Policia kur shkoi në vendin e ngjarjes, konstatoi se gruaja ishte e pajetë pasi ishte goditur me mjet prerës nga bashkëshorti i saj.

Policia bëri me dije se turistja amerikane Sandra Saporito, 54-vjeçe, u vra me thikë nga bashkëjetuesi i saj, Brendon Saporito 57-vjeç.

Çifti amerikan kishte marrë një banesë me qira në lagjen historike të Shkodrës, Gjuhadol. Mëngjesin e të premtes, rreth orës 10:00, Brendon e qëlloi disa herë me thikë partneren në banesë duke i marrë jetën.

Dyshohet se autori i dyshuar i krimit në gjendje të dehur ka goditur 54-vjeçaren me thikë dhe më pas ka tentuar t’i japë fund jetës në kushtet e tronditjes psikologjike, duke prerë damarët.

Nga profili në Facebook i autorit, shihet se kanë hyrë në Rinas më 27 mars, ndërsa në foton e publikuar, Sandra Saporito shkruan se kanë mbërritur shëndoshë e mirë në Tiranë dhe ndodhen të ulur në ambientet e një bar kafeje.

Ata ishin nisur në drejtim të Shqipërisë nga aeroporti i Miamit, në datën 26 mars. Ndërkohë motivet e krimit mbeten të paqarta. Policia bën të ditur se grupi hetimor po punon për zbardhjen e ngjarjes.

“Rreth orës 10:15, në rrugën “At Shtjefën Gjeçovi”, në një banesë të marrë me qira, dyshohet se është vrarë me mjet prerës, shtetasja amerikane, S. S. Në banesë u gjet bashkëjetuesi i saj, shtetas amerikan, i cili dyshohet se është autori i vrasjes. Ky shtetas u shoqërua në spital për ndihmë mjekësore, pasi dyshohet se është në gjendje të dehur dhe ka dëmtime të lehta, në duar, me mjete prerëse”, njofton policia.

The post Vrasja në Shkodër/ Si ndodhi krimi i rëndë, çifti amerikan kishin mbërritur në Shqipëri mbi 1 muaj më parë appeared first on Albeu.com.

Pas vrasjes, autori ka tentuar të vetëvritet, duke prerë damarët e dorës me thikë, por duket se ka shpëtuar vetëm me disa plagë të lehta.

Policia ka bërë me dije se ai është shoqëruar, ndërsa 57-vjeçari ishte në gjendje të dehur.

Një udhëtim që nisi me ëndrra për një jetë të re, me shpresë dhe dashuri, përfundoi në një krim makabër…

Shkodra duket se ishte destinacioni i fundit, i asaj që duhej të ishte një aventurë për çiftin.

Një nga miqtë shkruan në një postim në profilin e autorit më 21 mars: “Shumë i lumtur që unë dhe Jason kaluam natën e fundit me Brendonin dhe Sandrën përpara se ata të nisnin disa aventura të reja të jashtëzakonshme në jetë! U urojmë atyre dhe qenushit të tyre të adhurueshëm Harvey gëzim të pafund, shëndet të plotë dhe përvojat më të mrekullueshme të jetës së tyre! Çfarë fati që ishim bashkë para nisjes suaj”.

Ishte një nisje me zemrën plot ëndrra. Çifti kishte vendosur të largohej nga SHBA përfundimisht. Më 24 mars, shesin edhe makinën e fundit dhe përgatiten për një fillim të ri në Europë.

“Po bëhet realitet! Makina u shit dhe nesër është dita jonë e fundit në SHBA para se të lëvizim në Europë! Ndjehem e emocionuar!”, shkruante Sandra në një postim të mbushur me gëzim dhe emocion.

Në rrjetet sociale, ajo ndante detaje për udhëtimin që i priste:

“Fillimisht do të nisim me një tur të ngadaltë në Europë. Do të qëndrojmë disa kohë në Ballkan dhe më pas do të udhëtojmë në Europë, derisa të gjejmë një shtëpi që do të na pëlqejë dhe që do ta blejmë. Do të fillojmë me Shqipërinë, ku kemi planifikuar të qëndrojmë për 9 muaj dhe më pas do të bëjmë vizita 1 ose 2 mujore në disa shtete”.

Më 27 mars, Sandra dhe Brendoni mbërrijnë në Shqipëri. Destinacioni i parë është Tirana, ku kalojnë disa ditë të qeta dhe të mbushura me përjetime pozitive.

“Kemi rënë në dashuri me Tiranën”, shkruan Sandra më 30 mars, duke ndarë foto nga Piramida dhe Parku i Liqenit Artificial.

Në çdo foto, në çdo postim, nuk mungon edhe Harvey, qenushja e tyre, pjesë e pandashme e familjes dhe i këtij udhëtimi.

Por ëndrra u ndërpre në mënyrën më tragjike, dhe Shkodra, që do të duhej të ishte një tjetër ndalesë e bukur në itinerarin e tyre, u kthye në skenën e një krimi të rëndë.

The post Vendosën të largoheshin përfundimisht nga SHBA, një ëndërr e ndërprerë në mes / Udhëtimi i bukur drejt një fundi tragjik në Shkodër: Kemi rënë në dashuri me Tiranën… appeared first on Albeu.com.

Sipas informacioneve paraprake të siguruara nga Policia e Shtetit, incidenti ndodhi në datën 19 gusht 2024, në kryqëzimin e rrugëve “Valbona” dhe “Ramazan Ceku”. Viktima, M.W., 55 vjeç, është gjetur i vetëvarur në shtëpinë ku jetonte.

Sakaq, autoritetet janë duke punuar për të zbardhur të gjitha rrethanat e kësaj tragjedie.

Tiranë/Informacion paraprak

Më datë 19.08.2024, në kryqëzimin e rrugës “Valbona” me rrugën “Ramazan Ceku”, është vetëvarur në banesë (të marrë me qira) shtetasi amerikan M. W., 55 vjeç, dhe si pasojë ka ndërruar jetë.

Grupi hetimor po punon për sqarimin e rrethanave të ngjarjes.

The post Tragjedi në Tiranë, i huaji gjendet i vetëvarur në banesën e marrë me qira appeared first on Albeu.com.

Nga këqyrja paraprake e trupit, nuk janë konstatuar shenja dhune dhe dyshohet se ka ndërruar jetë për shkaqe natyrale.

Grupi hetimor nën drejtimin e Prokurorisë po punon për përcaktimin e saktë të shkakut të humbjes së jetës së 68 vjeçarit.

The post E rëndë në Pogradec/ Amerikani gjendet pa shenja jete, për çfarë dyshohet appeared first on Albeu.com.

Ai akuzohet për veprën penale “Kontrabanda me mallra të tjera”.

Njoftimi i policisë:

Rinas/Angazhim maksimal i shërbimeve të Policisë Kufitare, për të menaxhuar fluksin në hyrje/dalje, si dhe për të parandaluar dhe për të goditur krimet kufitare.

Si rezultat i kontrolleve të shtuara, goditet një rast i kontrabandës së mallrave.

Arrestohet në flagrancë një 23-vjeçar (shtetas amerikan) që tentoi të kontrabandonte në Shqipëri, veshje dhe aksesorë të ndryshëm, me vlerë rreth 14 300 dollarë.

Sekuestrohen veshjet dhe aksesorët.

Si rezultat i angazhimit maksimal të shërbimeve të Policisë Kufitare Rinas, në bashkëpunim me autoritetet doganore, për parandalimin dhe goditjen e krimeve kufitare, krahas punës për ofrimin e shërbimit cilësor për qytetarët në hyrje/dalje, është goditur 1 rast i kontrabandës së mallrave.

Në bazë të analizave të riskut, në hyrje, u kalua për kontroll shtetasi amerikan H. Z., 23 vjeç.

Gjatë kontrollit në valixhet e këtij shtetasi, janë gjetur mallra të ndryshme që ai nuk i kishte deklaruar në doganë, siç përcaktohet me ligj.

Në cilësinë e provës materiale janë sekuestruar veshje dhe aksesorë të markave të ndryshme (ora dore, syze dielli, çanta etj.) me vlerë rreth 14 300 dollarë.

Në vijim të veprimeve procedurale për këtë rast, u arrestua në flagrancë shtetasi H. Z., 23 vjeç, banues në SHBA, për veprën penale “Kontrabanda me mallra të tjera”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

The post Arrestohet amerikani në Rinas, u kap me mijëra dollarë dhe aksesorë të padeklaruar appeared first on Albeu.com.

“Janë 64 ushtarë të Forcave të Armatosura të Ukrainës, që luftuan në Donjeck dhe Luhansk – veçanërisht në mbrojtjen e Bakmutit – që po kthehen në shtëpi. U bë gjithashtu e mundur që të lirohet edhe një shtetas amerikan, i cili ndihmoi popullin tonë – Suedi Murekezi”, shkroi në mediat sociale Andriy Yermak, shef i zyrës së presidentit të Ukrainës.

Ukraina dhe Rusia kanë këmbyer një numër të madh të të burgosurve të luftës, që nga nisja e saj në shkurt.

Presidenti ukrainas, Volodymyr Zelensky tha në fillim të dhjetorit se mbi 1.300 të burgosur janë kthyer në Ukrainë, që kur trupat ruse nisën pushtimin e vendit.

Në një takim me Kryqin e Kuq në tetor, Rusia tha se mbante rreth 6.000 robër lufte ukrainas.

Lufta në Ukrainë ka nisur më 24 shkurt.

Presidenti Putin e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL/

The post Lirohen 64 ukrainas dhe një amerikan në këmbimin e të burgosurve me Rusinë appeared first on Albeu.com.

I ftuar në “ABC e Mëngjesit”, Isto ka treguar se në fillim për vendin tonë kishte dëgjuar gjatë studimeve, madje ka bërë edhe temën e masterit lidhur me historinë e Shqipërisë.

Sakaq, ai ka zbuluar se në fillim në Shqipëri ka jetuar dhe punuar në Memaliaj dhe e konsideronin si spiun i ardhur nga SHBA.

“Kur kam ardhur në fillim në Shqipëri nuk dija asnjë fjalë shqipe, kisha kërkuar në internet, në fjalor, po nuk dija.

Gjatë studimeve të mia të universitetit unë jam fokuar te shkencat politike. Kam mësuar shumë për Bashkimin Sovjetik dhe vendet e bllokut të tij.

Unë kam shkuar në Memaliaj se kam punuar me Korpusin e Paqes dhe është vetë organizata që të cakton. Kam punuar në një gjimnaz si mësues i gjuhës angleze, më pas mësues në një shkollë 9-vjeçare në fshat.

Shumë mirë më pritën. Në përgjithësi shqiptarët janë një popull shumë mikëpritës. Ata nuk e kishin idenë se kush jam unë dhe mendonin se mund të isha ndonjë spiun nga Amerika. Po pas nja 2-3 muajsh që po rrija andej, e kuptuan.

Ndërsa, prindërit duan që unë të rri pak më afër atyre, por e dinë dëshirën time për të vizituar botën se jam rritur në një komunitet shumë i vogël”, u shpreh Isto.

The post “Mendonin se isha spiun”, amerikani i dashuruar me Shqipërinë: Kam punuar mësues në Memaliaj appeared first on Albeu.com.

Miliarderi rus Roman Abramovich dëshiron të shesë klubin londinez dhe pronari i ri mazhoritar i Atalantës, Stephen Paljuka, ka thënë hapur se ka një dëshirë të madhe për ta blerë klubin nga “Stamford Bridge”.

Madje në këto synime ai shkon aq larg sa është gati të ulë pjesën e tij në Atalanta (aktualisht 55%) dhe t’i përkushtohet sa më shumë projektit të “bluve”.

Paljuka është gjithashtu një bashkëpronar i Boston Celtics dhe familja e tij emigroi në Shtetet e Bashkuara nga Italia gjatë viteve 1920. /albeu.com/

The post Një tërmet në futboll: Amerikani shumë i pasur shet aksionet e klubit të Serisë A dhe blen Chelsea? appeared first on Albeu.com.