Andriy Lunin është një nga emrat që Juventusi po shqyrton për të përforcuar portën përpara nisjes së sezonit të ri. Gjiganti italian e vlerëson lart portierin ukrainas dhe mund të lëvizë për të nëse nuk arrin të sigurojë objektivin kryesor.

Për momentin, përparësi për klubin torinez mbetet Zion Suzuki, ndërsa 27-vjeçari i Real Madridit konsiderohet një alternativë e rëndësishme.

Drejtuesit e Juventusit synojnë ta zgjidhin brenda pak ditësh çështjen e portierit, në mënyrë që situata të jetë e qartë përpara debutimit në kampionat më 23 gusht.

Zgjedhja e parë e Juventusit është Suzuki. Portieri japonez do ta pranonte një huazim në Torino nëse realizohet kalimi i tij nga Parma te PSG-ja, megjithëse mes palëve vazhdojnë të mbeten disa hollësi për t’u zgjidhur.

Në rast se ky operacion dështon, klubi italian ka në pritje si alternativa Andriy Lunin dhe Guglielmo Vicario.

Vështirësia kryesore për Juventusin lidhet me qëndrimin e Real Madridit. Klubi spanjoll nuk ka treguar se është i gatshëm të ndahet me portierin ukrainas, ndërsa nuk dihet ende se çfarë shume do të ofronin bardhezinjtë për huazimin e tij.

Pozitat e madrilenëve forcohen edhe nga kontrata afatgjatë e Lunin. Më 13 shtator 2024, ai rinovoi marrëveshjen deri më 30 qershor 2030, ndaj Real Madridi nuk ndodhet nën trysni për ta shitur gjatë kësaj vere.

Edhe dëshira e vetë portierit është të mbetet në Santiago Bernabeu dhe ta vazhdojë rrugëtimin e tij me Real Madridin.

Aktualisht, vlera e Lunin në treg përllogaritet në rreth 12 milionë euro. Kur kishte më shumë minuta në formacionin e skuadrës madrilene, ajo kishte shkuar deri në 25 milionë euro.

Pika më e rëndësishme e karrierës së tij ishte sezoni 2023/24. Dëmtimi i Thibaut Courtois i krijoi mundësinë të aktivizohej vazhdimisht, ndërsa ukrainasi e fitoi konkurrencën me Kepa Arrizabalagan për rolin e titullarit.

Gjatë atij edicioni, Real Madridi fitoi La Ligën dhe Ligën e Kampionëve, me Lunin që dha një kontribut të rëndësishëm në rrugën drejt trofeut evropian.

Paraqitja e tij në çerekfinale kundër Manchester Cityt mbetet një prej momenteve më të paharrueshme.

Takimi në “Etihad” u mbyll 1-1 pas 120 minutash dhe kualifikimi u përcaktua nga penalltitë. Lunin ndali goditjet e Bernardo Silvës dhe Mateo Kovaçiçit, duke e ndihmuar Real Madridin të siguronte vendin në gjysmëfinale.

Për madrilenët, gjendja në repartin e portierëve është bërë më e ndërlikuar edhe pas transferimit të Fran Gonzalez te Sevilla.

Marrëveshja u përfundua për rreth 3 milionë euro. Real Madridi mbajti 50 për qind të të drejtave të lojtarit, si dhe mekanizma që mundësojnë rikthimin e tij në të ardhmen.

Hapat e ardhshëm varen nga ajo që do të ndodhë me Zion Suzukin. Juventusi kërkon të bëjë përparim në këtë marrëveshje deri më 15 gusht dhe, nëse huazimi i japonezit nuk finalizohet, mund t’i shtojë kontaktet për Lunin.

Bindja e Real Madridit pritet të jetë një detyrë e vështirë, sepse klubi madrilen nuk ka nevojë ta shesë ukrainasin dhe e mban atë të lidhur me kontratë deri në vitin 2030.

The post Juventusi kthen vëmendjen nga Lunin, Real Madridi përballet me interesimin e papritur appeared first on Albeu.com.

Pozicioni i Andriy Lunin te Real Madridi po bëhet gjithnjë e më i paqartë, ndërsa portieri ukrainas po mendon seriozisht një hap të ri në karrierë.

Pas disa sezonesh si alternativë për shkak të pranisë së Thibaut Courtois, Lunin synon të gjejë më shumë hapësira në fushë dhe të vendoset si zgjedhje e parë.

Në zhvillimet më të fundit të merkatos, Manchester United është shfaqur si një pretendent i fortë për gardianin e Real Madridit.

Ndonëse në fillim Interi ishte klubi që kishte shfaqur interes për Lunin, gjatë orëve të fundit vëmendja është zhvendosur më shumë te skuadra angleze.

Klubi nga Old Trafford po kërkon një alternativë të re në portë dhe e konsideron ukrainasin si profilin e duhur për ta përforcuar këtë repart.

Qëndrimi i Andriy Lunin në Santiago Bernabeu nuk ka qenë i thjeshtë. Sa herë që i është dhënë mundësia, ai ka treguar nivel dhe ka provuar se di të menaxhojë presionin që sjell një klub si Real Madridi.

Gjithsesi, prania e Thibaut Courtois ka mbetur pengesa kryesore. Portieri belg vazhdon të vlerësohet si një nga më të mirët në botë dhe mbetet zgjedhja e parë e padiskutueshme në portën madrilene.

Për një portier me moshën dhe potencialin e Lunin, pritja për shanse të kufizuara mund të mos mjaftojë më.

Lunin kërkon vazhdimësi, besim dhe një projekt ku të ketë peshë të rëndësishme.

Nëse ai vendos të largohet, drejtuesit e Real Madridit do të duhet të zgjedhin mes një fitimi ekonomik nga shitja ose përpjekjes për ta mbajtur si një alternativë të besueshme për Courtois.

Interesimi i Manchester United e ka ndryshuar panoramën rreth portierit ukrainas. Skuadra angleze prej kohësh kërkon më shumë siguri në këtë pozicion dhe e sheh Lunin si një emër shumë interesant.

Ai ka eksperiencë ndërkombëtare, është provuar në sfida me presion të lartë dhe mund të jetë gati për një etapë të re në Ligën Premier, një nga kampionatet më të forta në botë.

Një kalim te Manchester United do të përfaqësonte një mundësi të madhe për Lunin, jo vetëm për shkak të emrit të klubit, por edhe sepse do t’i jepte rastin të dilte nga hija e Courtois dhe të provonte se është gati të jetë numri një në një ekip elitar.

Në garë mbetet edhe Interi. Klubi italian prej kohësh po ndjek nga afër situatën e portierit dhe e vlerëson si një lojtar që mund të ofrojë menjëherë siguri.

Megjithatë, përfshirja e Manchester United mund të shpejtojë ngjarjet, sidomos nëse Lunin e sheh Ligën Premier si destinacionin e preferuar.

Për Real Madridin, largimi i ukrainasit nuk do të ishte një lëvizje e zakonshme, sepse ai ka treguar se mund të bëhet vendimtar kur i kërkohet.

Pavarësisht kësaj, dëshira e futbollistit për të luajtur rregullisht mund të ketë më shumë peshë se çdo përpjekje për ta mbajtur në skuadër.

Operacioni nuk është mbyllur ende, por situata ka nisur të marrë drejtim. Interi dhe Manchester United po presin, ndërsa një ofertë bindëse nga Anglia mund të ndryshojë gjithçka.

Andriy Lunin ndodhet tashmë përpara një zgjedhjeje të rëndësishme: të vazhdojë të presë mundësinë e tij te Real Madridi apo të nisë sfidën e Ligës Premier për t’u bërë më në fund protagonist.

The post Manchester United hyn në garë për Andriy Lunin, Real Madridi përballet me një vendim appeared first on Albeu.com.

Sipas Relevo, Andriy Lunin tani ka rënë dakord verbalisht të nënshkruajë një kontratë të re dhe të qëndrojë me Real Madrid përtej këtij sezoni.

Portieri ukrainas ka vendosur të pranojë ofertën e Los Blancos për një kontratë të re pesëvjeçare që do të zgjasë të paktën deri në vitin 2029. Kjo do të zyrtarizohet pasi të jenë përfunduar detajet përfundimtare dhe nënshkrimi i tij.

Lunin do të marrë gjithashtu një rritje të konsiderueshme page për paraqitjet e tij mbresëlënëse në portë në mungesë të Thibaut Courtois.

Hierarkia e Real Madridit është shumë e kënaqur me paraqitjet e 25-vjeçarit këtë sezon. Ata donin të binin dakord për një marrëveshje të re për të hequr interesin nga klubet e tjera.

Lunin ka pranuar të konkurrojë për pozitën e portierit me Courtois në vazhdim. Ai e di që belgu ka gjasa të startojë në finalen e Ligës së Kampionëve para tij, por është i përgatitur për sfidën që ka përpara.

Ai e kupton se Real Madrid ka shumë konkurrencë për të luajtur përpara. Kjo përfshin Superkupën e Spanjës dhe Kupën e re të Botës për Klube dhe ka besim se do të ketë shanse pavarësisht nga pranisë së Courtois.

Lunin ka bërë 30 paraqitje në të gjitha garat për Los Blancos këtë sezon, duke mbajtur 12 portën e paprekur. /Telegrafi/

The post Kontratë të re dhe rritje page, Reali blindon yllin e ri appeared first on Albeu.com.

Trajneri italian ka analizuar situatën aktuale të skuadrës së bardhë, duke thënë se nuk kanë fituar ende asnjë trofe.

“Nuk kemi menduar asgjë sepse nuk kemi fituar asgjë. Do ta mendojmë ditën që të jemi matematikisht kampionë. Objektivi i vetëm është të marrim tri pikët në këtë ndeshje”, ka thënë italiani.

Ai u ndal te rikthimi i Thibaut Coutrois, i cili është portieri i parë i Real Madridit, por që me Bayern Munich nuk do të jetë në portë.

“Ai është mirë. Nesër do të luajë pas një kohe të gjatë. Është një lajm i mirë për ne që ai është kthyer, si me Militao. Ai është mirë, me entuziazëm të madh dhe të gjithë jemi të kënaqur me të”.

“Finalja që kemi në mendje është të mërkurën kundër Bayernit. Lunin do ta luajë atë dhe më pas do të shohim”, ka thënë Ancelotti. /Telegrafi/

The post Courtois është kthyer nga lëndimi, Ancelotti tregon se kush do ta ruajë portën ndaj Bayern Munich appeared first on Albeu.com.

Në fund, spanjollët ishin më të suksesshëm me penallti, ku Real Madridi fitoi 4-3.

Portieri i Real Madridit, Andrij Lunin, priti dy penallti – të Mateo Kovacic dhe Bernado Silvas.

Ukrainasi, i cili mbushi 25 vjeç në shkurt, e nisi sezonin si portieri i tretë i Los Blancos.

Thibaut Courtois dhe Kepa Arrizabalaga ishin përpara tij në hierarki. Pra, shanset e Luninit për t’u mbrojtur këtë sezon për Realin në ndeshje serioze ishin minimale.

Belgu është “njëshi” i padiskutueshëm i Real Madridit kur është shëndoshë e mirë, por ka kohë që nuk është kështu.

Courtois e lëndoi rëndë gjurin verën e kaluar. Ai duhej të rikuperohej këtë pranverë, por pasoi një tjetër dëmtim i rëndë. Ai nuk u mbrojti fare këtë sezon dhe Kepa dhe Lunin ndanë minutat.

Kepa, portieri i njohur dhe shumë më i shtrenjtë se ukrainasi, që u pagua 8.5 milionë euro, kishte avantazhin, por nuk tregoi cilësi.

Në dy ndeshjet e fundit për Real Madridin, ai pësoi pesë gola – tre nga Atletico Madrid dhe dy nga Almeria, e cila me siguri do të zbresë nga La Liga.

Ishte në janar të këtij viti dhe pikërisht atëherë Ancelotti vendosi që Lunin të ishte zgjedhja e tij e parë në portë.

Ukrainasi e justifikoi besimin me paraqitje të shkëlqyera, sidomos në Ligën e Kampionëve.

Ai kishte nëntë pritje kundër RB Leipzig, dhe mbrëmë në “Etihad” ai grumbulloi tetë me dy penallti të pritura.

“Unë jam njeriu më i lumtur në botë. Puna ime e palodhur është shpërblyer. Jam i lumtur sepse mund të ndihmoj Realin dhe dua të falënderoj shokët e skuadrës për mbështetjen e tyre”, ka thënë Lunin pas ndeshjes. /Telegrafi/

The post E nisi sezonin si portieri i tretë, tani është e pabesueshme se si ai u bë hero i Real Madridit appeared first on Albeu.com.

Portieri ukrainas ëhstë padyshim shumë i tronditur nga lajmet që vijnë nga vendi i itij i origjinës. Tekniku Ancelotti dhe shokët e ekipit, përpara se të stërviteshin në Valdebebas, u afruan pranë portierit e ngushëlluan për situatën në Ukrainë, ndërsa klubi u vu në dispozicion të djaloshit për çdo nevojë që do të ketë.

Lunin është me origjinë nga Kharkovi, një qytet që ndodhet më pak se 50 kilometra nga kufiri rus./ h.ll/albeu.com

The post Lufta në Ukrainë, Real Madrid në mbështetje të portierit të tyre appeared first on Albeu.com.