Komenti në fjalë thoshte: “Top talent që sot as 5 për qind e estradës se kanë talentin tënd, e ti nuk merresh me muzikë. A e ke pyetur veten ndonjëherë pse je kundër vetes kaq shumë?”.
Në vend që ta injoronte, Ana vendosi të ndajë me ndjekësit një sqarim të ndjerë, duke zbuluar për herë të parë në mënyrë të qartë arsyet pse është larguar nga skena muzikore, një shkëputje që shumë fansa e kanë ndier dhe pyetur për të gjatë gjithë kësaj kohe.

“E para, faleminderit për këtë koment dhe opinion. Unë e di që të gjithë i keni mendimet e juaja, dhe është normale që kur nuk jam duke folur shumë, nuk e dini pse”, nis ajo reagimin.

Ajo shpjegon se gjatë vitit të fundit ka ndalur të gjitha bashkëpunimet, koncertet dhe projektet muzikore që kishte planifikuar. Vendimi, siç thotë, erdhi pas një periudhe reflektimi të thellë dhe dëgjimi të brendshëm.

Kabashi tregon se një nga arsyet kryesore ishte nevoja për t’i thënë “jo” gjërave që nuk i përkasin më, për të mos e humbur veten dhe për të ndaluar së dëgjuari njerëz që ndikojnë negativisht në vetëbesimin dhe qejfin e saj.

“Në fakt, nuk ta do askush të mirën”, thotë ajo me sinqeritet, duke shtuar se ka mësuar të dëgjojë më shumë veten, të dojë më shumë veten dhe të besojë në mendimin dhe zemrën e saj.

“Kam pasur nevojë të shkëputem, t’i shoh njerëzit real, me i besu vetes dhe mendimit tim”, thekson tutje.

Sa i përket kthimit në skenë, Ana thekson: “O do të kthehem si më qan zemra për muzikën, o nuk do të kthehem hiç. Nuk po mundem të jem falso, me lëshu një këngë dhe aq. Po dua diçka të mirë, të madhe, që më përmbush si artiste”.

Në fund, i jep fund dyshimeve për ata që e shohin largimin si një sabotim ndaj vetes: “Nuk jam kundër vetes, jam pro vetes dhe për atë nuk po këndoj”.

Bukuroshja nga Peja ka zgjedhur të heshtë për të mos qenë e rreme, dhe ka vendosur që kur të rikthehet, të vijë me diçka që e përfaqëson vërtet, jo vetëm për publikun, por para së gjithash, për shpirtin e saj.

The post Ana Kabashi rrëfen arsyet e shkëputjes nga muzika: Nuk jam kundër vetes, jam pro – dua diçka të vërtetë që më përmbush appeared first on Albeu.com.

Në postimet më të fundit, Ana është shfaqur me një fustan të zi që i jep një ndjesi klasike, duke i dhënë asaj një pamje mahnitëse.

Fustani i zi që Ana ka zgjedhur për këtë rast thekson shumë mirë linjat e saj.

Flokët e saj janë të lëshuara drejt, duke i dhënë një pamje të pastër dhe të rafinuar.

Për të kompletuar dukjen e saj elegante, Ana ka zgjedhur një grim të theksuar në sy që i jep më shumë magjepjse pamjes së saj.

Në çdo fotografi, Ana Kabashi arrin të transmetojë një stil të pasur.

Ndjekësit e saj janë gjithmonë të emocionuar dhe të mahnitur nga secila fotografi që ajo ndan.

The post Ana Kabashi shkëlqen në Instagram me pamjen e saj elegante në fustan të zi appeared first on Albeu.com.

Kabashi ka rrëfyer me detaje copëza nga përditshmëria e saj por edhe planet për të ardhmen.

Kabashi ka treguar se në kohën e lirë i pëlqen të lexojë, e të gatuajë dhe pse në këtë të fundit siç tha dhe vetë, nuk është “shumë e mirë”.

Ajo është pyetur se cilët do të ishin të ftuarit e një darke ideale në shtëpinë e saj.

Nga personazhet shqiptarë, ajo zgjodhi Edi Ramën për të kaluar një mbrëmje./albeu.com/

The post Çudit këngëtarja shqiptare: Edi Rama do ishte i ftuari ideal për një darkë në shtëpinë time (FOTO LAJM) appeared first on Albeu.com.

E përlotur teksa fliste për rastin e Marigonës në “ATV”, Ana ndau një pjesë historie nga jeta e saj. Edhe pse nuk preferoi të futej në detaje, ajo tregoi se si ishte “verbuar” nga dashuria sa kishte qenë në gjendje të duronte e të arsyetonte veprimet e këqija të ish-të dashurit.

“Ka marrë kohë derisa e kam kuptuar, sepse kam hyrë në atë rolin që duhem me ia dëshmu që e dua atë njeri. (…) Ndonjëherë aq shumë e do sa nuk sheh, i arsyeton ato të këqijat, tërë kohën e arsyeton. E në momentin e parë që ti ia sheh këto të këqija, mendon që diçka s’është në rregull, ngoje qetu zemrën se përnime nuk të rren kurrë. Të shkon pak gjatë por nuk je vet. Ka djem të mirë, ka çika të mira, testoje, ndaju njëherë me të dhe shikoje. Jeta vazhdon edhe tutje. Nuk ke nevojë me kalu me dikë që nuk të bënë me u ndje mirë, që të bën të ndihesh se ti je e zonja, se ti e meriton me qenë e lumtur. Më ka prekur shumë. Ka shumë këso femrash tek ne. Nuk do të thotë që tek ne femrat gjithqysh janë provokative e për atë edhe është arsyeja. Kam pasur edhe shokë të mi, kam pa statuse, bile një muzikanti tim i kam thënë largoje atë status mos ta sheh kush se marre. ‘Çika mos i këqyrni djemtë që kanë zinxhirë, se ata nuk dinë ty me të trajtu’ – kush ka qejf me u dashur me një njeri që nuk din me të trajtua, ose ku e din ti, ajo është ndjenjë dhe nuk të jep ty të drejtë me e mbyt dikë”, u shpreh ajo.

The post Këngëtarja shqiptare shpërthen në lot në emision, rrëfen si është keqtrajtuar nga partneri (VIDEO) appeared first on Albeu.com.