Në regjistrim bëhet thirrje për ndihmë nga ekuipazhi i anijes ruse Moskva.

Dailymail shkruan se ushtria ukrainase pretendon se ky regjistrim është para mbytjes së anijes 12,490 tonësh, në Detin e Zi. Në regjistrim dëgjohet anëtari i ekuipazhit duke thënë se anija është goditur dy herë dhe tani ajo po anon anash, duke rrezikuar të fundoset. Ndërkohë, Rusia nga ana tjetër pretendon se anija në fjalë u mbyt më 14 prill pas një shpërthimi municioni në bord.

“Komunikimi me bordin është ndërprerë, ka heshtje. Po shkon anash, po anohet. Pjerrësia është 30 gradë. Po shkon anash. Nuk ka asnjë mënyrë për të lëvizur. Ne do të përpiqemi të bëjmë një shpëtim të ekuipazhit”, dëgjohet teksa sinjalizon anëtari i ekuipazhit./albeu.com/

The post AUDIO/ “Po anohet, s’ka mënyrë për ta lëvizur”, momentet e fundit të anijes ruse Moskva para fundosjes appeared first on Albeu.com.

Lajmin e bën të ditur Ministria ruse e Mbrojtjes. Megjithatë, sipas rusëve, anija nuk u fundos pas sulmit të ukrainasve, por për shkak të “detit të trazuar.”

“Moskva, anija që mban flamurin e Flotës së Detit të Zi, i ishte drejtuar portit kur “deti i trazuar” bëri që ajo të fundosej,” thuhet në njoftimin e ministrisë.

Anija me 510 persona ekuipazh ishte një objektiv i rëndësishëm-simbolik dhe ushtarak dhe ka udhëhequr sulmin detar të Rusisë në Ukrainë.

Ukraina pretendon se ishte ajo që e goditi anijen luftarake me raketat e saj, por Rusia nuk ka përmendur asnjë sulm. Gjatë gjithë të enjtes pati raporte kontradiktore nga Moska, Kievi dhe Pentagoni për atë që ndodhi me anijen, nëse ajo ishte ende e përfshirë nga flakët apo ishte fundosur.

Kujtojmë se “Moskva” një nga anijet luftarake më të rëndësishme të Marinës ruse ose u godit të mërkurën mbrëma nga ukrainasit ndërsa lundronte në Detin e Zi.

Kryqëzori “Moskva”, anija që mban flamurin e Flotës së Detit të Zi, ishte një anije ushtarake me peshë të madhe në marinën ruse, e cila krahas përfshirjes në operacione ushtarake ishte edhe një instrument diplomatik i Rusisë.

Kryqëzori i rëndë, 186 metra i gjatë u vu në shërbim në vitin 1983, gjatë epokës sovjetike, me emrin Slava (Lavdia). Misioni i saj parësor ishte shkatërrimi i aeroplanmbajtësve armike.

Anija u emërtua Moskva në maj 1995. Ai është i armatosur me 16 raketa Bazalt / Voulkan kundër anijeve, raketa Fort, versionin detar të raketave me rreze të gjatë S-300 dhe raketa me rreze të shkurtër veprimi Ossa. Ai gjithashtu ka raketahedhës, topa dhe silurë, raporton abcnews.al.

Sipas agjencisë Ria Novosti, Moskva është modernizuar dy herë në historinë e saj, e dyta në periudhën 2018-2020.

The post U sulmua me raketa nga ukrainasit, Kremlini e pranon: Luftanija “Moskva” u fundos appeared first on Albeu.com.