Drejtori i përfaqësueses braziliane, Rodrigo Caetano, konfirmoi se tekniku italian do të mbetet në krye të ekipit, pasi kontrata e tij është rinovuar deri në vitin 2030.

“Fakti që Ançeloti do të vazhdojë na jep shpresë për ciklin e ardhshëm. Kjo na lejon të bëjmë rregullimet e nevojshme dhe të rikthehemi më të fortë në Kupën e ardhshme të Botës”, deklaroi Caetano.

Ançeloti mori drejtimin e Brazilit në fund të majit 2025 dhe kishte vetëm një vit kohë për të ndërtuar një skuadër konkurruese për Botërorin.

Pavarësisht pritshmërive të mëdha për fitimin e yllit të gjashtë, aventura përfundoi në fazën e 1/8 së finales.

Megjithatë, Federata Braziliane, i ka besuar vazhdimësinë projektit të tij dhe ai do të ketë edhe katër vite të tjera për të përgatitur ekipin për Kupën e Botës 2030.

The post Eliminimi nga Botërori, Brazili merr vendimin për Karlo Ançelotin appeared first on Albeu.com.

Ekipi i Ançelotit është tashmë në kuotën e 4 pikëve dhe kryeson grupin. Karlo Ançeloti, ka zbuluar se Nejmari do të rikthehet ndaj Skocisë.

“Ai është mirë, do të stërvitet i vetëm për një ditë dhe më pas do t’i bashkohet grupit në stërvitje. Do të jetë në dispozicion për ndeshjen kundër Skocisë”, u shpreh Ançeloti.

Nejmar duket se ka lënë pas dëmtimet. Sfida me Skocinë është projektuar më 24 qershor.

The post Tifozët duan Nejmarin, Ançeloti thotë fjalën e fundit te Brazili: Do stërvitet i vetëm një ditë appeared first on Albeu.com.

“Shoh ekipin me dëshirën për të bërë mirë, ashtu si vitin e kaluar. Po flasim për një ndeshje kualifikuese shumë të vështirë, por dëshira mbetet e pandryshuar. Benzema? E shoh mirë, nesër do të jetë titullar. Edhe ai ka një dëshirë të jashtëzakonshme për këtë Ligë Kampionesh, pasi kujtimi i të kaluarës është shumë i freskët.

Klop tha se finalja në Francë ishte një torturë? Për mua ishte diçka shumë e bukur. Jam dakord me Klop kur thotë se ishte një finale shumë e barabartë, ku Liverpuli kishte më shumë mbajtjen e topit, por ishim të pozicionuar mirë mbrapa. Por kjo është ndryshe, ka dy ndeshje, duhen bërë mirë të 180 minutat.

Vinicius? I pëlqen të luajë futboll kudo që të jetë, aq më shumë në stadiume të rëndësishme si ai i ndeshjes nesër. Është një kënaqësi ta shohësh të luajë, për të gjithë, jo vetëm tifozët e Realit. Pasi është shumë i mirë, si Pedri, Gavi, Mbape, Haland… është një kënaqësi të shohësh lojtarë me këto cilësi.

Ne nuk kemi ndryshuar, por e dimë se çfarë na pret në këtë sfidë, që do të thotë të mos kemi kohë as për të marrë frymë. Liverpuli të sulmon, të sulmon dhe të sulmon, jem të përgatitur për këtë. Kush më shqetëson më shumë nga Liverpuli? Nuk di të zgjedh nëse Salah, Van Dajk, Nunjez… po them Liverpuli. Ajo që shqetëson më shumë Realin është Liverpuli dhe ajo që shqetëson më shumë Liverpulin është Reali”, – Tha ai.

The post Champions League, Ancelotti: Duhet të bëjmë kujdes ndaj Liverpool appeared first on Albeu.com.

Federata Braziliane e Futbollit ka bërë të ditur se ka emëruar Ramon Menezes si trajner të përkohshëm të saj. Ish-tekniku i U20 të Brazilit, do të drejtojë ekipin në miqësoren e planifikuar kundër Marokut më 25 mars.

Por vetëm kaq, pasi ai nuk pritet të jetë trajneri i “seleçao” në vazhdim. Kjo ka qenë zgjidhja e përkohshme me këtë trajner i cili ka bërë mirë në stolin e U20 dhe ka treguar gatishmërinë për të drejtuar edhe emrat e mëdhenj të përfaqësueses qoftë edhe për një ndeshje të vetme.

Na Brazil janë të bindur se ky vendim për trajnerin e përkohshëm ka të bëjë me dëshirën që duket gjithnjë e më e realizueshme për të sjellë në këtë pankinë Karlo Ançelotin. Ky i fundit nuk do të largohet nga Real Madrid pa u mbyllur sezoni, por me përfundimin e tij, gjithçka mund të ndryshojë. Kjo është shpresa e drejtuesve të Federatës të cilat janë të bindur se italiani do të ndërtonte një cikël fitues në gjendje për të arritur në majën e futbollit botëror në Kupën e Botës 2026.

The post EMRI/ Brazili emëron trajnerin e përkohshëm, por të gjithë presin Ançelotin appeared first on Albeu.com.