Sipas të dhënave të deritanishme numri i viktimave ka shkuar në 79, 78 burra dhe një grua, ndërsa janë shpëtuar 104 pasagjerë emigrante. Sipas kryebashkiakut të Kallamatës, të shpëtuarit janë të moshës 16-41 vjeç.

Sakaq autoritetet paralajmërojnë se numri i të vdekurve është më i madh, pasi dyshohet se në anije kishte gati 700 emigrantë.

Tragjedia ndodhi mëngjesin e djeshëm në Pylos në afësri të Kallamatës në brigjet e detit Mesdhe. Anija u fundos rreth 80 km në jug-perëndim të Pylos pasi roja bregdetare tha se kishte refuzuar ndihmën.

Anija e peshkimit plotë me emigrantë nga Afganistani, Pakistani, Siria dhe Palestina ishte nisur nga Tobroku, Libi, me destinacion Italinë. Nuk dihen ende rrethanat që çuan në mbytjen e anijes.

Operacionet e kërkim shpëtimit kanë vazhduar pa pushim edhe gjatë natës, njofton Roja Bregdetare. Por, fakti që prej pasdites së djeshme nuk ka asnjë progres nga kërkimet, shqetëson autoritetet. Siç theksojnë për protothema.gr zyrtarë të Rojës Bregdetare, numri i saktë i pasagjerëve do të jetë i vështirë të përcaktohet me saktësi edhe pas marrjes së deklaratave nga të shpëtuarit.

Frikë se në anije ka pasur 100 fëmijë

Dëshmitë e të mbijetuarve janë tronditëse. Ata u thanë mjekëve se në anije ndodheshin 100 fëmijë.

Ata kërkojnë njerëzit e tyre me foto

Mediet greke raportojnë se të mbijetuarit që ndodhen në spitalin e Kallamatës dalin korridoreve të spitaleve me foto në duar për të pyetur nëse dikush ka parë të afërmit e tyre që ishin bashkë me ta në anije.

Misteri i shkaqeve dhe fundosja e anijes

Anija, e cila ishte nisur nga Tobruku i Libisë, lundroi për pesë ditë me mot të mirë derisa arriti në pikën ku u mbyt.
Të martën pasdite, një varkë Frontex iu afrua anijes dhe i ofroi ndihmë ndihmë emigrantëve pasi varka ishte plot. Por sipas informacioneve, emigrantët në bord kanë refuzuar ndihmën e ofruar nga Roja Bregdetare dhe kanë deklaruar se duan të vazhdojnë udhëtimin drejt Italisë.

Sipas burimeve të protothema.gr , emigrantët që ndodheshin në anijen e peshkimit nuk dinin të notonin, ndërsa asnjë nga të shpëtuarit nuk ishin të pajisur me jelekë shpëtimi.

Ajo që ka bërë përshtypje është se si trafikantët e drejtuan mjetin lundrues në pjesën më të thellë të Mesdheut, vendin ku u mbyt, ndërkohë që ajo rrugë detare nuk është në rrugën e zakonshme që anijet me emigrant ndjekin për të shkuar në Itali.

Dëshmitë thonë gjithashtu se teksa anija po lundronte, papritur ka pasur një goditje majtas dhe më pas djathtas dhe më pas ëhstë fundosur.

Ngjarje të ngjashme nga e kaluara kanë treguar se goditje të tilla shkaktohen nga përleshjet midis pasagjerëve .
Këto dëshmi, në fakt, ngrenë dyshime për mundësinë që kontrabandistët e emigrantëve t’i kishin bllokuar emigrantëtë në anije për të pasur kontrollin e plotë të varkës./albeu.com/

The post Frikë se në anijen e fundosur në Greqi ka pasur 100 fëmijë, shkon në 79 numri i viktimave, dëshmitë tronditëse të të mbijetuarve appeared first on Albeu.com.

Ushtari ukrainas ka thënë se në bordin e anijes ushtarake mund të ketë armë bërthamore.

Për këtë arsye ai u bëri thirrje vendeve rreth Detit të Zi, siç është Turqia, Rumania, Gjeorgjia dhe Bullgaria t’i kërkojnë përgjigje Rusisë, se ku janë tani armët bërthamore ose ku ishin kur ndodhi shpërthimi i anijes?

Sipas medias ukrainase, ekspertët thonë se ekziston një mundësi reale që anija e fundosur e flotës ruse në Detin e Zi të ketë pasur municione bërthamore në bord”. Media ukrainase shkruan se tashmë ekziston frika se gjatë fundosjes mund të kenë përfunduar në fund të detit edhe dy raketa bërthamore, shkruan Daily Mail. 

Spekulimet për një katastrofë bërthamore u rritën pas faktit që qindra persona, pjesë e ekuipazhit prej 510 personash të Moskva-s, janë zhdukur që kur anija u godit.

Deri më tani, vetëm rreth 50 persona janë evakuuar nga një anije turke dhe 14 të tjerë thuhet se fluturuan në portin e Sevastopolit. Kjo krijon një paqartësi mbi fatet e pothuajse 450 pjesëtarëve të tjerë të ekuipazhit.

Rusia pretendon se ka evakuuar të gjithë ekuipazhin, por video e marrë në Sevastopol gjatë natës tregon dhjetëra makina që supozohet se u përkisnin marinarëve të parkuara ende në port, duke sugjeruar që pronarët e tyre nuk ishin kthyer për t’i marrë ato. Shpërthimet në anije me përmasa të ngjashme shpesh shkaktojnë qindra vdekje.

Burimet ushtarake ruse thanë se anija ishte rrotulluar në anën e saj dhe kishte marrë flakë pas shpërthimit, ndërsa burimet e inteligjencës amerikane thanë se anija pësoi një shpërthim ‘të madh’ që e la atë të dëmtuar rëndë përpara se të fundosej./albeu.com

The post Media ukrainase: Në anijen e fundosur ruse mund të ketë armë bërthamore, frikë për fatin e 450 persona të ekuipazhit appeared first on Albeu.com.