Ministrja e Bujqësisë dhe Zhvillimit Rural, Anila Denaj, tha se; “përmes kësaj nisme, çelet një epokë e re për zhvillimin dhe rijetëzimin e zonave malore, duke çliruar një potencial të ri për zhvillimin e turizmit dhe ekonomisë lokale, përmes nxitjes së investimeve”.

Paketa parashikon që për 500 aplikuesit e parë të ofrohen disa lehtësi, duke përfshirë përjashtim nga taksa mbi vlerën e shtuar (TVSH), tatimi mbi të ardhurat, taksa për pasuritë e paluajtshme dhe taksa për infrastrukturën për një periudhë prej 10 vjetësh.

Gjithashtu, Denaj tha se, “me mundësinë për të fituar pronësinë mbi tokën për vetëm 1 euro dhe duke përfituar lehtësira fiskale për 10 vite, kjo paketë do të rrisë punësimin dhe përmirësimin e jetesës, duke garantuar zhvillim rural të qëndrueshëm”.

Qëllimi kryesor i kësaj pakete, është të krijojë kushte më të favorshme për tërheqjen e investimeve dhe të nxisë zhvillimin ekonomik në zonat malore të vendit, kryesisht ato të veriut.

The post “Paketa e Maleve”/ Anila Denaj: 2500 qytetarë kanë shprehur interes për të investuar në tokat e tyre appeared first on Albeu.com.

Sipas ministres, AKU ka kryer detyrën e saj sipas protokolleve dhe është e angazhuar për të garantuar sigurinë ushqimore.

Denaj theksoi ka pasur reagim por se nuk duhet të politizohet çështja e ushqimit dhe se rasti duhet të shqyrtohet nga institucionet përkatëse.

“Është gjithmonë kënaqësi të jesh në Athinë me bashkëatdhetarët. Situata e AKU është e qartë; agjencia ka kryer detyrën dhe ka realizuar kontrollet e nevojshme. Sigurisht, lajmi është bërë publik, janë konfirmuar përgjigjet e analizave dhe i gjithë zinxhiri i kontrollit, për të cilin AKU ka denoncuar ata që kanë shkelur protokollet.

Çështja i takon insitucioneve si krimi ekonomik, policia që duhet të japin gjykimin përkatës. Nuk bëhet politikë me ushqimin, është shumë e rëndësishme që të verifikohen prononcimet në media nga institucionet shtetërore. Jo vetëm që kemi reaguar, por gjithashtu i kemi çuar çështjet përpara institucioneve. Por, politikë me ushqimin nuk bëhet, institucionet janë aty për të garantuar zbatimin e protokolleve, të cilat janë të shkruara dhe të zbatuara nga ne. Jam gjithmonë në shërbim të sqarimit, por vetëm për publikun”, deklaroi Denaj.

The post Skandali me mishin e pulës me salmonelë/ Reagon ministrja Denaj: S’bëhet politikë me ushqimin… appeared first on Albeu.com.

Si rrjedhojë, Anila Denaj, Ministre e Financës dhe e Kulturës, ka bërë presion që do i shkarkojë motrën nga puna, madje ka guxuar aq shumë sa i ka kërkuar dorëheqjen në mes të një mbledhje prej gati dhjetra personash.

“Dështimet e tua mos m`i faturo mua, unë në këto vite kam mbyllur fabrika që prodhonin vaj ulliri të falsifikuar, kompani që tregtonin ujë me fekale, kam luftuar kundra kontrabandistëve që fusin kimikate bujqësore të rrezikshme. Ime motër do vazhdoj të bëj punën e saj, ndërsa ti do të më shërbesh mua me informacion sepse ta kërkon ligji të më japësh llogari për cdo gabim në atë ministri“, shkruan Muça.

Postimi i plotë:

“Unë, puna si gazetare dhe familja ime

Prej gati 7 vitesh punoj si gazetare pranë Departamentit të Lajmeve në Top Channel , ku mbuloj sektorin e sigurisë ushqimore dhe bujqësisë. Në këto vite jam përpjekur që si gazetare t’i ngjaj sime motre edhe pse ajo merej me një tjetër sektor, atë të kronikës së zezë. Por një gjë e kemi pas të përbashkët kurrë nuk kemi bërë kompromis para të vërtetës.

Silvana është ime motër, dhe prej katër vitesh punon pranë AKVM, si specialiste, drejtori kjo e MBZHR, në këto vite secila nga ne ka bërë punon e vet pa ndërhy trek njëra-tjetra. Dhe këto quhen norma, që ti nuk I njeh. Por ja që lajmi im të ka shqetësuar keqazi, Anila Denaj, ti kërkon fajësosh time motër se përse unë kam informuar publikun se Ministria e Bujqësisë dhe Zhvillimit Rural nuk ka kryer vaksinën kundër brucelozës edhe pse kko vaksina ka kushtuar 1.7mln euro.

@AnilaDenaj po bën një sjellje të pazakonte ndaj gazetarë duke më më bërë presion që do më shkarkojë motrën nga puna, madje ka guxuar aq shumë sa I ka kërkuar dorëheqjen në mes të një mbledhje prej gati dhjetra personash, kështu ti kërkon që unë të hesh para këtij skandali? E ke gabim! .@AnilaDenaj, dështimet e tua mos mi faturo mua, unë në këto vite kam mbyllur fabrika që prodhonin vaj ulliri të falsifikuar, kompani që tregtonin ujë me fekale, kam luftuar kundra kontrabandistëve që fusin kimikate bujqësore të rrezikshme, jam përballuar me pronarët e fabrikave që përpunojnë mishin me salmonelë, dhe sigurisht kam qenë përkrah cdo fermeri që do tokën dhe puth duart atij që ende rri e prodhon edhe pse është i pambështetur, edhe pse ende si ke dhënë naftën e Skemës Kombëtare, të vitit 2024, sepse ti nuk di. Kam një emision timin po në @TopChannel “ Bagëti e Bujqësi” një hapësirë televizive që i kushtohet vetëm jetës së fermerit.

Ndërsa ju jeni askush para gjithë kësaj histori je një ministër i radhës që cdo ditë ke ndonjë skandal të rid he që kërkon ta fshehësh, shiko unë nuk merem me Anila Denaj, por me ministren, nuk të njoh dhe të jesh e sigurtë që kurrë sdo të ishe pjesë e jetës sime sociale sepse nuk preferoj të kem në listën time njerëz si ti të vegjel, të dështuar dhe pa norma. @AnilDenaj e di që je mësuar që të gjithë të të bindën ashtu sic berë i afërmi yt që theu arrestit e shtëpisë për të marë pjesë në fushatën tënde elektorale në Kuc të Vlorës. Shihemi në lajme të tjera, dhe ime motër do vazhdoj të bëj punën e saj, ndërsa ti do të më shërbesh mua me informacion sepse ta kërkon ligji të më japësh llogari për cdo gabim në atë ministri”, shkruan ajo.

The post Gazetarja denoncoi mungesën e vaksinës kundër Brucelozës, ministrja Anila Denaj tenton t’i heqë motrën nga puna appeared first on Albeu.com.

Denaj: Skema e investimeve për aplikimet në aktet normative në bujqësi dhe blegtori kërkon disa kritere.

Kriteret e aplikimit: Përcaktimi i kushteve që duhet të përmbushin aplikantët, si p.sh. regjistrimi në sistemet përkatëse dhe përputhshmëria me standardet mjedisore.

Monitorimi dhe vlerësimi: Krijimi i mekanizmave për të monitoruar zbatimin e investimeve dhe për të vlerësuar ndikimin e tyre në prodhimtari dhe qëndrueshmëri.

Kjo skemë ka për qëllim të nxisë zhvillimin e qëndrueshëm në sektorët përkatës. Duke e përfituar me 30% këtë vlere të grantit po këtij viti sapo lidhet kontrata.

The post Përfitimi nga fondet në Bujqësi, ministrja Anila Denaj tregon çfarë duhet për aplikim appeared first on Albeu.com.

Sipas saj, agroturizmi është kombinimi perfekt i bujqësisë me turizmin, i familjes me sipërmarrjen, i fermerit me tregtarin, i mikpritjes emocionuese me produktet cilësore ushqimore shqiptare, të cilat sot kanë marrë një jehonë në mediat ndërkombëtare.

“Agroturizmi si njësi ekonomike është në fokus të zhvillimit ekonomik në mandatin tonë të 4 qeverisës, kjo falë një objektivi të qartë për të fuqizuar familjet në zonat rurale e per të zhvilluar më tej këto njësi për të rritur mirëqënien e tyre”, u shpreh Denaj.

“Një agroturizëm sot angazhon më shumë se 25 familje dhe janë 11 hektar tokë të punuar, duke ruajtur kështu farat autoktone, e duke ndjekur një protokoll cilësor brenda standarteve të BE, por njëkohësisht agroturizmi sot është kthyer në një model të suksesshëm të punësimit të shumë të rinjëve, grave të cilat sot i kanë dhënë një vlerë më të shtuar mikpritjes shqiptare“, tha Denaj në fjalën e saj në Kongresin e socialistëve.

“Sigurisht që shembujt e suksesit janë pafund në Shqipërinë tonë nga veriu në jug , nga Tropoja në Konispol, nga Vermoshi në Përmet , ne kemi shembuj suksesi, ku ata që më parë kanë punuar në emigracion janë kthyer, e kanë gërshetuar dijen në tokë të huaj me dashurinë e tokës së etërve të tyre, theksoi ministrja e Bujqësisë dhe e Zhvillimit Rural.

Duke iu drejtuar socialistëve, Denaj tha, se kjo është një rrugë pa kthim, që vetëm qeveria socialiste mund ta zhvillojë këtë zhvillim eksponencial në 4 vitet e ardhshme .

“Janë më shumë se 260 agroturizma sot, por ne synojmë 1000 agroturizma në 2030 të një cilësie fantastike ndërkombëtarisht të njohur , ku absolutisht punësimi i të rinjëve, të rejave dhe të gjithë zonave rurale do të jetë një fakt”, u shpreh Denaj, duke e mbyllur fjalën e saj me vlerësimin, se brandi shqiptar do të marrë vlerën që meriton puna dhe djersa e tyre.

The post Anila Denaj: Agroturizmi fuqizon familjet në zonat rurale appeared first on Albeu.com.

Në një prononcim të shkurtër për gazetarët, Denaj ka thënë se është pyetur si një person që ka dijeni në lidhje me këtë koncesion gjatë kohës që ka qenë drejtoreshë e Shërbimeve Mbështetëse në Ministrinë e Financave në vitin 2014.

Edhe pse i janë drejtuar pyetje të tjera për të mësuar më shumë rreth dëshmisë së Denajt në SPAK, kjo e fundit nuk ka preferuar që të mos japë detaje.

“Jam pyetur për informacion që kam dijeni gjatë kohë që kam qenë drejtoreshë e Shërbimeve Mbështetëse në Ministrinë e Financave në vitin 2014 në kohën që ky koncesion ka qenë në diskutim. Ky nuk është momenti për të dhënë më shumë detaje”, tha Denaj.

Më herët, po për këtë koncesion është marrë në pyetje edhe ish-ministri i Shëndetësisë, zoti Ilir Beqja si dhe zyrtarë të tjerë të Ministrisë së Shëndetësisë për të parë mënyrën dhe kronologjinë e miratimit të këtij koncesioni, i cili është alokuar disa vite më parë nga ministria e Shëndetësisë.

Anila Denaj ka shërbyer si ministre e Financave nga janari 2019 deri në shtator të vitit 2021.

Prej kohësh, prokurorët e SPAK e kanë cilësuar koncesionin e sterilizimit, si një nga çështjet më të nxehta, të cilave u duhet dhënë një zgjidhje.

The post Prokurorët e SPAK “djersijnë” Denajn 2 orë brenda, ish-ministrja flet pas marrjes në pyetje appeared first on Albeu.com.

Gazetarja Klodiana Lala bën me dije se do të merret në pyetje për koncesionin e sterilizimit.

Kujtojmë se koncesioni i sterilizimit është kallëzimi i parë në SPAK, ndërsa përveç saj disa herë është thirrur dhe ish-ministri i Shëndetësisë, Ilir Beqja

Në vitin 2015 qeveria vendosi që shërbimi i sterilizimit të pajisjeve kirurgjikale të mos ofrohej nga vetë spitalet, por të kalohej me koncension.

Kështu me datë 10 dhjetor 2015, Ministria e Shëndetësisë, ka lidhur një kontratë koncesionare 10-vjecare me kompaninë “Sani Service”.

Kontrata ishte planifikuar të zgjaste për një periudhë 10-vjeçare, me një vlerë fillestare të parashikuar prej 9.6 miliardë lekësh, por të dhënat nga Ministria e Financave tregojnë një tejkalim të shumëfish të pagesave ndaj kompanisë.

Tenderi për sterilizimin për setet kirurgjikale është nën hetim prej 4 vitesh, megjithatë ende nuk ka një konkluzion të hetimeve dhe dosja është në limite të afateve ligjore, me rreth një muaj nga mbyllja.

Kujtojmë se Anila Denaj mori postin e Ministres së Financave në dhjetor 2018, deri në shtator 2021, kohë kur u zëvendësua nga ministrja aktuale Financave Delina Ibrahimaj.

The post Zbulohet arsyeja e paraqitjes së ish-ministres Denaj në SPAK appeared first on Albeu.com.

The post VIDEO/ Ish-ministrja e Financave, Anila Denaj shkon në SPAK appeared first on Albeu.com.

Ai iu përgjigj Anila Denaj, e cila bëri leximin e deklaratës, ndërsa Berisha theksoi se ai nuk do të përdorë fjalët që i përdor shefi i saj politik, Edi Rama.

Berisha: Me asnjë akt nuk mund të sfumoni skandalin e tmerrshëm që jeni përfshirë. McGonigal mori përsipër si vrasës me pagesë të shkatërrojë opozitën, mori përsipër shumë e shumë veprime për të cilat kryetari juaj dhe një pjesë e juaja e mirë jeni në gjykim. Për sa i përket zonjës (Anila Denaj), do them një gjë: Ty duket të pëlqejnë ato që thotë Rama, por unë ato nuk i them kurrë sepse unë kam edukatë tjetër. Nuk kam si ta kuptoj reagimin tënd përvecse  si një dëshirë që të dëgjosh nga unë ato që thotë kryetari yt, por nuk ke për t’i dëgjuar kurrë.

/Albeu.com/

The post Berisha i përgjigjet Denajt: Dëshironi të dëgjoni nga goja ime ato që thotë Rama, unë kam edukatë tjetër appeared first on Albeu.com.

Ajo tha se në bord diskutohet sasia dhe furnizimi, dhe më pas merret vendimi për çmimin.

Komentet Denaj i bëri në Log në ABC ku ishte e ftuar.

‘Çështja e çmimeve shihet me tendencën, vjen dhe i mbartur nga lëvizja e parë shumë e ulët nga vendimi i bordit. Kur flasim për analizë, duhet të flasim me aktorët për të parë të gjithë ofertën e aktorëve në treg, q1oftë në raport me sasinë qoftë me furnizimin. Mundet pra që në momente të caktuara të kemi dhe me furnizimin. Edhe sasia edhe çmimi janë pjesë në një tavolinë’, u shpreh Denaj./albeu.com/

The post Si përcaktohet çmimi i naftës nga bordi? Flet ish-Ministrja e Financave appeared first on Albeu.com.