Flemming së fundmi është transferuar te Ipswich Town në Premier League, duke i krijuar më shumë hapësirë futbollistit të Kombëtares shqiptare.

Në këtë situatë, Broja pritet të ketë kohën e nevojshme për të shfaqur formën e tij më të mirë me Burnley, skuadër që garon në Championship të Anglisë.

Gjatë sezonit të ri, Armando Broja ka luajtur 4 ndeshje mes Championship dhe Kupës së Ligës (Carabao Cup), por ende nuk ka arritur të shënojë. Sulmuesi 24-vjeçar nga Malësia e Madhe është nën kontratë me Burnley deri në verën e vitit 2030.

The post Armando Brojës i hapet rruga te Burnley pas largimit të rivalëve në sulm appeared first on Albeu.com.

Sulmuesi shqiptar Armando Dobra ka shënuar golin e tij të parë me Leyton Orient, duke lënë shenjë menjëherë në kampionatin e tretë anglez, League One.

Në ndeshjen e luajtur jashtë fushe kundër Bromley, 25-vjeçari e filloi takimin nga stoli. Trajneri e aktivizoi në minutën e parë shtesë dhe atij iu deshën vetëm gjysmë minute për të dërguar topin në rrjetë, duke festuar realizimin e parë me fanellën e re.

I transferuar gjatë merkatos verore te Leyton Orient, Dobra zhbllokoi llogarinë e tij personale pas tri paraqitjesh në kampionat. Ky ishte njëkohësisht goli i tij debutues në League One, një kategori ku ai kishte luajtur më parë me Ipswich Town mes viteve 2019 dhe 2022.

Një fillim premtues për talentin shqiptar, i cili synon të marrë gjithnjë e më shumë minuta dhe të shndërrohet në një element kyç për skuadrën angleze.

The post Armando Dobra debuton me gol në League One, shqiptari i jep shpejt ndihmë Leyton Orientit appeared first on Albeu.com.

Teksa Ipswich Town përballet me Manchester United në javën e dytë të Premier League, mesfushori i Kombëtares shqiptare, Anis Mehmeti, mbetet edhe një herë plotësisht jashtë skuadre, pa zënë as një vend në pankinë.

Përjashtimi i tij i dytë radhazi nga trajneri Gary O’Neil konfirmon se 25-vjeçari nuk bën më pjesë në projektin e klubit anglez. Por situata duket edhe më kritike.

Burime nga Anglia raportojnë se skuadrat e interesuara për shërbimet e tij, si Birmingham dhe Wrexham, janë të dekurajuara nga qëndrimi i lojtarit, i cili vijon të shpresojë për një mundësi të re te Ipswich Town.

Në këto rrethana, me Mehmetin që refuzon transferimin dhe vazhdon të përjashtohet nga O’Neil, ekziston një rrezik real që ai të qëndrojë jashtë veprimit deri në afatin kalimtar të janarit, një ndërprerje e detyruar prej pesë muajsh.

The post Nga mungesa në ekip te rreziku i një pauze 5-mujore, skenari më i zi për yllin e Kombëtares appeared first on Albeu.com.

Fakt është se dy javë më parë ishte trajneri Niki Hajen, që zbuloi se Broja është dëmtuar. “Broja ka një dëmtim të lehtë, ndaj do të mungojë për disa javë”, shprehej trajneri belg.

Situata e Brojës është disi e paqartë. Zërat për largimin e tij ndërkohë kanë qarkulluar vazhdimisht.

Një vit më parë u shpenzuan 20 milionë paund nga Bërnli. Çelsi përfitonte shumën e majme për sulmuesin e Kombëtares i cili ishte jashtë planeve.

The post Misteri “Armando Broja” në Angli, çfarë po ndodh me sulmuesin e Kombëtares? appeared first on Albeu.com.

Lorent Tolaj është përforcimi më i ri i Bristol City. Sulmuesi 24-vjeçar është larguar nga Plymouth për të vijuar karrierën në Championship, niveli i dytë i futbollit anglez.

Klubi anglez ka paguar 5 milionë euro për shërbimet e tij, ndërsa Tolaj ka nënshkruar një marrëveshje katërvjeçare, e cila do të jetë në fuqi deri në verën e vitit 2030.

Futbollisti shqiptar zhvilloi një sezon të spikatur në League One, kampionati i tretë për nga rëndësia në Angli. Ai e mbylli edicionin e kaluar me 22 gola të shënuar dhe 8 asistime.

Tolaj është aktivizuar më parë me përfaqësueset e moshave të Zvicrës, por ende nuk ka marrë një vendim për të ardhmen e tij në nivel kombëtar. Sulmuesi vazhdon të ketë mundësinë të zgjedhë mes Shqipërisë dhe Kosovës.

The post Bristol City transferon sulmuesin shqiptar që realizoi 22 gola sezonin e kaluar appeared first on Albeu.com.

Ismail Elfath është emri i përzgjedhur nga FIFA për të drejtuar gjysmëfinalen mes Anglisë dhe Argjentinës. Arbitri 44-vjeçar, me origjinë nga Casablanca e Marokut, e nisi karrierën e tij ndërkombëtare në vitin 2012.

Që nga viti 2016 ai mban distinktivin e FIFA-s, ndërsa sfida më prestigjioze që i është besuar deri më tani mbetet Kupa Interkontinentale, aty ku Paris Saint-Germain triumfoi ndaj Flamengos pas ekzekutimit të penalltive.

Sa i përket qasjes së tij në fushë, Elfath njihet për një tolerancë të theksuar gjatë ndërhyrjeve, edhe në ato momente kur lojtarët tejkalojnë kufijtë e lejuar. Ky element shihet si një lehtësim për Argjentinën, skuadër e cila u shfaq mjaft agresive në përplasjet fizike gjatë ndeshjes çerekfinale kundër Zvicrës.

Duhet theksuar se Lionel Messi dhe bashkëlojtarët e tij janë vënë në qendër të kritikave të ashpra, si në median tradicionale ashtu edhe në rrjetet sociale. Ata akuzohen se kanë përfituar nga favorizime të dyshimta nga ana e FIFA-s, përmes vendimeve të diskutueshme të gjyqtarëve në ndeshjet e tyre.

The post Vendimi i FIFA-s për arbitrin e Angli-Argjentinë ngre dilema, “Albicelestet” gjejnë mbështetje të re appeared first on Albeu.com.

“Newsport” ka mësuar se Teuta ka finalizuar një marrëveshje me mesfushorin Geraldo Bajrami.

Futbollisti shqiptar, 26 vjeç, e përfundoi sezonin 2025-2026 me Burton Albion në League One, që është niveli i tretë për nga rëndësia në Angli.

Lajmi në përditësim..

The post Teuta mbyll marrëveshjen me Geraldo Bajramin, mesfushori shqiptar vjen nga Anglia appeared first on Albeu.com.

Sipas policisë britanike tre anëtarë të grupit, të identifikuar si Toni Liko 42-vjeç, Klement Gjika 44-vjeç dhe Stelian Bodnariu 37-vjeç, të cilët kërkonin nga 11,000 paund për person, janë dënuar me gjithsej 15 vjet burg.

Toni Liko dhe Klement Gjika, u dënuan me nga pesë vjet e tetë muaj burg, ndërsa
Stelian Bodnariu u dënua me tre vjet e katër muaj.

Hetuesit zbuluan se gjatë 18 muajve të funksionimit të bandës, ata kishin dërguar në Londër deri në 20 shtetas shqiptarë, por shifra reale besohet të jetë shumë më e lartë.

Policia tha se për të kapur grupin, oficerët ndoqën automjetet, analizuan CCTV-të e stacioneve të shërbimit dhe përdorën mbikëqyrje për të identifikuar udhëheqësit e bandës.

Treshja e shqiptarëve u arrestua më 18 qershor të vitit të kaluar dhe telefonat e tyre u kontrolluan për mesazhet që tregonin koordinimin midis kontrabandistëve dhe shoferëve të kamionëve.

Inspektori Stuart Jack, që udhëhoqi hetimin, tha se kjo bandë kishte vetëm një motiv: fitimin e parave.

Ai shtoi se emigrantët që trafikohen shpesh shfrytëzohen më tej, kur mbërrijnë në Mbretërinë e Bashkuar ose detyrohen të punojnë për rrjetet kriminale.

“Apeloj tek shoferët e kamionëve të jenë vigjilentë dhe të raportojnë çdo aktivitet të dyshimtë. Kjo nuk është një krim pa viktima”, tha Jack.

The post Merrnin nga 11 mijë paund për të futur emigrantë me kamionë në Angli, dënohen me 15 vite burg tre shqiptarët (EMRAT) appeared first on Albeu.com.

Ajo që do të nevojitet atje është e qartë.

A do të ishte një sensacion kalimi në raundin tjetër, nëse ndodh? Para nisjes për në Londër, drejtori menaxhues i Leverkusenit, Simon Rolfes, nuk deshi të jepte një përgjigje përfundimtare.

“Pyetmë përsëri kur ta kemi arritur vërtetë,” tha ai me një buzëqeshje, duke shtuar se tani nuk ishte momenti për të diskutuar skenarë të tillë. Do të jetë një “finale”, tha Rolfes, “që natyrisht sjell shumë tension, por presioni është te Arsenali.” Favoritët e mëdhenj, “duhet patjetër të fitojnë. Dhe mendoj se kjo mund të jetë edhe një mundësi”.

Në ndeshjen e parë, në të cilën londinezët zhgënjyen dhe arritën vetëm një barazim 1-1, Leverkuseni luajti “shumë i disiplinuar dhe në shumë aspekte shumë solid”.

Kjo do të jetë pikërisht ajo që do të ketë rëndësi edhe në ndeshjen e kthimit, e kombinuar me qetësi maksimale me topin dhe momentet e nevojshme për të marrë frymë.

Është shumë e mundur që formacioni startues që luajti mirë dhe në mënyrë kompakte në përballjen e parë të dal sërish në fushë.

Kjo do të nënkuptonte që 4 lojtarë, Grimaldo, Palasios, Ibrahim Maza dhe Kristian Kofane, të rikthehen në ekip krahasuar me barazimin zhgënjyes kundër Bajernit.

Sulmuesi Martin Terrier, i cili kishte nisur titullar në 4 ndeshje radhazi për Leverkusenin, u zëvendësua pas një ndërhyrjeje nga Nikolas Xhekson, por ai dha lajmin e mirë të shtunën në mbrëmje dhe ishte përsëri në stërvitjen e fundit të së hënës. Lajme të mira për Leverkusenin. Siç tha Rolfes: “Pastaj janë edhe 7 ndeshje të Bundesligës, të gjitha si finale, kështu që duhet t’i qasemi secilës prej tyre si një finale”.

Leverkuseni është tashmë pesë pikë pas vendit të katërt në kampionat, që do të siguronte kualifikimin për Ligën e Kampionëve. “Jemi në rolin e gjuetarit”, tha Rolfes: “Duhet të vazhdojmë të mbajmë presionin. Mendoj se edhe ekipet e tjera mund ta ndiejnë presionin atëherë. Por kjo do të varet nga ne”.

Megjithatë, së pari vjen “finalja” në Londër.

The post Gjithçka e hapur mes Arsenalit dhe Leverkusenit, gjermanët shkojnë besimplotë në Angli appeared first on Albeu.com.

Kur Urim Pomari doli nga burgu me 21 tetor, ai iu rikthye shitjes së kokainës siç raporton ky portal britanik.

Ai krijoi një grup në platformën Whatsupp ku dërgonte oferta për shitje kokaine duke përdorur edhe emoji-n e dëborës si kod për drogën.

Gabimisht në këtë grup, ai kishte futur edhe numrin e oficerit të shërbimit të provës, tek i cili duhej të paraqitej çdo javë.

Pasi u pa mesazhi, policia bastisi shtëpinë e tij në Ipswich. Brenda u gjetën kokainë, peshore dhe 1,255 paund para cash.

Gabimi i tij u përmend edhe në sallën e gjyqit.

Gjyqtarja Nicola Talbot-Hadley tha se Pomari “nuk është një kriminel i sofistikuar” dhe e quajti “budallallëk” faktin që i kishte dërguar mesazh oficerit të provës.

Ajo urdhëroi që paratë e sekuestruara të dërgohen për bamirësi.

Në fund, gjykata e dënoi me 2 vite e 4 muaj burg.

The post Gabimi në WhatsApp e çon sërish në burg shqiptarin në Angli: Fut në grup edhe oficerin e provës appeared first on Albeu.com.