Lajmin e bëri të ditur Sekretari i Përgjithshëm i Aleancës, Jens Stoltenberg.

“Aplikimet që keni bërë sot janë një hap historik. Aleatët tani do të shqyrtojnë hapat e ardhshëm në rrugën tuaj drejt NATO-s,” tha Stoltenberg.

Komentet Stoltenberg i bëri pas marrjes së aplikimeve nga ambasadorët finlandez dhe suedez në selinë e NATO-s në Bruksel.

“Duhet të merren parasysh interesat e sigurisë së të gjithë aleatëve dhe ne jemi të vendosur të punojmë për të gjitha çështjet dhe të arrijmë përfundime të shpejta”, shtoi ai.

Deklaratat Stoltenberg i bëri së bashku me Klaus Korhonen, ambasadorin e Finlandës në NATO dhe Axel Wernhoff, ambasadorin e Suedisë në NATO./albeu.com/

The post Historike! Finlanda dhe Suedia dorëzojnë aplikimin për t’u anëtarësuar në NATO appeared first on Albeu.com.

Kjo lëvizje vjen pasi Turqia është bërë pengesë për këto aspirata të Suedisë dhe Finlandës.

Kjo gjë e detyroi Suedinë të dërgojnë diplomatë në Turqi për të tentuar negocimin e kushteve të Ankarasë.

Kjo erdhi pasi presidenti Rexhep Tajip Erdogan njoftoi se nuk i shikon pozitivisht aplikimet e vendeve nordike për në organizatën veri atlantike.

“Vendet skandinave janë bujtina për organizatat terroriste”, u shpreh pak ditë më parë Erdogan duke nënvizuar se vendi i tij ka mësuar nga gabimet e së kaluarës me pranimin e Greqisë në NATO.

Megjithatë, ka gjasa që pengesa e Ankarasë për Suedinë dhe Finlandën të hiqet. Turqia kërkon që vendet nordike të ndalojnë mbështetjen për grupet militante kurde të pranishme në territoret e tyre dhe të heqë embargon për shitjen e disa armëve.

Çdo vendim për zgjerimin e NATO-s kërkon aprovimin unanim të të gjitha 30 vendeve anëtare të aleancës dhe parlamenteve të tyre. Nëse një shtet është kundër, Suedia dhe Finlanda nuk mund të anëtarësohen në NATO.

The post Anëtarësimi në NATO, Suedia bën “hapin” e radhës për të bindur Turqinë appeared first on Albeu.com.