Nechamer ka folur gjatë takimit të Partive Popullore Europiane, ku është shprehur se propozimi i presidentit francez, Emmanuel Macron për krijimin e një këshilli politik me vendet që presin të anëtarësohen në BE, mund të provokojë dëme të karakterit strategjik.

Propozimi i Macron ishte refleks i situatës në Ukrainë dhe duke qenë se anëtarësimi i këtij vendi u kërkua menjëherë, lideri francez bëri atë që di të bëjë më mirë: dha iluzionin e shpresës me një marifet burokratik.

Për Nechamer vendosja e përparësive mund të sjellë probleme strategjike.

“Nëse kandidaturës së Ukrainës i jepet perspektiva e shpresës dhe hezitohet për Ballkanin Perëndimor, atëherë rajoni nuk do ta kuptojë këtë. Ka shumë angazhim në rajon dhe ne duhet ta marrim seriozisht atë.

Unë jam kryeminstri i parë nga një vend i BE-së që vizitoj Ballkanin pas një kohe të gjatë. Kjo duhet të ndryshojë, për shkak se Ballkani Perëndimor është i rëndësishëm gjeopolitikisht po aq sa Ukraina”, ka thënë ai.

The post Kancelari austriak “i prerë”: JO Ukraina para Ballkanit Perëndimor në BE appeared first on Albeu.com.

Komentet Rama i bëri gjatë konferencës së përbashkët për shtyp që zhvilloi me kancelarin Federal të Gjermanisë, Olaf Scholz.

I pyetur nëse do t’i vinte keq Shqipërisë nëse Ukraina anëtarësohej më shpejt në BE për shkak të luftës, kreu i qeverisë tha se më shumë i shqetësuar është nëse Ukraina beson vërtet që ky është një skenar që ka gjasa të ndodhë.

“Nuk duhet shumë shkencë për të kuptuar si funksionon BE. Por, edhe nëse ndodh që Ukraina të anëtarësohet në BE përpara Shqipërisë, shtoi Rama, nuk do të bëheshim xhelozë”, theksoi Rama duke mos kursyer kritikat për Unionin Europian.

“Më ve në pozitë sepse duhet të them të vërtetën. Unë më shumë jam shqetësuar nëse Ukraina vërtet mendon se mund të hyjë më shpejt. Jo se do hyjë më shpejt. Do u thosha atyre që ushqejnë këtë iluzion, të mos e përdorin Ukrainën për të shprehur vizionin e tyre revolucionar në instanca të ndryshme. Nuk duhet shumë shkencë për ta kuptuar si funksionon BE. Nuk mund të ndodhë sipas meje. Nëse do të ndodhte, nuk do të bëheshim xhelozë”, u shpreh Rama./albeu.com/

The post Rama: Dyshoj se Ukraina mendon vërtet se mund të hyjë me shpejt se ne në BE appeared first on Albeu.com.