Në letrën që i është dërguar Kryediplomatit evropian, Josep Borrell, Sekretarit Antony Blinken dhe Sekretarit britanik, James Cleverly, kërkohet që t’i bëhet presion Serbisë dhe reagime ndaj veprimeve të saj.

Kryeministrja serbe, Ana Bërnabiç, ka shpërndarë letrën e publikuar nga  Alisia Kearns, e cila drejton Komisionin për Punë të Jashtme në Britani të Madhe, duke thënë se ajo ishte e “mirëserardhur”

“Kjo letër dhe këto postime nga Alicia Kearns [Komisioni për Punë të Jashtme në Britani], Michael Roth [Komisoni për Punë të Jashtme në Gjermani] dhe Komisioni për Punë të Jashtme në Senatin Amerikan, janë më se të mirëseardhura, pasi sigurojnë prova të gjalla që Kurti me të vërtete ka përkrahjen e plotë dhe kurajon për ta minuar paqen dhe stabilitetin në Ballkan”, ka shkruar Bërnabiç.

Reagime të tjera nga Serbia ka pasur edhe dje. Kryediplomati serb, Ivica Daciq është hidhëruar më së shumti me nënshkrimin e vënë nga Kryetari i Komisionit për Punë të Jashtme në Parlamentin e Ukrainës, sepse në letër përmendet se “Kosova është shtet sovran”. Sipas Daciqit, Ukraina i bën dëm vetës, nëse e pranon pavarësimin e Kosovës./express

The post Letra e politikanëve perëndimorë shqetëson Serbinë, Bërnabiç: Kurti ka përkrahjen e tyre appeared first on Albeu.com.

Ischinger tha të shtunën se është i shumë i shqetësuar me tensionet e vazhdueshme në veri dhe se Bashkimi Evropian duhet të marrë urgjentisht rol vendimtar.

Grupe të qytetarëve serbë në veri ngritën barrikada qysh më 10 dhjetor, për të kundërshtuar arrestimin e një ish-polici serb nga Policia e Kosovës.

Ai ka pyetur në postim në Twitter nëse Serbisë i është bërë me dije se nxitja e dhunës ndaj një shteti fqinj, Kosovës, do ta bëjë të pamundur vazhdimin e procesit drejt anëtarësimit në BE.

E ndaj postimit të Ischingerit reagoi Bërnabiq. Ajo tha se serbët në veri po qëndrojnë në barrikada për shkak që po kërkojnë që të implementohet Marrëveshja e Brukselit, Asociacioni i komunave me shumicë serbe, dhe për shkak të arrestimit “sipas dëshirës dhe mbajtjes peng” të ish-policit serb, Dejan Pantiq.

Por, Ischingeri i tha Bërnabiqit se “nuk zgjidhen çështjet duke nxitur dhunë”.

“Ka kërkesa legjitime nga të dyja palët, në fakt. Ajo që nuk është në rregull është adresimi i shqetësimeve të tilla nëpërmjet nxitjes së dhunës dhe trazirave publike. Serbia e di saktësisht se si të veprojë si një fuqi e përgjegjshme! Krishtlindje do të thotë paqe”, ka shkruar ai.

Dje, kryeministri i Kosovës, Albin Kurti, ka paralajmëruar se pas Krishtlindjes do të takohet me komandantin e KFOR-it, për të sqaruar se si do veprohet me barrikadat në veri të Kosovës.

Për shkak se barrikadat kanë bllokuar rrugët që çojnë drejt pikëkalimeve kufitare, Jarinjë dhe Bërnjak – që lidhin Kosovën dhe Serbinë – këto dy pika janë mbyllur për qarkullim./rel

The post Situata në veri të Kosovës, diplomati gjerman reagon ndaj deklaratave të kryeministres serbe appeared first on Albeu.com.

Në Samitin Ekonomik “Maqedonia 2005” në Shkup, të mërkurën më 18 maj, kryeministrja e Serbisë, Ana Bërnabiq, tha se në kohën e krizës së madhe ekonomike, me të cilën për përballet bota, përfshirë edhe rajonin e Ballkanit Perëndimor, bashkëpunimi, paqja dhe stabiliteti janë prioritetet kryesore të Serbisë.

“Prioriteti ynë, i parë dhe kryesor, është bashkëpunimi rajonal, ruajtja e paqes dhe e sigurisë pasi në këto kohëra të vështira, përplot me sfida, ato janë mënyra e vetme dhe një ndër çështjet e rralla që ne këtu duhet t’i mbajmë. Nëse arrijmë të ruajmë paqen dhe stabilitetin, atëherë hapim mundësinë për rritje të mëtejmë të ekonomisë dhe të sigurojmë prosperitet në këto kohë të vështira. Pra, paqja, stabiliteti dhe bashkëpunimi rajonal, janë prioritetet kryesore në këto kohëra të vështira, në veçanti për kontinentin evropian”, deklaroi Bërnabiq.

Kryeministrja e Serbisë theksoi se vendet e Ballkanit duhet të thellojnë bashkëpunimin në të gjitha sferat, si në arsim, ekonomi, e sfera tjera që kërkojnë përkushtim më të madh.

“Ekonomia nuk është e tillë që të mëdhenjtë t’i hanë të vegjlit, por të shpejtit t’i hanë të ngadalshmit. Ne jemi më të vegjël, por nëse shohim nga perspektiva e biznesit, shtetet më të vogla dhe kompanitë më të vogla më shpejt po i përshtaten situatës, janë më të shpejta, janë më fleksibile, pra munden më shpejt të reagojnë ndaj krizave, sfidave e kështu me radhë. Kjo është ajo që ne duhet ta shfrytëzojmë dhe këtë mund ta bëjmë edhe më mirë nëse investojmë në ekonomi, arsim, shkencë, hulumtime, sferën e digjitalizimit pasi vetëm kështu mund ta ndrisim produktivitetin tonë”, tha Bërnabiq.

Kryeministri i Maqedonisë së Veriut, Dimitar Kovaçevski, tha se integrimi i rajonit në Bashkimin Evropian duhet të jetë prioritet kryesor, pasi, sipas tij, çdo zmbrapsje nga ky objektiv mund të rikthejë nacionalizmat e para 20 vjetëve.

Kovaçevski tha se bashkëpunimi rajonal nuk duhet të diskutohet, porse të nisë të zbatohet në praktikë.

“Bashkëpunimi rajonal duhet të zbatohet dhe jo të diskutohet. Bashkëpunimin rajonal e konsideroj si shumë të rëndësishëm së bashku me kolegët nga Serbia, Shqipëria dhe vende tjera të Ballkanit Perëndimor. Bashkëpunimi rajonal është me rëndësi të madhe… Ne duhet të vazhdojmë me orientimin strategjik drejt BE-së, pavarësisht të gjitha pengesave që i kemi. Duke marrë parasysh atë që kemi kaluar në 20 vitet e fundit, ideja e zgjerimit të BE-së është me rëndësi të madhe pasi në të kundërtën do të kemi rritje të nacionalizmave. Prandaj, të gjithë ne, në veçanti ata që drejtojnë shtetet, duhet të qëndrojnë në kursin e integrimit evropian”, deklaroi Kovaçevski./rel

The post Bërnabiç-Kovaçevski: Bashkëpunimi dhe stabiliteti, me rëndësi për të ardhmen e Ballkanit appeared first on Albeu.com.