“Kam kënaqësinë të njoftoj se ndërsa flasim, transferimi i avionëve F-16 nga Danimarka dhe Holanda është duke u zhvilluar” në Ukrainë”, tha kreu i diplomacisë amerikane, duke folur në një aktivitet në margjinat e samitit të NATO-s. “Këta avionë do të fluturojnë në qiellin e Ukrainës këtë verë,” shtoi ai.

Sipas Blinken, brenda dy ditëve të ardhshme pritet të shpallet një paketë e re ndihme “tepër e fortë” për Ukrainën. Nga ana e tij, presidenti ukrainas Volodymyr Zelensky, i cili ndodhet gjithashtu në Uashington, tha se pret që sot të merren vendime për dërgesat e reja të avionëve F-16 në vendin e tij.

“Sot ne vazhdojmë të punojmë në Uashington. Në veçanti, do të ketë një vendim për F-16 shumë shpejt. Ne po rrisim numrin e avionëve të disponueshëm për Ukrainën”, tha ai në një video-mesazh të postuar në Telegram.

The post Blinken: Kanë filluar dërgesat e avionëve luftarakë F-16 në Kiev nga vendet e NATO-s appeared first on Albeu.com.

“Shqipëria është një lider në Ballkanin Perëndimor, një aleat i NATO-s dhe një partner i fortë. Sot në takimin tim me Presidentin Begaj, shpreh vlerësimin tonë për mbështetjen e Shqipërisë për Ukrainën dhe për pritjen e aleatëve tanë afganë”, shkroi ai në “X”.

Blinken zhvilloi vizitën e tij të parë në Tiranë, ku u takua me liderët e vendit dhe përfaqësues të drejtësisë së vendit.

Ai ka zhvilluar takime me Begajn dhe Ramën, e më pas mbajti një konferencë të përbashkët me këtë të fundit.

The post Pas takimit me Begajn në Tiranë, Blinken në “X”: Shqipëria lider në Ballkanin Perëndimor dhe partner i fortë appeared first on Albeu.com.

“Është proces që varet nga çfarë bëjmë ne, varet nga gjykimi i partnerëve dhe aleatëve tanë por prej disa vitesh ne e kemi ndjerë dhe e çmojmë shumë interesimin e vazhdueshëm të administratës amerikane, posaçërisht Departamentit të Shtetit dhe faktin që në vazhdimësi sekretari në takimet e rëndësishme me aleatët evropianë, nuk e lë pa e nënvizuar nevojën për ta shtyrë më tutje integrimin e Shqipërisë dhe Ballkanit Perëndimor në Bashkimin Evropian, si një interes strategjik të Shteteve të Bashkuara”, ka deklaruar ai.

Kryeministri shqiptar ka folur edhe për relacionin e SHBA-ve me Kosovën duke thënë se ata kanë qenë, janë dhe do të mbeten “mbështetëset e palëkundur të procesit të njohjes së Kosovës”, transmeton RTKlive.

“Është mirë që shqiptarët të mos e harrojnë që pa SHBA-të nuk do të kishte një shtet të pavarur të Kosovës dhe se interesi i SHBA-ve për mbarëvajtjen e punëve në Shqipëri dhe Kosovë nuk është një interes i dorës së dytë, nuk është as një interes i ndarë nga interesi ynë në Shqipëri dhe Kosovë. Ne ndjehemi të keqardhur sa herë shohim hapa mbrapa dhe jemi të vetëdijshëm për vështirësinë e dialogut dhe të vetëdijshëm për tragjedinë jo shumë të largët për ata që jetojnë në Kosovë”, ka thënë Rama.

The post Rama: Pa SHBA-të nuk do të kishte një shtet të pavarur të Kosovës appeared first on Albeu.com.

“Dialogu i ndërmjetësuar nga BE është i duhuri dhe shtegu i vetëm i duhur. Dua të përgëzoj rolin e Shqipërisë që ka qenë forcë për stabilitet, integrimin dhe progresin rajonal, ky është shtegu që i sjellë të gjithë drejt një të ardhme më të mirë”, ka thënë Blinken.

Tutje ai ka thënë se nuk mund të bëhet hapa prapa dhe të përjetohen ngjarjet e viteve të 90’ta.

“Nuk mund të shkojmë prapa në të ardhmen, nuk mund të kemi një ripërsëritje të asaj që ka ngjarë, të asaj që kemi parë dhe atë që shumë njerëz kanë përjetuar në vitet 1990. Jemi të angazhuar për të mbështetur të gjitha përpjekjet për të çuar para integrimin e vendeve të Ballkanit Perëndimor, me njëri tjetrin dhe me Evropën”, ka sekretari amerikan i shtetit.

Këto deklarata Blinken i dha pasi u pyet nga gazetarët për rregulloren e BQK-së për largimin e dinarit në Kosovë.

The post Blinken për raportet Kosovë – Serbi: Dialogu, shtegu i vetëm i duhur appeared first on Albeu.com.

Tre muaj që nga fillimi i luftës mes Izraelit dhe Hamasit, Sekretari i Shtetit Antony Blinken po viziton sërish Lindjen e Mesme. Kjo është vizita e tij e katërt që kur Hamasi kreu sulmin e befasishëm ndaj Izraelit më 7 tetor, duke vrarë 1200 izraelitë.

Njoftimin e bëri të enjten zëdhënësi i Departamentit të Shtetit Matthew Miller.

“Sekretari do të vizitojë Turqinë, Greqinë, Jordaninë, Katarin, Emiratet e Bashkuara Arabe, Arabinë Saudite, Izraelin, Bregun Perëndimor dhe Egjiptin, për takime me homologët e tij, si dhe të tjerë(zyrtarë)”, tha ai.

Frika mbi zgjerimin e konfliktit Izrael-Hamas në një luftë rajonale është rritur pas vrasjes të martën në Liban, të zëvendës shefit të Hamasit, Saleh al-Arouri. Izraeli nuk i ka konfirmuar, por as hedhur poshtë dyshimet, se qëndron pas këtij sulmi.

Zoti Miller tha se Sekretari Blinken do të punojë për të ulur tensionet.

“Ai do të përqendrohet në parandalimin e zgjerimit të konfliktit, siç ka bërë vazhdimisht që nga 7 tetori. Do të kërkojë që palët të ndërmarrin hapa specifikë, përfshirë mbi mënyrën se si mund të përdornin ndikimin e tyre, tek të tjerët në rajon, për të shmangur përshkallëzimin e konfliktit. Nuk është në interesin e askujt, as të Izraelit, as të rajonit apo botës, që ky konflikt të përhapet përtej Gazës”, tha ai.

Pas sulmit të 7 tetorit, Izraeli u zotua të eliminojë udhëheqësit e Hamasit. Autoritetet kanë thënë se forcat izraelite që ndodhen në kufirin verior të vendit me Libanin, janë në gatishmëri të lartë.

Presidenti Joe Biden është kritikuar ashpër për mbështetjen e fortë mbi të drejtën e Izraelit për t’u mbrojtur pas sulmit, në një kohë kur më shumë se 22 mijë palestinezë janë raportuar të jenë vrarë në Gazë, që nga fillimi i luftës.

Ekspertët thonë se kritikët kanë shpesh pritshmëri jorealiste lidhur me ndikimin që ka Presidenti Biden ose Sekretari Blinken në vendimet e Izraelit lidhur me luftën.

“Mendoj se ekziston një mit se Shtetet e Bashkuara kanë një buton apo levë magjike që nëse thjesht ndërpresin dërgesat e armëve të caktuara, ose nëse siç kanë thënë disa senatorë, ndërpresin disa fonde që ndihmojnë Izraelin për t’u mbrojtur, kjo në një farë mënyre do ta detyronte Izraelin të mendonte ndryshe mbi kërcënimin me të cilin përballet”, thotë Brian Katulis, i Institutit për Lindjen e Mesme.

Departamenti i Shtetit tha se mbrojtja dhe ndihmat për civilët në Izrael, në Rripin e Gazës dhe Bregun Perëndimor, do të jetë në krye të axhendës së zotit Blinken në secilën nga ndalesat e tij në rajon.

The post Sekretari Blinken rikthehet në Lindjen e Mesme mes frikës mbi përhapjen e luftës appeared first on Albeu.com.

Lajmi u njoftua nga sekretari amerikan shtetit, Anthony Blinken nga Londra, ku po mbahet konferenca e vendeve donatore për Ukrainën e shkatërruar nga lufta.

“Për sa kohë që Rusia vazhdon të shkatërrojë, ne do të jemi aty për të ndihmuar Ukrainën të rindërtojë të ardhmen e saj”, theksoi Blinken.

Rreth gjysma e ndihmës së SHBA-ve (520 milionë dollarë) do të përdoret për rindërtimin e infrastrukturës energjetike të Ukrainës, ndërsa 657 milionë dollarë do të përdoren për të “modernizuar” hekurudhat, portet, kufijtë dhe “të gjithë infrastrukturën kryesore që lidhin vendin me Evropën”, shpjegoi. ministri amerikan.

Pjesa tjetër e parave do të shkojë për të mbështetur bizneset ukrainase dhe financimin e procesit të digjitalizimit të administratës publike ukrainase, kryesisht me qëllim “luftën kundër korrupsionit”, shtoi ai, një mesazh i qartë për liderët ukrainas të cilëve u kërkoi të vazhdojnë reformat në këtë drejtim.

Që nga fillimi i pushtimit rus, SHBA-ja ka dhënë më shumë se 20 miliardë dollarë për të mbështetur ekonominë dhe zhvillimin e Ukrainës , dhe më shumë se 40 miliardë dollarë për të mbështetur ushtrinë e vendit.

/albeu.com/

The post SHBA jep 1.3 miliardë dollarë për rimëkëmbjen e Ukrainës appeared first on Albeu.com.

Takimi Erdogan-Blinken, pak orë para udhëtimit të kreut të Departamentit të Shtetit në Greqi, u mbajt në sallën e ngjarjeve të Aeroportit Esenbogai në Ankara.

Në takimin e zhvilluar me dyer të mbyllura morën pjesë ministri i Jashtëm i Turqisë, Mevlut Çavusoglu dhe ambasadori amerikan në Ankara, Xhefri Flake.

Çfarë u diskutua me Çavusoglu

Një çështje qendrore në bisedimet me Mevlut Cavusoglu ishte blerja e F-16 nga Turqia.

Mevlut Cavusoglu tha se Turqia do të donte që qeveria amerikane t’i dërgonte Kongresit një shkresë zyrtare lidhur me këtë çështje.

“Ne duam një vendim zyrtar nga Kongresi për këtë çështje sa më shpejt të jetë e mundur”, tha ministri i Jashtëm turk.

Nga ana e tij , Anthony Blinken , i pyetur për këtë, megjithëse tha se administrata e Biden-it mbështet Ankaranë për çështjen e blerjes së avionëve luftarakë, dhe më pas shtoi se “nuk kam një orar specifik për t’ju njoftuar për F16-të. Jam në kontakt me Kongresin”.

Sekretari amerikan i Shtetit tha gjithashtu se vendi i tij do të mbështesë Turqinë ” për aq kohë sa të jetë e nevojshme” pas tërmetit vdekjeprurës të 6 shkurtit, ndërsa shtoi se zëri i qartë i Turqisë në favor të sovranitetit të Ukrainës ishte vendimtar.

“SHBA dhe Turqia nuk bien dakord për të gjitha çështjet, por kanë një marrëdhënie që i ka rezistuar sfidave”, komentoi Sekretari amerikan i Shtetit.

Lidhur me çështjen e anëtarësimit të Suedisë dhe Finlandës në NATO , Cavusoglu tha se “Suedia ka dërguar disa mesazhe pozitive, por fatkeqësisht shohim që aktiviteti i PKK-së vazhdon në Suedi. I takon Suedisë ta ndalojë atë”.

Në të njëjtën kohë, ai theksoi se nuk është një qasje e drejtë dhe korrekte që të lidhet çështja e anëtarësimit në NATO i dy vendeve me F16.

Mevlut Çavusoglu tha se “nuk është një qasje korrekte të ngatërrohen këto dy çështje”.

Ministri i Jashtëm i Turqisë tha gjithashtu se vendi i tij nuk po i shet pajisje Rusisë që mund të përdoren në luftën e saj kundër Ukrainës, pas paralajmërimeve të SHBA-së në fillim të shkurtit për eksportet në Moskë të kimikateve, mikroçipëve dhe pajisjeve të tjera.

Në të njëjtën kohë, ai theksoi se Turqia nuk do të lejojë që sanksionet amerikane dhe evropiane kundër Rusisë të shkelen brenda Turqisë apo përmes Turqisë, duke theksuar se po merren masa për të parandaluar këtë eventualitet./Albeu.com/

The post Blinken takon Erdoganin në Turqi, çfarë u diskutua me ministrin Çavusoglu appeared first on Albeu.com.

Reagimi amerikan u bë pas publikimit të rezultateve të një referendumi të organizuar nga Moska në disa rajone të Ukrainës që përbëjnë 15% të territorit të Ukrainës. Perëndimi e ka quajtur referendumin një farsë.

Zyrtarët e vendosur nga Rusia në rajonin Donetsk të Ukrainës deklaruan fitoren në një referendum për bashkimin me Rusinë me mbi 99% të votave pro.Katër rajonet ku është votuar: Donetsk e Luhansk në lindje dhe Zaporizhzhia e Kherson në jug, përbëjnë rreth 15% të territorit ukrainas.

“Ne po bashkohemi me atdheun tonë të madh, me Rusinë e madhe. E kemi ëndërruar në vitin 2014 dhe kemi vepruar për këtë. Kjo është një ditë historike. Ne po bashkohemi me atdheun tonë të madh, me Rusinë e madhe”, tha pas shpalljes së rezultateve udhëheqësi i Republikës së vetshpallur të Donetskut, Denis Pushilin.

Kutitë e votimit u çuan shtëpi më shtëpi nga zyrtarët në atë që Ukraina dhe Perëndimi e dënuan si referendum farsë për të krijuar një pretekst ligjor për aneksimin e katër rajoneve dhe justifikuar kërcënimin e presidentit rus, Vladimir Putin për të përdorur armë bërthamore në mbrojtje të “integritetit territorial” të Rusisë.

Perëndimi dhe Ukraina e kanë bërë të qartë se kurrë nuk do t’i njohin rezultatet e referendumit.

“Ne nuk do ta njohim kurrë aneksimin e territorit ukrainas nga Rusia. Ne nuk do ta njohim kurrë aneksimin e territorit ukrainas nga Rusia… Ukrainasit do të vazhdojnë përpjekjet për të rimarrë territorin e pushtuar. Ne do të vazhdojmë t’i mbështesim ata në këtë përpjekje”, tha Sekretari amerikan i Shtetit, Antony Blinken të martën, gjatë një konference shtypi me homologun indian, Subrhamanyam Jaishankar.

“Krimi i agresionit kundër vendit tonë, farsa në territoret e pushtuara që quhet referendum nga pushtuesit, përgatitja e një përpjekjeje të re për aneksimin e territorit ukrainas, të gjitha këto janë hapa me të cilët Rusia e ka shkelur Kartën e OKB-së”, tha presidenti ukrainas, Zelensky.

Presidenti ukrainas, pa dhënë detaje, tha se ka lajme të mira edhe nga fronti pasi forcat ukrainase po vazhdojnë çlirimin e tokave të pushtuara.

Ukraina ka paralajmëruar vazhdimisht se aneksimi rus i territoreve do të shkatërronte çdo mundësi për bisedime paqeje, ndërsa ukrainasit që ndihmuan Rusinë të organizonte votimet do të përballen me akuza për tradhti./VOA/

The post Blinken: Aneksimi i territoreve ukrainase nga Rusia nuk do të njihet kurrë appeared first on Albeu.com.

Kjo ishte vizita e tij e dytë në vend që nga pushtimi i Rusisë më shumë se gjashtë muaj më parë, sipas CNN.

Sipas burimeve, diplomati i lartë amerikan do të takohet me zyrtarë ukrainas. Udhëtimi i tij vjen pasi Ukraina ka nisur një kundërofensivë që synon të rimarrë zonat e pushtuara ruse në jug të vendit.

Vizita e tij gjithashtu përkon me një takim të lidërve europianë, të organizuar nga Sekretari i Mbrojtjes i SHBA-së, Lloyd Austin në bazën ajrore Ramstein në Gjermani.

Të dy Austin dhe Blinken vizituan Ukrainën në fund të prillit. Ata mbeten ende zyrtarët e nivelit më të lartë amerikan që kanë udhëtuar në vend që nga fillimi i luftës në fund të shkurtit.

Krerë të shumtë shtetesh kanë shkuar në Ukrainë për t’u takuar me Presidentin Volodymyr Zelensky. Presidenti i SHBA-së Joe Biden ende nuk ka udhëtuar atje, megjithëse të dy udhëheqësit zhvilluan një bisedë telefonike javën e fundit.

The post DETAJET/ Blinken shfaqet papritur në Ukrainë appeared first on Albeu.com.

Pas takimit me Sekretarin e Shtetit Antony Blinken, presidentja Vjosa Osmani doli para mediave bashkë me kryeministrin Albin Kurti dhe tregoi se i hynë në detaje çështjes së dialogut me Serbinë, duke analizuar secilën marrëveshje dhe secilin propozim të Kosovës në këtë proces. Paraprakisht, Presidenca njoftonte për çështje tjera që thuhej se do të ishin në fokus të diskutimeve. Dialogu s’u përmend fare, raporton Gazeta Express.

“Kemi diskutuar edhe për rolin jashtëzakonisht konstruktiv që Kosova po e luan aktualisht në dialogun me Serbinë, duke hyrë në detaje të secilës marrëveshje që është propozuar dhe të atyre që Kosova i ka nënshkruar, siç është udhërrëfyesi për energji, për çështjet të cilat po diskutohen tani”, tha Osmani.

Ajo tregoi se në takim u konfirmua qëndrimi i presidentit amerikan, Joe Biden dhe Sekretarit të Shtetit, Antony Blinken që dialogu të përqëndrohet në njohjen reciproke.

Në takim, Osmani përsëriti se “kemi pasur mundësinë që në detaje ta informojmë për qëndrimet tona, për propozimet tona, për rolin konstruktiv dhe për faktin që çdo kontribut i Republikës së Kosovës deri tani ka qenë për më shumë paqe dhe për më shumë stabilitet në të gjithë rajonin tonë”.

Kur e paralajmëroi takimin, Presidenca nuk e përmendi fare dialogun me Serbinë. Tha se në takim me Blinkenin, Osmani e Kurti do të diskutonin për disa çështje tjera që u tha se do të ishin “në fokus të diskutimeve”.

“Në fokus të diskutimeve do të jetë thellimi i partneritetit bilateral Kosovë-SHBA në nivel strategjik, angazhimi i përbashkët në drejtim të adresimit të sfidave ndaj paqes dhe sigurisë në rajon dhe Evropë, si dhe mbështetja për Kosovën në sektorët strategjik. Takimi me Sekretarin e Shtetit Blinken do të mbahet në një periudhë përcaktuese për sigurinë dhe paqen në rajonin tonë, si dhe për kontinentin evropian e më gjerë si pasojë e luftës së Rusisë në Ukrainë”, u tha në njoftimin e Presidencës.

Kryeministri Kurti, pas takimit çështjen e dialogut e përmendi vetëm në fund të postimit të tij në Facebook.

“Në takim konfirmuam që Republika e Kosovës është e përkushtuar për arritjen e një marrëveshjeje ligjërisht të obligueshme që në qendër ka njohjen reciproke ndërmjet Kosovës dhe Serbisë dhe se deri më tani jemi angazhuar në mënyrë konstruktive dhe kreative në procesin e dialogut”, shkroi ai.

Edhe në njoftimin e Zyrës së Kryeministrit, përmendet në fund se në takim “u diskutua për rëndësinë e dialogut të lehtësuar nga BE-ja”.

Në deklaratën pas takimit të cilin Osmani e quajti “të shkëlqyeshëm” e Kurti “të përzemërt” dhe “shumë të dobishëm”, Blinken e theksoi punën e dialogut.

Ai përmes Twitterit tha se SHBA-të mbështesin integrimin euroatlantik dhe ndërkombëtar të Kosovës si dhe dialogun me Serbinë.

“U takova sot me presidenten Osmani dhe kryeministrin e Kosovës, Kurti. Shtetet e Bashkuara mbështesin integrimin euroatlantik dhe ndërkombëtar të Kosovës dhe dialogun Kosovë-Serbi të lehtësuar nga BE-ja. Ne vlerësojmë mikpritjen e Kosovës për afganët dhe mbështetjen e saj të fortë për Ukrainën”, shkroi Blinken.

Paraprakisht, Departamenti i Shtetit e lëshoi një njoftim të shkurtër pas takimit të Blinken me Osmanin dhe Kurtin. Dialogu u konsiderua çështje e rëndësishme.

“Sekretari i Shtetit Antony J. Blinken ka takuar sot presidenten e Kosovës Vjosa Osmani dhe kryeministrin Albin Kurti në Uashington DC. Sekretari Blinken theksoi partneritetin e qëndrueshëm midis Shteteve të Bashkuara dhe Kosovës dhe Sekretari falënderoi liderët për mbështetjen e tyre të fortë për Ukrainën dhe pritjen bujare të afganëve. Ata diskutuan rëndësinë e dialogut të lehtësuar nga BE-ja për normalizimin e marrëdhënieve ndërmjet Kosovës dhe Serbisë, me qendër njohjen reciproke, në rrugën drejt integrimeve euroatlantike”, thuhet në njoftimin e DASH-it./Ekspress/

The post Blinken i fut Osmanin e Kurtin në detaje të dialogut me Serbinë, ata kishin shkuar për çështje tjera appeared first on Albeu.com.