Besëlidhja ka zyrtarizuar afrimin e Anteo Osmanllarit, i cili bëhet përforcimi më i ri i skuadrës lezhjane, siç raportoi dje “Newsport.al”. Mbrojtësi i djathtë ka mbyllur bashkëpunimin me Drenicën për të vijuar karrierën në Kategorinë e Parë.

Osmanllari kishte në tryezë edhe një mundësi për të luajtur në Ligën e Parë turke, por palët nuk gjetën dakordësinë për kushtet e marrëveshjes. Për këtë arsye, 27-vjeçari do të jetë pjesë e Besëlidhjes gjatë sezonit të ardhshëm.

Futbollisti e ka nisur rrugëtimin e tij te Skënderbeu, ndërsa më pas ka luajtur me Korabin, Burrelin, Pogradecin, Turbinën, Partizanin, Erzenin dhe Drenicën.

The post Besëlidhja përforcohet me ish-mbrojtësin e Partizanit, firmos Anteo Osmanllari appeared first on Albeu.com.

Anteo Osmanllari ka ndryshuar drejtim në të ardhmen e tij profesionale. Mbrojtësi 27-vjeçar fillimisht ishte në bisedime për një transferim në kategorinë e dytë të futbollit turk, por nuk gjeti akord me përfaqësuesit e klubit lidhur me termat e marrëveshjes.

Pas prishjes së kësaj mundësie, lojtari që së fundmi aktivizohej me Drenicën në elitën e Kosovës, tashmë ka orientuar karrierën e tij drejt Shqipërisë.

Sipas informacioneve të siguruara nga “Newsport.al”, Osmanllari ka rënë dakord me Besëlidhjen për të vijuar aventurën sportive gjatë edicionit 2026/27. Një marrëveshje paraprake ekziston mes palëve dhe pritet që shumë shpejt mbrojtësi i krahut të zyrtarizojë bashkëpunimin me lezhjanët, duke hedhur firmën në kontratë.

Në të kaluarën, Osmanllari ka mbajtur fanellën e Partizanit, ndërkohë që karriera e tij përfshin gjithashtu eksperienca me Burrelin, Pogradecin dhe Turbinën.

The post Refuzon ofertën turke, ish-lojtari i Partizanit pranë firmës me skuadrën pretendente të Superiores appeared first on Albeu.com.

Anteo Osmanllari nuk do të vijojë më te Drenica. Mbrojtësi 27-vjeçar dhe klubi i Superligës së Kosovës kanë vendosur me marrëveshje të përbashkët të mbyllin bashkëpunimin, pas vetëm një sezoni.

Osmanllari iu bashkua Drenicës në gusht të vitit 2025, menjëherë pasi u largua nga Partizani. Gjatë karrierës së tij, ai ka qenë gjithashtu pjesë e Erzenit, Turbinës, Pogradecit, Skënderbeut, Burrelit dhe Korabit.

Njoftimi i Osmanllarit:

Pas një viti të vështirë, por edhe të paharrueshëm me Drenicën, ka ardhur koha që bashkëpunimi ynë të përfundojë. Dua të shpreh mirënjohjen time për klubin, drejtuesit, stafin, bashkëlojtarët dhe të gjithë qytetin për respektin dhe mbështetjen që më kanë dhënë gjatë kësaj kohe.

Një falënderim të veçantë kam për tifozët e mrekullueshëm, që kanë qenë gjithmonë pranë skuadrës në çdo çast. Dashuria dhe përkrahja juaj do të mbeten përgjithmonë në kujtesën time. Faleminderit, KF Drenica!

The post Ish-i Partizanit ndahet me Drenicën, 27-vjeçari zyrtarizon largimin appeared first on Albeu.com.