Burime të ndryshme qeverisin se aktorja kurrë nuk ka dashur të jetojë përgjithmonë në Los Angeles, por e ka bërë këtë për hir të fëmijëve dhe detyrimeve ligjore të kujdestarisë. Me fëmijët e saj më të vegjël tashmë të rritur, Jolie po konsideron mundësinë e zhvendosjes jashtë vendit në vende që ajo i sheh si më të sigurta, më të qeta dhe më private për rritjen dhe jetën e familjes.
Për Jolie, fëmijët kanë qenë gjithmonë në qendër të vendimeve të saj; ajo ka deklaruar publikisht se dëshiron t’u ofrojë atyre një rritje në një mjedis ku privatësia, paqja dhe siguria janë garanci kryesore. Burimet thonë se ylli i filmit ka shprehur mendimin se “ndonjëherë vendi ku jetojmë tani nuk ofron atë lloj njerëzishmërie që kam gjetur nëpër botë”.

Gjatë një diskutimi në Festivalin e Filmit në San Sebastián 2024, Jolie është shprehur edhe për klimën politike dhe sociale në SHBA, duke thënë se “i do vendin e saj, por në këtë moment nuk e njeh më atë”, dhe duke theksuar se çdo gjë që kufizon lirinë e shprehjes dhe liritë personale është e rrezikshme. Këto komente janë interpretuar si shprehje e shqetësimit të saj për situatën shoqërore dhe politike të vendit.

Angelina Jolie nuk është e panjohur me temat e imigracionit apo të drejtave të njeriut. Ajo ka kritikuar më parë politikat e imigracionit në SHBA dhe ka shkruar artikuj kundër ndalimit të imigracionit, duke u angazhuar shpesh edhe për kauza humanitare ndërkombëtare një profil që shtrihet përtej karrierës së saj si aktore.

The post Përse Angelina Jolie po përgatitet të largohet nga SHBA me fëmijët e saj binjakë? appeared first on Albeu.com.

Sipas TMZ-së, Shiloh mbushi 18 vjeçe më 27 maj dhe në të njëjtën ditë, sapo ligji ia lejoi, ajo ka dorëzuar aplikimin dhe tashmë është në pritje të vendimit zyrtar me të cilin do të firmosë tashmë kudo si Shiloh Jolie.

Pak ditë më parë u bë e ditur se motra 16-vjeçare e Vivienne-s tashmë përdor vetëm mbiemrin Jolie, gjë që e bëri së fundmi me rastin e shfaqjes së nënës së saj në Broadway.

Shiloh është fëmija i parë në familje që shkon në gjykatë për ndryshimin e emrit, por më parë Zahara ishte shfaqur në një video ku thoshte se quhej Zahara Marley Jolie. Kjo ndodhi vitin e kaluar dhe që atëherë asgjë tjetër nuk dihet për vendimin për të mos përdorur më mbiemrin e Pitt. Në të njëjtën gjatësi vale duket se është edhe vëllai i tyre Pax, i cili dikur shkruante në Instagram se babai i tij është një person i tmerrshëm, që shkakton terror te fëmijët e tij.

Marrëdhëniet e këqija mes fëmijëve të familjes dhe Brad Pitt janë arsyeja kryesore e ndryshimit të mbiemrave, qoftë zyrtarisht apo jo. Në qendër të këtij ndryshimi, mund të jetë shembulli që kishte dhënë vetë Angelina me rastin e marrëdhënies së keqe që kishte me të atin, Jon Voight.

Marrëdhëniet midis babait dhe vajzës ishin acaruar që kur Angelina ishte e re, pasi Voight tradhtoi nënën e saj Marcheline dhe kur u nda me të gjërat u përkeqësuan edhe më shumë. Këtë e ka pranuar edhe vetë Voight, 22 vite më parë, duke folur për Entertainment Weekly. “Vajza ime nuk ka qenë kurrë normale për shkak të mënyrës se si jam sjellë në martesë.”, tha ai.

Komentet e hidhura të Voight vazhduan pas divorcit të Jolie nga Billy Bob Thornton. Aktori fitues i çmimit Oscar kishte thënë se mendonte se martesa e tyre nuk do të funksiononte sepse “të dy kishin probleme serioze”.

Pikërisht atëherë Angelina hoqi zyrtarisht mbiemrin Voight dhe mbajti vetëm me emrin e saj artistik. Duhej të kalonin tetë vjet para se të flisnin përsëri, me rastin e martesës së saj me Brad Pitt dhe nxitjes së tij për t’u ribashkuar me të atin.

Megjithatë, Jolie deklaroi në atë kohë se ajo kishte mbajtur qëllimisht distancë nga babai i saj, sepse besonte se ata kishin një marrëdhënie jo të shëndetshme. Ajo tha se ishin përpjekur të ishin miq, por nuk kishin më kontakte pas divorcit të saj nga Pitt. Një vit më vonë pati një tjetër përpjekje pajtimi, e cila duket se ka ndodhur për pak kohë, por askush jashtë familjes nuk mund ta dijë me siguri se cili është statusi i marrëdhënies së tyre sot, pasi Voight së fundmi e sulmoi Jolie-n për pikëpamjet e saj për luftën në Izrael dhe Gaza.

Siç mund ta shihni nga shembujt e mësipërm, Voight nuk është personi më i lehtë apo më delikat dhe Jolie ka qenë shumë e duruar me të. Ajo mund të mos i ketë inkurajuar vetë fëmijët e saj që të ndryshojnë mbiemrat e tyre, por nëse ata janë rritur në një shtëpi ku shohin vazhdimisht pasojat e një marrëdhënieje të trazuar baba-bijë, ka shumë të ngjarë që ata mendojnë se e vetmja zgjidhje për marrëdhëniet e trazuara me babanë, të jetë largësia prej tij. Kjo distancë është arritur emocionalisht, pasi duket se nuk kanë asnjë kontakt me të dhe plotësimi formal i saj është ndryshimi i mbiemrit. Koha do të tregojë nëse fëmijët e tjerë do të ndjekin rrugën e Shiloh, apo jo.

The post Kjo është arsyeja e vërtetë pse ndryshuan mbiemrin fëmijët e Brad Pitt dhe Angelina Jolie! appeared first on Albeu.com.

Situata duket se ka ndryshuar për Jolie, e cila në të kaluarën ka qenë e lidhur me personazhe të famshëm si The Ëeeknd, Paul Mescal dhe David Mayer de Rothschild dhe tani, revista Oggy ka publikuar imazhe ekskluzive që e lidhin aktoren me reperin dhe poetin britanik Akala, emri i vërtetë i të cilit është James Kingslee McLean Daley.

Ai është parë edhe herë të tjera në shoqërinë e aktores dhe në imazhet e fundit mund të shihni dy yjet teksa ndajnë darkojnë në Milano me kastin e filmit ‘Maria’. Sipas Oggy, të dy mbërritën së bashku në restorant dhe gjithashtu u nisën së bashku për në hotel.

Kjo nuk është hera e parë që Akala dhe Jolie shihen së bashku, pasi në maj ata udhëtuan së bashku në ishullin e Xhamajkës për të marrë pjesë në Festivalin Letrar Calabash. Megjithatë, asnjëri nuk e ka konfirmuar zyrtarisht lidhjen.

The post Kush është reperi britanik që përflitet si i dashuri i ri i Angelina Jolie? appeared first on Albeu.com.