Paraqitjen e fundit zyrtare e bëri në “La Bombonera”, ku mbajti fanellën e Boca Juniors në Copa Libertadores. Tani, mesfushori Ander Herrera përgatitet për një ndeshje në një realitet krejt tjetër.

37-vjeçari do të zbresë në fushë në kategorinë e tretë të futbollit spanjoll, përballë Gimnastic de Tarragona dhe para afërsisht 6500 tifozëve. Megjithatë, për të, rikthimi te Real Zaragoza ka një peshë të jashtëzakonshme emocionale.

Pas 15 vitesh larg klubit, Herrera është kthyer në skuadrën e qytetit të tij si lojtar i lirë nga Boca Juniors. Ai e konsideron këtë rikthim si një prej dëshirave të fundit që synon të realizojë gjatë karrierës.

“Me shumë gjasë, kjo është ëndrra e fundit që kam dashur ta bëj realitet”, ka deklaruar Herrera për BBC.

“Të rikthehem në shtëpi, në vendin ku jam rritur dhe në klubin që më dha mundësinë të bëhesha profesionist, jo vetëm si futbollist, por edhe si njeri. Ende e ndiej pasionin dhe dëshirën për të luajtur futboll. Nuk ka mënyrë më të mirë për ta mbyllur karrierën sesa të luaj në shtëpi”.

Karriera e tij është zhvilluar në nivelet më të larta të futbollit evropian. Herrera ka pasur dy periudha te Athletic Bilbao, ndërsa ka luajtur gjithashtu për Manchester United, Paris Saint-Germain dhe, së fundmi, Boca Juniors.

Gjatë viteve, ai ka fituar trofe të rëndësishëm, mes tyre Ligën e Evropës dhe Kupën FA. Në pankinë ka pasur trajnerë të njohur si Jose Mourinho, Thomas Tuchel dhe Marcelo Bielsa.

Mes bashkëlojtarëve të tij kanë qenë edhe disa prej figurave më të mëdha të futbollit botëror, përfshirë Lionel Messi, Neymar dhe Wayne Rooney.

Detyra e re e pret në një moment të vështirë për Real Zaragozën. Klubi po përballet me një nga periudhat më të rënda të historisë së tij.

Zaragoza, e cila në vitin 1995 triumfoi ndaj Arsenalit në finalen e Kupës së Fituesve të Kupave, ra nga La Liga në vitin 2013. Pas 13 vitesh në kategorinë e dytë, skuadra përfundoi edhe në kategorinë e tretë.

Herrera synon që përvojën dhe aftësitë e fituara gjatë karrierës t’i vërë në dispozicion të klubit që ka në zemër.

“Real Zaragoza i përket Evropës. Është një klub që duhet të luftojë për trofe dhe të përballet me klubet më të mëdha në Spanjë e në Evropë. Dua ta vendos kualitetin, përvojën dhe pasionin tim në shërbim të klubit, në mënyrë që Zaragoza të rikthehet aty ku e meriton të jetë”.

Rikthimi i tij bëhet edhe më i veçantë nga vendimi për të mos përfituar financiarisht. Herrera ka kërkuar që të ardhurat e kontratës së tij t’i kalojnë fondacionit të Real Zaragozës.

“Nuk kam nevojë për kontratën. Kam pasur një karrierë shumë të suksesshme dhe jam kujdesur për financat e mia. Mund t’ia bëj vetes këtë dhuratë dhe ta vesh atë fanellë pa kompensim, sepse dua të ndihmoj klubin, ekipin dhe qytetin”.

Në moshën 37-vjeçare, pasi ka luajtur në stadiumet më të mëdha të Evropës dhe Amerikës së Jugut, Ander Herrera ka zgjedhur të kthehet në Zaragoza, aty ku nisi gjithçka, për një mision që për të ka më shumë vlerë se çdo marrëveshje financiare.

The post Nga skenat më të mëdha të futbollit te kategoria e tretë: Ander Herrera rikthehet te Zaragoza dhe luan pa pagesë appeared first on Albeu.com.

Pas shkëputjes së fundit nga Boca Juniors, veterani spanjoll po e konsideron seriozisht kalimin te ekipi që militon në kategorinë e dytë të futbollit në Spanjë, duke iu afruar kështu një mbylljeje simbolike të karrierës aty ku nisi gjithçka.

Sipas Sport, Herrera ndodhet në fazën e fundit të largimit nga Boca Juniors, pasi të premten e kaluar i dha fund marrëveshjes me klubin e madh argjentinas.

36-vjeçari ndodhet aktualisht me pushime familjare në Patagoni, ndërsa shumë shpejt pritet të kthehet në Buenos Aires për t’u përshëndetur me shokët e skuadrës dhe stafin e klubit.

Ky zhvillim shihet si një hap kyç drejt ribashkimit të shumëpritur me Real Zaragozan, klubin ku ai nisi rrugëtimin e tij në futbollin profesionist.

Raporti nënvizon se drejtuesit e Zaragozës janë në pritje vetëm të dritës jeshile përfundimtare nga lojtari.

Në ndryshim nga përpjekja e vitit 2024, këtë herë Herrera e ndien veten dukshëm më të vlerësuar nga klubi spanjoll, çka ka shtuar ndjeshëm gjasat për rikthimin e tij në “La Romareda”.

Megjithatë, periudha e tij në Argjentinë nuk rezultoi ashtu siç pritej. Që prej transferimit te Boca Juniors në janar të vitit 2025, Herrera është shoqëruar vazhdimisht nga probleme fizike.

Për shkak të gjashtë lëndimeve të ndryshme muskulore, ai mungoi në plot 32 ndeshje, ndërsa në sezonin aktual bëri vetëm 12 paraqitje dhe realizoi një gol.

The post Ander Herrera pranë rikthimit te Real Zaragoza, pas ndarjes me Boca Juniors appeared first on Albeu.com.

35-vjeçari, i cili bëri mbi 180 paraqitje për Manchester United, u përjashtua pak para përfundimit të pjesës së parë pasi u përpoq të merrej me gjyqtarin Cesar Arturo Ramos, i cili po konsultohej me monitoruesin e VAR.

Ndërsa Herrera protestoi me tërbim, një roje sigurie ndërhyri për ta ndaluar, duke shkaktuar një konfrontim të nxehtë.

Ramos u kundërpërgjigj duke dhënë një karton të kuq direkt.

FIFA ka konfirmuar një pezullim prej katër ndeshjesh, që do të thotë se Herrera do të pezullohet deri në gjysmëfinale – nëse Boca Juniors arrin deri aty.

Për ta përkeqësuar situatën, Herrera ishte detyruar të largohej për shkak të një dëmtimi që në minutën e 20-të. Nata kaotike e Bocës vazhdoi me Jorge Figalin që u përjashtua gjithashtu në fund të ndeshjes.

Gjigantët argjentinas kanë apeluar të dy kartonët e kuq, duke shpresuar të ulin dënimet, por që po ashtu ka gjoba edhe nga 70 mijë euro për secilin prej tyre.

The post Ander Herrera pezullohet me 4 ndeshje dhe gjobë të majme për shkak të përleshjes me me një roje sigurie appeared first on Albeu.com.

Spanjolli, i cili gjithashtu ka përfaqësuar Manchester United dhe Athletic Club, tha për faqen “futbolemotion” në Instagram se lojtarëve të klubit francez u jepet një smoothie me panxharë para ndeshjeve pasi është provuar shkencërisht se përmirëson performancën.

32-vjeçari shpjegoi gjithashtu se pija vjen me një surprizë më vonë, gjë që u frikësoi disa lojtarëve pasi e morën për herë të parë.

“Kur urinoni pas ndeshjes duket sikur po rrjedh gjak sepse është shumë e fortë”, tha Herrera për “futbolemotion”.

“Ditën e parë që thua, po rrjedh gjak.
“Por pastaj ju kujtohet se keni pasur panxharin.”/ h.ll/albeu.com

The post Herrera tregon për dietën sekrete të PSG-së dhe frikën e lojtarëve në fillim appeared first on Albeu.com.