Gjatë fjalës së tij në Nju Jork, Guterres i quajti sulmet e SHBA-ve ndaj objekteve bërthamore të Iranit si “një kthesë të rrezikshme në një rajon që tashmë është në trazirë”. Anotnio Guterres tha se dënon çdo përshkallëzim ushtarak në Lindjen e Mesme.

“Kombet e Bashkuara janë të gatshme të mbështesin çdo përpjekje drejt një zgjidhjeje paqësore. Por paqja nuk mund të imponohet. Ajo duhet të zgjidhet”, tha sekretari i Përgjithshëm i OKB-së.

The post Mblidhet Këshilli i Sigurimit i OKB-së! Antonio Guterres: Paqja nuk mund të imponohet, ajo duhet të zgjidhet! appeared first on Albeu.com.

Rritja e temperaturës bën që uji të zgjerohet, gjë që kontribuon në rritjen e nivelit të detit.

“Unë jam në Tonga për të lëshuar një alarm global për rritjen e nivelit të detit,” tha ai, ndërsa fliste në Forumin e Ishujve të Paqësorit.

Shefi i OKB-së tha se Ishujt e Paqësorit ishin “të ekspozuar në mënyrë unike” ndaj ndikimit të rritjes së nivelit të detit.

“Niveli mesatar global i detit po rritet me ritme të paprecedentë në 3000 vitet e fundit. Oqeani është i tejmbushur për shkak të ndryshimeve klimatike,” tha ai në një postim në X.

Guterres foli për gjetjet e një raporti që tregonte se Paqësori Jugperëndimor ishte goditur më keq nga rritja e nivelit të detit. Disa vende janë prekur nga më shumë se dyfishi i mesatares globale në tre dekadat e fundit.

Ai tha se ishujt e Paqësorit ishin vetëm një ose dy metra mbi nivelin e detit dhe për këtë arsye në mënyrë unike të cenueshme. “Gjysma e infrastrukturës është 500 metra larg detit”, shtoi ai.

Një raport i organit të OKB-së për monitorimin e klimës tha se detet ishin ngritur me rreth 15 centimetra në disa pjesë të Paqësorit në 30 vitet e fundit. Mesatarja globale ishte 9.4 centimetra.

“Arsyeja është e qartë: gazrat serrë – të prodhuara në masë dërrmuese nga djegia e lëndëve djegëse fosile – po gatuajnë planetin tonë. Dhe deti po merr nxehtësinë – fjalë për fjalë,” tha Guterres.

“Ngritja e deteve po përforcon frekuencën dhe ashpërsinë e stuhive dhe përmbytjeve bregdetare. Këto përmbytje kënetojnë komunitetet bregdetare, shkatërrojnë peshkimin, dëmtojnë të korrat, ndotin ujin e ëmbël. E gjithë kjo i vë në rrezik të madh kombet e ishullit të Paqësorit,” tha ai.

Nëse emetimet globale nuk reduktohen, Guterres paralajmëroi se Ishujt e Paqësorit mund të presin një rritje shtesë të nivelit të detit prej 15 cm deri në vitin 2050 dhe 30 ditë në vit me përmbytje bregdetare.

Guterres u bëri thirrje udhëheqësve globalë që të rrisin masivisht investimet e përshtatjes klimatike” në vendet e cenueshme . “Vendet e zhvilluara duhet të përmbushin angazhimet e tyre [financiare] – duke përfshirë angazhimin për të dyfishuar financimin e përshtatjes në të paktën 40 miliardë dollarë në vit deri në vitin 2025.

The post Shefi i OKB ngre alarmin global! Shprehet i shqetësuar për rritjen e nivelit të detit: Do ketë stuhi dhe përmbytje… appeared first on Albeu.com.

Hamasi, grup palestinez që kontrollon Rripin e Gazës, është shpallur organizatë terroriste prej Shteteve të Bashkuara dhe Bashkimit Evropian.

Guterres ka mbajtur një takim urgjent të Këshillit të Sigurimit të OKB-së, disa javë pas nisjes së luftimeve që kanë lënë mbi 17.170 persona të vdekur në Gazë, kryesisht gra dhe fëmijë, sipas autoriteteve shëndetësore palestineze.

“Rreth 130 pengje po mbahen ende. Bëj thirrje për lirim të menjëhershëm dhe pa kushte, si dhe trajtim njerëzor dhe vizita të Komitetit Ndërkombëtar të Kryqit të Kuq, derisa të lirohen”, ka thënë Guterres.

“Në të njëjtën kohë, brutaliteti i kryer nga Hamasi, nuk mund të arsyetojë kurrë ndëshkimin kolektiv të popullit palestinez”.

Duke u zotuar se do ta shkatërrojë Hamasin, Izraeli vazhdon të bombardojë Gazën, qysh prej 7 tetorit, ditën kur Hamasi ka kryer sulme në jug të Izraelit, dhe e ka nxitur kështu luftën.

Militantët e Hamasit kanë vrarë rreth 1.200 njerëz dhe kanë marrë peng mbi 240 njerëz.

“I dënoj këto sulme, pa asnjë rezervë. Jam i tronditur nga raportimet për dhunë seksuale”, ka thënë Guterres.

“Nuk ka arsyetim për vrasje të qëllimshme të 1.200 njerëzve, përfshirë 33 fëmijëve, plagosjen e mijëra tjerëve dhe marrjen e pengjeve”.

Guterres e ka shfrytëzuar Artikullin 99 të Kartës së OKB-së për të fokusuar vëmendjen e Këshillit “në çfarëdo çështje që, sipas mendimit të tij, mund të kërcënojë paqen dhe sigurinë ndërkombëtare”.

Askush që e ka mbajtur këtë pozitë ndër dekada, nuk ka vepruar kështu.

Guterres synon arritjen e një “armëpushimi humanitar” për të parandaluar “katastrofë me implikime potencialisht të pakthyeshme për palestinezët” dhe gjithë Lindjen e Mesme.

The post Guterres: Brutaliteti i Hamasit nuk e justifikon “ndëshkimin kolektiv” të palestinezëve appeared first on Albeu.com.

“Qindra mijëra civilë palestinezë po kërkojnë strehim në objektet e OKB-së në të gjithë Gazën ndërsa luftimet përshkallëzohen. Ju siguroj se objektet tona janë të pacenueshme”, tha Guterres në një deklaratë sot.

Sipas tij, lufta mes Izraelit dhe militantëve të Hamasit, të cilët sundojnë Gazën, po shkakton një numër tronditës dhe të papranueshëm viktimash civile, duke bërë thirrje për një armëpushim të menjëhershëm humanitar.

The post Izraeli goditi dy shkolla të OKB në Gaza, reagon Guterres: Jam thellësisht i tronditur appeared first on Albeu.com.

Pas deklaratave, ambasadori izraelit në OKB që kërkoi që ai të jepte dorëheqjen.

“Është e rëndësishme të pranohet gjithashtu se sulmet nga Hamasi nuk ndodhën në vakum”, tha Guterres në një takim të Këshillit të Sigurimit të OKB-së mbi luftën Izrael-Hamas, e cila shpërtheu kur grupi terrorist shkatërroi komunitetet kufitare izraelite, duke vrarë rreth 1,400 njerëz, shumica dërrmuese e tyre civilë.

“Populli palestinez i është nënshtruar pushtimit mbytës për 56 vjet. Ata e kanë parë tokën e tyre të gllabëruar vazhdimisht dhe të rrënuar nga dhuna; ekonomia e tyre u mbyt; njerëzit e tyre të zhvendosur dhe shtëpitë e tyre të shkatërruara. Shpresat e tyre për një zgjidhje politike të gjendjes së tyre janë zhdukur, “tha Guterres.

Guterres shtoi se “ankesat e popullit palestinez nuk mund të justifikojnë sulmet e tmerrshme të Hamasit. Dhe këto sulme të tmerrshme nuk mund të justifikojnë ndëshkimin kolektiv të popullit palestinez”, një referencë e dukshme ndaj fushatës së vazhdueshme të sulmeve ajrore të Izraelit në Rripin e Gazës që zyrtarët e Hamasit thonë se ka vrarë mijëra njerëz.

Izraeli u zemërua nga komentet e Guterres

I dërguari i OKB-së Gilad Erdan i quajti deklaratat “tronditëse” dhe kërkoi që sekretari i përgjithshëm të jepte dorëheqjen.

Ministri i Jashtëm Eli Cohen anuloi një takim me Guterres dhe ministri Benny Gantz e quajti shefin e OKB-së një “apologjist të terrorit”.

“Sekretari i Përgjithshëm i OKB-së, i cili tregon mirëkuptim për fushatën e vrasjeve masive të fëmijëve, grave dhe të moshuarve, nuk është i përshtatshëm për të udhëhequr OKB-në. I bëj thirrje që të japë dorëheqjen menjëherë,” shkroi Erdan në X.

“Nuk ka asnjë justifikim apo kuptim të flasësh me ata që tregojnë dhembshuri për mizoritë më të tmerrshme të kryera kundër qytetarëve të Izraelit dhe popullit hebre. Thjesht nuk ka fjalë.”

The @UN Secretary-General, who shows understanding for the campaign of mass murder of children, women, and the elderly, is not fit to lead the UN.

I call on him to resign immediately.

There is no justification or point in talking to those who show compassion for the most…

— Ambassador Gilad Erdan גלעד ארדן (@giladerdan1) October 24, 2023

Erdan tha se komentet ishin “të tmerrshme” dhe “krejtësisht të shkëputura nga realiteti në rajonin tonë”.

“Është e trishtueshme që një person me pikëpamje të tilla është kreu i një organizate që u ngrit pas Holokaustit,” tha ai.

“Është me të vërtetë e pakuptueshme.

Ministri i Jashtëm Cohen, i cili kishte udhëtuar në Nju Jork për të marrë pjesë në takimet për luftën, postoi në X (ish-Twitter) se po anulonte një takim të planifikuar me Guterres.

Pas asaj që ndodhi më 7 tetor, ai shkroi, “nuk ka vend për një qasje të barabartë. Hamasi duhet të fshihet nga faqja e dheut.”

Më 7 tetor, Hamasi bombardoi papritur Izraelin me mijëra raketa, ndërsa mbi 2,500 persona të armatosur depërtuan kufirin me Rripin e Gazës.

Izraeli i është përgjigjur sulmit të Hamasit duke u zotuar të shkatërrojë grupin terrorist dhe të nisë sulme intensive në Gaza, duke thënë se po godet objektivat e terroristëve duke u përpjekur të shmangë viktimat civile. /Albeu.com

The post “Sulmet e Hamasit nuk erdhën nga hiçi”, Izraeli kërkon dorëheqjen e sekretarit të OKB-së: Deklarata tronditëse appeared first on Albeu.com.

The post Shefi i OKB-së mbërrin në vendkalimin Rafah të Egjiptit: Kamionët me ndihma ndryshimi midis jetës dhe vdekjes appeared first on Albeu.com.

Duke folur në Pekin në një forum ku ishin të pranishëm edhe presidenti kinez Xi dhe presidenti rus Putin, ai tha në fund të fjalimit të tij se ndjeu se duhej të trajtonte atë që po ndodh në Lindjen e Mesme.

“Unë bëj thirrje për një armëpushim të menjëhershëm humanitar… për të lehtësuar vuajtjet njerëzore që po shohim,” tha ai, “shumë jetë dhe fati i të gjithë rajonit është në rrezik.”

I call for an immediate humanitarian ceasefire in the Middle East to ease the epic human suffering.

Too many lives – and the fate of the entire region – hang in the balance.

— António Guterres (@antonioguterres) October 18, 2023

Sakaq, qindra njerëz dyshohet se kanë vdekur pasi një shpërthim tronditi spitalin Al Ahli në qytetin e Gazës . Hamasi tha se ushtria izraelite ishte përgjegjëse për sulmin. Izraeli nga ana e tij ka fajësuar Xhihadin Islamik Palestinez, një grup i armatosur me bazë në Gaza.

Protestat kanë shpërthyer në të gjithë Bregun Perëndimor të pushtuar dhe qytetet e mëdha anembanë botës , dhe shumë liderë botërorë e kanë dënuar shpërthimin, me disa që bëjnë thirrje për një armëpushim.

Ndërsa një krizë humanitare vazhdon të thellohet në Gaza, SHBA ka thënë se “po i afrohet një kornize për ndihma për të hyrë në Gaza nga Egjipti “.

Kalimi i Rafahut në kufirin e Gazës me Egjiptin, e vetmja hyrje në Gaza që nuk kontrollohet nga Izraeli, mbetet e mbyllur.

Reuters raporton se Këshilli i Sigurimit i OKB-së do të votojë të mërkurën mbi një rezolutë të hartuar nga Brazili që bën thirrje për “pauza humanitare” në konflikt për të lejuar hyrjen e ndihmës në Rripin e Gazës.

The post Lufta e madhe te dera, shefi i OKB bën thirrjen e fundit: Boll më! appeared first on Albeu.com.

Duke folur nga selia e OKB-së në Nju Jork, ai tha: “Vendimi i sotëm i Federatës Ruse do të godasë njerëzit në nevojë. Qindra miliona njerëz përballen me urinë dhe konsumatorët po përballen me një krizë globale të kostos së jetesës. Ata do të paguajnë çmimin”.

Ai tha se pezullimi i marrëveshjes do të thotë se një pakt i lidhur midis OKB-së dhe Moskës për të ndihmuar në lehtësimin e eksporteve ruse të grurit dhe plehrave u ndërpre.

“Fokusi ynë kryesor do të jetë avancimi i sigurisë globale të ushqimit dhe stabiliteti global i çmimeve të ushqimit”, shtoi ai.

Gueterres tha se vendimi i sotëm i Federatës Ruse do t’i japë një goditje të rëndë njerëzve në nevojë në mbarë botën.

The post Guterres: Më vjen thellësisht keq për tërheqjen ruse nga marrëveshja e grurit appeared first on Albeu.com.

“Çdo vendim për të vazhduar me aneksimin e rajoneve ukrainase: Luhansk, Donjeck, Herson dhe Zaporizhja nuk do të kishte asnjë vlerë ligjore dhe meriton të dënohet”, u tha ai gazetarëve.

Kremlini njoftoi më 29 shtator se do t’i aneksojë formalisht katër rajone të Ukrainës, ku së voni u mbajtën të ashtuquajturat referendume për bashkim me Rusinë.

Zëdhënësi Dmitry Peskov tha se ceremonia e nënshkrimit do të mbahet më 30 shtator.

Në të, sipas tij, do të marrin pjesë presidenti rus, Vladimir Putin, dhe udhëheqësit e instaluar nga Moska të katër rajoneve ukrainase: Luhansk, Donjeck, Herson dhe Zaporizhja.

Zyrtarët pro-rusë të këtyre rajoneve thanë se votuesit e kanë mbështetur me shumicë votash bashkimin me Rusinë.

Por, referendumet e ashtuquajtura u hodhën poshtë nga Ukraina, qeveritë perëndimore dhe Kombet e Bashkuara, duke thënë se ato janë të paligjshme sipas ligjit ndërkombëtar.

Të katër rajonet formojnë një rrip të rëndësishëm tokësor midis Rusisë dhe Gadishullit të Krimesë, të cilin Moska e aneksoi ilegalisht nga Ukraina në vitin 2014./REL

The post Shefi i OKB-së: Aneksimi i rajoneve të Ukrainës nga Rusia, përshkallëzimi i rrezikshëm appeared first on Albeu.com.

Ai tha se debatet rreth konfliktit të mundshëm bërthamor janë “krejtësisht të papranueshme”, duke shtuar se ai është i shqetësuar për referendumet e planifikuara në pjesët e okupuara të Ukrainës.

Guterres vazhdon duke thënë se situata në termocentralin bërthamor të Zaporizhzhia mbetet një shkak për shqetësim të madh.

Megjithatë, ai mirëpriti lirimin e 300 të burgosurve në një shkëmbim midis Rusisë dhe Ukrainës brenda natës./albeu.com

The post Shefi i OKB-së: Debati rreth konfliktit të mundshëm bërthamor është “krejt i papranueshëm” appeared first on Albeu.com.