Pesë ditë pas përballjes së zhvilluar në Xhedah të Arabisë Saudite mes Anthony Joshuas dhe Krist Prengës, vijojnë diskutimet rreth mënyrës se si u mbyll dueli. Britaniku fitoi që në raundin e dytë, ndërsa përfundimi i shpejtë nxiti reagime të shumta, përfshirë edhe pretendime se ndeshja mund të ishte shitur.

Keith Sullivan, menaxheri i boksierit shqiptar, ka reaguar ndaj këtyre spekulimeve, duke treguar arsyen pse Prenga nuk mundi ta vazhdonte përballjen me të njëjtin ritëm. Sipas tij, shqiptari mbeti pa fuqi pas raundit të parë, pavarësisht fillimit të vrullshëm, gjatë të cilit e rrëzoi dy herë kundërshtarin.

“Që në raundin e parë i ishte konsumuar e gjithë energjia. Përpara raundit të dytë, nga këndi i thamë të vazhdonte në të njëjtën mënyrë, të shtonte presionin, të shkurtonte distancën me xhab (goditje direkte me dorën e parë) dhe ta rrëzonte sapo t’i krijohej mundësia.

Kur u dëgjua zilja e raundit të dytë, Kristiani u çua nga stoli për të rinisur ndeshjen dhe më tha se ndihej sikur ishte kthyer sërish në shtratin ku kishte kaluar 8 ditë përpara duelit. E kishte shumë të vështirë të merrte frymë dhe nuk i kishte mbetur aspak energji”, deklaroi Sullivan.

Përballja mes Joshuas dhe Prengës nuk u karakterizua vetëm nga rivaliteti sportiv, por edhe nga respekti i shfaqur mes dy boksierëve. Në rrjetet sociale bëri veçanërisht jehonë çasti kur britaniku vendosi mbi supe flamurin shqiptar përkrah atij britanik. Joshua gjithashtu shprehu vlerësime për boksierin shqiptar me origjinë nga Mirdita.

The post Menaxheri i Krist Prengës hedh poshtë dyshimet për trukim dhe shpjegon çfarë ndodhi ndaj Anthony Joshuas appeared first on Albeu.com.

Pas duelit me Anthony Joshuan, Kristian Prenga ka rrëfyer për “Boxing King Media” strategjinë me të cilën hyri në ring. Përballja u mbyll në raundin e dytë, kur Joshua siguroi fitoren me knock-out.

Boksieri nga Mirdita shpjegoi se synonte ta niste ndeshjen me ritëm të lartë dhe besonte se mund ta rrëzonte kundërshtarin pikërisht në raundin e dytë. Megjithatë, skenari i parashikuar prej tij nuk u realizua. Prenga tha se nuk e dinte planin e Joshuas dhe shtoi se tani do të presë për të parë se çfarë do të thonë njerëzit për fuqinë e tij.

Prenga theksoi se paratë nuk janë motivimi i tij, pasi mund t’i fitojë ato. Sipas tij, ai ngjitet në ring për tifozët, skuadrën dhe Shqipërinë. Edhe pse e di se të gjithë janë krenarë, vetë boksieri nuk e sheh kështu, sepse mendon se duhej të fitonte për t’i bërë krenarë të gjithë.

Duke folur për Joshuan, ai u shpreh mirënjohës që pati mundësinë të ndante ringun me të dhe e uroi për triumfin. Prenga i dëshiroi fat AJ-së në rast se do të përballet me Furyn, ndërsa parashikoi se Joshua do ta fitojë atë duel me knock-out.

The post Kristian Prenga pas përballjes me Anthony Joshuan: Nuk luftoj për para, por për tifozët dhe Shqipërinë appeared first on Albeu.com.

Përballja e shumëpritur mes Anthony Joshua dhe Krist Prengës tërhoqi gjithë vëmendjen në arenën e Xhedahut, ku dy boksierët u ndeshën kokë më kokë. Lufta nisi në mënyrë befasuese për të pranishmit, pasi pugilisti nga Oroshi i Mirditës nuk hezitoi të sulmonte dhe madje arriti të rrëzonte britanikun që në momentet e para.

Sidoqoftë, Joshua kishte hyrë në këtë rikthim me synimin e qartë për të triumfuar dhe e mbylli shpejt llogarinë me një goditje dërrmuese, duke e lënë kundërshtarin jashtë loje dhe duke i dhënë fund sfidës përpara afatit për Prengën.

Menjëherë pas fitores, ish-kampioni botëror la mënjanë euforinë dhe u afrua te rivali i tij në ring për ta përshëndetur, duke e përqafuar për emocionet e forta që u përcollën në këtë duel.

The post Respekti fiton në ring: Joshua përqafon Krist Prengën pas nokautit të fuqishëm appeared first on Albeu.com.

Kristian Prenga e nisi furishëm përballjen me Anthony Joshua në ringun e Xhedahut, Arabi Saudite, duke e dërguar kundërshtarin britanik në tapet tri herë radhazi. Megjithatë, Joshua arriti jo vetëm të rimëkëmbet, por edhe të përmbysë gjithçka në raundin e mëpasshëm, duke e fituar duelin me nokaut ndaj boksierit shqiptar dhe duke i dhënë fund sfidës shumë më shpejt sesa pritej.

Menjëherë pas ndeshjes, Prenga foli për revistën “Ring”, ku rrëfeu emocionet e para, analizoi shkurtimisht atë që dështoi dhe la një premtim për të ardhmen.

Si e përjetoni humbjen ndaj Anthony Joshua?

“I shpreh urimet e mia. Sot nuk ishte nata ime. Plani i Zotit ishte që ai të triumfonte. Unë jam në paqe me Të. Çfarëdo që Ai vendos, unë e pranoj.”

Pasi e rrëzuat tri herë në raundin e parë, çfarë ndryshoi?

Kisha bindjen se mund ta përsëritja të njëjtën gjë edhe në raundin pasues, por nuk funksionoi ashtu.

Sa krenar jeni për mbështetjen e tifozëve shqiptarë dhe sa e veçantë ishte ajo këtë mbrëmje?

Për shkak të luftës, vetëm 10 për qind e tifozëve të mi ishin këtu. Por nëse kjo ndeshje do të zhvillohej në Europë, ju siguroj se do të ishin 90 për qind më shumë.

A keni lënë gjurmë me paraqitjen e sotme?

E vetmja gjë që mund të them është: kërkoj falje për të gjithë. Nuk arrita t’ju bëj krenar, por do t’ia dal herës tjetër.

The post Krist Prenga: Nuk ishte nata ime, fitorja e Joshua ishte vullnet hyjnor, premtim për tifozët shqiptarë appeared first on Albeu.com.

British boxer Anthony Joshua quickly ended the bout against Kristian Prenga, defeating the Albanian by knockout in the second round of the match held in Jeddah, Saudi Arabia.

The fight started at high intensity and it was Prenga who showed more aggression in the first round, repeatedly hitting the British opponent and taking an early advantage.

However, the turnaround came quickly from Joshua, who landed a powerful knockout punch in the second round, forcing Prenga to lose the challenge prematurely.

The post VIDEO/ Joshua quickly finishes, knocking out Prenga in the second round in Jeddah appeared first on Albeu.com.

Ndeshja nisi me intensitet të lartë dhe ishte Prenga ai që tregoi më shumë agresivitet në raundin e parë, duke e goditur në mënyrë të përsëritur kundërshtarin britanik dhe duke marrë një avantazh fillestar.

Sidoqoftë, përmbysja erdhi shpejt nga ana e Joshuas, i cili në raundin e dytë vendosi një grusht të fuqishëm nokauti, duke e detyruar Prengën të humbiste sfidën përpara kohe.

The post VIDEO/ Joshua e mbyll shpejt, nokauton Prengën në raundin e dytë në Xhedah appeared first on Albeu.com.

Boksieri shqiptar me origjinë nga Mirdita ka publikuar së fundmi në rrjetet sociale një video nga prezantimi i tij në ring.

Pritshmëritë për këtë përballje janë të mëdha dhe tribunat pritet të mbushen plot me spektatorë, të cilët do ta ndjekin rivalitetin deri në çastin vendimtar të shpalljes së fituesit.

POSTIMI:

“Rrugëtimi im nis nga Mirdita dhe më çon në ringun e Jeddah.

Përpara kam Zotin, ndërsa në zemër mbaj të gjithë Shqipërinë.

Më 25 korrik do të hyj në ring për ta përfaqësuar me krenari vendin tim.”

The post VIDEO/ Krist Prenga prezantohet në ring përpara duelit historik me Anthony Joshuan: Nga Mirdita në Jeddah, me Shqipërinë në zemër appeared first on Albeu.com.

Riyadh i Arabisë Saudite do të presë më 25 korrik një duel tërheqës në kategorinë e peshave të rënda. Anthony Joshua, ish-kampion bote dhe një nga figurat kryesore të boksit bashkëkohor, do të rikthehet në ring pas një mungese të gjatë, përballë shqiptarit Kristian Prenga. Boksieri shqiptar vjen në këtë sfidë me 20 fitore në 20 ndeshje, të gjitha të siguruara me nokaut. Përballja do të transmetohet në DAZN TV nga ora 21:00.

Britaniku Joshua shihet si favoriti i madh në prag të ndeshjes, falë eksperiencës së tij në nivelet më të larta, titujve botërorë dhe përballjeve me emrat më të njohur të këtij sporti. Megjithatë, bilanci i Prengës e bën atë një rival që nuk mund të merret lehtë. Seria prej 20 triumfesh radhazi, të gjitha me nokaut, dëshmon për forcën dhe karakterin e boksierit shqiptar.

Për Kristian Prengën, kjo përballje shkon përtej një ndeshjeje të zakonshme boksi. Ai do të përfaqësojë Shqipërinë në një prej skenave më të mëdha të sportit botëror, me synimin për t’u treguar miliona tifozëve se një sportist shqiptar mund të përballet me emrat më të mëdhenj të peshave të rënda. Duke qenë se shqiptarët nuk e kanë parë shpesh një boksier të tyre në një duel të këtyre përmasave, vëmendja ndaj kësaj sfide është e jashtëzakonshme.

Prenga e ka formuar karakterin e tij në Orosh, fshatin historik në zemër të Mirditës, në veri të Shqipërisë. Ky vend zë një rol të veçantë në historinë shqiptare, pasi për shekuj me radhë ka qenë qendra e Kapidanatit të Mirditës. Kapidanati përfaqësonte një formë tradicionale të organizimit dhe udhëheqjes së krahinës, ku familja e Kapidanit ushtronte autoritet mbi fiset e zonës dhe përfaqësonte Mirditën në marrëdhëniet me Perandorinë Osmane, e më vonë me shtetin shqiptar. Sipas shumë historianëve, Mirdita ishte ndër krahinat shqiptare që ruajti më së forti autonominë, identitetin dhe traditat e saj.

Në këtë trevë, një peshë të madhe ka pasur edhe Kanuni, kodi zakonor shqiptar që organizonte jetën shoqërore përmes rregullave të pashkruara, të përcjella brez pas brezi. Ai mbështetej te nderi, besa, mikpritja, përgjegjësia ndaj familjes dhe respekti për fjalën e dhënë. Në Orosh, ashtu si në gjithë Mirditën, këto parime kanë qenë pjesë e identitetit të banorëve për shekuj.

Në një mjedis të tillë është rritur Kristian Prenga. Në vendin ku besa, burrëria dhe fjala e mbajtur vlerësoheshin më shumë se vetë jeta, ai ndërtoi tiparet që sot i shfaq në ring. Vendosmëria, disiplina dhe guximi e kanë shoqëruar në çdo duel, duke e ndihmuar të mbajë të paprekur rekordin e tij perfekt.

Joshua mbetet një nga emrat më të mëdhenj të boksit të epokës moderne dhe favorit i qartë i përballjes. Por ky sport ka dëshmuar vazhdimisht se befasitë janë të mundshme dhe se një goditje mund të ndryshojë rrjedhën e një dueli. Prenga është i vetëdijshëm se përballë do të ketë një legjendë, por edhe se kjo është mundësia e jetës së tij.

Më 25 korrik në Riyadh, shqiptari do të hyjë në ring jo vetëm për të kërkuar fitoren, por edhe me krenarinë e Oroshit, Mirditës dhe gjithë Shqipërisë. Pavarësisht rezultatit, pjesëmarrja e tij në një sfidë të këtij niveli është një moment historik për boksin shqiptar. Nëse do të arrijë të mposhtë Anthony Joshuan, emri i Kristian Prengës do të mbetet përgjithmonë në historinë e sportit shqiptar dhe ndërkombëtar.

The post Prenga përballë Joshuas në Riyadh, boksieri nga Mirdita kërkon një faqe historike appeared first on Albeu.com.