ajo kishte kërkuar njëherësh që i vlefshëm të njihej vetëm rezultati i raundit të parë, sipas të cilit fitues duhej të shpalleshin ajo dhe Rrustem Thaqi.

Në pretendimet e saj, Memaj kishte theksuar se në raundin e parë kishte marrë 51.52% të votave të vlefshme dhe se shumica duhej të llogaritej vetëm mbi votat e vlefshme, e jo mbi votat e pavlefshme apo mbi numrin total të pjesëmarrësve.

Sipas padisë, Komisioni zgjedhor kishte vepruar në mënyrë arbitrare kur kishte vendosur që procesi të kalonte në raundin e dytë, duke shkelur Rregulloren për procedurën dhe kriteret e zgjedhjes së anëtarëve të KGjK-së, si dhe praktikat kushtetuese të përmendura në rastet KI34/17 dhe KI55/17.

Memaj kishte argumentuar se ajo dhe Rrustem Thaqi e kishin arritur shumicën e nevojshme që në raundin e parë dhe se vendimi për vazhdimin e votimit me një raund të dytë i kishte cenuar një të drejtë të fituar në procesin zgjedhor.

Në të njëjtën kohë, ajo kishte kërkuar edhe pezullimin e zbatimit të vendimit të KGjK-së, me arsyetimin se ekzekutimi i tij do të sillte dëm të pariparueshëm për integritetin e saj profesional dhe për të drejtat kushtetuese.

Nga ana tjetër, KGjK kishte kundërshtuar padinë, duke pretenduar se për zgjedhje nevojiteshin 18 vota dhe se kjo shumicë duhej të llogaritej mbi numrin e përgjithshëm të pjesëmarrësve në votim, duke përfshirë edhe votën e pavlefshme.

Sipas qëndrimit të KGjK-së, askush nga kandidatët nuk e kishte arritur këtë prag në raundin e parë, prandaj zhvillimi i raundit të dytë kishte qenë i domosdoshëm dhe në përputhje me rregulloren.

Edhe Franciska Zhitia-Ymeri, në cilësinë e personit të tretë, kishte përkrahur qëndrimin e KGjK-së, duke theksuar se vota e pavlefshme nuk mund të përjashtohej nga baza për llogaritjen e shumicës dhe se i gjithë procesi ishte zhvilluar në mënyrë të rregullt dhe kushtetuese.

Gjyqtarja Mejreme Memaj kishte paditur Këshillin Gjyqësor të Kosovës (KGjK), duke kërkuar anulimin e vendimit me të cilin ishte certifikuar rezultati zgjedhor për dy anëtarë të Këshillit nga shkalla e tretë. Ajo kishte paraqitur gjithashtu kërkesë për masë të sigurisë, përkatësisht pezullimin e zbatimit të vendimit të 29 janarit 2026.

Nga certifikimi i rezultatit zgjedhor, KGjK-ja kishte konstatuar se anëtarë të rinj të Këshillit nga radhët e Supremes janë Rrustem Thaqi dhe Franciska Zhitija-Ymeri. Meqë të dy ishin zgjedhur në raundin e dytë, paditësja Memaj kishte kërkuar që të certifikohej rezultati i raundit të parë dhe që ajo së bashku me Thaqin të zgjidheshin anëtarë, pasi sipas saj kishin marrë shumicën e kërkuar të votave, raporton “Betimi për Drejtësi”.

Në mbledhjen e mbajtur më 29 janar 2026, Këshilli kishte hedhur poshtë si të palejuar kundërshtimin e paraqitur nga kandidatja për anëtare të KGJK-së nga radhët e gjyqtarëve të Gjykatës Supreme, Mejreme Memaj, duke certifikuar kështu rezultatin zgjedhor të mbajtur në këtë gjykatë dhe atë të Apelit.

Sipas kryesuesit Albert Zogajt, gjyqtarët Rrustem Thaqi dhe Franciska Zhitia-Ymeri fillojnë mandatin si anëtarë të KGjK-së më 9 mars 2026 nga radhët e gjyqtarëve të Gjykatës Supreme, ndërsa gjyqtarja Afërdita Bytyqi po ashtu fillon mandatin më 9 mars 2026, për anëtare nga radhët e gjyqtarëve të Gjykatës së Apelit.

Ndërkaq, procesi i votimit për anëtarë ishte mbajtur më 23 janar 2026 dhe, pas përfundimit të raundit të dytë për dy anëtarët e rinj nga radhët e Supremes, gjyqtari Rrustem Thaqi dhe gjyqtarja Franciska Zhitia-Ymeri ishin zgjedhur anëtarë të rinj, duke nisur një mandat 5-vjeçar.

The post Gjykata rrëzon votimin e raundit të dytë për anëtarët e KGjK-së nga Supremja, kërkon certifikimin e raundit të parë për Memajn dhe Thaqin appeared first on Albeu.com.

jo po sjell pasoja edhe për sportin në këtë rajon, teksa është përfshirë në këtë situatë në mënyrë direkte edhe Shqipëria.

FSHF kishte planifikuar dy miqësore me përfaqësuesen U21 në Antalia të Turqisë, ndaj Japonisë dhe SHBA më 27 dhe 30 mars.

Por tashmë amerikanët janë tërhequr, duke njoftuar zyrtarisht se për çështje sigurie nuk do të mund të luajnë në Turqi këtë duel që ishte historik si i pari mes dy vendeve .

NJOFTIMI I FSHF:

Departamenti i Komunikimit në FSHF bën me dije se ndeshja miqësore mes SHBA U-21 dhe Shqipërisë U-21, e planifikuar për t’u zhvilluar më 30 mars në Antalia, Turqi, është anuluar.

Federata Amerikane e Futbollit ka njoftuar Federatën Shqiptare të Futbollit se, për shkak të situatës së krijuar në Lindjen e Mesme dhe për çështje sigurie, ka vendosur të mos udhëtojë drejt Turqisë, duke e bërë të pamundur zhvillimin e kësaj ndeshjeje miqësore.

Ndërkohë, FSHF po shqyrton mundësinë për të gjetur një kundërshtar tjetër për Kombëtaren U-21, për të zhvilluar një ndeshje miqësore në të njëjtën datë, më 30 mars.

Gjithashtu, Shqipëria U-21 ka të programuar të luajë testin e parë miqësor të marsit ndaj Japonisë U-21 më 27 mars në Antalia.

The post Lufta në Iran lë me pasoja edhe Shqipërinë, anulohet ndeshja historike e kuqezinjve në fundin e muajit mars appeared first on Albeu.com.

SPAK, njofton se shkak i anullimit të këtij tenderi është bërë për arsyen se në këtë procedurë me një faze, nuk është dorëzuar asnjë ofertë ekonomike e përshtatshme.

Në këtë tender nuk kishte asnjë garë, pasi siç ka raportuar edhe më parë “Ora News” tenderi ishte paracaktuar pikërisht tek kompania “Axians Albania” që administrohet nga Kleanthi Prifti.

Sipas burimeve, kjo kompani ka hyrë e vetme në këtë tender të SPAK, duke përdorur formatin e Bashkimit të Operatorëve “Axians Albania” plus “Atom”.

Asnjë kompani tjetër shqiptare, nuk ka marë pjesë në këtë procedurë, pasi më parë ishte mësuar prej tyre se tenderi ishte paracaktuar dhe fitues do shpallej pikërisht Bashkimi i Operatorëve të mësipërm.

Edhe pse ka dhënë ofertën ekonomike, SPAK vendosi të mos e marë parasysh këtë ofertë, duke anulluar tenderin që ishte paracaktuar më parë.

“Atom” dhe “S&T alias Axians Albania”, janë dy kompani në dukje të ndryshme nga njëra-tjetra.

Por ato kanë një lidhje shumë të fortë. Dominimin e tenderave të OSHEE-së në sektorin e IT-së.

Dhe ky është një biznes shumë i madh, që tashmë këto dy kompani po e shtrijnë në formë monopoli jo vetëm në OSHEE por dhe tek tenderat e SPAK.

E gjithë procedura e tenderin me vlerë të përgjithshme prej 1 miliard e 647 milion lekë, por e ndarë në 5 lote të posaçëm, ka nevojë për tu hetuar nga vetë SPAK.

Kjo strukturë heton të gjithë tenderat e administratës Shtetërore, por asnjëherë nuk ka marë një rast të vetëm dhe hetojë tenderat e saj. Askush nuk i kontrollon, madje as KLSH-ja.

Tenderi me vlerë 1.6 miliard lekë vjen në një kohë kur dhe partnerët e huaj të SPAK, kanë investuar mjaft para në donacione, duke dhuruar sisteme kompjuterike për këtë Prokurori të Posaçme.

The post SPAK njofton pse anuloi tenderin 1.1 mln €, asnjë ofertë e përshtatshme për t’u shpallur fituese appeared first on Albeu.com.

Me anë të një postimi në llogarinë e tij në “Facebook”, Rama ka kujtuar të gjithë bashkatdhetarët në Greqi, se në 12 Maj do të jetë në Athinë.

Kryeministri Rama, do të nisë një tur takimesh me diasporën në shtete të ndryshme të Evropës gjatë muajit maj, ku ka planifikuar edhe një vizitë në kryeqytetin grek.

Rama do nisë turin e takimeve në kuadër të rienergjizimit të PS-së, ku shkruan se do të jetë në Athinë më 12 Maj, ku do të takohet me emigrantët shqiptarë atje.

Postimi i Ramës:

“MIRËMËNGJES dhe me një kujtesë për ata ndër ju që janë në Greqi, se në 12 maj nisim nga Athina rrugëtimin e pranverës në diasporë krenarë për Shqipërinë, ku do të ishte kënaqësi e posaçme të takoheshim, ju uroj të gjithëve një fundjavë të mbarë”, shkruan Rama.

Mediat greke, kishin paralajmëruar se qeveria e këtij vendi kishte kundërshtuar vizitën e kryeministrit shqiptar, për shkak të raporteve të acaruara mes dy shteteve.

Një burim tha se kreut të qeverisë së Edi Ramës, i është kërkuar të shtyjë vizitën pas datës 9 qershor kur në Greqi, sikurse dhe në vendet e tjera të BE do të votohet për Parlamentin Europian.

Pas Athinës, më 26 maj Rama do të jetë në Milano, më 2 qershor në Londër dhe në 16 qershor në Duseldorf.

Një nga arsyet e këtij turi, është për t’ju bërë thirrje shqiptarëve që jetojnë në diasporë, që të kthehen për të jetuar dhe investuar në Shqipëri.

Pak ditë më parë, gazeta greke “Kathimerini”, shkruante se vizita ka shqetësuar jo pak Athinën zyrtare dhe lidhet më shumë me frikën se Rama, mund të ndikojë në orientimin e votës së emigrantëve për zgjedhjet e deputetëve helen për Parlamentin Europian.

Sipas gazetës “Kathimerini”, autoritetet greke i kanë kërkuar bashkëpunëtorëve të shefit të qeverisë shqiptare, që të shtyjë takimin me emigrantët pas 9 qershorit, datë e cila përkon me ditën e zgjedhjeve për eurodeputetët.

Gjithashtu, në shkrim thuhet se bashkia ja ka revokuar lejen e mitingut organizatorëve, e cila është parashikuar të mbahet pranë stadiumit Galatsi.

Kathimerini, shkruante se i referohet burimeve diplomatike shqiptarë dhe greke, sipas të cilave, më këtë vizitë kryeministri Rama, mund të orientojë votën e shqiptarëve si një kundërpërgjigje për kandidimin për zgjedhjet europiane të Fredi Belerit, për llogari të partisë së shefit të qeverisë greke Kiriakos Mitostakis.

Megjithatë, thotë gazeta greke, një ngjarje e tillë, edhe nëse Rama i shmang referimet përzgjedhjet europiane, në çdo rast do të përbënte përfshirje indirekte në proces.

Kryeministria nuk pati ndonjë reagim për kërkesë nga Greqia për shtyrje, apo nëse ka një plan që takimi i 12 majit të zhvendoset pas përfundimit të zgjedhjeve europiane.

The post Greqia i kërkoi të anulojë vizitën, Rama nuk heq dorë, fton emigrantët shqiptarë për takim në Athinë appeared first on Albeu.com.

Ai thotë se presidenti ka zgjedhur të mos e mbajë fjalimin e tij vjetor për gjendjen e kombit në Parlamentin rus përpara fundit të vitit.

Koha e fjalimit kishte qenë objekt spekulimesh në mediat ruse dhe zëdhënësi i Kremlinit, Dmitry Peskov, nuk do të komentonte arsyen e shtyrjes, duke thënë vetëm se kishte të bënte me “orarin e punës” të Putinit.

Megjithatë, ne presim që ai të japë një deklaratë publike së shpejti, si pjesë e pjesëmarrjes së tij në një takim të Ministrisë së Mbrojtjes

The post Ç’po ndodh? Pas konferecës tradicionale të fundvitit, Putin anulon një tjetër fjalim të madh vjetor appeared first on Albeu.com.

BE-ja konfirmoi vendimin e saj për të mbyllur hapësirën e saj ajrore ndaj Rusisë të dielën. Ndalimi është pjesë e masave në përgjigje të pushtimit rus të Ukrainës.

“Hapësira jonë ajrore do të jetë e mbyllur për çdo avion rus. Dhe kjo përfshin edhe avionët privatë të oligarkëve”, tha të dielën presidentja e Komisionit Evropian Ursula von der Leyen.

The post Ministri i Jashtëm rus anulon udhëtimin në OKB, shkak ndalimi i hapësirës ajrore të BE-së appeared first on Albeu.com.