Marrëveshja e nënshkruar në 6 nëntor të vitit të kaluar në Romë, mes kryeministres italiane Giorgia Meloni dhe atij shqiptar Edi Rama, parashikon ngritjen e dy qendrave, e para në Shëngjin ku do të kryhen procedurat e verifikimit të migrantëve dhe e dyta në Gjadër, ku ata do të mbahen të izoluar, deri në përfundim të procedurave për pranimin ose jo të azilit.

Sipas deklaratës së sotme të Amnesty International “skema për ndërtimin e qendrave të ndalimit të emigrantëve në Shqipëri është pjesë e një tendence më të gjerë ndërkombëtare për të zhvendosur kontrollin kufitar dhe përpunimin e azilit në vendet e treta: një lëvizje që kërcënon të drejtat e njeriut të migrantëve dhe refugjatëve dhe mund të çojë në vuajtje më të mëdha”.

Matteo de Bellis, hulumtues për Migracionin dhe Azilin pranë organizatës vlerëson se “kjo marrëveshje përfaqëson një tjetër përpjekje të turpshme nga Italia për të anashkaluar ligjin ndërkombëtar dhe të BE-së, me pasoja të mundshme të rënda për njerëzit që kërkojnë azil.”

Sipas tij “ky propozim i pazbatueshëm, i dëmshëm dhe i paligjshëm do të bënte që njerëz në nevojë, t’i nënshtroheshin transferimeve të gjata dhe të panevojshme nga deti dhe të përfundonin në ndalim automatik dhe potencialisht të zgjatur, në kundërshtim me të drejtën ndërkombëtare.”

Sipas protokollit mes dy vendeve, në Shqipëri do të transferohen migrantët e kapur në det të hapur.

“Me qindra milje distancë midis Mesdheut qendror, ku ndodhin shumica e kalimeve dhe mbytjeve të anijeve, dhe Shqipërisë, marrëveshja shkel qartë detyrimin e Italisë për të zbarkuar njerëzit e shpëtuar në det sa më shpejt që të jetë e mundur pas shpëtimit të tyre. Ajo mund të dobësojë gjithashtu sistemin më të gjerë të kërkimit dhe shpëtimit, i cili ka të ngjarë të rrezikojë sigurinë e njerëzve që kanë nevojë për shpëtim në det”, vë në dukje deklarata e Amnesty International.

Sias marrëveshjesh Shqipëria ofron vetëm territorin e saj, ndërkohë që përgjegjësia, përfshirë dhe juridiksionin mbi dy qendrat, mbetet vetëm e Italisë.

“Ndërsa zbatimi i juridiksionit italian duket se premton akses në garancitë procedurale dhe të drejtat e azilit në përputhje me ligjin italian dhe të BE-së, në realitet aksesi në garanci të tilla mund të pengohet rëndë”, thekson Amnesty, pasi sipas saj “të gjithë personat e sjellë në qendrat në Shqipëri, përfshirë edhe azilkërkuesit, do të ndaloheshin automatikisht. Ndalimi automatik është në thelb arbitrar dhe për këtë arsye i paligjshëm. E kombinuar me ndryshimet e fundit në ligjin italian, marrëveshja mund të çojë në ndalimin, në mënyrë të vazhdueshme të personave, për më shumë se 18 muaj”.

Deklarata e organizatës për të Drejtat e njeriut, vjen ndërsa sot në Dhomën e deputetëve të parlamentit Italian u shqyrtua në parim teksti i marrëveshjes.  Votimi pritet gjatë dy ditëve të ardhshme.

“Në vend që të ratifikojnë këtë marrëveshje të dëmshme, deputetët italianë duhet të mbështesin masat për të siguruar pritje të përshtatshme në Itali, qasje në një procedurë efektive azili dhe rrugë qasjeje të sigurta dhe të rregullta, veçanërisht për njerëzit që kërkojnë mbrojtje ndërkombëtare”, përfundon Amnesty International.

Kryeministrja italiane Giorgia Meloni, e cila vjen nga e djathta nacionaliste, u ngjit në pushtet duke premtuar frenimin e migracionit, por në fakt prurjet u rritën. Opozita italiane ngriti pikëpyetje të shumta mbi marrëveshjen dhe po e kundërshton atë me forcë, duke vënë theksin mbi rrezikun e shkeljes së normave dhe konventave ndërkombëtare, apo dhe mbi vetë dobinë e këtij akti.

Në Shqipëri opozita gjithashtu ka shprehur shqetësime serioze. Sipas saj marrëveshja vlerësohet të ketë elementë të tillë që shkojnë përtej një dokumenti mes dy qeverive, e për pasojë do të duhej të ishte kërkuar autorizim nga presidenti i Republikës. Po ashtu njohja e juridiksionit italian mbi territorin ku do ngrihen qendrat shihet si cënim i sovranitetit dhe integritetit territorial.

Pikërisht për këto çështje dhe pretendimet se protokolli mes dy vendeve bie ndesh dhe me konventat ndërkombëtare në të cilat Shqipëria është palë, 28 deputetë të së djathtës i janë drejtuar Gjykatës Kushtetuese. Në muajin dhjetor kjo Gjykatë vendosi pezullimin e procedurave të ratifikimit në parlament. Çështja po gjykohet me dyer të mbyllura vetëm mbi bazën e dokumentacionit. Pas seancës së javës së shkuar, me gjasë Gjykata mund të dalë me një vendim pas dy ditësh./VOA/

The post Marrëveshja Rama-Meloni, Amnesty International thirrje deputetëve italianë që ta rrëzojnë: Mund të çojë në vuajtje të mëdha appeared first on Albeu.com.

Në një reagim pas njoftimit se udhëheqësit e Italisë dhe Shqipërisë kishin arritur një marrëveshje për ndërtimin në Shqipëri të dy qendrave për strehimin e migrantëve të shpëtuar në det nga anijet italiane, zonja Elisa De Pieri, me organizatën Amnesty International, tha se personat e shpëtuar në det nga autoritetet italiane janë nën juridiksionin italian. Ajo tha se ligji është shumë i thjeshtë për t’u kuptuar dhe se migratët nuk mund të dërgohen në një vend tjetër përpara se të shqyrtohen kërkesat e tyre për azil.

Kjo marrëveshje ka të bëjë me rikthimin, një praktikë e cila është e ndaluar sipas ligjit ndërkombëtar dhe evropian dhe për të cilën Italia është dënuar tashmë nga Gjykata Evropiane e të Drejtave të Njeriut. Marrëveshja është e paligjshme, e papërshtatshme dhe duhet të anulohet, tha zonja Elisa De Pieri, me organizatën Amnesty International.

“Italia pretendon se personat e ndaluar do të mbeten nën juridiksionin italian, por realiteti është se marrëveshja do të përdoret për të anashkaluar ligjet e Italisë, BE-së dhe ligjin ndërkombëtar. Kjo mund të ketë pasoja shkatërruese për azilkërkuesit, të cilët mund t’u nënshtrohen ndalimeve të gjata dhe shkeljeve të tjera, jashtë kontrollit të autoriteteve të drejtësisë italiane”.

Komisioni Evropian tashmë e ka bërë të qartë se ligji i BE-së për azilin nuk mund të zbatohet jashtë kufijve të bllokut./VOA

The post Amnesty International kundër: Marrëveshja për dërgimin e emigrantëve në Shqipëri e paligjshme dhe e pazbatueshme appeared first on Albeu.com.

Por organizata tha sot se megjithatë i qëndron plotësisht gjetjeve të paraqitura. Në një email dërguar agjencisë “Reuters” të dielën, “Amnesty International” shkruante se kishte gjetur forcat ukrainase pranë zonave civile, në 19 qytete e fshatra që kishte vizituar, gjë që siç thotë organizata, i kishte ekspozuar ata ndaj sulmeve ruse.

Publikimi i raportit shkaktoi dorëheqjen e kryetares së “Amnesty International” për Ukrainën dhe nxiti kritika nga Kievi e diplomatë perëndimorë, të cilët akuzuan autorët e tij për pretendime të paqarta që dukej se barazonin veprimet mbrojtëse të ushtrisë ukrainase, me taktikat e pushtuesve rusë.

Kryetarja e dorëhequr e “Amnesty International” për Ukrainën, Oksana Pokalchuk, tha se kjo organizatë nuk mori parasysh kundërshtimin e saj ndaj raportit, duke shtuar se ai ishte një dhuratë propagande për Moskën.

Në një deklaratë të postuar të premten në mbrëmje në Facebook, Oksana Pokalchuk akuzoi organizatën për shpërfillje të realitetin në një kohë lufte në Ukrainë dhe shqetësimeve të anëtarëve të personelit lokal, që kishte kërkuar që raporti të ripunohej.

Në një reagim ndaj raportit, Presidenti Volodimir Zelensky akuzoi grupin se po përpiqej të shkarkonte agresorët rusë nga përgjegjësia.

Zyrtarët ukrainas thonë se përpjekjet e tyre janë përqendruar tek evakuimi i civilëve nga zonat që ndodhen në vijën e parë të frontit. Rusia, e cila mohon të ketë shënjestruar civilë, nuk ka komentuar rreth gjetjeve të raportit.

Moska ka justifikuar në mënyrë të përsëritur sulmet në zonat civile, duke pretenduar se luftëtarët ukrainas kishin ngritur pozicione zjarri në vendet që kanë qenë objektiv i saj./VOA

The post “Ukraina po vë në rrezik civilët”, U akuzua nga Zelenksy se po përjashtonte agresorët rusë nga përgjegjësia, kërkon ndjesë Amnesty International appeared first on Albeu.com.

Provat e mbledhura gjatë dy javëve tregojnë se forcat ruse përdorën municione thërrmuese dhe mina të shpërndara në qytet në prill dhe në fillim të majit.

“Bombardimet e përsëritura të lagjeve të banuara në Kharkiv janë sulme pa dallim që vranë dhe plagosën qindra civilë dhe si të tilla përbëjnë krime lufte,” tha Amnesty në raportin e saj.

Qyteti, i dyti më i madhi në Ukrainë, u përball me bombardime pothuajse të vazhdueshme që nga pushtimi në shkurt derisa forcat ruse u shtynë në maj.

Jean-Baptiste Gallopin, konsulent kërkimor për Amnesty, tha se ishin zbuluar prova të një sulmi me municione thërrmuese në një shesh lojërash, ku vdiqën 9 njerëz dhe plagosi 35 të tjerë.

Rusia deri më tani ka mohuar të ketë shënjestruar civilët dhe as Rusia e as Ukraina nuk kanë nënshkruar një marrëveshje ndërkombëtare që ndalon municionet thërrmuese.

Amnesty tha se përdorimi i armëve të tilla përbën një krim lufte nëse është pa dallim dhe vret ose dëmton civilët.

Organizata zbuloi gjithashtu se forcat ukrainase kishin shkelur ligjin ndërkombëtar humanitar duke vendosur artileri pranë ndërtesave të banimit, duke tërhequr zjarrin rus, megjithëse Gallopin tha se kjo “në asnjë mënyrë nuk justifikon granatimet e pamëshirshme pa dallim të qytetit nga forcat ruse”./albeu.com

The post Amnesty gjen prova të krimeve të luftës në Ukrainë: Sulme vdekjeprurëse edhe në parqe lojërash appeared first on Albeu.com.

Sulmuesi ka shpërndarë disa foto nga varka, duke reklamuar bukuritë e vendit të Lindjes së Mesme. Llogaria zyrtare në Instagram e ‘Visit Saudi’, enti i turizmit në Arabinë Saudite, publikoi një imazh për të mirëpritur 7 herë Topin e Artë dhe miqtë e tij. 34-vjeçari u fotografua duke marrë një pritje tradicionale: “Nga Deti i Kuq në Jeddah-un historik, aventura e një jete të pret”.

Një partneritet që i befasoi të gjithë. Drejtuesit e PSG-së në fakt janë nga Katari dhe marrëdhëniet mes dy vendeve të Lindjes së Mesme nuk janë idilike, duke qenë rivalë si ekonomikisht ashtu edhe gjeopolitikisht për epërsinë e zonës. Megjithatë, pronarët e klubit francez janë njoftuar për marrëveshjen para udhëtimit të Messit drejt Arabisë Saudite.

Klubi parizian, ndër të tjera, në të kaluarën është përpjekur të ndërmjetësonte për të përmirësuar marrëdhëniet mes dy vendeve dhe për të shmangur tensionet. Skuadra nga kryeqyteti francez, për shembull, ra dakord të luante Riyadh Season Cup në janar, përpara se kompeticioni të shtyhej.

PSG-ja, në këtë mënyrë, nuk është kundër partneritetit, por kritikat nuk mungojnë. Amnesty International Norëay u pozicionua kundër Messit: “Të udhëtosh në Arabinë Saudite është një gjë, por të paguhesh për të lavdëruar vendin është një gjë tjetër”. Organizata joqeveritare renditi gjithashtu të gjitha shkeljet e të drejtave të njeriut për të cilat akuzohet Arabia, përpara se të pyeste: “A dëshiron vërtet ta mbështesësh këtë, Messi?”

Ministri i Turizmit të Arabisë Saudite, Ahmed Al-Khatib, në mikrofonat e sportbuzzbusiness.fr, tha se ishte i lumtur me partneritetin: “Sot mirëpres Lionel Messin dhe miqtë e tij në Arabinë Saudite për një festë të veçantë. Kjo nuk është vizita e tij e parë në Mbretëri, nuk do të jetë as e fundit, dhe jam i lumtur të njoftoj se Messi do të jetë ambasador i turizmit saudit”.

The post Messi imazh i turizmit aty ku shkelen të drejtat e njeriut, Amnesty International: “Vërtet e mbështet këtë?” appeared first on Albeu.com.

Nw njw deklaratw ministria tha se njësitë e organizatave “janë përjashtuar për shkak të zbulimit të shkeljeve të legjislacionit aktual të Federatës Ruse”.

Sipas la rwpubblica, menjwhwrw pas pwrjashtimit organizatat kanw reaguar menjwhwerw duke thwnw se do tw vazhdojnw tw operojnw nw Rusi.

“Autoritetet po gabojnë nëse mendojnë se duke mbyllur zyrën tonë në Moskë do të pengojnë punën tonë për të dokumentuar dhe nxjerrë në dritë shkeljet e të drejtave të njeriut”, tha nw njw deklaratw Sekretarja e përgjithshme e Amnesty.

“Human Rights Watch ka punuar në Rusi që nga periudha sovjetike dhe do të vazhdojë ta bëjë këtë,” tha drejtori i HRW në një deklaratë tjetër, duke shpjeguar se “kjo perde e re e hekurt nuk do të pengojë përpjekjet tona aktuale për të mbrojtur të drejtat e të gjithë rusëve dhe të mbrojë civilët në Ukrainë”./albeu.com

The post Përjashtohen nga Rusia, Amnesty International dhe HRW: Do të vazhdojmë të operojmë appeared first on Albeu.com.