Andriy Shevchenko edhe përpara nisjes së luftës ka qenë aktiv duke reaguar mbi mbrojtjen territoriale të Ukrainës dhe është njohur si një nga zërat kryesor të “Revolucionit të dinjitetit” në vitin 2014, kundra pushtetit të Viktor Yanukovych.

Gjatë karrierës së tij futbollistike, Shevchenko luajti për Dynamo Kyiv, A.C. Milan dhe Chelsea. Ai ka fituar Ligën e Kampionëve të UEFA-s me A.C. Milan në 2003 dhe iu dha Topi i Artë, çmimi më prestigjioz individual i futbollit, në 2004. Ai konsiderohet si një nga futbollistët më të mirë ukrainas të të gjitha kohërave. Në maj 2022, Shevchenko u bë ambasador i platformës së Ukrainës për mbledhjen e fondeve UNITED24.

The post Shevchenko i futet politikës, bëhet këshilltar i Volodymyr Zelensky appeared first on Albeu.com.

Duke folur për BBC, ish-sulmuesi i Chelsea, AC Milan dhe Dynamo Kyiv u lut për donacione.

“Kjo luftë është mizore,është mizore. Është një gjenocid.” tha ai.

“Ishte e rëndësishme për mua të gjeja një mënyrë për të ndihmuar vendin tim. Ukraina është e paralizuar, është e pamundur të drejtosh ekonominë, ne po granatohemi çdo ditë dhe njerëzit po vdesin.”

Ai thotë se të gjitha paratë e mbledhura nga bamirësia United 24 do të shkojnë direkt në bankën kombëtare të Ukrainës dhe më pas do të shpërndahen për të ndihmuar në përpjekjet e luftës.

Të gjitha sportet janë pezulluar në Ukrainë, sepse të gjitha tubimet masive aktualisht janë të ndaluara sipas ligjit ushtarak.

Por më 1 qershor, Ukraina do të rikthehet në aksione konkurruese në play-offin e vonuar të Kupës së Botës kundër Skocisë.

“Shumë prej tyre nuk patën mundësi të stërviteshin fare. Por besoj se një mrekulli është e mundur, sepse e di se çfarë lloj motivimi kanë ata”.

Kur u pyet për marrëdhënien e tij me ish-pronarin e Chelseat, Roman Abramovich, Shevchenko tha se nuk ka folur me të që nga fillimi i luftës.

Klubet ruse të futbollit janë pezulluar nga të gjitha garat nga FIFA dhe UEFA.

“Për sa kohë që ka një luftë në Ukrainë, asnjë atlet rus nuk duhet të lejohet të marrë pjesë në ndonjë garë”, tha Shevchenko.

“Për shkak të Rusisë, atletët tanë janë të privuar nga çdo sport. Dhe ata mund të vriten në çdo moment.”/albeu.com

The post Shevchenko: Rusia duhet të ndalohet nga futbolli për sa kohë të jemi në luftë appeared first on Albeu.com.

Shevchenko është përqendruar aktualisht vetëm te lufta në të cilën është përfshirë vendi i tij i lindjes, Ukraina.

Në një intervistë të fundit, ish-sulmuesi i Milanit, theksoi se për momentin nuk mund të mendojë për sportin pasi në mendjen e tij është kontributi për bashkëkombasit, ndërsa vetëm kur të arrihet paqja do të mendojë për karrierën personale.

“Në këtë moment, unë jam i përqendruar vetëm në projekte për të ndihmuar vendin tim. Shpresoj shumë që të rikthehet sa më shpejt paqja dhe njerëzit të jetojnë sërish të lumtur në shtëpitë e tyre. Vetëm pasi të arrihet ky objektiv, unë mund të rikthehem dhe të mendoj për karrierën time”, u shpreh Shevchenko.

Kujtojmë se Sheva i është futur botës së trajningut prej disa vitesh teksa ka stërvitur kombëtaren e Ukrainës ndërsa eksperienca e fundit për 45-vjeçarin ishte me Genoan në Serie A.

The post Legjenda e Futbollit nuk mendon më për sportin: Më intereson vetëm paqja në Ukrainë! appeared first on Albeu.com.