Anemia e lehtë mund të japë dobësi dhe nqs nuk trajtohet si duhet mund të kalojë në formën e rëndë duke patur pasoja serioze. Në fakt, anemia gjatë shtatzanisë mund të shkaktojë lindje premature dhe peshë të vogël të bebit në lindje.

Nga se shkaktohet anemia gjatë shtatzanisë?

Anemia gjatë shtatzanisë është e zakonshme dhe në shumicën e rasteve është e formës së lehtë. Në raste të ralla ajo mund të bëhet një problem serioz që mund të kërkojë trajtim. Kur sasia e qelizave të kuqe është e jo e mjaftueshme për të transportuar oksigjenin në organizëm, kjo do të sjellë një ndikim në funksionin e organeve.

Anemia nga mungesa e hekurit është lloji më i shpeshtë i anemive përpara dhe gjatë shtatzanisë. Gjatë shtatzanisë ndodhin ndryshme të mëdha metabolike në organizmin e gruas. Fillimisht ka një mbajtje (retension) të sasisë së ujit në organizëm (që shkakton një anemi fiziologjike të hollimit), por nga ana tjetër ka dhe një rritje të kërkesave për hekur, që është përbërësi kryesor i hemoglobinës. Hemoglobina është një proteinë e rruazave të kuqe të gjakut,e cila ka funksion transportin e oksigjenit në gjak.

Femrat kanë nevojë për më tepër acid folik gjatë shtatzanisë. Acidi folik rekomandohet të merret që përpara shtatzanisë. Acidi folik është një vitamin e cila ndihmon në parandalimin e disa anomalive që prekin tubin neural tek bebi dhe gjithashtu ul rrezikun për të patur pre-eklampsi.

Vitamina B-12 ndikon edhe ajo në formimin e qelizave të kuqe të gjakut (eritrociteve).

Si mund të parandalohet anemia gjatë shtatzanisë?

1. Marrja e vitaminave te shtatzanisë

2. Marrja e dozave shtesë të hekurit

3. Ushqimi i shëndetshëm

The post Anemia dhe shtatzënia, çfarë duhet të dini appeared first on Albeu.com.

Klinika (simptomat dhe shenjat) e Sindromit Anemik

Prania ose mungesa e shenjave klinike të anemisë përcaktohen nga 4 faktorë:

1. Shpejtësia e instalimit të anemisë. Një anemi e instaluar shpejt (post hemorragjike, hemolizë) ka klinikë më të shprehur se kur instalohet gradualisht (Sistemi Kardiovaskular ka më shumë kohë për t’u përshtatur).
2. Shkalla e anemisë. Sa më e thellë të jetë anemia, aq më e theksuar është klinika. Klinika e anemisë shfaqet kur Hb është më pak se 9-10gr/dl, por ka raste që pakësimi i Hb të jetë i theksuar dhe përsëri të mos ketë shenja ose të jenë shumë të pakta nëse ajo është instaluar gradualisht dhe personi ka qenë i shëndetshëm dhe në moshë të re (si tek anemia nga mungesa e hekurit).
3. Mosha dhe gjendja e përgjithshme e pacientit. Moshat e vjetra e suportojnë aneminë më vështirë se sa mosha e re dhe kjo lidhet me sistemin kardiovaskular dhe sëmundjet shoqëruese kardiopulmonare.
4. Kurba e disocimit të Hb nga oksigjeni. Anemia shoqërohet me lehtësi më të madhe për të çliruar oksigjenin nga Hb tek indet.

Simptomat – Dobësi, lodhje e përgjithshme, më të theksuar në sforcimet fizike (konsumohet më shumë oksigjen), vështirësi në frymëmarrje, dhembje koke (në pjesën e pasme të saj), miza para syve, zhurmë në vesh. Te moshat e vjetra dhe kur instalohet shpejt mund të shfaqen dhe simptomat e angina pectoris (dhembje gjoksi) etj.

Shenjat – këto ndahen në shenja të përgjithshme dhe specifike.

• Shenjat e përgjithshme përfshijnë zbehjen e lëkurës dhe të mukozave (të cilat shfaqen kur Hb është më pak se 9-10 gr/dl). Vlerësimi duhet bërë në dritë natyrale. Anemia duket më mirë në membranat mukoze (buzët, goja, faringu, konjuktivat), llapa e veshit, shtrati i thonjve, shuplakat e duarve dhe në shputat e këmbëve (kur Hb < 7 gr/dl). Duhet të kemi parasysh se është pigmenti i hekurit (Fe) që siguron ngjyrën e kuqe të hemoglobinës, në këtë mënyrë të eritrociteve dhe për pasojë të vetë gjakut (pjesa e mbetur e gjakut pa eritrocite nuk ka ngjyrë të kuqe). Ngjyra e hemoglobinës (pra e hekurit) është dhe faktori kryesor i ngjyrës së lëkurës. Në rastet kur anemia instalohet shpejt dhe është e thellë mund të kemi takikardi, puls të shpejtë dhe goditës, tone të forta në zemër, zhurmë sistolike, kardiomegali.

• Shenjat specifike janë në varësi të tipit të anemisë p.sh në rastin e anemisë hemolitike do të ketë ikter nga shtimi i bilirubinës indirekte. Në sëmundje të tjera anemia mund të shoqërohet me neutropeni, trombocitopeni etj.

The post Çfarë është anemia? Shkaqet dhe simptomat appeared first on Albeu.com.

Gështenjat janë të shijshme dhe të gjithanshme në kuzhinë. Ato mund të përgatiten në shumë mënyra: të pjekura në zjarr, të ziera, të gatuara në furrë ose në mikrovalë, ose mund të bëhen pjesë e shumë pjatave me mish ose peshk.

Gështenjat, të gjitha vetitë e frutave të stinës

Nuk duhet harruar as kontributin që japin për sa i përket fibrave: rekomandohet shumë, pra, për ata që vuajnë nga kapsllëku. Por kini kujdes me gatimin: nëse mbeten të papërpunuara, mund të bëhet e vështirë tretja e tyre ose shkaktimi i gastritit. Duke qenë pa gluten, gështenjat janë perfekte për ata që vuajnë nga celiakia. Nuk është rastësi që nga gështenjat del një miell i shkëlqyer për t’u përdorur në përgatitjen e pjatave të ndryshme të ëmbla dhe të shijshme.

Shumë përfitime, por edhe disa rekomandime: duke pasur parasysh marrjen e rëndësishme të kalorive, ato nuk rekomandohen për njerëzit me diabet, kolit apo obezitet. Në çdo rast, kushtojini vëmendje porcioneve: këshilla është të mos i kaloni 100 gram nëse i zieni ose 60 gram nëse i preferoni të pjekura.

The post Luftoni aneminë dhe lodhjen me gështenja, të gjitha vetitë dhe përfitimet e frutit të vjeshtës appeared first on Albeu.com.

Kur trupit i mungojnë mjaftueshëm qeliza të kuqe të gjakut ose hemoglobine të shëndetshme, kjo çon në një gjendje shëndetësore të njohur si anemi. Anemia shoqërohet me gulçim, lodhje, dhimbje koke, oreks të dobët, rrahje të shpejta të zemrës dhe marramendje.

Për të përballuar një gjendje të tillë shëndetësore, është i domosdoshëm përmirësimi i niveleve të hemoglobinës në trup. Ju mund ta bëni këtë duke shtuar lëngun e panxharit në dietën tuaj. Lëngu i panxharit është i ngarkuar me mineralin e hekurit, mineraleve të tjera të dobishme dhe vitaminave. Kjo perime e mrekullueshme është shumë e dobishme për njerëzit që vuajnë nga anemia.

Lëngu i panxharit është një burim i shkëlqyer i hekurit dhe vitaminës C, e cila konsiderohet e mirë për aneminë. Ndërsa, gjethet e panxharit janë të dobishme për sëmundjet e shpretkës dhe të mëlçisë. Kuptohet se ka veprim pastrues dhe dietik.

Panxhari ndihmon në riparimin dhe riaktivizimin e qelizave të kuqe të gjakut në trup, gjë që rrit më tej furnizimin me oksigjen në të gjitha pjesët e trupit. Një nga mënyrat më të mira për të konsumuar panxharin për anemi është ta keni atë në formë lëngu. Lëngu i panxharit është një ilaç i shëndetshëm që mund të bëjë mrekulli për shëndetin tuaj të përgjithshëm.

Panxhari dhe karotat bëjnë një çift të bukur dhe ky kombinim është mjaft i dobishëm për ata që vuajnë nga anemia pasi ndihmon në rritjen e niveleve të hekurit në mënyrë natyrale. Mund t’i shtoni edhe portokalle të ëmbla pasi do t’ju ndihmojë të merrni një dozë të dyfishtë të vitaminës C.

The post Lëngu i panxharit, ideal për këtë sëmundje të përhapur appeared first on Albeu.com.

Lëngu nga panxhari dhe tharmi i birrës 
Panxhari është perime e pasur me hekur, që është i përsosur kundër simptomave të anemisë. Dhuron energji, që lufton dhimbjet, ndërsa nutrientet nga ai forcojnë flokët dhe thonjtë e dobët.
Përbërësit: 1 panxhar; 1 karotë; 1 lugë tharmë të birrës (5 gr); 1 gotë ujë (200 mL).
Si ta përgatisni: Panxharin dhe karotën i copëtoni në pjesë dhe i vendosni në blender. Shtoni gotën me ujë dhe lugën me tharmin e birrës dhe i përzieni për disa minuta. Lëngun e pini menjëherë.

Lëngu me manaferra, luleshtrydhe dhe mollë 
Ky lëng i shijshëm jo vetëm se përmban hekur, por edhe fibra e antioksidues që ndihmojnë në pastrimin e gjakut.
Përbërësit: 2 manaferra; 3 dluleshtrydhe; 1 mollë; 1/2 e gotës ujë (100 mL).
Si ta përgatisni: Pastroni manaferrat dhe dredhëzat dhe i futni në blender. Copëtoni mollën dhe ia shtoni përbërësve e tjerë. Mos harroni t’i hiqni farat. Shtoni gjysmë gotë me ujë për ta lehtësuar përzierjen. E pini në mëngjes.

Lëngu nga rrepa dhe lakërishte posedon pak kalori dhe mund të përfshihet në ushqimin tuaj si preventivë e anemisë dhe të kontrolloni plogështinë dhe dhimbjet.
Përbërësit: 5 copë lakërishtë; 4 rrepka; 2 grushta spinaq; 1 gotë ujë (200 ml), transmeton gazeta Kosova Sot.
Si ta përgatisni: Pastroni perimet dhe i hidhni në blender. Shtoni një gotë me ujë dhe e pini para mëngjesit.

Lëngu me karotë dhe lakërishtë 
Karrotat dhe lakërishta ofrojnë një sasi të shëndetshme me fibra, vitamina dhe mineraleve esenciale që rigjallërojnë trupin. Konsumimi i rregullt i këtij lëngu parandalon simptomat e anemisë dhe ndihmon në përmirësimin e performancave mendore dhe fizike.
Përbërësit: 3 karrota; 2 copë lakërishtë; 1 gotë ujë (200 ml).
Si ta përgatisni: Pastroni perimet dhe i hidhni në blender. I përzieni së bashku me një gotë me ujë. Kur të jenë përzier, e pini sa më shpejtë që është e mundur. Mund të pini dy gota të tilla në ditë.

Lëngu me spinaq, karrota dhe selino
Ky lëng i perimeve përmban vitamina dhe minerale që shtojnë energjinë trupore kur shfaqen dhimbjet kronike dhe anemia.
Përbërësit: 5 karrota; 1 kërcell selino; 1 grusht spinaq; 1 gotë me ujë (200 mL).
Si ta përgatisni: Përbërësit i pastroni mirë, i përzieni në një enë dhe i hidhni në blender me një gotë ujë. Përzieni për disa minuta. E shërbeni të freskët, para mëngjesit./albeu.com

The post 6 lëngje që luftojnë aneminë appeared first on Albeu.com.

Ai tregoi për disa nga sëmundjet që preken më shpesh fëmijët dhe kurimin që vjen prej bimëve medicinale.

Në moshë të vogël fëmijët vuajnë zakonisht nga fryerjet e barkut dhe zorrëve dhe sipas tij zgjidhjen për këtë prindërit mund ta gjejnë tek kamomili, mednra dhe shtogu:

“Le të marrim fryrjen e barkut dhe të zorrëve, asgjë tjetër më shpejtë se mendra e butë nuk e qetëson. Le të marrim ato gazra që mbeten në zorrë, kamomili ose mendra e butë, ia hedhim në gjelë fëmijëv dhe ajo zgjidh një problematikë shumë të madhe, ngërçet e barkut të fëmijëve. Ju them nënave psh. kokrrat e arrave kanë një fletë brenda që ndan ato thelpinjtë e tyre, ne e kemi provuar me shumë sukses qoftë tek fëmiëjt qëkanë fryrje barku, ngërce zorrësh por edhe që kanë një kollë të vazhdueshme. Përdorimi i petave të arrës , i gjetheve të dellit, i luleve të blirit , i aguliceve që është me të vërtetë një perl shqiptare, unë them që janë bimë të rëndëisishme për pastrimin e kollës, mushkërive” këshilloi ai.

Ndërsa theksoi në një intervistë në “Rreze Dielli” se shurupin që krijohet përmes frutit të shtogut i cili është një antiviral që ndihmon kurimin e bajameve.

“Inflamacioni i bajameve në disa zona e qetësonin duke përdorur shurupin e frutit të shtogut. Ky është një antiviral dhe antibakterial i mrekullueshëm. Krahas kësaj, nëqoftëse kemi të bëjmë edhe me fryrje barku dhe me temperaturë dhe djersitje me vështirësi, unë këshilloj lulen e shtogut i cili është një produkt i mrekullueshëm” tha ai.

Për fëmijët që vuajnë nga djegia urinare solli në vëmendje kurën me çajin e fierit të gurit:

Ka shumë fëmijë që krijojnë oksalate të kalciumit, kanë djegie të urinës dhe medikamenti bimorë është një çaj me fierin e gurit , fëmijëve jo vetëm që u qetëson kollën por pastron gjithë sistemin urinar të tij me dy deri në tre filxhana kafe në ditë kur është I vogël ose deri në tre filxhana kur fëmija është më shumë se 5 vjeç.

Mjeku popullor, Ylli Merja këshilloi të gjitha nënat që të kurojnë aneminë e fëmijëve përmes një bime që gjendet në brigjet e detit tonë dhe që ka benefite të mëdha në organizëm për shumë sëmundje të tjera:

“Për fëmijët anemikë, brigjeve të detit tonë rritet një bimë e vecantë alkania ngjyruese. Ajo mund të përdoret duket filluar që nga buzëkuqet e femrave që nxirret nga kjo rrënjë, është një bimë që jep me vete fuqinë e detit për të goditur sëmundjet . Pra ka jod me shumicë, mund ta përdorin fëmijët që kanë mungesë hekuri sepse ka prani të lartë hekuri. Të gjitha nënave ne duhet ti theksojmë këtë gjë, hekuri dhe Jodi që ka kjo bimë janë lehtësisht të oksidueshëm nga oksigjeni.Duhet ta hedhin menjëherë në kos dhe ta konsumojnë përgatisim 100 ml caj me një lugë caj nga kjo bima e zijme e kullojmë dhe e pijmë” tha ai.

The post Çajrat që i duhen çdo prindi në shtëpi, mjeku popullor: Përdorini për problemet më të përhapura te fëmijët appeared first on Albeu.com.

Kjo e fundit sjell pasoja mjaft të rënda për shëndetin, ndërkohë në këtë artikull do iu njohim me disa nga shenjat e fshehta të anemisë të cilat në asnjë mënyrë nuk duhet që t’i injoroni.

Keni frymëmarrje të shkurtra herë pas here ose më saktë nuk arrini që të ngopeni mjaftueshëm me oksigjen. Kjo është shenja e parë e cila tregon që mund të vuani nga anemia.

Ndiheni vazhdimisht të lodhur dhe nuk keni fuqi për të bërë asgjë.

Ndjeni dhimbje therëse në gjoks.

Këmbët dhe duart tuaja qëndrojnë gjithnjë të ftohta, pavarësisht stinëve.

Keni dhimbje të forta koke që përsëriten vazhdimisht.

Nëse po përjetoni simptomat e mësipërme këshilloheni që menjëherë të drejtoheni tek mjeku specialist, i cili ju ndihmon ta menaxhoni aneminë me anë të ndryshimit të dietës suaj apo terapive mjekësore/Neps.al.

The post Simptomat e fshehta të anemisë që kurrsesi nuk duhen injoruar appeared first on Albeu.com.

Vlerat dhe si ta përdorni kundër anemisë

Spinaqi i kuq është i pasur me hekur dhe i dobishëm kundër anemisë. AgroËeb.org sugjeron konsumimin e lëngut të kësaj perimeje ose ta kombinoni me vezë, lëng limoni dhe mjaltë. Kjo pije duhet konsumuar një herë në ditë për një javë dhe kuron aneminë. Merrni dy tufa me spinaq të kuq. Lajini mirë me ujë të bollshëm. Shtypini dhe grijini deri sa të formoni një lloj salce, të cilës duhet t’i shtoni një lugë gjelle me lëng limoni, një lugë gjelle me mjaltë dhe një vezë. Përziejeni dhe kullojeni lëngun e formuar dhe pijeni një herë në ditë për një javë deri sa të arrini rezultatet e duhura. Ky lëng vjen në ndihmë edhe për të rritur qarkullimin e gjakut në trup.

Efektet e tjera kurative

Spinaqi i kuq përmban vitaminë C e cila përmirëson shikimin ndërsa i vjen në ndihmë sistemit imunitar. Gjethet e spinaqit të kuq përmbajnë disa proteina që ulin nivelet e insulinës në gjak. Spinaqi i kuq përmirëson tretjen. Ai përmban shumë fibër dhe është i dobishëm kundër diabetit, kolesterolit dhe mbipeshës. Gjithashtu, spinaqi i kuq ndihmon në përmirësimin e funksioneve të veshkave dhe pastron gjakun.

Shumë receta për t’i shijuar

Spinaqi i kuq mund të konsumohet në shumë mënyra të ndryshme. Atë mund ta hani të gjallë ose të gatuar. Gjethet e spinaqit mund t’i kavërdisni lehtë, t’i përdorni në sallata, t’i përzieni me perime, fruta , vezë, arrorë, makarona ose djathë. Ky lloj spinaqi përdoret gjërësisht në shumë receta me bazë erëzash, xhenxhefili, hudhre, qepe, specash djegës dhe kremëra të ndryshëm. Gjethet e spinaqit të kuq mund të thahen dhe të mbahen në frigorifer për një deri në dy javë.

The post Keni dëgjuar ndonjëherë për spinaqin e kuq? Është ideal për luftimin e kësaj sëmundjeje appeared first on Albeu.com.