Senatorë republikanë dhe demokratë i kanë bërë thirrje administratës së presidentit Donald Trump të rikthejë sanksionet ndaj zyrtarëve të Republikës Sërpska, të cilat ishin hequr në tetor të vitit 2025.

Reagimi i tyre pason marrjen në pyetje nga autoritetet e entitetit të Republikës Sërpska në Bosnje e Hercegovinë të punonjësve dhe ish-punonjësve të Qendrës Përkujtimore Potoçari, të përfshirë në hartimin e një raporti mbi mohimin e gjenocidit.

Në një deklaratë të publikuar më 6 gusht, senatorët shprehën shqetësim të thellë për faktin se 26 punonjës, ish-punonjës dhe bashkëpunëtorë ishin marrë në pyetje gjatë javës së kaluar në Drejtorinë e Policisë në Zvornik, shkruan REL, transmeton KosovaPress.

Sipas tyre, përmasat dhe momenti i ndërmarrjes së këtyre veprimeve ngrenë shqetësim, sidomos duke pasur parasysh rëndësinë e punës së Qendrës Përkujtimore për ruajtjen e së vërtetës, nderimin e viktimave dhe mbrojtjen e të drejtave të njeriut. Ata u kërkuan autoriteteve kompetente të respektojnë sundimin e ligjit dhe pavarësinë e institucioneve të Bosnje e Hercegovinës, si dhe të garantojnë që Qendra Përkujtimore ta vazhdojë misionin e saj thelbësor pa frikësim.

Deklarata u bë nga një grup senatorësh që përfaqësojnë komitete të ndryshme të Senatit, mes tyre Komitetin për Marrëdhënie me Jashtë, Komitetin e Drejtësisë, nënkomitetin për Marrëdhënie me Evropën, atë për Siguri dhe Mbrojtje të Asamblesë Parlamentare, si dhe nga anëtarë të Komisionit të Helsinkit.

Senatorët kërkuan gjithashtu që administrata amerikane të zbatojë sanksionet e miratuara përmes Aktit të Autorizimit të Mbrojtjes Kombëtare. Ata theksuan se qëndrimi i Dhomës së Përfaqësuesve dhe i Senatit amerikan ka qenë i qartë se masakra e Srebrenicës ishte gjenocid.

Sipas tyre, edhe më shumë se 30 vjet më vonë ekziston përgjegjësia për të kujtuar viktimat, për të mbështetur familjet e tyre dhe për të mos lejuar mohimin apo fshirjen e kësaj historie tragjike. Senatorët paralajmëruan se shtrembërimi i historisë për interesa politike i thellon ndarjet, ushqen tensionet etnike dhe rrezikon paqen e stabilitetin në Bosnje e Hercegovinë.

Në deklaratë iu kërkua administratës të vërë në zbatim sanksionet e detyrueshme të miratuara në kuadër të Aktit të Autorizimit të Mbrojtjes Kombëtare për vitin fiskal 2026, me qëllim që personat përgjegjës për veprime destabilizuese dhe dëmtim të institucioneve demokratike të japin llogari.

Prokuroria Publike e Qarkut në Bielinës kishte konfirmuar më herët për Shërbimin e Ballkanit të Radios Evropa e Lirë se ishte hapur një rast për të verifikuar informacionet dhe kallëzimin lidhur me veprimtarinë e Institucionit Publik Qendra Përkujtimore e Srebrenicës gjatë vitit 2022.

Prokuroria ka bërë të ditur se çështja ndodhet ende në fazën e verifikimit, për shkak të dyshimeve mbi veprën penale të shmangies së tatimeve dhe kontributeve. Ndërkohë, institucionet e tjera po punojnë për sigurimin e dokumentacionit dhe provave të tjera.

Prokuroria në Republikën Sërpska deklaroi se deri tani nuk është lëshuar asnjë urdhër për nisjen e hetimeve dhe se personat po merren në pyetje vetëm në cilësinë e dëshmitarëve. Vendimi për hapat e mëtejshëm do të merret nga prokurori pasi të jenë grumbulluar dokumentet dhe provat e nevojshme.

Emir Sulagiq, drejtor i Qendrës Përkujtimore, ka paralajmëruar vazhdimisht se institucioni po përballet me presion nga strukturat e Republikës Sërpska për shkak të punës së tij, veçanërisht për aktivitetet që lidhen me dokumentimin e gjenocidit dhe të mohimit të tij.

Prej vitesh, autoritetet e Republikës Sërpska, përfshirë zyrtarët më të lartë politikë, mohojnë dhe kundërshtojnë vendimet e gjykatave vendore dhe ndërkombëtare për gjenocidin në Srebrenicë.

Qendra Përkujtimore e Srebrenicës është një institucion shtetëror i hapur në vitin 2003 në ish-bazën e Kombeve të Bashkuara. Veprimtaria e saj përqendrohet në ruajtjen e kujtimit të më shumë se 8.000 boshnjakëve të vrarë gjatë gjenocidit të korrikut të vitit 1995.

The post Senatorë amerikanë kërkojnë rikthimin e sanksioneve ndaj zyrtarëve të Republikës Sërpska appeared first on Albeu.com.

Në njoftimin e saj, ambasada sqaron se disa prindër udhëtojnë drejt Shteteve të Bashkuara me vizë turistike me synimin që të sjellin në jetë fëmijën atje, duke shfrytëzuar programin Medicaid për të paguar shpenzimet shëndetësore.

Sipas ambasadës, këto shpenzime rëndojnë mbi taksapaguesit amerikanë, ndërsa personat që përfshihen në një praktikë të tillë rrezikojnë të hasin probleme kur të kërkojnë rinovimin e vizës në të ardhmen.

“Shumë prindër shqiptarë me viza turistike udhëtojnë drejt Shteteve të Bashkuara me qëllim për të lindur atje dhe përdorin programin Medicaid për të mbuluar kujdesin mjekësor. Këto shpenzime u kalojnë taksapaguesve amerikanë, dhe ata prindër mund të mos kenë të drejtë t’i rinovojnë vizat e tyre në të ardhmen”, thuhet në mesazhin e Ambasadës Amerikane.

Autoritetet amerikane e kanë theksuar edhe më parë se viza turistike nuk mund të përdoret për qëllime që bien ndesh me kushtet e saj, ndërsa aplikantët duhet të tregojnë saktë arsyen e udhëtimit dhe të zbatojnë rregullat e emigracionit.

The post Ambasada e SHBA-së u bën thirrje shqiptarëve: Mos përdorni vizën turistike për të lindur në Amerikë appeared first on Albeu.com.

Në këtë aktivitet morën pjesë mysafirë të veçantë nga Uashingtoni, profesori Daniel Serwer, profesori Edward Joseph, ekspert për Ballkanin Perëndimor, shqiptaro-amerikania Besa Pinchotti dhe strategu, major Mario Marquez.

Të pranishëm në forum, përveç delegacionit nga Uashington D.C., ishin edhe kryetarë të komunave të rajonit të Prizrenit, si dhe figura politike nga Kosova, ndërsa në diskutime u vu theksi te mbështetja që Shtetet e Bashkuara të Amerikës i kanë dhënë Kosovës si në periudha krizash, ashtu edhe në kohë paqeje.

“Kontributi i shtetit amerikan për njerëzimin ka qenë gjithmonë një bindje e palëkundur se liria, demokracia, drejtësia dhe integriteti njerëzor janë vlera që mbrojnë jo vetëm amerikanët, por edhe të gjithë popujt në mbarë botën”, deklaroi kryetari i Prizrenit, Shaqir Totaj.

Gjatë forumit, profesori Edward Joseph, ekspert për Ballkanin Perëndimor, dhe profesori Daniel Serwer ndalën te disa prej vështirësive që Kosova has në përpjekjet për anëtarësim në organizata të rëndësishme ndërkombëtare.

“E ardhmja e Kosovës është në NATO. Për Kosovën, katër shtete që nuk e njohin pavarësinë e saj përbëjnë pengesë, por kjo është rruga që e çon Kosovën drejt Bashkimit Evropian dhe drejt subjektivitetit ndërkombëtar”, theksoi Joseph.

“Jemi në një situatë ku Shtetet e Bashkuara nuk po e mbrojnë demokracinë brenda vendit të tyre dhe nuk mund ta mbrojnë atë gjithmonë në arenën ndërkombëtare. Kjo paraqet një sfidë të madhe për Kosovën. Sekretari Rubio e tha qartë në Kongres se anëtarësimi i Kosovës në NATO nuk është në agjendë. Prandaj, ju duhet të punoni që ai të bëhet pjesë e agjendës”, u shpreh Daniel Serwer.

Ndërkaq, Mario Marquez vlerësoi se, pavarësisht pengesave ndërkombëtare që mund ta ngadalësojnë këtë proces, qytetarët e Kosovës e kanë vetë në dorë ndërtimin e një të ardhmeje më të mirë dhe shtoi se për këtë është shumë krenar.

Shqiptaro-amerikania Besa Pinchotti tha se 250-vjetorin e SHBA-së po e feston në Kosovë me shumë krenari.

Për nder të kësaj dite të rëndësishme për SHBA-në, në Kosovë janë duke u organizuar një varg aktivitetesh.

The post Ekspertë nga SHBA: Integrimi i Kosovës kalon përmes NATO-s appeared first on Albeu.com.

Autoritetet e Lituanisë kanë pranuar informacione të martën e javës së kaluar se ushtarët janë zhdukur gjatë stërvitjeve ushtarake në një qendër trajnimi në qytetin lindor Pabrade, afër kufirit me Bjellorusinë.

Ekipet e kërkim-shpëtimit kanë punuar me pajisje të rënda dhe ekskavatorë për të hequr llumin prej makinës së mbushur me ujë, dhe më pas kanë arritur ta nxjerrin ata nga gropa.

“Tre ushtarë amerikanë janë gjetur të vdekur sot në Lituani”, ka thënë Zyra e ushtrisë amerikane për Evropën dhe Afrikën, përmes një komunikate.

Në të është thënë se “operacionet e kërkim-shpëtimit janë duke vazhduar për ushtarin e katërt”, ndërsa identitetet nuk u janë bërë publike derisa të njoftohen familjarët dhe të merret konfirmimi i tyre.

“Zemrat tona janë të rënduara nga dhimbja. Por, kërkimet tona nuk përfundojnë derisa secili të kthehet në shtëpi”, ka thënë gjenerali komandues amerikan, Christopher Norrie.

Qindra punëtorë lokalë dhe të huaj, dhe pjesëtarë të kërkim-shpëtimit, përfshirë inxhinierë dhe zhytës janë të përfshirë në kërkimet për të gjetur edhe pjesëtarin e katërt që ka qenë në makinën e blinduar, M88 Hercules.

Lituania, vend anëtar i NATO-s dhe BE-së, është nikoqire e mbi 1.000 trupave amerikane që janë të stacionuara në baza rotative./REL

The post Gjenden të vdekur tre prej katër ushtarëve amerikanë të zhdukur në Lituani appeared first on Albeu.com.

Zyra e Mjekësisë Ligjore të Los Angeles konfirmoi vdekjen e saj të dielën, duke zbuluar se mbetjet e saj u gjetën në shtëpinë e shkatërruar plotësisht nga flakët.

Curry, e njohur me emrin “Momma D” nga familja, ishte parë për herë të fundit të martën nga mbesa e saj, Dalyce Kelley. Kelley, e cila ishte gjithashtu kujdestare e pjeshme e Curry-t, e kishte lënë atë në shtëpinë e saj në Altadena, në Kaliforni, një nga zonat më të goditura nga zjarri në Eaton.

Edhe pse zjarri kishte shpërthyer vetëm disa orë më parë, Kelley nuk besonte se flakët do të përhapeshin kaq shpejt dhe do të kishin pasoja kaq shkatërruese. Pas marrjes së një njoftimi përmes mesazhit që e informonte për ndërprerjen e energjisë elektrike në shtëpinë e Curry-t, ajo shkoi për ta kontrolluar.

Megjithatë, kur arriti në lagjen e “Momma D” në Altadena, ishte shumë vonë. Një oficer i forcave të rendit i tha Kelleyt: “Më vjen keq, prona e gjyshes suaj është shkatërruar. Është djegur krejtësisht.”

Ai i sugjeroi Kelleyt që të shkonte në Qendrën Civile në Pasadena, ku banorët e shpërngulur ishin strehuar për shkak të flakëve.

Pas asaj nate, Kelley dhe familja e Curry-t filluan të frikësoheshin se mund të kishte ndodhur më e keqja. Ata arritën të vizitonin atë që kishte mbetur nga shtëpia e gjyshes të premten, me ndihmën e Gardës Kombëtare që i shoqëroi deri në vendin e shkatërruar.

“Gjithçka ishte shkatërruar, përveç Cadillac-it të saj të kaltër,” tha Kelley për ABC7.

Pjesë e “Hollyëood”-it që në vitet 1950, Curry ka pasur një karrierë të gjatë si aktore duke luajtur në filma të njohur si The Ten Commandments, The Blues Brothers, dhe Lady Sings the Blues.

“Pavarësisht moshës, ajo ishte shumë aktive, nuk do të mendonit që ishte 95 vjeç,” tha një nga mbesat e Curry-t, Loree Beamer-Ëilkinson.

Si pasojë e zjarreve, që shpërthyen javën e kaluar në Los Angeles, numri i viktimave ka arritur të paktën 24 persona, ndërsa pothuajse 200,000 njerëz janë shpërngulur.

The post AMERIKA NË ZI/ Aktorja e njohur në “The Blues Brothers” gjendet e djegur brenda banesës në Los Angeles appeared first on Albeu.com.

Komiteti ka thënë të dielën se medaljen e bronztë do t’ia ndajë rumunes Ana Barbosu, pasi Federata Ndërkombëtarë e Gjimnastikës, ka thënë të shtunën se do të respektojë vendimin e gjykatës, dhe do ta rendisë Barbosun në vendin e tretë.

Komiteti Olimpik Ndërkombëtar ka thënë se do të jetë të kontakt me Komitetin Olimpik dhe Paralimpik të Shteteve të Bashkuara, për kthim mbrapsht të medaljes, dhe do të punojë me Komitetin Olimpik të Rumanisë për të diskutuar ceremoninë e nderimit të Barbosus.

Gjykata e Arbitrazhit për Sport ka thënë se renditja përfundimtare duhet të rregullohet, në mënyrë që Barbosu të jetë e treta, rumunia, Sabrina Maneca-Voinea e katërta, dhe Chiles e pesta./REL

The post Iu bë rivlerësim pikësh, gjimnastja amerikane duhet ta kthejë medaljen e bronztë appeared first on Albeu.com.

Sipas një raporti “Tendencat e vitit 2024” të publikuar nga “Instituti Ekonomik Mastercard”, turistët – pavarësisht nga të ardhurat – po fokusohen më shumë në “koston” e udhëtimit që planifikojnë të bëjnë jashtë vendit këtë verë, duke ndryshuar destinacionin ku zakonisht zgjedhin të vizitojnë, si dhe kur do të shkojnë dhe sa kohë do të qëndrojnë.

“Udhëtimi ‘i bazuar në çmim’ po ndodh globalisht, me udhëtarët që zgjedhin destinacione alternative që janë më të përballueshme për t’u vizituar si, në Azi, Amerikën Latine dhe Karaibe”, sipas raportit.

Kjo ka nxitur një rritje të kërkesës për të udhëtuar në vende si, Japonia dhe Argjentina dhe Republika Domenikane, destinacione ku çmimet e hoteleve janë më të ulëta dhe kostoja e përgjithshme i bën ato opsione tërheqëse dhe të përballueshme për adhuruesit e diellit dhe rërës.

Por, dëshira për t’i dhënë një rëndësi më të madhe kostos është veçanërisht e fortë në Evropë, ku çmimet mbeten më të larta se zakonisht për shkak të rritjes së kërkesës dhe inflacionit.

Pa shenja të uljes së çmimeve në horizont, ekonomistët e “Mastercard” thanë se turistët kanë filluar të bëjnë zgjedhje të ndryshme në vende më pak të njohura, si Shqipëria.

Turistët po zgjedhin të vizitojnë destinacione që janë më të përballueshme në Evropë gjatë pikut të sezonit veror, me vende si Shqipëria, Kroacia dhe Turqia – ndër ato me rritjen më të lartë të trafikut të fluturimeve që nga viti 2019.

“Linjat e fluturimeve drejt Shqipërisë janë dyfishuar, duke rritur numrin e turistëve nga 12 milionë në 2019 në 17 milionë në 2023”, thuhet në raport.

Tirana, kryeqyteti i Shqipërisë, renditet e treta, pas Mynihut dhe Tokios, në listën e qyteteve kryesore në trend që turistët po rezervojnë fluturime për këtë verë midis qershorit dhe gushtit./ ATSH

The post ‘US Travel Weekly’: Turistët amerikanë zgjedhin Shqipërinë si destinacionin më të mirë evropian këtë verë appeared first on Albeu.com.

Në entitetet e sanksionuara nga Pekini përfshihen njësi të Lockheed Martin, Raytheon, General Dynamics dhe kompanive të tjera.

Ndërkaq, udhëheqës të lartë të Northrop Grumman Corporation dhe General Dynamics po ashtu janë sanksionuar.

Ministria e Jashtme kineze tha se masat vijnë pasi “SHBA-ja vendosi sanksione të njëanshme, joligjore ndaj një numri të entiteteve kineze duke u thirrur në faktorët e ashtuquajtur rusë”, por edhe për shkak se SHBA-ja “vazhdon të shesë armë për rajonin kinez të Tajvanit”.

Kina pretendon se ishulli vetëqeverisës i Tajvanit është pjesë e territorit të saj dhe nuk e përjashton mundësinë që ta marrë nën kontroll me forcë. Pekini që një kohë të gjatë ka kundërshtuar shitjen e armëve nga Uashingtoni.

SHBA-ja nuk e njeh Tajvanin si shtet, por në bazë të ligjit, Uashingtoni obligohet të sigurohet që Qeveria e Tajvanit të ketë aftësi që të mbrojë veten.

The post Kina sanksionon 22 kompani amerikane për shkak të Tajvanit appeared first on Albeu.com.

Shkencëtarët kanë ngritur alarmin se injeksionet për humbje peshe mund të shkaktojnë gjithashtu defekte të lindjes dhe nuk duhet të përdoren nga askush që shpreson të mbetet shtatzënë.

Humbja e peshës mund të përmirësojë fertilitetin sepse obeziteti ndërhyn me nivelet e hormoneve, por përbërësi “semaglutide” nuk është testuar tek gratë shtatzëna për të parë nëse është i sigurt.

Hulumtimet mbi kafshët duke përfshirë minjtë dhe majmunët sugjerojnë se mund të jetë toksik dhe të çojë në abort dhe anomali.

Prodhuesi i ilaçit, Novo Nordisk, nuk e rekomandon “semaglutide” për gratë shtatzëna ose që ushqejnë fëmijën me gji dhe thotë se ato duhet të ndalojnë marrjen e ilaçit dy muaj përpara se të përpiqen të mbeten shtatzënë.

Ekspertët kanë zbuluar se, disa gra që luftojnë me infertilitetin kanë mbetur shtatzënë papritur pasi kanë marrë “semaglutide”, i cili përdoret për trajtimin e obezitetit dhe diabetit të tipit 2 nën emrat e markave Wegovy dhe Ozempic.

Mjekët në Amerikë gjithashtu kanë filluar ta përdorin atë për të trajtuar sindromën e vezores policistike (PCOS), një gjendje që është një shkak i zakonshëm i infertilitetit dhe është i lidhur me obezitetin.

The post Studimi: Shtatzënitë që vijnë nga “Ozempic”, sjellin rrezik për abort appeared first on Albeu.com.

Këngëtarja konkuroi në sezonin 5 të spektaklit, duke përfunduar në vendin e nëntë. Pas kësaj, ai filloi një karrierë të madhe në muzikën e krishterë. Shkaku i vdekjes së saj nuk dihet dhe sipas Daily Mail, ajo u gjet e vdekur në shtëpinë e saj në Nashville më 18 prill. Në një intervistë të vitit 2017 me ABC News, Mandisa foli për betejën e saj me depresionin, duke treguar se kishte menduar vetëvrasjen.

“Edhe më shumë se muzika e saj, këngëtarja do të njihet përgjithmonë për zemrën dhe ndershmërinë e saj të madhe”, tha radiostacioni i krishterë K-Love në një deklaratë që njoftoi vdekjen e saj.

Me origjinë nga Citrus Heights, Kaliforni, Mandisa studioi xhaz vokal në American River College në Sacramento dhe muzikë në Universitetin Fisk në Tenesi.

The post Çfarë i ndodhi? Këngëtarja gjendet e vdekur në shtëpi appeared first on Albeu.com.