Megjithatë, pavarësisht spekulimeve, Martini vazhdon të mbajë në rrjetet sociale momentet e veçanta me partnerin e saj, me të cilin çifti ka edhe një djalë. Asnjë nga imazhet e tyre të përbashkëta nuk është fshirë, gjë që ka ngritur dyshime mbi vërtetësinë e lajmeve për ndarje.

Kjo ka bërë që shumë ndjekës të mendojnë se ndoshta gjithçka ka qenë vetëm një zhurmë mediatike dhe një mënyrë për të tërhequr vëmendjen e publikut, derisa vetë çifti të vendosë të reagojë përfundimisht.

Në mungesë të një deklarate zyrtare, mbetet për t’u parë nëse rumorët do të konfirmohen apo do të rezultojnë thjesht një spekulim i radhës i medias rozë.

The post Arsyeja e “ndarjes” së modeles shqiptare me miliarderin rumun! appeared first on Albeu.com.

Duke cituar dokumentet ligjore, TMZ shkruan se bukuroshja shqiptare ka dorëzuar kërkesën në Gjykatën e Los Angeles të enjten, duke shënuar 24 tetorin si datën zyrtare të ndarjes.

Në dokumente, arsyeja e prishjes së martesës përmendet si “mospajtime të pajtueshme”, një formulim standard që nënkupton fundin e marrëdhënies për shkak të dallimeve të thella mes partnerëve.

Nga kjo martesë, çifti ka një djalë 3-vjeçar, Kyree Martini Savulescu, për të cilin Angela kërkon kujdestari të përbashkët ligjore dhe fizike.

Modelja, e cila prej vitesh jeton në Shtetet e Bashkuara të Amerikës, ka kërkuar gjithashtu që ish-bashkëshorti i saj t’i paguajë pension bashkëshortor, duke theksuar në dokumente se martesa e tyre ka filluar në dhjetor të vitit 2017.

Lajmi për ndarjen ka ardhur si befasi për publikun dhe ndjekësit e çiftit, të cilët vetëm pak javë më parë kishin parë Angelen dhe aktorin e producentin romun duke shijuar pushime luksoze në Evropë.

Dyshja, që shpesh kanë ndarë momente të përbashkëta në rrjetet sociale, madje kishin paralajmëruar një projekt filmik të bazuar në historinë e tyre të dashurisë, një rrëfim që pritej të sillte në ekran mënyrën se si dashuria i ndihmoi të përballonin sfidat ligjore të Savulescut me drejtësinë rumune.
Martini dhe Savulescu u bënë një nga çiftet më të përfolura në botën e showbizit ndërkombëtar. Ajo, një modele shqiptare që ka ndërtuar karrierë në Amerikë, dhe ai, një biznesmen e aktor rumun me lidhje të forta në industrinë e filmit, shpesh paraqiteshin si shembull i një dashurie që sfidonte kufijtë.

Megjithatë, pas shumë viteve bashkëjetese dhe lëvizjes së tyre mes SHBA-së, Zvicrës dhe Italisë, duket se marrëdhënia e tyre ka arritur në një pikë të pakthyeshme.

As Angela Martini dhe as Drago Savulescu nuk kanë bërë ende deklarata publike rreth ndarjes.

The post Angela Martini i jep fund martesës 7-vjeçare? Ja çfarë shkruajnë mediat e huaja appeared first on Albeu.com.

Për këtë arsye ajo nisi një rrugë ligjore dhe pas kësaj, kompania bllokoi shkrime promovuese të shkruara ndër vite për Angela Martinin, në mediat e veta dhe aty ku kishte akses.

Angela Martini foli me emra, mbiemra dhe rrëfeu edhe pjesën personale të historisë. Bëhej fjalë për kompanitë e familjes Hysenbelliu, me djalin e të cilëve, Fatmir Hysenbelliun, i njohur si Oni, kishte pasur një lidhje vite më parë.

Lidhja kishte zgjatur vetëm dy javë. Më vonë, sipas Angelës, e cila postoi dhe foto të mesazheve (në përgjigje të deklaratës së tij ku thonte se ajo gënjente), Hysenbelliu u përpoq ta kontaktonte sërish, edhe kur ajo ishte e martuar.

Pasi historia shpërtheu në rrjete, Angela publikoi mesazhe nga vajza që i shkruanin në privat, duke e akuzuar Onin për sjellje të ngjashme edhe me to…

Akuzat shkonin deri në ato të organizimeve të festave me alkool, seks, video regjistrimeve dhe pastaj shantazheve. Por dëshmitë e mesazheve anonime nuk u shoqëruan me fytyra e emra, dhe kur një vajzë nga Kosova u përmend me emër, për të cilën thuhej se Oni ia kishte shkatërruar jetën, ajo i mohoi kategorikisht akuzat.

Në vend të një solidariteti të gjerë, siç ndodhi me lëvizjen #MeToo në Amerikë, ku një zë mjaftoi që dhjetëra, qindra, mijëra të tjera të ngrinin kokën, në Shqipëri reagimi u shua shpejt. Kauza u kthye në thashetheme. Se nuk mund të denoncosh anonim.

Nga ana e tij, Fatmir Hysenbelliu reagoi ashpër, duke e quajtur “një sulm të orkestruar nga një femër e pamoralshme” dhe paralajmëroi veprime ligjore për shpifje. Ai u shpreh se nuk kishte dëmtuar askënd dhe se akuzat synonin të dëmtonin imazhin e tij dhe të familjes.

Në fund, çështja, siç edhe në raste të tjera të ngjashme, nuk u kthye në një debat mbi të drejtat e vajzave dhe grave apo mbrojtjen e viktimave të mundshme, as për prepotencën e meshkujve me pushtet, por në një duel virtual mes dy emrave publikë që… ndërkohë që ata zihen dhe të tjerët shikojnë.

The post Angela Martini, Fatmir Hysenbelliu dhe kauzat që vdesin para se të lindin në Shqipëri appeared first on Albeu.com.

Në disa prej mesazheve në DM-në e Martinit, thuhet se Bajraktari është tradhtuar nga Hysenbelliu. Por modelja nga Kosova duket se ka hedhur poshtë gjithçka.

Valbona Bajraktari përmes InstaStoryt shprehet se që e vogël është rritur pa dashuri dhe me dhunë në familje ndërsa vlerëson rolin e Fatmir Hysenbelliut, për të cilin thekson se i ka shpëtuar jetën.

“Fatmiri më ka shpëtuar jetën mua. Po të mos ishte Fatmiri, unë sot nuk do të isha gjallë. Angela Martini, bashkë nuk njihemi dhe skemi ndejt bashkë ndonjëherë. Nuk ke të drejtë jo ti, po askush të përmendë emrin tim.

Jam rritur pa familje, sepse kam pas dhunë nga ata dhe kam qenë e burgosur nga ata, dhe më kanë dhënë helm, tentuan të më vrasin pa gjurmë, vetëm të mos del e vërteta në pah.”-shkruan Bajraktari.

The post Plas sherri për Fatmir Hysenbelliun, modelja nga Kosova nxjerr zbuluar Angela Martinin: Pa të s’do të isha gjallë, familja më burgosi appeared first on Albeu.com.

Ai gjithashtu mohoi kategorikisht që të ketë ushtruar ndikim mbi gazetarët apo mediat që zotëron, për të censuruar emrin e saj.

“Asnjë gazetari nuk i kam thënë të mos publikojë lajme për të. Përkundrazi, ka dalë dje në mediat tona, ndoshta nuk i ka pëlqyer mënyra si është trajtuar,”– tha Hysenbelliu.

Sa i përket përdorimit të imazhit të saj në reklama, ai shpjegoi se ishte një vendim i stafit pas blerjes së një marke, duke sqaruar se reklamat ishin të vjetra dhe të përdorura më herët. Më tej ai thotë:

“Tani mora vesh që ka hapur gjyq. Ndoshta për më shumë para. Por ne e kemi fituar. Angela Martini duhet të kërkojë falje. Ajo mbahet mend vetëm për meshkujt që ka patur dhe për asgjë tjetër.”

Deklarata e plotë e Fatmir Hysenbelliut:

Mirëmëngjes, Ronaldo!

Kjo situatë është për të qeshur dhe për të ardhur keq — si një grua e martuar dhe nënë fëmije, që besoj jeton përtej oqeanit, e që nuk kam pasur kontakt me të që nga viti 2015, dhe që unë nuk e konsideroj lidhje. Kanë qenë shumë miq rreth nesh në atë periudhë që mund ta vërtetojnë se ajo u largua nga Shqipëria, sepse unë i thashë që nuk kam më interes tek ajo.

Dhe në vitin 2025 ta kthesh situatën sipas dëshirës është vërtet WOW — ku mund të arrijnë njerëzit për çfarëdolloj përfitimi që duan ta arrijnë dhe nuk e kuptoj nëse është për të hedhur baltë mbi imazhin tënd ose të familjes tënde për përfitime nga të tjerët!

Sa i përket reklamës për një nga bizneset tona, kur ne e blemë si kompani, stafi i ri që kemi vendosur përdori reklamat ekzistuese, dhe njëra nga to paska qenë edhe kjo. Tani mora vesh që ajo ka hedhur në gjyq kompaninë që të mos përdorej më imazhi i saj, sepse donte më shumë lekë, por gjyqi ka përfunduar në favorin tonë, dhe ajo reklamë nuk është përdorur më.

Sa i përket lajmeve, asnjë gazetari nuk i kam thënë që të dalë ose të mos dalë ajo në mediat tona — as unë, as familja ime — sepse nuk përbën asnjë lloj interesi për ne. Jo më t’u themi mediave të tjera (ku secila është e pavarur). Përkundrazi, ajo ka dalë gjithmonë kur ka qenë lajm tek ne — jo më afër se dje!

Mbase nuk i ka pëlqyer shkrimi i gazetarit — për këtë nuk di ç’të them, gazetarët janë të pavarur!

Nuk është faji im nëse ajo vajzë nuk di emrin e vet dhe e kërkon me “G” dhe jo me “XH” dhe nuk i dalin lajmet. Nëse futesh, ke 100 lajme të saj në mediat tona. Pashë që vetëm 2-3 lajme të para shumë viteve nuk hapen, dhe po e investigojmë këtë gjë.

Por të arrijë një person deri këtu, të “hapë zorrët e barkut” për klikime apo lajme… turp t’i vijë!

Nuk do të prononcohesha për askënd, sepse nuk dua t’i jap rëndësi një personi që nuk ekziston për mua, kur unë kam jetën time. Por thjesht të bëra një përmbledhje për respekt.

Dhe besoj se ajo vajzë duhet të na kërkojë një FALJE të madhe, sepse ne jemi një familje që gjithçka e kemi arritur me forcat tona, në mënyrë të ndershme — jo si ajo, që mbahet mend vetëm nga meshkujt që ka pasur dhe nga asgjë e arritur në jetë!

The post Akuzat e rënda të Angela Martinit, reagon Fatmir Hysenbelliu: Ajo mbahet mend vetëm për meshkujt që ka pasur appeared first on Albeu.com.

The post FOTO/ Angela Martini dhe i biri, duken si kopje të njëri-tjetrit! appeared first on Albeu.com.

Kujtojmë se herë pas here Angela surprizohet me buqeta të mëdha lulesh dhe dedikme të ndjera nga bashkëshorti i saj, teksa këtë herë edhe pse nuk e kq adresuar falënderimin për të, me siguri ai e ka surprizuar Angelën.

The post Rrethuar nga trëndafilat, Angela Martini na zbuloi superfuqinë e saj! appeared first on Albeu.com.

Modelja jeton prej vitesh në SHBA me djalin dhe bashkëshortin e saj.

Herën e fundit kur Angela ka postuar një foto në rrjetin e saj social ku shihet e shtrirë në spital, duke marrë serum.

Ende nuk dihet se çfarë ka ndodhur pasi vetë ajo nuk ka dhënë më shumë detaje rreth gjendjes shëndetësore.

Vitin e kaluar Angela u bë nënë për herë të parë . Ajo ka zbuluar se djali që ka me partnerin Dragos Savulescu erdhi përmes një nënë surrogate. Ata e pagëzuan me emrin Kyree Martini Savulescu./albeu.com

The post Çfarë i ndodhi? Angela Martini përfundon në spital appeared first on Albeu.com.

“Biri im Kyree, që para se të vije në jetë, nga momenti që u krijove, thyem çdo rregull bashkë. Ti je shumë para kohës kur ke lindur dhe të premtoj se kështu do jetë gjithë jetën. Ps. fakt interesant: Kyree u krijua para verës 2018!

Ai priti si një embrion i ngrirë derisa rrugëtimi i surrogates nisi pothuajse tre vite më vonë, në 2021-shin”, shkroi Angela. Kujtojmë që Angela dhe burri i saj Dragos, vendosën të bëhen prindër përmes një nëne surrogate.

The post E lindi me nënë zëvendësuese, Angela Martini: Djali qëndroi si embrion në ngrirje që në vitin 2018 appeared first on Albeu.com.

Jeta e bukuroshes shqiptare ka ndryshuar padyshim shumë pas ardhjes në jetë të djalit të saj Kyree, me 2 dhjetor 2021.

Ndihem totalisht e përmbushur dhe kam nevojë të jap shumë dashuri. Kur i lindi djali, ajo ndjeu menjëherë atë që i duhej. E ndjej këtë lidhje të thellë që është e vështirë të shprehet me fjalë”, tha ajo.

Tani që është përshtatur me jetën e saj të re – si nënë, Angela Martini përmes një postimi në llogarinë e saj në “Instagram”, ka bërë publike një kërkesë të saj të veçantë.

“Jam në kërkim të një dadoje shqiptare në Milano. E dua shqiptare, sepse dua edhe im bir të flasë edhe shqip gjithashtu”, shkroi modelja në mbishkrimin e postimit.

The post Angela Martini kërkon publikisht dado! Do surprizoheni nga kushti që ka modelja (FOTO LAJM) appeared first on Albeu.com.