anila ruci Archives - Albeu.com

Kamerat nuk filmuan asnjë person, 31-vjeçari u vetëplagos, detajet që “fundosën” vrasësin e shqiptares në Itali

Xh — Mon, 01 May 2023 12:13:06 +0000

Autori i dyshuar i vrasjes së Anila Ruçit ka lënë ambientet e spitalit. Osman Bilyhu, 31 vjeç është dërguar në burgun e Torre del Gallo. Kushtet e tij shëndetësore u përmirësuan pas ngjarjes së rëndë ku vdiq 38-vjeçarja në zonën e Scaldasole.

Sipas asaj që shkruajnë mediat, 31-vjeçari u gjet me plagë të rënda në bark dhe kraharor më 19 Prill. Ai kishte thënë para policisë se i kishte marrë plagët nga “një sulm me thikë nga një person i panjohur, gjatë së cilit u vra gruaja ndërsa ai u plagos”.

Por kjo dëshmi mbeti e pabesueshme për hetuesit derisa kuptuan se plagët në trupin e tij ishin shkaktuar nga vetë ai. Në këtë rezultat doli ekspertiza e mjekëve. Po ashtu, u morën nën shqyrtim kamerat e sigurisë të cilat nuk filmuan asnjë person tjetër që të hynte apo të dilte nga shtëpia e tyre.

Janë këto dy elemente plus vonesa e raportimit të ngjarjes që ngritën dyshimet tek autoritetet. Sipas asaj që shkruajë mediat, alarmi u ngrit në orën 16:00, ndërsa sulmi dyshohet se ka ndodhur në orën 05:00 të mëngjesit.

Këto për hetuesit përbëjnë incidie të rënda faji kundër tij dhe ka ende shumë rrethana për të sqaruar. Mbi të gjitha motivin. Deri më tani nuk dihet se pse e kreu vrasjen.

Marrëdhënia mes Bilyhut dhe Ruçit nuk është përcaktuar ende. Në fshat ata e prezantonin njëri-tjetrin si motër e vëlla, por nuk kishin lidhje gjaku. Madje dyshimet janë që mes tyre nuk ka pasur një lidhje dashurie.

Motra e vërtetë e 31-vjeçarit, e cila jeton në një provincë të Pavias po pret autorizimin që të takojë vëllain. Ky i fundit nuk ka njohur avokaten që ka vendosur e motra, duke kërkuar një të ri.

Anila Ruçi u gjet e pajetë e goditur me thikë në qafë në derën e pasme të banesës së saj. Ajo që dha alarmin ishte estetistja e saj pasi e reja kishte planifikuar një takim me të, por nuk ishte paraqitur./Albeu.com/

The post Kamerat nuk filmuan asnjë person, 31-vjeçari u vetëplagos, detajet që “fundosën” vrasësin e shqiptares në Itali appeared first on Albeu.com.

U ekzekutua nga partneri? Marrin kthesë hetimet për vrasjen e shqiptares në Itali, arrestohet 30-vjeçari që deklaroi se ishte i vëllai

Xh — Fri, 21 Apr 2023 08:16:04 +0000

Anila Ruçi u gjet e vrarë pasditen e 19 prillit në shtëpunë e saj në via Piave në Scaldasole Pavia.

Së bashku me të, jashtë shtëpisë u gjet i plagosur edhe një burrë, i cili fillimisht tha se ishte vëllai i viktimës.

Por hetimet kanë marrë një kthesë të re. Mediet italiane bëjnë me dije se kanë arrestuar Osman Bilyhun, 30 vjeç, i cili jetonte me Anilën.

Ai ruhet në Poliklinikën San Matteo në Pavia, ku ndodhet i shtruar në spital që nga mbrëmja e së mërkurës, pasi ka marrë plagë me thikë.

Bilyhu është personi i cili u gjet jet jashtë shtëpisë në via Piave në të njëjtën ditë të vrasjes.

“Bilyhu është paraqitur si vëllai i viktimës, por në realitet duket se mes tyre nuk ka pasur lidhje familjare”, bën me dije policia italiane.

Dispozita si i dyshuar për vrasjen ka nisur pas marrjes në pyetje gjatë natës së ngjarjes në spital./Albeu.com/

The post U ekzekutua nga partneri? Marrin kthesë hetimet për vrasjen e shqiptares në Itali, arrestohet 30-vjeçari që deklaroi se ishte i vëllai appeared first on Albeu.com.

Vritet me thikë 38-vjeçarja shqiptare në Itali, plagoset vëllai

Xh — Thu, 20 Apr 2023 05:51:30 +0000

Një 38-vjeçare shqiptare është gjetur e pajetë pasditen e djeshme në shtëpinë e saj në via Piave në Scaldasole Pavia.

Mediet italiane shkruajnë se bëhet fjalë për Anila Ruçin dhe paraprakisht dyshohet për vrasje.

Viktima dyshohet se është goditur me thikë. Gruaja kishte rreth një vit që jetonte në shtëpinë ku u gjet e pajetë. Jashtë shtëpisë ndodhej vëllai i viktimës, i cili po ashtu ishte i plagosur me thikë.

Burri u shpëtua dhe u dërgua në spital dhe ndodhet jashtë rrezikut për jetën.

Zona ku ndodhi vrasja e mundshme, pranë qendrës së Scaldasole (Pavia), u rrethua nga karabinierët të cilët po vazhdojnë hetimet për të zbardhur rastin./Albeu.com/

The post Vritet me thikë 38-vjeçarja shqiptare në Itali, plagoset vëllai appeared first on Albeu.com.