Pivovarov është një ish-drejtor i “Rusia e Hapur”, një grup opozitar tashmë i zhdukur i lidhur me ish-manjatin e naftës në mërgim dhe kritikun e vjetër të Kremlinit, Mikhail Khodorkovsky.

Pivovarovin e zbritën nga një avion në aeroportin Pulkovo të Shën Petersburgut, ndërsa po udhëtonte për t’u nisur drejt Polonisë në qershor 2021 dhe që atëherë është mbajtur në burg.

Rusia ka intensifikuar një goditje të gjerë kundër kundërshtarëve të presidentit Vladimir Putin që kur pushtoi Ukrainën më 24 shkurt, duke tentuar të heshtë të gjithë ata që janë shprehur kundër luftës.

Rusia e cilësoi më parë organizatën “Rusia e hapur” si “të padëshirueshme” dhe lëvizja e lidhur me Khodorkovsky mbylli operacionet e saj ruse vitin e kaluar në një përpjekje për të mbrojtur bashkëpunëtorët. Disa liderë rajonalë të Rusisë së Hapur janë dënuar me dënime të rënda me burg, për të cilat mbështetësit thonë se janë raste të motivuara politikisht.

The post S’ka mëshirë, burgoset opozitari rus! (FOTO LAJM) appeared first on Albeu.com.

Kandidati për kryetar të Partisë Demokratike, Agron Shehaj thotë se nëse do të zgjidhet kryetar i PD-së nuk do të ketë, për asnjë moment nuk do të ketë bashkëqeverisje apo marrëveshje me kryeministrin Edi Rama.

Me anë të një postimi në Facebook, Shehaj shkruan se në pushtet shkohet vetëm me votë dhe se mënyra për të fituar votat është duke bërë Partinë Demokratike alternativën e duhur për shqiptarët.

“Nën drejtimin tim nuk do të ketë bashkëqeverisje, nuk do të ketë marrëveshje, në asnjë rrethanë me Ramën. Do të ketë vetëm opozitë, opozitë.

Në pushtet vihet vetëm me votë dhe votat fitohen duke bërë për vete shqiptarët, dhe shqiptarët bëhen për vete duke e bërë PD-në alternativën e njerëzve të ndershëm, të zotë, qytetarë.

Me mua në krye, PD do jetë parti demokratike dhe meritokratike, e hapur për të gjithë, me mundësi karriere për të gjithë, dhe karriera do të garantohet përmes garës dhe votës së anëtarëve”, është shprehur Shehaj.

The post Agron Shehaj i bindur: Nën drejtimin tim nuk do të ketë bashkëqeverisje me Ramën! appeared first on Albeu.com.

Ish drejtori i lëvizjes “Rusia e Hapur”, një grup opozitar i lidhur me ish-manjatin e naftës dhe kritikun e Kremlinit në mërgim Mikhail Khodorokovsky, u nxorr nga një aeroplan në Shën Peterburg dhe u arrestua.

Lajmi u bë i ditur nga OVD-info, një grup që monitoron veprimet e policisë kundër figurave opozitare.

Në njoftim thuhet se Andrei Pivovarov është arrestuar në aeroportin Pulkovo dhe prej andej u transferua në Komitetin e Hetimeve.

Javën e kaluar lëvizja “Rusia e Hapur” njoftoi se kishte vendosur t’i japin fund aktiviteteve në Rusi, për të mbrojtur antëtarët e saj nga rreziku i burgosjes.

Më 2017 Rusia e kishte shpallur si të padëshiruar grupin me bazë në Londër, duke ndaluar aktivitetet e saj.

Aleatët e këtij grupi në Rusi e vazhduan veprimtarinë me të njëjtin emër, por si një entitet i veçantë juridik, në përpjekje për t’u mbrojtur nga ndjekja penale.

Rusia thotë se ky ligj është i domosdoshëm për të mbrojtur sigurinë e saj kombëtare nga ndërhyrjet e jashtme.

“Ai dyshohet për bashkëpunim me një organizatë të padëshiruar. Të them të drejtën, kjo na befasoi shumë pasi ne kemi mbyllur grupin ‘Rusia e Hapur’ disa ditë më parë. Do të doja të theksoja se nuk ka asnjë organizatë të padëshiruar të quajtur ‘Rusia e Hapur’. Është një trillim i shërbimeve tona të sigurisë“, tha Tatyana Usmanova, ish koordinatore e lëvizjes për Rusinë e Hapur.

Ajo e krahasoi masën e autoriteteve ruse me atë të Bjellorusisë që ditë më parë detyroi një avion pasagjerësh të kompanisë Ryanair të ndryshonte itinerarin dhe të ulej në Minsk, me qëllim që të arrestonte një gazetar që njihet si kritik i zëshëm i regjimit të Aleksandër Lukashenkos.

“Kur jo vetëm një vend, as dy, por e githë bota diskutoi për çmendurinë që Alexandër Lukashenko bëri në Misnk, duke bërë praktikisht të njëjtën gjë në Shën Peterburg duke ndaluar avionin në pistë, u tregua kulmi i marrëzisë dhe mungesës së respektimit të të drejtave të njeriut”, tha zonja Usmanova.

Ndërhyrja e policisë ruse vonoi fluturimin drejt Polonisë për 1 orë e gjysmë.

Ndalimi dhe arrestimi i aktivistit Pivovarov është pjesë e një goditjeje të shumëfishtë ndaj opozitës që shihet gjërësisht si pjesë e përpjekjeve të autoriteteve për të parandaluar çdo grup opozitar që të sfidojë partinë kryesore “Rusia e Bashkuar” të mbështetur nga Kremlini në zgjedhjet parlamentare të shtatorit.

Popullariteti i partisë “Rusia e Bashkuar” është zbehur mes sfidave ekonomike të vendit./ VOA

The post Pas Navalny, autoritetet ruse arrestojnë një tjetër opozitar appeared first on Albeu.com.