Grupi Parlamentar i Partisë Demokratike të Kosovës ka bërë të ditur se të hënën, në orën 11:00, do të paraqitet në sallën e Kuvendit të Kosovës. Ky qëndrim vjen në kuadër të kërkesës për rifillimin e seancës konstituive dhe përfundimin e konstituimit të Kuvendit.

Ndërkohë, institucionet e reja të Kosovës vazhdojnë të mbeten jashtë funksionit për shkak të bllokadës politike. Takimi i fundit ndërmjet LVV-së dhe LDK-së ka krijuar shpresë për një afrim të mundshëm, por deri tani nuk është arritur ndonjë marrëveshje konkrete.

Analistët vlerësojnë se partitë duhet të tejkalojnë interesat dhe llogaritjet e tyre politike, duke vendosur në plan të parë nevojat e qytetarëve dhe krijimin sa më të shpejtë të institucioneve.

LVV-ja dhe LDK-ja po zhvillojnë diskutime brenda strukturave të tyre dhe pritet që së shpejti të zhvillojnë një takim tjetër, ku temë kryesore do të jetë posti i presidentit.

Një marrëveshje mes këtyre dy subjekteve politike shihet si një alternativë për shmangien e zgjedhjeve. Megjithatë, njohësit e politikës theksojnë se zgjidhja duhet të kërkohet nga i gjithë spektri politik.

“Urojmë që marrëveshja mes subjekteve politike, LVV dhe LDK, të konkretizohet sa më parë dhe që t’i ofrojnë vendit një zgjidhje rreth çështjes së presidentit. Do të ishte afirmative që kësaj marrëveshjeje t’i bashkëngjiten edhe subjektet e tjera opozitare, në mënyrë që procesi dhe vetë institucioni i presidentit të kenë një mbështetje sa më të gjerë”, tha Ramadan Baraliu, njohës i politikës.

Sipas ekspertëve, përgjegjësia e subjekteve politike është që të marrin parasysh interesin e qytetarëve dhe të krijojnë sa më shpejt institucionet e reja të vendit.

“Krizën aktuale politike rreth zgjedhjes së presidentit më shumë duhet ta shohim si një problem politik sesa në aspekte të tjera. Është me rëndësi që të gjitha strukturat politike në Kuvendin e Kosovës të ulen dhe të bëjnë konsensus, që vendit t’i ofrojnë një president sa më konsensual dhe në një afat sa më të shpejtë”, deklaroi Baraliu.

Naim Jakaj, hulumtues i lartë në IKD, paralajmëroi se mungesa e një marrëveshjeje mund të sjellë pasoja për qytetarët dhe shoqërinë civile.

“Në rast se nuk bëhet, pra në qoftë se nuk ka marrëveshje politike dhe partitë politike duan të shkojnë në zgjedhje, ne si shoqëri civile dhe si qytetarë do t’i shohim vetëm pasojat që do të vijnë si rezultat i mungesës së institucioneve në Republikën e Kosovës”, tha Jakaj.

Partia Demokratike e Kosovës vijon të këmbëngulë për qëndrimin e saj në opozitë. Ndërkaq, Aleanca ka refuzuar të takohet me kryeministrin në detyrë, Albin Kurti, pa u plotësuar gjashtë kushtet e saj.

Për ditët e ardhshme është njoftuar një tjetër takim mes Kurtit dhe Abdixhikut. Sipas paralajmërimeve, në këtë takim pritet të diskutohen emra konkretë për postin e presidentit.

The post Ngërçi institucional në Kosovë vijon, analistët bëjnë thirrje për marrëveshje politike appeared first on Albeu.com.

Albin Kurti dhe Lumir Abdixhiku kanë zhvilluar diskutime lidhur me kriteret që duhet të përmbushë presidenti i ri i Kosovës.

Gjatë komunikimit të tyre, të dy liderët kanë shprehur gatishmëri për arritjen e një marrëveshjeje. Ata janë pajtuar se kreu i shtetit duhet të jetë një figurë e respektuar, me meritë dhe e aftë të garantojë unitetin e stabilitetin e institucioneve.

Kurti tha se vendi ka nevojë për një president ose presidente meritore dhe kushtetuese, që pasqyron vlerat e shoqërisë, ka dhënë kontribut për popullin dhe ka një profesion të caktuar. Sipas tij, një figurë e tillë nuk do të krijonte dilema për rolin, funksionin dhe detyrën që do ta ushtronte gjatë pesë vjetëve të ardhshme.

Abdixhiku bëri të ditur se LDK-ja nuk po kërkon asgjë në këmbim, por synon zgjedhjen e një presidenti dinjitoz dhe ruajtjen e stabilitetit institucional. Ai deklaroi se Kosova nuk ka nevojë për një president të parëndësishëm, por për një person të respektuar, i cili do ta ushtronte me dinjitet funksionin më të lartë shtetëror, duke shtuar se vendi ka figura të tilla.

Tahiraj: Fillimin e këtyre bisedimeve e përshëndes dhe uroj që kësaj radhe të sjellin një marrëveshje konkrete dhe të mundësojnë formimin e institucioneve të shtetit

Analisti Saim Tahiraj, në një prononcim për “Bota sot”, e sheh me skepticizëm mundësinë e një marrëveshjeje ndërmjet palëve. Ai paralajmëroi se dialogu mund të jetë pjesë e lojërave politike që synojnë komprometimin dhe dobësimin e mëtejshëm të LDK-së, ndonëse theksoi se krijimi i institucioneve është i domosdoshëm për Kosovën.

Tahiraj e përshëndeti nisjen e bisedimeve dhe shprehu shpresën që ato të prodhojnë një marrëveshje konkrete, e cila do të mundësonte formimin e institucioneve shtetërore. Sipas tij, Kosova nuk mund të qëndrojë pafundësisht me institucione të bllokuara, pasi funksionalizimi i tyre është i nevojshëm për normalitetin e shtetit, stabilitetin politik dhe përballimin e sfidave të shumta.

Megjithatë, ai tha se mbetet skeptik për arritjen e një marrëveshjeje, pavarësisht detyrimit që liderët politikë kanë ndaj shtetit. Tahiraj shprehu dyshimin se takimet mund të shërbejnë më shumë si pjesë e kalkulimeve politike kundër LDK-së sesa si përpjekje e sinqertë për të gjetur një zgjidhje të nevojshme për Kosovën.

Tahiraj vlerëson se Kosova aktualisht është më pranë zgjedhjeve të reja sesa një marrëveshjeje politike. Ai kritikoi interesat dhe llogaritjet partiake, duke kërkuar që shteti të vendoset mbi partinë, pushtetin dhe interesat personale.

Sipas tij, nëse interesi shtetëror do të ishte realisht mbi interesat partiake e personale, arritja e marrëveshjes do të ishte shumë më e lehtë. Ai tha se deri tani janë parë më shumë kalkulime politike sesa përgjegjësi shtetërore dhe paralajmëroi se zgjedhjet e reja do të përbënin dëm të madh për vendin.

Analisti shtoi se liderët duhet ta kuptojnë se Kosova ka nevojë për institucione funksionale dhe jo për kalkulime të tjera politike. Sipas tij, vendi rrezikon të dëmtohet edhe më shumë nga kriza institucionale nëse interesi shtetëror nuk vendoset mbi atë partiak e personal.

Jakupi: Nga ky takim do të pritej mbi të gjitha konkretizim, jo vetëm shkëmbim qëndrimesh

Analisti politik Zejnullah Jakupi e konsideron takimin ndërmjet Albin Kurtit dhe LDK-së një mundësi të rëndësishme për zhbllokimin e krizës institucionale, por nuk e sheh atë domosdoshmërisht si një moment vendimtar.

Jakupi theksoi se rëndësia e takimit lidhet me rikthimin e dialogut të drejtpërdrejtë në një kohë kur kriza institucionale po thellohet dhe mosbesimi politik është i lartë. Sipas tij, fakti që LDK-ja ka pranuar të bisedojë me Kurtin, ndërsa ka refuzuar takimin e thirrur nga ushtruesja e detyrës së presidentes, tregon se ende ekziston mundësia e komunikimit politik.

Sipas tij, nga takimi duhet të pritet konkretizim dhe jo vetëm shkëmbim qëndrimesh. Prioriteti i palëve duhet të jetë gjetja e një formule për funksionalizimin e institucioneve, veçanërisht krijimi i një dakordimi për zgjedhjen e presidentit konsensual.

Jakupi u bëri thirrje partive politike që interesin institucional ta vendosin mbi kalkulimet afatshkurtra partiake. Ai sqaroi se kjo nuk nënkupton heqjen dorë nga interesat dhe programet e subjekteve, por kuptimin se bllokada prek jo vetëm një parti, por funksionimin e shtetit, ekonominë, marrëdhëniet me partnerët ndërkombëtarë dhe besimin e qytetarëve.

Ai paralajmëroi se zgjatja e krizës mund ta shndërrojë atë nga një krizë politike në një krizë kushtetuese e ligjore, me pasoja për vendin.

Jakupi theksoi se çdo marrëveshje ndërmjet Kurtit dhe LDK-së duhet të jetë e qartë, transparente dhe të shoqërohet me garanci për të gjitha palët. Sipas tij, ajo nuk duhet të shihet vetëm si një përpjekje për shmangien e zgjedhjeve të reja.

Ai vlerësoi se LDK-ja tashmë ka bërë një hap duke hequr dorë nga kërkesa që vetë ta caktojë emrin e presidentit, me arsyetimin se Kosova duhet të dalë nga kriza.

Analisti tha se takimi mund të shërbejë si pikënisje reale për zgjidhjen e situatës, nëse palët marrin pjesë me vullnet për kompromis dhe me propozime konkrete. Në rast të kundërt, ai paralajmëroi se vendi mund të mbetet në të njëjtin cikël të përplasjeve politike dhe të shkojë drejt zgjedhjeve të reja.

Sipas Jakupit, përgjegjësia u takon të gjitha partive, ndërsa qytetarët kanë nevojë për institucione funksionale dhe jo për një tjetër raund akuzash. Ai tha se kriza mund të tejkalohet përmes dialogut dhe kompromisit nëse ekziston një minimum vullneti politik; përndryshe, Kosova rrezikon një përplasje të re politike dhe zgjedhje të reja, çka do ta shtynte edhe më tej zgjidhjen e problemit.

The post Kurti dhe Abdixhiku diskutojnë për presidentin, por analistët nuk presin marrëveshje të shpejtë appeared first on Albeu.com.

Lumir Abdixhiku, i cili e drejton Lidhjen Demokratike të Kosovës që nga marsi i vitit 2021, përballet sot me një nga sfidat më të mëdha për postin e tij në krye të partisë.

Në kuvendin e sotëm, LDK-ja do të vendosë jo vetëm për të ardhmen e Abdixhikut, por edhe për kursin politik që partia do të ndjekë në vazhdim. Kërkesa për shkarkimin e tij dhe thirrjen e kuvendit është mbështetur me nënshkrimet e 148 delegatëve.

Fjala përfundimtare, megjithatë, nuk u takon vetëm nismëtarëve, pasi në proces do të vendosin gjithsej 355 delegatë.

Pjesëtarët e pakënaqur të LDK-së e argumentojnë kërkesën për largimin e Abdixhikut me rezultatet në zgjedhje, si dhe me domosdoshmërinë për ndryshimin e drejtimit të partisë.

Njohësit e zhvillimeve politike vlerësojnë se situata pasqyron më tepër një kundërshtim të degëve ndaj Abdixhikut. Sipas tyre, brenda LDK-së mungon një figurë konsensuale që mund ta marrë udhëheqjen.

Për shkak të përplasjeve të brendshme, analistët shfaqin dyshime nëse LDK-ja do të jetë në gjendje të japë kontribut në formimin e institucioneve të reja së bashku me Lëvizjen Vetëvendosje.

Rruga e Abdixhikut drejt kreut të partisë u hap pas dorëheqjes së Isa Mustafës, e cila pasoi humbjen në zgjedhjet parlamentare të vitit 2021. Ky zhvillim nisi një proces të ri në partinë më të vjetër politike në vend, ndërsa Abdixhiku siguroi atëherë besimin e strukturave të LDK-së.

Pakënaqësitë ndaj udhëheqjes së tij u shtuan pas rezultatit të zgjedhjeve parlamentare të vitit 2025.

Për pasojë, në janar të këtij viti Abdixhiku iu nënshtrua një procesi votëbesimi brenda LDK-së, por arriti ta mbante postin e kryetarit.

The post Analistët: Tensionet brenda LDK-së mund të ndikojnë në krijimin e institucioneve appeared first on Albeu.com.

Teksa afatet kushtetuese për ngritjen e institucioneve të reja kanë filluar të rrjedhin, peizazhi politik po hyn në një garë me orën, kur të gjithë sytë janë drejt takimeve potenciale ndërmjet formacioneve politike.

Pa një datë konkrete për raunde të reja bisedimesh, vëmendja është zhvendosur drejt bisedimeve informale, ku partitë, sipas analizave, po hetojnë terrenin e marrëveshjes për t’i kursyer vendit një tjetër bllokadë institucionale me pasoja të thella.

Mungesa e një axhende publike nuk tregon domosdoshmërisht mungesë angazhimi, theksojnë njohësit e zhvillimeve.

Përkundrazi, ka indikacione se subjektet politike po lëvizin në drejtim të kompromiseve. Duke marrë parasysh dëmin kolosal që mund të pësojë shteti, analistët nënvizojnë se as koha, as justifikimet nuk lejojnë më që partitë të dështojnë në gjetjen e një gjuhe të përbashkët.

“Tashmë as afatet, as arsyet nuk duhet të përbëjnë pengesë që cilido subjekt politik të justifikohet se marrëveshja është e pamundur ose se dy parti nuk mund të bien dakord për një president konsensual apo një kompromis. Ky është çasti i fundit që ata duhet ta kuptojnë, sepse vendi ndodhet përballë rrezikut të falimentimit,” deklaroi Mazllum Baraliu, ekspert i kushtetutës dhe politikës.

Ndërkohë, Melos Kolshi nga Instituti Demokratik i Kosovës i tha RTK-së se forcat politike nuk duhet t’u japin përparësi interesave të tyre të ngushta partiake mbi nevojat madhore të shtetit.

Më 10 korrik, kryeministri në detyrë Albin Kurti zhvilloi takime të veçanta me udhëheqësin e PDK-së, Bedri Hamza dhe atë të LDK-së, Lumir Abdixhiku. Në përfundim, Hamza konfirmoi qëndrimin në opozitë, ndërsa Kurti dhe Abdixhiku u shprehën të hapur për të vijuar dialogun drejt një marrëveshjeje për institucionet e ardhshme.

The post Ekspertët bëjnë thirrje për marrëveshje për të evituar krizën institucionale appeared first on Albeu.com.

Debati

Nazarko: Bushati thotë se këto institucione të reja nuk kanë pavarësi, nuk kanë autonomi. SHBA-të nuk janë të përfshira sa ç’kanë qenë më përpara, kur u themeluan këto institucione. Kjo më bën përshtypje. A do të shfaqern publikisht apo në një mënyrë tjetër në një pjesë më të avancuar të procesit, kjo mbetet për t’u parë.

Bushati: Ti do të ishe që të shfaqeshin?

Nazarko: Sigurisht.

Bushati: E ndritën deri tani.

Nazarko: Unë jam me qasje paternaliste. Unë nuk e shpall rrezikun anglo-amerikan, rrezikun Rama, t’i shpall njëherësh.

Bushati: Përtej batutës. Pra deri tani ata e kanë qarë.

Nazarko: Unë jam me tezën e përparimit relativ. Këto institucione të sistemit të drejtësisë edhe te burimet njerëzore janë përparim relativ me atë që ka qenë parpara.

Tela: Posti është i lakmueshëm dhe 7 persona mendojnë karrierën në radhë të parë. Mund ta kenë pasion punën e hetuesit. Këtu mund të ketë disa siguri nga partnerët nga BE dhe SHBA. E vetmja gjë që ngre dilemi janë tre prokurorët që do të dejtojnë procesin, Dumani, Kraja dhe Dibra. Këta do të zgjedhin një dhe KLP do të jetë noteri, apo do të kenë të drejtën ta rezuzojnë.

Bushati: Andi përmendi në fund KLP. I kemi në përgjimet e Veliajt. Që ata janë njerëzit tanë, i kemi ne në dorë. Dumani s’po bën gjë vetë jo të zgjedhë një njeri të ndriçuar.

Njerëz që konkurojnë në këto institucione janë katandisur të jenë vetëm buthëlëpirës. Është si në profesionin tonë që e ka pasion t ëpunojë te TOP-i dhe Klani. Do të punosh si bythëlëpirës.

Tela: Po sikur të punojë te BIRN-i?

Bushati: SPAK-un ti e di aq të pavarur sa BIRN-i.

Tela: SPAK-u ka 20 prokurorë, 15 mund të jenë bythëlëpirës siç thua ti, por janë disa që duan ta bëjnë me ndershmëri, siç janë 50-60 hetuesit dhe mes tyre janë nja 10 që do të bëjnë punën me ndershmëri. Në ndryshim nga të gjithë institucionet e tjera të këtij shteti.

Bushati: Kjo pra është ajo që them unë idiotë të dobishëm që kanë akoma shpresë te SPAK-u. Unë besoj se të shpresosh sot se një njeri me integritet që do të marrë kryeministrin në pyetje etj ne japim një pasqyrë të shtrembëruar të realitetit.

The post “Në këto poste duhen vetëm b***thëlëpirës”, analistët debatojnë për kandidatët për drejtues të BKH-së appeared first on Albeu.com.

Zikaltrit panë “ferrin” dhe më pas shkuan në rrjedhën e sipërme derisa iu afruan një suksesi të bujshëm të mohuar vetëm nga një e gjuajtje e pasaktë e Barellës. Në fund të fundit është një barazim i drejtë dhe që falë barazimit të njëkohshëm të Real Sociedad me Salzburgun, i lë Interit mundësinë për të siguruar vendin e parë në grup. Hapi themelor për të shmangur skuadrat e mëdha evropiane në 1/16.

“Mediaset” analizon kështu: Edhe Inzaghi po merr frymë, por është gjysmë i kënaqur: disa kanë zhgënjyer. Emrat? Bisseck, Asllani dhe Klaassen mbi të gjitha. Dhe as Arnautovic nuk dukej se jepte garanci të mëdha.

Interi rikthehet në Milano me sigurinë se do të ketë një skuadër të madhe (jo çuditërisht vetëm një nokaut në tetëmbëdhjetë ndeshje të luajtura deri më tani), dhe gjithashtu një mesfushor me vlerë absolute si Frattesi, i aftë për ta shtyrë skuadrën e tij të reagojë.

Ish-lojtari i Sassuolos u tregua një rezervë vetëm në letër, ndryshe nga shokët e tij të skuadrës që ende duhet të rriten, dhe shumë. Thuhet shumë mirë për Bisseck, po, por ai u shfaq shumë i trullosur dhe jo në top për një kohë të gjatë, ndërsa Klaassen ishte një fantazmë e vërtetë. Dhe falë Zotit ai ka më shumë se 100 ndeshje në Evropë.

Arnautovic mund të bëjë më shumë, ashtu si Asllani. Shqiptari kërkon hapësirë, por gabime të caktuara nuk lejohen në Champions League. Në role të caktuara, Inter ende nuk mund të bëjë pa lojtarët e tij kryesorë, por ka një siguri: mposhtja e tyre do të jetë e vështirë për të gjithë.

The post Analistët italianë kritika Asllanit pas ndeshjes në Champions League appeared first on Albeu.com.

Ushtria turke po zhvillon stërvitjet e saj të përvitshme ushtarake jo shumë larg ishujve fqinjë grekë.

Greqia vazhdon të modernizojë ushtrinë, duke mbyllur hendekun me rivalin e saj turk, ndërsa tensionet dypalëshe po rriten për shkak të një numri mosmarrëveshjesh territoriale në detin Egje dhe në Mesdhe.

“Marrëdhëniet aktuale greko-turke në nivel zyrtar, janë jashtëzakonisht të tensionuara, për shkak të ndryshimit të ekuilibrit në Mesdheun Lindor dhe politikës së brendshme të Turqisë, e cila sheh një shkallë të caktuar interesi për të demonstruar një politikë të jashtme nacionaliste të njëanshme”, thotë analistja Senem Aydin-Duzgut nga Universiteti Sabanci.

Duke iu drejtuar mbështetësve në një tubim së fundmi, presidenti turk Rexhep Tajip Erdogan tha se forcat turke mund të hyjnë një natë në ishujt grekë, të cilët Ankaraja ka thënë se duhet të çmilitarizohen.

Ndërkohë, ministri i jashtëm grek Nikos Dendias e krahasoi Turqinë me Rusinë gjatë një vizite të fundit në Ukrainë.

Komentet gjithnjë e më të tensionuara nga të dyja palët, pasojnë inkursionet me avionë luftarakë nga të dyja vendet, të cilat po bëhen një dukuri e rregullt.

“Nëse aeroplanët, anijet detare, ose tanket turke në kufi sulmohen, Turqia do të duhet të hakmerret. Por kjo hakmarrje mund të përshkallëzohet, dhe mund të nxisë fillimin e një lufte të cilën nuk mund ta përfundoni”, thotë këshilltari presidencial turk, Mesut Casin. Por tensionet dhe kërcënimet mes dy anëtarëve të NATO-s nuk janë zhvillime të reja.

Të dy palët po mbajnë kontakte dhe së fundmi ministri turk i mbrojtjes Hulusi Akar ftoi homologun e tij grek Nikolaos Panagiotopoulos për vizitë në Turqi. Vëzhguesit thonë se të dyja vendet janë të afta t’i menaxhojnë tensionet.

“Ka patur aksidente, hapa të gabuar, të cilët fatmirësisht, nuk kanë rezultuar në një konfrontim më të gjerë. Të dyja palët kanë mekanizmat dhe njohuritë për t’u përballur me aksidentet. Nëse nuk ka vullnet politik nga njëra, apo tjetra palë për ta përshkallëzuar çështjen në nivelin e luftës, nuk shoh asnjë mundësi për një aksident”, thotë analisti Serhat Guvenc nga Universiteti Kadir Has.

Por zgjedhjet pritet ta komplikojnë situatën më tej, sepse dy udhëheqësit po përballen me sfida të vështira lidhur me zgjedhjet e vitit të ardhshëm.

“Është shumë domethënëse, që si në Turqi, ashtu edhe në Greqi do të ketë zgjedhje vitin e ardhshëm. Ato po afrohen dhe dy udhëheqësit pothuajse po përgatisin publikun për një kauzë të mundshme nacionaliste, ose një konfrontim, madje edhe një përballje”, thotë analistja Asli Aydintasbas nga Instituti Brookings.

Turqia dhe Greqia kanë dekada përvojë në menaxhimin e tensioneve dypalëshe. Por kjo do të vihet në provë, ndërsa të dy vendet shkojnë drejt zgjedhjeve./VOA/

The post Mosmarrëveshjet territoriale rrisin tensionet Greqi-Turqi dhe rrezikun e një konflikti appeared first on Albeu.com.