Mësohet se mes tyre është diskutuar për mundësinë e avancimit të institucioneve, ndërsa është rënë dakord që bashkëpunimi ndërmjet dy vendeve të ngrihet në një nivel më të lartë.

‘Drejtuesi i SPAK zhvilloi një takim me z GiovanniMelillo, Prokuror Kombëtar Antimafia & Antiterrorizëm në Itali. Homologët diskutuan rreth bashkëpunimit shumë të mirë mes dy institucioneve dhe u ra dakord të ngrihet në një nivel më të lartë puna e përbashkët.’- njofton SPAK në Twitter./albeu.com

The post Drejtuesi i SPAK takon kreun e Antimafies italiane, Giovanni Melillo appeared first on Albeu.com.

Ky i fundit rezulton i përfshirë në një plagosje me armë në vitin 2016, ngjarje që ndodhi pas një sherri për një vend parkimi.

Saimir Kurti ka plagosur për motive të dobëta sot Eqrem Kazazin, Kid Kazazin dhe Dritan Xhixhon, ky i fundit shitës ambulant. I pari është edhe babai i kreut të FRPD­së së Kavajës.

Pas arrestimit nga policia Kurti tha në polici se “Nuk ka ngjarje politike. U konfliktuam pasi kishin ngacmuar bashkëshorten time, duke mos e lejuar të parkonte makinën përpara lokalit të tyre, i cili ndodhet para bashkisë.

E konsiderova si gjest të ulët këtë dhe shkova të sqarohesha me ta, por ata më dhunuan fizikisht dhe për vetëmbrojtje qëllova me pistoletë në tokë”, mësohet të jetë shprehur ndër të tjera për Policinë lokale Kurti.

Deri tani janë zbuluar emrat e  IIirjan Balla, shefi i sektorit kundër trafiqeve në Policinë e Shtetit; Prokurori i Vlorës Maksim Sota; ish-oficeri i policisë, Festim Lelaj, si dhe Saimir Kurti drejtor i zyrës së Punës në Kavajë.

The post Para 5 vitesh plagosi 3 persona se i ngacmuan gruan, kush është zyrtari i arrestuar gjatë operacionit anti-drogë appeared first on Albeu.com.

Kraja ndër të tjera në fjalën e tij ka bërë me dije se në vendin tonë janë ekzekutuar 28 urdhra ndalimi, dhe mes të arrestuarve ka prokurorë, punonjës policie dhe punonjës të administratës publike lokale.

“Është një skuadër e përbashkët e krijuar, që ka një vit e gjys që kryen aktivitet dhe hetimet përbashkëta, një shkëmbim informacioni të menjëhershëm dhe të suksesshëm, i rëndësishëm në grumbullimin dhe analizimin e provave dhe ekzekutimin e masave të sigurimit, 28 masa sigurimi në Shqipëri. Një moment i rëndësishëm është dhe hetimi i gjithanshëm që është kryer, është evidentuar i gjithë zinxhiri, nga prodhimi deri te trafikimi në Itali i lëndëve narkotike, është evidentuar dhe provuar dhe përfshirja e zyrtarëve të ndryshëm publik duke favorizuar aktivitetin kriminal. Bëhet fjalë për prokurore, punonjës policie, administratorë të pushtetit lokal, janë sekuestruar pasuri të luajtshme dhe paluajtshme disa milionë euro. Përdorimi i bashkëpuntorëve të drejtësisë kanë dhënë dhe kontributin e tyre në këtë operacion. Kemi ngritur akuza për pastrim të veprës penale, para një viti në një konferencë në romë kemi shpjeguar dhe fazën e parë të këtij operacioni ku kam premtuar se kush është i përfshirë do të ndiqet penalisht përfshirë dhe zyrtarë publik”, ka thënë Kraja.

Kujtojmë se mes të arrestuarve janë Maksim Sota, prokuror në Vlorë dhe ish-oficeri i policisë në Vlorë, Festim Lelaj, i proceduar edhe në kohën e Tahirit.

Ndërkohë prokurori i Anti-mafias italiane, Federico Cafiero de Raho theksoi se bashkëpunimi mes autoriteteve ka vijuar prej kohësh dhe se bashkëpunimi Shqipëri-Itali lejoi strukturat të luftojnë krimin e organizuar.

“Përshëndes kreun e SPAK Arben Kraja. Operacioni mes Shqipërisë dhe Italisë ishte konstant. Prej kohësh kemi operuar së bashku për këtë operacion dhe me një raport me shumë intensitet që arritur rezultate të jashtëzakonshme. Bashkëpunimi Shqipëri -Itali lejon strukturat tona të luftojnë krimin e organizuar.

Qytetarët duhet të kenë besim në punën tonë. Anti-mafia italiane dhe policia shqiptare kanë zhvilluar këtë operacion tepër delikat, falë impenjimit të tyre kanë arritur të shkatërrojnë këtë grup që kryente aktivitetin kriminal në disa vende. Është e rëndësishme që bashkëpunimi ynë të vazhdojë në mënyrë intensive”, tha ai.

The post Prokurorë, punonjës policie e administratorë të pushtetit lokal: Kreu i SPAK “zbërthen” grupin e trafikantëve të drogës appeared first on Albeu.com.

Festim Leja është hedhur nga kati i dytë i banesës në momentin që pa SPAK ka shkuar me urdhër-arrestin. Në momentin që policia do të ndërhynte, ai është hedhur dhe për pasojë pësoi edhe fraktura në këmbë, raporton Abcnews.al.

Tashmë, Lelaj ka dalë nga spitali dhe është nisur në drejtim të Tiranës. Edhe personat e tjerë e arrestuar janë nisur drejt kryeqytetit.

Operacioni kundër trafikut të drogës, u zhvillua nga autoritetet italiane në bashkëpunim me ato shqiptare.

Ky operacion është vazhdim i hetimeve të operacioneve “Shefi” e “Kulmi” ekzekutuar në 2018 e 2020 nga Drejtoria e anti-mafiaes Italiane të Barit, ndërsa çoi në ekzekutimin e 38 urdhër arresteve për trafik ndërkombëtar droge, riciklim parash dhe korrupsion.

The post Operacioni anti-drogë, si u hodh nga kati i dytë ish-oficeri në Vlorë kur pa policinë appeared first on Albeu.com.

Ndërkohë gjatë hetimit janë ngritur edhe akuza për korrupsion, abuzim me detyrën dhe pastrim parash. Në mesin e të arrestuarve dhe të hetuarve janë edhe prokurori i Vlorës Maksim Sota, si dhe zyrtarë të tjerë të shtetit shqiptar.

Mësohet se ky hetim për trafik droge është nisur nga prokuroria për Krimet e Rënda në vitin 2018, edhe është hetuar nga një prokuror që aktualisht është pjesë e SPAK.

Asokohe, sipas gazetares Klodiana Lala, prokuroria për Krimet e Rënda vendosi të shpallë moskompetencën për këtë çështje dhe ia kaloi prokurorisë së Vlorës kompetencën, ku mesa duket, është arritur të kourruptohet edhe prokurori Maksim Sota.

Ndaj Sotës është vendosur masë sigurie arrest në shtëpi nën dyshimet për korrupsion.

Në mesin e të arrestuarve janë edhe 5 zyrtarë të policisë së shtetit, duke nisur nga ish nëndrejtori i Policisë së Vlorës, një ish zyrtar i policisë së Fierit dhe zyrtarë në policinë e Tiranës.

Operacioni po vijon dhe në këto momente dhe pritet që gjatë ditës policia shqiptare të dalë në konferencë për mediat.

The post Nga prokurori i Vlorës te zyrtarët e policisë së Shtetit, detaje të reja nga superoperacioni antidrogë appeared first on Albeu.com.

Në total mësohet se janë lëshuar 38 urdhër arreste, nga Prokurori i Antimafias në Itali dhe kreu i SPAK Arben Kraja në Shqipëri janë ekzekutuar në orët e para të mëngjesit të sotëm. Pritet që në orën 10.30, zyrtarët më të lartë të dalin në një konferencë.

Gjyqtarja e Krujës Enkelejda Hoxha dhe prokurori i Sarandës Sali Hasa janë dy prej ”peshqve të mëdhenj” që kanë rënë në pranga. Gjithashtu prokurori i Kukësit Edmond Karriqi, dyshohet se ka dalë në përgjime në kuadër të të njëjtit operacion. Mes të arrestuarve ka dhe zyrtarë të policisë, identitetet e të cilëve do të bëhen me dije më vonë.

Mësohet se droga që ka trafikuar ky grup i strukturuar kriminal kap shifrën e 40 milionë eurove.

Në total mësohet se janë lëshuar 38 urdhër arreste, nga Prokurori i Antimafias në Itali dhe kreu i SPAK Arben Kraja në Shqipëri jaën ekzekutuar në orët e para të mëngjesit të sotëm. Pritet që në orën 10.30, zyrtarët më të lartë të dalin në një konferencë.

Urdhër arrestet janë për drogë, korrupsion, por edhe shpërdorim detyre, çka tregon se mund të kemi zyrtarë shtetërorë të përfshirë. Hetimet për këtë dosje kanë nis që në 2018, akte të hetimit i kanë kaluar më tej edhe autoriteteve shqiptare dhe është finalizuar mengjesin e sotëm.

Hetimi ka 4 bashkëpunëtor të drejtësisë që kanë dhënë detaje në lidhje me aktivitetin kriminal të drogave, por që nxori edhe paligjshmëri të tjera.

Operacioni është koordinuar nag selia e Eurojust në Hagë, Holandë. Gjithashtu, bëhet me dije se autoritetet e drejtësisë kanë lëshuar disa urdhra për sekuestrimin e miliona eurove që janë investuar nga të arrestuarit në pasuri të luajtshme dhe të paluajtshme.

Siç shihet nga pamjet e mëposhtme, arrestimet janë kryer për disa episode që kanë të bëjnë me trafikun e drogës nga brigjet shqiptare, drejt Pulias në Itali.

The post Pamje nga operacioni “Shpirti”, mes 38 të arrestuarve edhe zyrtarë shtetërorë (VIDEO) appeared first on Albeu.com.

Janë lëshuar 38 masa arresti në Shqipëri, Itali, Mal të Zi dhe Spanjë. Ekzistojnë gjithashtu dekrete për konfiskimin e pasurive në lidhje me pasurinë e luajtshme dhe të paluajtshme, për një vlerë prej disa milionë euro.

Operacioni antidrogë po zhvillohet nga Anti-Mafia italiane, SPAK dhe Policia e Shtetit. Mësohet se hetimet për trafikun e drogës nga Shqipëria në Puglia ka nisur në vitet 2018-2020. Prokurori i Antimafias, De Raho dhe kreu i SPAK, Arben Kraja do të zhvillojnë një konferencë për shtyp në orën 10:30.

The post Aksion i madh nga SPAK dhe Antimafia Italiane: Sekuestrohen miliona euro pasuri dhe lëshohen 38 urdhër-arreste appeared first on Albeu.com.