Gjatë mbledhjes së 301-të të Këshillit Prokurorial të Kosovës (KPK), kryesuesi Arian Gashi bëri të ditur se Aleksandër Lumezi, prokuror në zyrën e kryeprokurorit të shtetit, ka dhënë dorëheqje nga detyra si anëtar i Komisionit për Vlerësimin e Performancës së Prokurorëve.

Sipas Gashit, në letrën e dorëheqjes Lumezi ka deklaruar: “…nuk e konsideroj të arsyeshme të vazhdoj ku qëndrimi profesional për vlerësimin është në kundërshtim me anëtarët e tjerë të Komisionit”.

Gashi njoftoi se anëtari i ri i këtij komisioni do të caktohet në një nga mbledhjet e ardhshme.

Pas përfundimit të pauzës, Këshilli vijoi mbledhjen në seancë të mbyllur, ku po shqyrtohen rastet disiplinore dhe çështja e vlerësimit të performancës.

The post Aleksandër Lumezi largohet nga komisioni për vlerësimin e performancës së prokurorëve appeared first on Albeu.com.

Këmbët e krahët kishin tatuazhe të shumtë që ndihmuan autoritetet të identifikonin të riun. Ai rezulton se është një person me precedentë penalë dhe dyshohet se është përfshirë në krime të ndryshme, pas të cilave qëndron klani Skaljar.

Pranë trupit të Vujoviç u gjetën dhe tre gëzhoja të cilat po analizohen. Gjetja e tyre tregoi se i riu është vrarë fillimisht me armë zjarri, më pas është djegur.

I riu ishte zhdukur para tre ditësh dhe nuk kishte kontaktuar me familjen. Këta të fundit nuk e kishin raportuar zhdukjen e tij, por kishin nisur ta kërkonin vetë. Gjithçka mori fund në momentin që policia u trokiti në derë për tu dhënë lajmin mbi gjetjen e të riut.

Tashmë hetuesit po përqëndrohen tek kontaktet e fundit të të riut, telefonatat që ka kryer, mesazhet që ka shkëmbyer dhe takimet që ka zhvilluar. Në një prej tyre, është edhe ‘kyçi’ i zbardhjes së këtij krimi makabër.

The post Vritet në mënyrë horror anëtari i klanit famëkeq ballkanas, e ekzekutojnë më armë dhe i djegin kokën appeared first on Albeu.com.