Sipas policisë të arrestuarit janë A.M, 51 vjeç, Z.D., 60 vjeç, Z. N., 28 vjeç dhe Gj. N., 35 vjeç.

Dyshohet se këta persona kultivonin lëndë narkotikë Kanabis në vende të ndryshme të Shkodrës. Në cilësinë e provës materiale, policia thotë se ka sekuestruar edhe 35 kilogramë kanabis.

Njoftimi i policisë:

Finalizohet operacioni policor i koduar “Ullishtja”, për goditjen e veprimtarisë kriminale në fushën e kultivimit të bimëve narkotike.

Operacioni nga Seksioni për Hetimin e Narkotikëve në DVP Shkodër, Komisariati i Policisë Shkodër dhe Komisariati i Policisë Vau i Dejës.

Gjatë operacionit arrestohen në flagrancë 4 shtetas të dyshuar si autorë të kultivimit të bimëve narkotike.

Sekuestrohen 35 kilogramë lëndë narkotike cannabis sativa dhe municion luftarak.

Në vijim të kontrolleve të njëpasnjëshme të territorit në zbatim të planit të masave për kontrollin e ambienteve të mbyllura dhe të hapura, me qëllim parandalimin dhe goditjen e rasteve të kultivimit të bimëve narkotike, bazuar dhe në informacionet e marra në rrugë operative, u organizua dhe u finalizua operacioni policor i koduar “Ulishtja”, në kuadër të të cilit u goditën tre raste të kultivimit dhe prodhimit të lëndëve narkotike e konkretisht:

-Në kuadër të Operaciont nga Specialistët për Hetimin e Narkotikëve në DVP Shkodër u bë arrestimi në flagrancë i shtetasit A.M, 51 vjeç, banues në Fshatin Mosel, Reç, Njësia Administrative Shkrel, Bashkia Malësi e Madhe, pasi gjatë kontrollit në afërsi të banesës së tij janë gjetur të kultivuara bimë narkotike si dhe në afërsi të banesës së këtij shtetasi janë gjetur dhe sekuestruar edhe 30 kilogramë cannabis sativa dhe një sasi fishekësh luftarak.

-Nga shërbimet e Komisariatit të Policisë Vau i Dejës, u bë arrestimi në flagrancë i shtetasit Z.D., 60 vjeç, banues në fshatin Naraç, Bashkia Vau i Dejës, pasi në ullishten e tij u konstatuan të kultivuara një numër i konsiderueshëm bimësh narkotike cannabis sativa.

-Po në kuadër të operacionit nga shërbimet e Komisariatit të Policisë Shkodër u bë kapja dhe arrestimi në flagrancë i shtetasve Z. N., 28 vjeç dhe Gj. N., 35 vjeç, pasi gjatë kontrollit të ushtruar në banesën e tyre, në fshatin Gimaj, Njësia Administrative Shalë, Policia gjeti dhe sekuestroi 5 kilogramë lëndë narkotike cannabis sativa. Gjithashtu po në fshatin “Gimaj” Njësia Administrative Shalë, Bashkia Shkodër, në vendin e quajtur pylli poshtë “Majës së Boshit”, u konstatuan të kultivuara një numër i konsiderueshëm bimësh narkotike, ku dyshohet se këta shtetas janë autorë të kultivimit të tyre.

Materialet i kaluan Prokurorisë pranë Gjykatës së Shkallës Parë Shkodër për veprat penale “Kultivimi i bimëve narkotike”, “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe i municionit”./albeu.com

The post Ju kapën parcelat me Kanabis, prangosen 4 persona në Shkodër appeared first on Albeu.com.

Lajmin e bëri të ditur Daily Neës, e cila tha se agjentët kishin filluar hetimet për një shtëpi në Vilafortuny në të cilën kishte shenja të ajrit të kondicionuar që punonin njëzet e katër orë të ditës dhe erë të fortë canabiss.

Në një operacion të përbashkët me policinë e Cambrils, agjentët hynë në shtëpinë në Carrer Clavells, ku gjetën 468 bimë dhe një sasi të madhe të materialit të nevojshëm për prodhimin e Mariuhanës.

Mësohet se të rinjtë janë të grup-moshave 27, 29 dhe 30 vjeç, dhe pritet të vuajnë pasojat për veprat penale të cilat parashikojnë gjykatat në spanjë./albeu.com

The post DETAJET/Kultivonin Marjuhanë në Spanjë, prangosen tre shqiptarët! Si u realizua operacioni appeared first on Albeu.com.

Në operacionin e zhvilluar në Krujë kanë marrë pjesë forcat Renea, FNSH e Tiranës dhe e Fierit dhe DVP Durrës.

Gjatë aksionit me dronë e armë, policia ka asgjësuar rreth 50 mijë bimë kanabisi, si dhe kanë shkatërruar sera e laboratorë, që përdoreshin për kultivimin e drogës.

The post Me furgonë, snajperë dhe dronë: Dalin pamjet e aksionit të RENEA-s në Krujë (VIDEO) appeared first on Albeu.com.