Pas ngjarjes së rëndë, familjarët hodhën akuza të rënda ndaj mjekëve të spital për kurim të pakujdesshëm që solli sipas tyre edhe vdekjen.

Sot ka reaguar publikisht Spitali i Pogradecit, ku shefi i Shërbimit, Vasfi Topçiu, teksa iu shpreh ngushëllimet familjarëve për humbjen e madhe, deklaroi se sa i përket shërbimit, urgjenca ka dhënë të gjithë ndihmën e nevojshme që në momentin kur pacientja u paraqit në spital për të marrë mjekim.

“Shprehin ngushëllimet për familjarët në lidhje me ngjarjen e djeshme si mjekë dhe si bashkëqytetarë. Mund t’iu them se shërbimi i urgjencës ka dhënë të gjithë ndihmën e nevojshme që në momentin e parë që pacientja është paraqitur në spital. Për detaje të tjera jemi duke pritur përgjigjen e ekspertizës mjeko-ligjore dhe nuk mund të japim asnjë informacion tjetër”, tha Topçiu.

DËSHMIA E BASHKËSHORTIT TË VIKTIMËS:

Bashkëshorti i Bazellit deklaroi ditën e sotme se bashëshortja e tij ishte në gjendje të mirë në momentin që mbërriti në spitalin e Pogradecit. Në momentin kur ia bënë gjilpërën, Luan Bazelli tha se gruaja e tij ndërroi jetë, duke hedhur akuza mbi stafin e spitalit. /albeu.com/

The post “Vdiq sa i bënë gjilpërën në këmbë”, reagon zyrtarisht spitali i Pogradecit pas vdekjes së mësueses që vuante nga astma appeared first on Albeu.com.

Familjarët e 46-vjeçares kanë akuzuar spitalin për shërbim të pakujdesshëm ndaj saj, dhe sipas tyre, kjo pakujdesi ka çuar në vdekjen e mësueses.

Shefi i Shërbimit në spitalin e Pogradecit Vasfi Topçiu, ka dalë në një deklaratë për media në lidhje me këtë ngjarje ku ka thënë se, shërbimi i urgjencës i ka dhënë ndihmën e nevojshme pacientes ndërsa për informacion të plotë shtoi se janë në pritje të ekspertizës mjeko ligjore.

“I shprehim ngushëllime t për humbjen e njeriut të tyre të dashur. Personeli i urgjencës në spital pas paraqitjes së të sëmurës i është përgjigjur gjendjes së saj duke i dhënë ndihmën e parë. Jemi në përgjigje të ekspertizës mjeko-ligjore. Nuk kam asnjë deklaratë tjetër për të bërë”, u shpreh ai jashtë dyerve të spitalit./albeu.com

The post Vdekja e mësueses pas mjekimit në Pogradec, drejtori i spitalit: Po presim ekspertizën mjeko-ligjore appeared first on Albeu.com.

Sot, në një deklaratë për media, bashkëshorti i saj ka thënë se gruaja e tij vunate vetëm nga astma dhe se vdekja ka ardhur nga pakujdesia e mjekësve.

Ai ka kërkuar që të vihet drejtësi për këtë ngjarje të rëndë.

“Di që zonja ime ishte me shëndet të mirë. Të akuzoj apo jo, mund të jenë organet ligjzbatuese që do marrim vendim, po di që zonja ime ka ikur nga mjekimi i pakujdesshëm. Iku me këmbët e saja, me tension normal e të tëra. D.m.th u bë gjilpëra e iku, me sekonda. Në dy ilaçe inltravenoze mbaroi direkt. Të merret drejtësia. Nuk ka pas probleme të tjera, vetëm asmë”, tha bashkëshorti i mësueses së ndjerë.

Trupi i 46-vjeçares është transferuar në morgun e qytetit por autopsia do të kryhet nga ekspertë nga Tirana, nisur edhe nga pretendimet e familjarëve./albeu.com

The post Vdekja e mësueses në Pogradec, flet bashkëshorti: Iku nga mjekimi i pakujdesshëm, të vihet drejtësia appeared first on Albeu.com.

Bëhet me dije se Bazelli vuante nga astma dhe se është dërguar nga familjarët në urgjencë rreth orës 19:00 pasi nuk është ndjerë mirë.

Por më vonë gjendja e saj është përkeqësuar dhe ka ndërruar jetë. Burime bëjnë me dije se familjarët kanë akuzuar mjekët dhe infermierët e urgjencës për mjekim të gabuar.

Trupi i Anila Bazelli, është transferuar në morgun e qytetit, por autopsia do të kryhet nga ekspertë nga Tirana,  nisur edhe nga pretendimet e familjarëve.

Ka qenë prokuroria ajo e cila ka kërkuar ekspertizën nga kryeqyteti për të zbardhur rrethanat e vërteta të vdekjes së mësueses. /albeu.com/

The post DETAJET/  Vuante vetëm nga astma! Mësuesja ndërron jetë në spital, familjarët bëjnë akuzën e rëndë appeared first on Albeu.com.