Anëtari i Komisionit të Rithemelimit, Aldo Bumçi i ftuar në “Radarin Informativ” në Abc me gazetaren Juli Xhokaxhi u shpreh se Alibeaj bashkë me Bashën përfaqësojnë pakicën në PD.

Bumçi tha se për hir të bashkimit shumica po i thotë Alibeajt të qëndrojë si kryetar i Grupit Parlamentar të PD-së.

Bumçi: Alibeaj bashkë me Bashën përfaqësojnë pakicën e vërtetuar më 11 dhjetor dhe në 6 mars. Ata si pakicë nuk mund të marrin vendime për shumicën. Shumica ku është? Nuk ka njeri në Shqipëri që nuk e di se shumica është këtu ku është Sali Berisha. Nuk është vendim Grupi Parlamentar përjashtimi i Berishës. Në momentin që do bashkim ne që jemi shumicë po të njohim po themi për hir të bashkimit qëndro kryetar grupi dhe pse nuk je i tillë. Mbaj mendimin tënd. Nuk je me Berishën, shumë mirë, voto dikë tjetër. Ai thotë Berisha është i përjashtuar. Nga kush është i përjashtuar? Vendimi i Bashës është nul, nuk mundet kryetari të përjashtojë deputetët.

Xhokaxhi: Të dyja palët akuzojnë njëra tjetrën se po i shërbejnë Ramës. Në favor të kujt shkon kjo?

Bumçi: Mbledhje grupi janë bërë. Nuk ka qëndrim më Pro bashkimi se sa kur shumica njeh pakicën. Për çfarë bashkimi flet Alibej kur thotë që Berisha është i përjashtuar. Kujt i shërben ky kur thotë që Berisha është i përjashtuar. Më vjen shumë keq, por çdo njeri i qëndron vendimeve të tij. Nuk mund të mbahet peng opozita shqiptare. Si mund t’i thotë pakica shumicës je i përjashtuar. Ne i themi je kryetar për hir të bashkimit, ai thotë je i përjashtuar. Demokratët e shpëtuan PD. Po mos kishin dalë në atë stadium nuk do kishte më PD.

Më 10 janar 2022 me vendim të kryesisë së PD me në krye Lulzim Bashën, u përjashtuan Sali Berisha, Flamur Noka, Luan Baçi, Albana Vokshi dhe Edmond Spaho./abcnews.al/

The post “Shumica po njeh pakicën”, Bumçi: Për hir të bashkimit i themi Alibeajt qëndro kryetar dhe pse nuk je i tillë appeared first on Albeu.com.

Ish-deputeti i PS, Spartak Braho pasi tha se në protestën e 8 janarit do të vritej Enkelejd Alibeaj, ka bërë sërish një deklaratë të fortë.

Ai tha për “Report TV” se në listë për t’u vrarë ishin dhe sekretari i Përgjithshëm, Gazment Bardhi, deputeti Ervin Salianji dhe dy persona të tjerë në këtë parti.

“Fakti që Alibeaj nuk shkoi ditën e ngjarjes atje tregoi që u tremb dhe kishte vend për tu trembur. Nga burime brenda PD-së, nuk ishte vetëm Alibeaj në listë, ishin edhe 4 të tjerë në listë për tu linçuar. Thashë do ketë një vrasje në formën e goditjes prapa shpine siç ka vepruar që 30 vite Sali Berisha, nuk është gjë e re, është filozofi e Berishës, ballë për ballë asnjëherë. Nuk është aq trim si duket. Ka qenë Bardhi, Salianji, edhe nja dy të tjerë. Rëndësi ka që shyqyr nuk ndodhi kjo është falë edhe masave që morën strukturat përgjegjëse ligjzbatuese. U shmangen një pjesë e tyre. Alibeaj u shoqërua me gardistë”, tha Braho./albeu.com

The post Jo vetëm Alibeaj, Braho sërish me deklarata të forta: Bardhi, Salianji dhe dy të tjerë në listë për t’u vrarë më 8 janar appeared first on Albeu.com.

Alibej tha se është e drejta e opozitës që të ngrejë komisionin hetimor  për të hedhur dritë dhe për të bërë transparencë për aq kohë sa drejtësia nuk e bën.

I pyetur nga gazetarja se, çfarë ndodh nëse Edi Rama nuk paraqitet në Komision për të dëshmuar, Alibeaj tha:

“Ka hequr të drejtën e emigrantëve për të votuar. Mjafton kjo për të thënë se zgjedhjet janë cënuar. Pse i shpërndave miliona euro 2-3 muajt e fundit ndërkohë që i le 2 dimra në çadra? Në momentin që bie  një fatkeqësi ndihma e qeverisë duhet të jetë e menjëhershme. Javët e fundit janë dhënë para jo vetëm pë ata që janë dëmtuar. Përse jepet vetem pak kohë para zgjedhjeve? Është mburrur për të gjitha fondet që BE-ja dha. Si ka mundësi që bën 13 mijë punësime para zgjedhjeve me kontrata të përkohshme ndërkohë që shqiptarët po ikin nga papunësia? Ne kemi filluar këtë komision për të hedhur dritë. Dhe përse të dhënat tonë duhet të jenë në dorë të PS-së para zgjedhjeve? Opozita e vjedhur, është terrorizuar dhe ka të drejtën e saj të bëjë transparencë për sa kohë që sistemi i drejtësisë nuk e bën. Unë besoj që një shtet anëtar i NATO-s një shtetar e ka për detyrim moral që nevojës së kërkesës dhe fakteve se ka shkelur ligjin të vijë të përballet. Është detyra e policisë që ta sjellë para parlamentit”./albeu.com

The post Alibeaj: Nëse Rama nuk paraqitet në Komisionin Hetimor si dëshmitar, do ta sjellë policia appeared first on Albeu.com.

Alibeaj ka folur pas dorëzimit të kërkesës për ngritjen e Komisionit Parlamentar për hetimin e zgjedhjeve të 25 Prillit.

Sipas Alibeaj, është detyrim i Partisë Demokratike që të hetojë dhe bëjë publike të gjithë skemën e vjedhjes sipas tij, të zgjedhjeve të 25 prillit.

I pyetur nga gazetarët nëse ngritja e komisioneve bëhet me qëllim për të zbutur përplasjet brenda PD, Alibeaj e mohoi një fakt të tillë.

Deklarata e Alibeaj:

Së bashku me kolegët kemi dorëzuar kërkesën për ngritjen e një komisioni hetimor për masakrën zgjedhore që ndodhi në 25 Prill. Është një nevojë ulëritëse që sistemi demokratik kërkon, disa nga çështjet kryesore që meritojnë dhe do të hetohen, në transparencë të plotë me publikun:

Mbyllja e kufijve, duke iu bërë të pamundur emigrantëve votimin

Legalizimi i 10 mijë banesave

Shtesa e ndihmës ekonomike vetëm disa muaj para zgjedhjeve, 20 mijë familje u rifutën në skemë, për tiu blerë votat përmes varfërisë

Punësimi i më së paku 13 mijë shqiptarëve me kontrata të përkohshme, në këtë vend që vetëm ikin njerëzit për shkak të papunësisë.

Rritja e rrogave për administratën, e cila është kthyer në një skuadër të PS, këta njerëz përdoren vetëm në periudhën e fushatave zgjedhore

Do të hetohen 120 milionë të asfaltit elektoral

Do të hetohen 505 milionë tendera, koncensione, që 878 kontrata, në vitet e tjera ka qenë një shifër tre herë më e vogël. Periudha pas pandemisë, ku lëngonte familja shqiptare, por u gjetën paratë për tiua shpërndarë një grupi të madh njerëzish të përzgjedhurish, të cilët punuan në fushatë për qeverinë.

Fondet publike për tërmetin, fatkeqët dy dimra i kaluan jashtë, dhe u bënë me shtëpi vetëm disa javë para zgjedhjeve

Do të hetohet dhe ajo që është qershia mbi tortë, do të hetohet spiunazhi modern.

Në 2021 në këtë vend edhe njëherë rikthehen makthet e regjimit të para 90-tës.

Emrat e PD në komisionin hetimor për zgjedhjet e 25 prillit:

Enkelejd Alibeaj – Kryetar

Gazment Bardhi

Oerd Bylykbashi

Sorina Koti

Ferdinand Xhaferi

Ervin Salianji

Kreshnik Collaku/albeu.com

The post Zbardhen anëtarët e Komisionit hetimor të PD, Alibeaj rrëfen 9 “provat” për fitoren e PS-së në 25 prill appeared first on Albeu.com.